ပြည်ပကုန်သွယ်မှုသတင်းများ

             Volkswagen ကုမ္ပဏီနှင့် XPeng ကုမ္ပဏီတို့သည် တရုတ်နိုင်ငံလျှပ်စစ်အနုပညာ (CEA) အသုံးချမှုနယ်ပယ်ချဲ့ထွင်ခြင်းအတွက် လက်မှတ်ရေးထိုးခဲ့ကြောင်း သိရပါသည်။ ၂၀၂၇ ခုနှစ်မှ စတင်၍ Volkswagen သည် ၎င်း၏ လျှပ်စစ်ကားများတွင် CEA များကို စတင်မိတ်ဆက်မည်ဖြစ်ကြောင်းနှင့် combustion အင်ဂျင် နှင့် plug-in hybrid မော်ဒယ်များကို ထုတ်လုပ်တော့မည် ဖြစ်ကြောင်း သိရပါသည်။ ဗဟိုကွန်ပျူတာယူနစ်များနှင့်အတူ CEA သည် ပိုမိုကောင်းမွန်သော ဘေးကင်းမှုအတွက် အဆင့်မြင့်မောင်းနှင်မှု အကူအညီစနစ်များနှင့် AI နည်းစနစ်ပါရှိသော ယာဥ်မောင်းလက်ကိုင်များကိုထောက်ပံ့ပေးမည်ဖြစ်ကြောင်း သိရပါသည်။ အဆိုပါ CEA သည် လျှပ်စစ်ထိုင်းချုပ်မှုယူနစ်များ ပါဝင်မှုကို လျော့ချပေးမည်ဖြစ်ကြောင်း နှင့် စနစ်ရှုပ်ထွေးမှုများ ကိုပါ ဖြေလျော့ပေးနိုင်မည်ဖြစ်ကြောင်း သိရပါသည်။ အဆိုပါ XPeng ကုမ္ပဏီနှင့် ပူးပေါင်းဆောင်ရွက်ခြင်းသည် တရုတ်နိုင်ငံရှိ Volkswagen ကုမ္ပဏီအတွက် နောက်ထပ် မှတ်တိုင်တစ်ခုဖြစ်ပြီး နည်းဗျဟာမြောက်လုပ်ဆောင်မှုဖြစ်ကြောင်း သိရပါသည်။ ၂၀၃၀ ခုနှစ်တွင် Volkswagen ကုမ္ပဏီသည် ခန့်မှန်းခြေ လျှပ်စစ်ကားမော်ဒယ်အသစ် ၃၀ မျိုးထုတ်လုပ်ရန် စီစဥ်ထားကြောင်း သိရပါသည်။

Source: Xinhua 

DOCA (ရန်ကုန်)                                                                        

          ထိုင်ဝမ်အစိုးရမှ ထောက်ပံ့ပေးနေသော စက်မှုနည်းပညာသုတေသနဌာန (ITRI) သည် ၂၀၂၅ ခုနှစ်တွင် AI အသုံးချမှုအတွက် ကမ္ဘာလုံးဆိုင်ရာ ဝယ်လိုအားများလာမှုကြောင့် ၎င်း၏ semiconductor လုပ်ငန်း ထုတ်လုပ်မှုမျှော်မှန်းတန်ဖိုးကို ၂၂ ရာခိုင်နှုန်းတိုးမြင့်ခဲ့ကြောင်း သိရပါသည်။ ITRI က ပြည်တွင်း Semiconductor ထုတ်လုပ်သည့်လုပ်ငန်းများအနေဖြင့် ၂၀၂၅ ခုနှစ်တွင် NT ဒေါ်လာ ၆.၅ ထရီလီယံ (အမေရိကန်ဒေါ်လာ ၂၁၆.၆၇ ဘီလီယံ)ခန့် ထုတ်လုပ်နိုင် မည်ဖြစ်ကြောင်းနှင့် ယခင်နှစ်အစောပိုင်းကာလထက် ၂၂.၂ ရာခိုင်နှုန်းမြင့်တက်ခဲ့ကြောင်း ပြောကြားခဲ့ပါသည်။ ထို့အပြင် ၎င်းက ပြည်တွင်း Semiconductor ထုတ်လုပ်မှုစွမ်းဆောင်ရည် သည် IC ထုတ်လုပ်မှုထက် ပိုမိုကောင်းမွန်လျက်ရှိကြောင်း ပြောကြားခဲ့ပါသည်။ ကမ္ဘာ့အကြီးဆုံး ကန်ထရိုက် ချစ်ပ်ထုတ်လုပ်သည့်အဖွဲ့အစည်း Taiwan Semiconductor Manufacturing Co.(TSMC) ၏ ၂၀၂၅ ခုနှစ်အတွက် ၎င်း၏ ခန့်မှန်းရောင်းအားသည် ၂၄ ရာခိုင်နှုန်းမှ ၃၀ ရာခိုင်းနှုန်း သို့ မြင့်တက်လာခြင်းအပြီးတွင် ITRI ၏ ခန့်မှန်းချက်ထွက်ပေါ်လာခြင်းဖြစ်ကြောင်း သိရပါသည်။ Focus Taiwan ၏ အစီရင်ခံစာအရ TSMC သည် ကွန်ပျူတာစွမ်းအင်အတွက် လိုအပ်သော ကမ္ဘာ့စျေးကွက်ဝယ်လိုအားမြင့်နိုင်မှုကို ယူဆောင်ပေး နိုင်သည့် အဆင့်မြင့် ချစ်ပ်ဆက်များ ထုတ်လုပ်ရေးအတွက် လမ်းပြမှုများကို ထောက်ပံ့ပေးနေကြောင်း သိရပါသည်။ ITRI ၏ အဆိုအရ IC ထုတ်လုပ်ရေးကဏ္ဍမှ NT ‌ဒေါ်လာ ၄.၃၆ ထရီလီယံခန့်ထုတ်ပေးနေပြီး ယခင်နှစ်ခန့်မှန်း တန်ဖိုးနှင့် နှိုင်းယှဥ်လျှင် ၂၃.၁ ရာခိုင်နှုန်းခန့် မြင့်တက်လာကြောင်း သိရပါသည်။ IC ဒီဇိုင်း‌ရေးဆွဲ ခြင်း ကဏ္ဍသည် ယခုနှစ်တွင် ထုတ်လုပ်မှုတန်ဖိုး NTဒေါ်လာ ၁.၀၆ထရီလီယံအထိ ရောက်ရှိခဲ့ပြီး  ယခင်နှစ်ခန့်မှန်းတန်ဖိုးထက် ၁၀.၄ ရာခိုင်နှုန်း မြင့်တက်ခဲ့ပါသည်။ ဒုတိယသုံးလပတ်ကာလတွင် ထိုင်ဝမ် semiconductor ထုတ်လုပ်မှုမှ NTဒေါ်လာ ၁.၆ ထရီလီယံခန့်ရရှိခဲ့ပြီး ပထမသုံးလပတ် ကာလထက် ၇.၄ ရာခိုင်နှုန်း မြင့်တက်လျက်ရှိကြောင်း သိရပါသည်။ အဆိုပါ ITRI သည် ပြည်တွင်း semiconductor ထုတ်လုပ်မှုလုပ်ငန်းကို တတိယသုံးလပတ်ကာလတွင် NTဒေါ်လာ ၁.၆၈ ထရီလီယံ အထိရရှိရန် မျှော်မှန်းထားပြီး အစောပိုင်းသုံးလပတ်ကာလများထက် ၄.၈ ရာခိုင်နှုန်းမြင့် တက်နိုင်ရန် မျှော်မှန်းထားကြောင်းနှင့် IC ထုတ်လုပ်မှုကဏ္ဍကို NTဒေါ်လာ ၁.၁၅ သန်း ရရှိရန်နှင့် ယခင်ကာလများထက် ၇.၃ ရာခိုင်နှုန်း မြင့်တက်နိုင်ရန်မျှော်မှန်းထားကြောင်း သိရပါသည်။

Source: livemint.com

DOCA (ရန်ကုန်)                                                                 

           တရုတ်နိုင်ငံတောင်ပိုင်း ရှန်ကျန်းမြို့သည် ၂၀၂၅ ခုနှစ်၏ ပထမနှစ်လအတွင်း နိုင်ငံခြားကုန်သွယ်မှုမှာ ယွမ် ၂.၅၈ ထရီလီယံ (အမေရိကန်ဒေါ်လာ ၃၆၁.၇ ဘီလီယံခန့်) ရရှိခဲ့ပြီး တရုတ်ပြည်မကြီးရှိ မြို့များအနက် ပထမနေရာတွင် ရပ်တည်နေခဲ့ကြောင်း ရှန်ကျန်း အကောက်ခွန်ဌာနက သြဂုတ်လ ၁၉ရက်နေ့က ပြောကြားခဲ့ပါသည်။

          ဇူလိုင်လတွင် ရှန်ကျန်း၏ စုစုပေါင်းသွင်းကုန်နှင့် ပို့ကုန်ပမာဏသည် ယွမ် ၄၁၅.၉၄ ဘီလီယံ သို့ရောက်ရှိခဲ့ပြီး ယခင်နှစ်ကထက် ၆.၂ ရာခိုင်နှုန်း တိုးတက်လာခဲ့ပါသည်။ ပို့ကုန် စုစုပေါင်းမှာ ယွမ် ၂၅၅.၆၂ ဘီလီယံ ရှိပြီး ယခုနှစ်အတွက် လစဉ်ပို့ကုန် ၄.၇ ရာခိုင်နှုန်းဖြင့် အမြင့်ဆုံးစံချိန်သစ်ကို မှတ်တမ်းတင်ခဲ့ပါသည်။သွင်းကုန်များမှာ ၈.၈ ရာခိုင်နှုန်း တိုးတက်ခဲ့ပြီး ယွမ် ၁၆၀.၃၂ ဘီလီယံ ရရှိခဲ့ပါသည်။

          လျှပ်စစ်စက်မှုပို့ကုန်များသည် ပထမ ခုနှစ်လတွင် ၇၄.၇ရာခိုင်နှုန်း ရှိခဲ့ပြီး ယွမ် ၁.၁၇ ထရီလီယံ ရရှိခဲ့ပါသည်။မဟာဗျူဟာမြောက် ထွန်းသစ်စလုပ်ငန်းများသည် ခိုင်မာသောတိုးတက်မှု ရှိခဲ့ပြီး လစ်သီယမ် ယက်ထရီနှင့် လျှပ်စစ်ကားပို့ကုန်မှာ ၃၇.၉ ရာခိုင်နှုန်းနှင့် ၂၁.၇ ရာခိုင်နှုန်း အသီးသီး တိုးတက်ခဲ့ပါသည်။ ဆားကစ်တင်ပို့မှုမှာ ၄၀.၉ ရာခိုင်နှုန်း မြင့်တက်လာခဲ့ပါသည်။

          လျှပ်စစ်ပစ္စည်းများလိုအပ်ချက်မြင့်တက်လာမှုကြောင့် ရှန်ကျန်း၏ လျှပ်စစ်စက်မှုပစ္စည်း များ သွင်းကုန်သည် ၁၄.၇ ရာခိုင်နှုန်း တိုးတက်ခဲ့ပါသည်။

          ရှန်ကျန်း၏ ကုန်သွယ်မှုလုပ်ငန်းများသည် ပုဂ္ဂလိကလုပ်ငန်းများကြောင့် ယွမ် ၁.၈ ထရီယံ ရရှိခဲ့ပြီး ၆၉.၈ ရာခိုင်နှုန်း ရရှိခဲ့ကြောင်း သိရှိရပါသည်။

Source: Xinhua 

DOCA (ရန်ကုန်)                                                                                   

         လယ်ယာထွက်ကုန်နှင့် ရေနံထွက်ကုန်များ ဈေးနှုန်းမြင့်တက်မှုကြောင့် တောင်ကိုရီးယား ပေးသွင်းသူများကြားတွင် ကုန်စည်နှင့် ဝန်ဆောင်မှုများ နှစ်လဆက်တိုက်မြင့် တက်ခဲ့ကြောင်း သြဂုတ်လ ၂၁ ရက်နေ့တွင် ရရှိသော ဗဟိုဘဏ် အချက်အလက်များအရ သိရပါသည်။

          ထုတ်လုပ်မှုပေါက်ဈေးအညွှန်းကိန်း (PPI) သည် ကုန်ခဲ့သည့်လက ၀.၁ ရာခိုင်နှုန်း တိုးတက်ခဲ့ပြီးနောက် ဇူလိုင်လတွင် ၀.၄  ရာခိုင်နှုန်း တိုးတက်ခဲ့သည်ဟု ကိုရီးယားဘဏ် (BOK) က ပြောကြားခဲ့ပါသည်။

         စိုက်ပျိုးရေး၊ မွေးမြူရေးနှင့် ငါးလုပ်ငန်း ထွက်ကုန်များ၏ ကုန်ပစ္စည်းပေးသွင်းသူများ အကြား ဈေးနှုန်းသည် ဇူလိုင်လတွင်၅.၆ ရာခိုင်နှုန်း မြင့်တက်ခဲ့ပါသည်။စိုက်ပျိုးရေး ထွက်ကုန်ဈေးနှုန်းများ မြင့်တက်မှုကြောင့် ဇွန်လတွင် ၀.၆ ရာခိုင်နှုန်း မြင့်တက်ခဲ့သည်ထက် ပိုမိုမြန်ဆန်ခဲ့ခြင်း ဖြစ်ပါသည်။

          ရေနံထွက်ကုန်ပစ္စည်းများ အပါအဝင် စက်မှုထုတ်ကုန်ပစ္စည်းများသည် ဇူလိုင်လတွင် လစဉ်အခြေပြု၍ ၀.၂ ရာခိုင်နှုန်း တိုးတက်ခဲ့ပါသည်။

        ကျောက်မီးသွေးနှင့် ရေနံထွက်ကုန်များ၏ ဈေးနှုန်းသည် ဇူလိုင်လတွင် ၂.၂ ရာခိုင်နှုန်း မြင့်တက်ခဲ့ပြီး ယခင်လက ၁.၄ ရာခိုင်နှုန်း မြင့်တက်ခဲ့ပြီးနောက် မြင့်တက်လာခဲ့ခြင်း ဖြစ်ပါသည်။ လျှပ်စစ်ပစ္စည်းများသည် ဂဏန်းတစ်လုံးသာ မြင့်တက်ခဲ့ပါသည်။

          လျှပ်စစ်၊သဘာဝဓာတ်ငွေ့နှင့် ရေ ဈေးနှုန်းသည် ဇူလိုင်လတွင် ယခင်လကထက် ၁.၁ ရာခိုင်နှုန်း သုံးလဆက်တိုက် ကျဆင်းလျက်ရှိပါသည်။

         ဝန်ဆောင်မှုဈေးနှုန်းသည် သယ်ယူပို့ဆောင်ရေး၊ စာသောက်ဆိုင်နှင့် တည်းခိုခန်းများ၊ ဘဏ္ဍာရေးနှင့် အာမခံဝန်ဆောင်မှုများအတွက် ကုန်ကျစရိတ်မြင့်မာခြင်းကြောင့် ၀.၄ ရာခိုင်နှုန်း မြင့်တက်ခဲ့ပါသည်။

Source: Xinhua

DOCA (ရန်ကုန်)                                                                                    

          ယူကရိန်းနိုင်ငံ၏ စပါးနှင့် ဆီထွက်သီးနှံရိတ်သိမ်းမှုသည် ၂၀၂၅-၂၀၂၆ စျေးကွက်နှစ်တွင် တန်ချိန် ၇၃.၄ သန်းခန့်အထိ ၅ ရာခိုင်နှုန်းကျဆင်းမည်ဟု Ukrainian Agribusiness Club (UCAB) ၏ ခန့်မှန်းချက်အရသိရသည်။ UCAB မှ သြဂုတ်လ ၂၀ ရက်နေ့တွင်ထုတ်ပြန်သော ခန့်မှန်းချက်တစ်ခုအရ စပါးအထွက်နှုန်းမှာ တန်ချိန် ၅၄.၆ သန်းမှ ၃ ရာခိုင်နှုန်းကျဆင်း ဖွယ်ရှိပြီး ဆီထွက်သီးနှံအထွက်နှုန်း ၁၁ ရာခိုင်နှုန်းမှ တန်ချိန် ၁၈.၈ သန်းသို့ ကျဆင်းမည်ဖြစ် ကြောင်းသိရသည်။ အထူးသဖြင့် လယ်သမားများသည် စပါးတန်ချိန် ၂၆.၇ သန်း၊ ဂျုံတန်ချိန် ၂၁ သန်းနှင့် နေကြာစေ့တန်ချိန် ၁၀.၁ သန်းရိတ်သိမ်းနိုင်မည်ဟု မျှော်လင့်ထားကြသည်။ ယူကရိန်း ဆန်စပါးအသင်း၏ အဆိုအရ ဇွန်လ ၃၀ ရက်နေ့က ကုန်ဆုံးခဲ့သည် ၂၀၂၄-၂၀၂၅ စျေးကွက်ရှာဖွေရေးနှစ်တွင် ယူကရိန်းစပါးနှင့် ဆီထွက်သီးနှံတင်ပို့မှု စုစုပေါင်းတန်ချိန် ၄၆.၇ သန်း ရှိပြီးယခင်ရာသီကတန်ချိန် ၅၇.၅ သန်းထက်ကျဆင်းသွားခဲ့ကြောင်း သိရသည်။

Source: Xinhua 

DOCA (ရန်ကုန်)