ပြည်တွင်းကုန်သွယ်မှုသတင်း

       ဆိပ်ဖြူမြို့ ကြက်သွန်နီ အရောင်းအဝယ်ဖြစ်လျက်ရှိသော ကုန်စည်ဒိုင်သို့ စက်တင်ဘာလ (စတုတ္ထ)ပတ်အတွင်း ကြက်သွန်နီပင်စိုက်အသစ်များ ဆိပ်ဖြူမြို့နယ်ဒေသတွင်း နေရာအနှံ့အပြားမှ နေ့စဉ်ဝင်ရောက်လျက်ရှိပါသည်။ တစ်ရက်လျှင်ပျမ်းမျှ ကြက်သွန်နီ ကုန်ချိန်ပိဿာ(၂)သောင်းခန့် (၁)ပတ် အတွင်း စုစုပေါင်းပိဿာ(၁)သိန်းခွဲခန့် ကုန်စည်ဒိုင်သို့ ဝင်ရောက်လျက်ရှိပြီး  မြို့ပေါ်ရှိ ကြက်သွန် ကုန်သည် သိုလှောင်ရုံများတွင် ကြက်သွန်နီပိဿာ ပျမ်းမျှ(၁)ပတ်အတွင်း ကုန်ချိန် (၃)သိန်းခွဲခန့် ဝင်ရောက် အရောင်းအဝယ်ဖြစ်ကြောင်း၊ စက်တင်ဘာလ(၂၂)ရက် မှ (၃၀)ရက်ထိ ကုန်စည်ဒိုင်နှင့် သိုလှောင်ရုံများ အရောင်းအဝယ်ဖြစ်မှု စုစုပေါင်းမှာ ကြက်သွန်နီ ပိဿာ(၅) သိန်းခန့်ရှိကြောင်း မြို့ပေါ်ရှိ ကုန်စည်ဒိုင်အသင်းဝင် ကုန်သည်ပွဲစား(၁)ဦးထံမှ သိရှိရသည်။

      ဈေးနှုန်းဈေးကွက်အနေဖြင့် စက်တင်ဘာလ(စတုတ္ထ)ပတ်အတွင်း ကြက်သွန်နီ(၁)ပိဿာ ထိပ်စ အမြင့်ဆုံးဈေးနှုန်းမှာ (၂၈၀၀)ကျပ် မှ (၂၅၇၅)ကျပ်ထိ ဈေးနှုန်းဖြစ်ခဲ့ပြီး အနိမ့်စ အမြင့်ဆုံး ဈေးနှုန်းမှာ (၂၃၅၀)ကျပ် မှ (၂၀၅၀)ကျပ်ထိ ဈေးနှုန်းများဖြင့် အရောင်းအဝယ်ဖြစ်ခဲ့ကြောင်း၊ သီးနှံ အရည်အသွေးများ မတူညီခြင်းကြောင့် ဈေးနှုန်းများကွာခြားကြောင်း၊ ယခင်(၁)ပတ် ကြက်သွန်နီ အမြင့်ဆုံး ဈေးနှုန်းမှာ (၃၁၀၀)ကျပ် ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခု(၁)ပတ် အမြင့်ဆုံး ဈေးမှာ (၂၈၀၀)ကျပ် ဈေးနှုန်းဖြင့် အရောင်းအဝယ်ဖြစ်၍ ယခင်(၁)ပတ်ထက် (၃၀၀)ကျပ်ခန့် ဈေးနှုန်းကျဆင်းသွားကြောင်း၊ အနိမ့်စ အမြင့်ဆုံးဈေးနှုန်းမှာ ယခင်(၁)ပတ်က (၂၇၅၀)ကျပ်၊ ယခု (၁)ပတ် (၂၃၅၀)ကျပ် ဈေးနှုန်းဖြစ်၍ ယခင်(၁)ပတ်ထက် (၄၀၀)ကျပ်ခန့် ဈေးနှုန်း ကျဆင်းသွား ကြောင်း၊ ရန်ကုန်ဘုရင့်နောင်ပွဲရုံနှင့်မြဝတီမြို့သို့ ကုန်ချိန် အများဆုံး တင်ပို့လျက်ရှိကြောင်း၊ စက်တင်ဘာလ(ဒုတိယ)(၂)ပတ်အတွင်းတွင် ကြက်သွန်နီဈေးနှုန်းများ တဖြည်းဖြည်းကျဆင်းလာ လျက်ရှိကြောင်း၊ ပြည်တွင်းကြက်သွန်နီ ကုန်ချိန်လက်ကျန် နည်းနေချိန်တွင် ဈေးနှုန်းဆက်လက်မြင့် တက်မည်ဟု ကြက်သွန်စိုက်ပျိုးထုတ်လုပ်ရောင်းဝယ်သော လုပ်ငန်းရှင်များမှ မျှော်မှန်းထားသော်လည်း ဈေးနှုန်းမှာ မြင့်တက်ခြင်းမရှိဘဲ တဖြည်းဖြည်း ကျဆင်းသွားကြောင်း၊ ဈေးနှုန်းကျဆင်းသွားရခြင်း မှာ(ပြည်ပ)တရုတ်နိုင်ငံမှ ကြက်သွန်နီများ ပြည်တွင်းသို့ ဝင်ရောက်အရောင်းအဝယ်ဖြစ်လျက်ရှိခြင်းကြောင့် ကြက်သွန်နီဈေးနှုန်းကျဆင်းသွားကြောင်း၊ ကုန်စည်ဒိုင်အသင်းဝင်ကုန်သည်ပွဲစားတစ်ဦးထံမှ သိရှိရသည်။

     ဆိပ်ဖြူမြို့တွင် ကြက်သွန်နီအသစ်(၁)ပိဿာလျှင် လက်လီဈေးနှုန်းအနေဖြင့် ထိပ်စ(ရှယ်) ကျပ်(၃၁၀၀/၃၀၀၀)၊ လတ်(ကြီး) ကျပ်(၂၉၀၀/၂၈၀၀)၊ လတ်(သေး) ကျပ်(၂၇၀၀/၂၆၀၀)၊ ဈေးနှုန်း များဖြင့် အရောင်းအဝယ်ဖြစ်လျက်ရှိကြောင်း၊ ကုန်စည်စီးဆင်းမှုအနေဖြင့် စက်တင်ဘာလ(စတုတ္ထ)ပတ် အတွင်း ဆိပ်ဖြူမြို့မှ ရန်ကုန်ဘုရင့်နောင်ပွဲရုံ၊ ပြည်မြို့၊ ဧရာဝတီတိုင်းဒေသကြီး ပုသိမ်မြို့၊ မော်လမြိုင်မြို့၊  မြဝတီမြို့များသို့  (၆/၁၂/၂၄)ဘီး မော်တော်ယာဉ်များဖြင့် ကြက်သွန်နီ ပျှမ်းမျှ(၅)သိန်း၊ တန်ချိန်(၃)သောင်းခန့်  ကုန်စည်စီးဆင်းခဲ့ကြောင်း ကုန်စည်ဒိုင်ဈေးကွက်မှ သိရှိရပါသည်။

DOCA(မကွေး)

        ၂၀၂၂ ခုနှစ်၊ စက်တင်ဘာလ၊ တတိယပတ်အတွင်း ကလေးခရိုင်ဦးစီးမှူးရုံး နယ်မြေ အတွင်းရှိ ကလေးမြို့နယ်နှင့် ဖောင်းပြင်မြို့များတွင် ဆန်စက်လုပ်ငန်းရှင်များနှင့် တွေ့ဆုံဆွေးနွေး ခဲ့ကြောင်း သိရှိရပါသည်။

       ကလေးမြို့၊ မြို့သာရပ်ကွက်ရှိ ဆန်စက်အသင်း ဥက္ကဌ ဦးဆွေဝင်း “ ရွှေတော်ဝင်” ဆန်စက်သို့ သွားရောက်တွေ့ဆုံမေးမြန်းရာတွင် ယခုလအတွင်း၌ စပါးကြိတ်ခွဲရမှုအခြေအနေများ၊ ဆန်ရောင်းချရမှုအခြေအနေများ၊ လုပ်ငန်းဆောင်ရွက်နေမှု အခြေအနေများကို ကလေးမြို့နယ် တာဝန်ခံ ဒေါ်စန္ဒာမွန်မှဦးဆောင်၍ သွားရောက်တွေ့ဆုံမေးမြန်းခဲ့ပါသည်။

   တွေ့ဆုံမေးမြန်းရာတွင် မိမိတို့အနေဖြင့် ယခုလအတွင်း ဆန်များကို အခြားဒေသများသို့ တင်ပို့ရောင်းချရမှုမရှိဘဲ မြို့နယ်တွင်း စားဆန်အဖြစ်သာ ရောင်းချရလျက်ရှိပါကြောင်းနှင့် စပါးဈေး၊ ဆန်ဈေးများအ​နေဖြင့် ဈေးနှုန်းမြှင့်တက်မှုမရှိဘဲ ဧည့်မထစပါး တစ်တင်းလျှင် ( ၁၀၅၀၀ ) ကျပ်၊ ငစိန်စပါး တစ်တင်းလျှင် ( ၉၅၀၀ ) ကျပ်၊ ဧရာမင်းစပါး တစ်တင်းလျှင် ( ၁၃၅၀၀ ) ကျပ်၊ ဧည့်မထဆန် ( ၂၄ ) ပြည် တစ်အိတ်လျှင် ( ၄၄၀၀၀ ) ကျပ်၊ ငစိန်ဆန် ( ၂၄ ) ပြည် တစ်အိတ်လျှင် ( ၄၀၀၀၀ ) ကျပ်၊ ဧရာမင်းဆန် ( ၂၄ ) ပြည် တစ်အိတ်လျှင် ( ၅၅၀၀၀ ) ကျပ် ဈေးနှုန်းတည်ငြိမ်လျက်ရှိကြောင်း သိရှိရပါသည်။        

    ဖောင်းပြင်မြို့နယ်တာဝန်ခံမှ ဖောင်းပြင်မြို့နယ်၊ ရောင်းဟီးကျေးရွာရှိ ဆန်ကုန်သည် ဦးအောင်သိန်းနှင့် သွားရောက်တွေ့ဆုံမေးမြန်းရာတွင် မိမိတို့အနေဖြင့် လက်ရှိလုပ်ကိုင်ဆောင်ရွက် နေမှုအခြေအနေများမှာ စပါးများသိုလှောင်ခြင်း၊ ဆန်ထုတ်လုပ်ခြင်း၊ ရောင်းချဖြန့်ဖြူးခြင်း လုပ်ငန်းများကို ပုံမှန်ဆောင်ရွက်လျက်ရှိပါကြောင်း၊ ဈေးကွက်အနေဖြင့် အထက်ခန္တီး၊ ဟုမ္မလင်း၊ ဟောင်ပါး၊ ဆယ်ဇင်းနှင့် ရွှေမှော်များသို့ တင်ပို့ခြင်း ကုန်စည်စီးဆင်းမှုများမှာလဲ ပုံမှန်သာ စီးထွက်လျက်ရှိပါကြောင်း ဆန်ကုန်သည် ဦးအောင်သိန်းမှ ဆွေးနွေးပြောကြားခဲ့ပါသည်။

    ဟုမ္မလင်းမြို့နယ်တွင်း ဖြစ်ပေါ်နေသည့် ဆန်ဈေးနှုန်းများအနေဖြင့် ပေါ်ဆန်းမွှေး ဆန် ( ၂၄ ) ပြည် တစ်အိတ်လျှင် ( ၁၀၂၀၀၀ ) ကျပ်၊ လုံးသွယ်မွေးဆန်း ( ၂၄ ) ပြည်တစ်အိတ်လျှင် ( ၈၅၀၀၀ ) ကျပ်၊ ဧရာမင်းဆန် ( ၂၄ ) ပြည် တစ်အိတ်လျှင် ( ၈၇၀၀၀ ) ကျပ်၊ မန်းဧရာ ( ၂၄ ) ပြည် တစ်အိတ်လျှင် ( ၆၂၀၀၀ ) ကျပ်၊ ရွှေသွယ် တစ်အိတ်လျှင် ( ၅၈၀၀၀ ) ကျပ် ပေါက်ဈေးနှုန်းများဖြင့် ဈေးကွက်အတွင်း ရောင်းဝယ်လျက်ရှိကြောင်း လေ့လာသိရှိရပါသည်။

DOCA(စစ်ကိုင်း)

 ‌            အောင်လံကုန်စည်ဒိုင်တွင် နှမ်းဈေးကွက်အနေဖြင့် ယခင်အပတ်(၂၂.၉.၂၀၂၂)နှင့် ယခုအပတ် (၂၈.၉.၂၀၂၂)ရက်နေ့အတွင်း နှမ်းဖြူ (၄၅)ပိဿာတစ်အိတ်လျှင် ယခင်အပတ် (၂၉၀၀၀ဝိ/-) ယခုအပတ်(၂၇၀၀၀ဝိ/-)ဖြစ်၍ (၂၀၀၀ဝိ/-)ဈေးလျော့၊ နှမ်းနီ ယခင်အပတ် (၂၆၀၀၀ဝိ/-)ယခုအပတ် (၂၅၀၀၀ဝိ/-)ဖြစ်၍ (၁၀၀၀ဝိ/-)ဈေးလျော့၊ နှမ်းနက်(စမုံ) ယခင်အပတ် (၃၁၅၀၀ဝိ/-)ယခုအပတ် (၃၀၅၀၀ဝိ/-)ဖြစ်၍ (၁၀၀၀ဝိ/-)ဈေးလျော့၊ နှမ်းပြာယခင်အပတ်(၂၆၀၀၀ဝိ/-) ယခုအပတ် (၂၅၅၀၀ဝိ/-)ဖြစ်၍ (၅၀၀ဝိ /-)  အသီးသီးဈေးနှုန်းများလျော့ကျခဲ့ကြောင်း သိရှိရပါသည်။

            ပဲမျိုးစုံစျေးကွက်တွင် ကုလားပဲ(HL) (၂၀)ပိဿာတစ်တင်းလျှင် ယခင်အပတ်(၆၅၀၀ဝိ/-) ယခုအပတ် (၆၁၀၀ဝိ/-)ဖြစ်၍ (၄၀၀ဝိ/-)ဈေးလျော့၊ ၊ကုလားပဲ(မြကြေး) ယခင်အပတ်(၆၄၀၀ဝိ/-) ယခုအပတ် (၆၁၀၀ဝိ/-)ဖြစ်၍ (၃၀၀ဝိ/-)ဈေးလျော့၊  ပဲစဉ်းငုံနီ ယခင်အပတ်(၆၆၇၀ဝိ/-) ယခု အပတ်(၆၆၅၀ဝိ/-) ဖြစ်၍ (၂၀ဝိ/-) ဈေးလျော့ခဲ့ပြီး၊ ပဲကြီး ယခင်အပတ်(၈၀၀၀ဝိ/-) ယခုအပတ် (၈၀၀၀ဝိ/-) ဖြစ်၍ ဈေးနှုန်းပြောင်းလဲမှုမရှိဘဲ မတ်ပဲ ယခင်အပတ်(၆၃၀၀ဝိ/-) ယခုအပတ် (၆၄၀၀ဝိ/-) ဖြစ်၍ (၁၀၀ဝိ/-) ဈေးမြင့်ခဲ့ပြီး၊ မြေပဲလုံးဆံ(ဖြူ) တစ်ပိဿာလျှင် ယခင်အပတ် (၅၈၀ဝိ/-) ယခုအပတ် (၅၅၀ဝိ/-) ဖြစ်၍ (၃၀ဝိ/-)ဈေးလျော့၊ မြေပဲလုံးဆံ(နီ) ယခင်အပတ်(၅၉၀ဝိ/-) ယခုအပတ် (၅၆၀ဝိ/-) ဖြစ်၍ (၃၀ဝိ/-) ဈေးလျော့၊ မြေပဲတောင့်(စို)တစ်တင်း ယခင်အပတ် (၂၂၀၀ဝိ/-) ယခုအပတ် (၂၀၀၀ဝိ/-) ဖြစ်၍ (၂၀၀ဝိ/-) အသီးသီးဈေးနှုန်းများလျော့ပြီး  အရောင်းအ ဝယ်ပမာဏအနေဖြင့် နှမ်းနက် (စမုံ) (၅၅၀၀)အိတ်၊ နှမ်းပြာ(၃၈၀)အိတ်၊ နှမ်းဖြူ(၉၀)အိတ်၊ နှမ်းနီ (၁၇၀)အိတ်၊ ပဲစဉ်းငုံနီ(၁၂၀၀)အိတ်၊ မတ်ပဲ(၁၁၀)အိတ်၊ ကုလားပဲ(HL) (၄၃၀)အိတ်၊ ကုလားပဲ (မြကြေး) (၃၀၀)အိတ်၊ ပဲကြီး(၇၀၀)အိတ်၊ မြေပဲလုံးဆံ (ဖြူ)(၉၅၀)အိတ်၊ မြေပဲလုံးဆံ(နီ) (၃၈၀) အိတ် နှင့်မြေပဲတောင့်(အစို)(၅၀၀၀)တင်းတို့ အရောင်းအဝယ်ဖြစ်ခဲ့ကြောင်း သိရှိရပါသည်။

DOCA(မကွေး)

           ယခုလို မိုးရာသီကာလတွင် ငှက်စွပ်မှိုများကို ပွင့်ဖြူမြို့နယ်ဒေသရှိ ရေပုဒ်ကလေးကျေးရွာ၊ ဆည်တော်ကျေးရွာ၊ ကျောင်းကုန်းကြီး ကျေးရွာများတွင် ပေါက်ရောက်လျက်ရှိကြောင်းသိရှိရပါသည်။ ငှက်စွပ်မှိုများသည် ဝါခေါင်လပြည့်ကျော်မှ သီတင်းကျွတ်လအထိ ပေါက်ရောက်ပါသည်။ ငှက်စွပ်မှို များသည် ဥယျာဉ်ခြံများအတွင်းရှိ မြေဆွေးများတွင် ပေါက်ရောက်ပြီး ကျေးလက်ဟင်းတစ်ခွက်အဖြစ် အလွန်အရသာရှိ၍ ထမင်းမြိန်စေကြောင်း ဟင်းချိုအဖြစ်လည်းကောင်း မှိုကန်စွန်းအဖြစ်လည်းကောင်း စားသုံးကြပြီး၊ မှိုများကိုအခြောက်လှန်းခြင်း၊ မှိုချဉ်ထည့်စားသုံးခြင်း အမျိုးမျိုးပြုလုပ်၍ ရောင်းဝယ် ဖောက်ကား စားသုံးလျက်ရှိကြပါသည်။  

          ပွင့်ဖြူမြို့နယ်ပတ်ဝန်ကျင်ကျေးရွာများမှ ပေါက်ရောက်သောငှက်စွပ်မှိုများကို ပွင့်ဖြူစည်ပင် သာယာဈေးနှင့် လယ်ကိုင်း၊ စကု၊ မင်းဘူးမြို့မဈေးများအထိ မိုးရာသီ ရာသီစာဟင်းအဖြစ် လာရောက်ရောင်းချလျက်ရှိရာ ပေါ်ဦးပေါ်စတွင် ငှက်စွပ်မှိုကို တစ်ဆယ်ကျပ်သားကို (၁၈၀၀-၂၀၀၀)ကျပ်ခန့် ရောင်းချရပါကြောင်း ယခုအချိန်တွင် ငှက်စွပ်မှိုများ လှိုင်လှိုင်ပေါ်လာသည့်အခါ တစ်ဆယ်ကျပ်သားလျှင် (၁၀၀၀)ကျပ် ခန့်ရှိကြောင်း နှစ်ဆယ့်ငါးကျပ်သားလျှင် (၂၀၀၀)ကျပ်ခန့် ရောင်းချကြောင်း မှိုရောင်းချသူတစ်ဦးထံမှ သိရှိရပါသည်။

DOCA(မကွေး)

          စစ်ကိုင်းတိုင်းဒေသကြီးအတွင်း ယခင်အပတ်တွင် ဓာတ်မြေသြဇာအမျိုးအစားများဖြစ်သည့် ယူရီးယား(ပန်းဖူး(တရုတ်))တစ်အိတ် (၉၇၀၀၀)ကျပ်၊ တီစူပါ၄၆% (သံကွင်း(တရုတ်))တစ်အိတ် (၉၀၀၀၀)ကျပ်၊ ကျွဲနက်၁၅း၁၅း၁၅ တစ်အိတ် (၁၆၈၀၀၀)ကျပ်၊ နိုက်ထိုဖောစကာ (သြဘာ) တစ်အိတ် (၁၈၂၀၀၀)၊ ပန်းဖူး(မြန်မာ့သြဘာ) တစ်အိတ် (၁၈၀၀၀၀)ကျပ်၊ MC(ကွန်ပေါင်း) တစ်အိတ် (၁၄၅၀၀၀)ကျပ်၊ ဇာမဏီ(ကွန်ပေါင်း) တစ်အိတ် (၇၈၀၀၀)ကျပ်ဖြင့်အရောင်း အဝယ်ရှိခဲ့ ပြီး၊ ပိုးသတ် ဆေးအမျိုးအစားများဖြစ်သည့် ဆိုင်ကလုံး (မြန်မာ့သြဘာ) တစ်ဗူး (၅၅၀၀)ကျပ် ၊ တင်းရှန့် (Aventine) တစ်ဗူး (၅၅၀၀)ကျပ် ၊ မိုရယ်မုန် (သြဘာ) တစ်ဗူး (၂၂၅၀၀)ကျပ်၊ အစီဖိတ်(သြဘာ) တစ်ဗူး (၂၀၀၀၀)၊ ရွှေတောနစ် (မြင်းကြား) တစ်ဗူး (၁၄၀၀၀) ကျပ်၊ ဖို့စတင်း (သြဘာ) တစ်ဗူး (၂၁၀၀၀) ကျပ်ဖြင့်အရောင်းအဝယ် ဖြစ်ခဲ့ကြောင်း   သိရှိရသည်။

          ယခုအပတ်တွင် ဓာတ်မြေသြဇာအမျိုးအစားများဖြစ်သည့် ယူရီးယား(ပန်းဖူး(တရုတ်)) တစ်အိတ် (၁၀၁၀၀၀)ကျပ်၊ တီစူပါ၄၆% (သံကွင်း(တရုတ်))တစ်အိတ် (၉၀၀၀၀)ကျပ်၊ ကျွဲနက် ၁၅း၁၅း၁၅ တစ်အိတ် (၁၆၅၀၀၀)ကျပ်၊ နိုက်ထိုဖောစကာ (သြဘာ) တစ်အိတ်(၁၈၀၀၀၀)၊ ပန်းဖူး (မြန်မာ့သြဘာ) တစ်အိတ် (၁၄၀၀၀၀)ကျပ်၊ MC(ကွန်ပေါင်း) တစ်အိတ်(၁၄၀၀၀၀)ကျပ်၊ ဇာမဏီ( ကွန်ပေါင်း) တစ်အိတ် (၇၈၀၀၀)ကျပ် ဖြင့်အရောင်းအဝယ် ရှိခဲ့ပြီး၊ ပိုးသတ်ဆေး အမျိုးအစားများဖြစ် သည့် ဆိုင်ကလုံး (မြန်မာ့သြဘာ) တစ်ဗူး (၆၀၀၀)ကျပ် ၊ တင်းရှန့် (Aventine) တစ်ဗူး (၅၈၀၀)ကျပ်၊ မိုရယ်မုန် (သြဘာ) တစ်ဗူး (၂၂၀၀၀)ကျပ်၊ အစီဖိတ်(သြဘာ) တစ်ဗူး(၂၀၀၀၀)ကျပ်၊ ရွှေတောနစ် (မြင်းကြား) တစ်ဗူး (၁၄၀၀၀) ကျပ်၊ ဖို့စတင်း(သြဘာ) တစ်ဗူး (၂၁၀၀၀) ကျပ်ဖြင့် အရောင်းအဝယ်ဖြစ်ခဲ့ကြောင်း သိရှိရသည်။

DOCA(စစ်ကိုင်း)