သတင်းနှင့် လှုပ်ရှားမှုများ
၈.၈.၂၀၂၂ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ကျိုက်မရောမြို့နယ် တာဝန်ခံသည် မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ ကျိုက်မရောမြို့နယ် ၊ ပြန်ကြားရေးနှင့်ပြည်သူ့ဆက်ဆံရေးရုံး၊ လူထုအခြေပြုဗဟိုဌာန (Community Center) ၌ “ဝန်ဆောင်မှုနှင့်ပတ်သက်၍ စားသုံးသူထိခိုက်နစ်နာမှုအပေါ် တိုင်ကြားနိုင်သည့်နည်းလမ်းများအကြောင်း” Talk Show ကို ပြုလုပ်ခဲ့ပါသည်။
၈.၈.၂၀၂၂ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ကျိုက်မရောမြို့နယ် တာဝန်ခံသည် ကျိုက်မရောမြို့နယ်၊ ရေတွင်းကုန်ကျေးရွာရှိ အခြေခံပညာအထက်တန်းခွဲ ကျောင်းကျန်းမာရေးကော်မတီနှင့် ပူးပေါင်း၍ ကျောင်းမုန့်ဈေးတန်းအား ဈေးကွက်စောင့်ကြည့် စစ်ဆေးခြင်း ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ တောင်ငူခရိုင်၊ တောင်ငူမြို့နယ်တာဝန်ခံ ဦးမြင့်သူသည် တောင်ငူမြို့နယ်၊ စားသုံးသူရေးရာဦးစီးဌာနမှ စားသုံး/ထုတ်လုံ တာဝန်ခံ ဦးမင်းဇော်နှင့်အတူ ဩဂုတ်လ ၈ ရက်နေ့ နေ့လယ်ပိုင်းက တောင်ငူမြို့ တောင်ကွေ့ဈေး အခြေခံပညာမူလတန်းလွန် ကျောင်းတွင် စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ပါသည်။
၈.၈.၂၀၂၂ ရက်နေ့တွင် စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံနှင့် ဝန်ထမ်းများသည် ဘီးလင်းမြို့နယ် ရေဖြူကန်ကျေးရွာရှိ အခြေခံပညာမူလတန်းကျောင်း၌ စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ပါသည်။
၉.၈.၂၀၂၂ ရက်နေ့တွင် စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံနှင့် ဝန်ထမ်းများ မိတ်ဖက်ဌာနများနှင့်ပူးပေါင်း၍ ဘီးလင်းမြို့နယ်၊ နှင်းပုလဲရပ်ကွက်ရှိ လမ်းဘေး ဝဲ/ယာ ဆိုင်များအား ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။
