သတင်းနှင့် လှုပ်ရှားမှုများ
ရခိုင်ပြည်နယ်၊ စားသုံးသူရေးရာဦးစီးဌာန ၊မင်းပြားမြို့နယ်တာဝန်ခံ ဦးမောင်သန်းဝင်း (ဒု-ဦးစီးမှူး)သည် ၆-၆-၂၀၂၂နေ့ နံနက်( ၉:၀၀) နာရီအချိန်တွင် မင်းပြားမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဖွင့်လှစ်သည့် လျှပ်စစ်ဝါယာရိန်းသင်တန်းဖွင့်ပွဲတွင် သင်တန်းသား (၂၀)ဦးနှင့် တက်ရောက်လာသည့်ဌာနဆိုင်ရာဝန်ထမ်းများအား အသိပညာပေးဆွေးနွေးခဲ့ပါသည်။
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် မြို့နယ်ဦးစီးမှူးရုံးခန်းမတွင် ၆.၆.၂၀၂၂ ရက်နေ့ နံနက် (၁၀:၀၀)အချိန်တွင် ပြောင်းလုပ်ငန်းရှင်များနှင့် တွေ့ဆုံ၍ ပြောင်းတင်ပို့ရောင်းချမှု ဖွံဖြိုးတိုးတက်စေရန် ရည်ရွယ်၍ လုပ်ငန်းရှင်တွေ့ဆုံဆွေးနွေးမှု ပြုလုပ်ခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ မအူပင်မြို့နယ်တာဝန်ခံ ဦးအောင်ဇော်ဦးနှင့် ဝန်ထမ်းများသည် (၆.၆.၂၀၂၂) နေ့နံနက် (၁၀:၀၀) နာရီအချိန်တွင် မအူပင်မြို့နယ် ထနီးကျေးရွာအုပ်ချုပ်ရေးမှူးရုံးတွင် ငါးလုပ်ငန်းရှင်များနှင့်တွေ့ဆုံ၍ စားသုံးသူကာကွယ်ရေးဥပဒေအကြောင်း အသိပညာပေး ဟောပြောဆွေးနွေးခဲ့ပါသည်။
စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူပြည်သူများအား ကုန်စည်၊ ဝန်ဆောင်မှုနှင့်ပတ်သက်၍ ဘေးအန္တရာယ်ကင်းရှင်းစေရန်၊ လုံခြုံစိတ်ချရမှုရှိစေရန်အတွက် လုပ်ငန်းရှင်များအား မိမိတို့ထုတ်လုပ်သော ကုန်စည်များ၏ ကုန်အညွှန်း အမှတ်အသားနှင့်ပတ်သက်၍ ပြည့်စုံမှန်ကန်မှုရှိစေရေး အစဉ်တွန်းအားပေး ဆောင်ရွက်လျှက် ရှိပါသည်။
စစ်ကိုင်းတိုင်းဒေသကြီးအတွင်းရှိ ခရိုင်/မြို့နယ်များအနေဖြင့် စိုက်ပျိုးရေးနှင့်မွေးမြူရေးကို မြှင့်တင်ကာ စက်မှုလုပ်ငန်းများ၊ စက်မှုဇုန်များတည်ဆောက်၍ တန်ဖိုးမြှင့်ထုတ်ကုန်များ ထုတ်လုပ်ရောင်းချနိုင်ရေးအတွက် တိုင်းဒေသကြီး စိုက်ပျိုးရေးနှင့်မွေးမြူရေးကဏ္ဍ ထုတ်ကုန်များ တိုးမြှင့်ထုတ်လုပ်ရေး ညှိနှိုင်းအစည်းအဝေးကို ဇွန်လ ၃ ရက် နံနက် (၉:၀၀) နာရီတွင် တိုင်းဒေသကြီးအစိုးရအဖွဲ့ အစည်းအဝေးခန်းမ(၁)တွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ်နှင့် တိုင်းဒေသကြီးအစိုးရအဖ
