သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန ၊ဒေးဒရဲမြို့နယ်စစ်ဆေးရေးအရာရှိဦးသိန်းမောင် သည် (၁၆.၅.၂၀၂၂)ရက်နေ့နေ့လည်(၀၂:၀၀)နာရီအချိန်တွင် မြို့မဈေးအတွင်းရှိ အလှကုန်အရောင်း ဆိုင်များတွင် Bella Plus Plaster ရောင်းချနေမှုရှိ/မရှိဈေးကွက်စောင့်ကြည့်ကြပ်မတ်ရေးအဖွဲ့ဖြင့် ကွင်းဆင်းစစ်ဆေးခဲ့ပါသည်။
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး လပွတ္တာခရိုင်၊ မော်လမြိုင်ကျွန်းမြို့နယ်စားသုံးသူရေးရာဦးစီးဌာနမှ ဦးဆောင်၍ ဈေးကွက်စောင့်ကြည့်စစ်ဆေးရေးအဖွဲ့ဖြင့် မြို့ပေါ်ရှိ မုန့်မျိုးစုံဆိုင်များတွင် ရောင်းချသောကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားခြင်း ရှိ/မရှိ မေလ(၁၈)ရက်နေ့၊နံနက်(၁၀:၀၀)အချိန်က ကွင်းဆင်းစစ်ဆေးခဲ့ကြောင်း သိရသည်။
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်ခရိုင်ဦးစီးမှူးရုံးမှ ဦးဝင်းမြင့် မြို့နယ်တာဝန်ခံသည် မေလ ၁၆ ရက်က ပုသိမ်မြို့၊ အောင်ချမ်းသာ(၁)လမ်းရှိ ငွေကျားအမှတ်တံဆိပ် ပဲဆီ၊ နှမ်း ဆီ၊ နေကြာဆီ ထုတ်လုပ်ရောင်းချသည့် ဆီစက်ပိုင်ရှင်အားတွေ့ဆုံပြီး စားသုံးဆီရောင်းချမှုနှင့် စပ်လျဉ်း၍ ညွှန်ကြားချက်အမှတ် (၁/၂၀၂၁)အား ရှင်းလင်းဆွေးနွေးခဲ့သည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော် မြို့နယ်တာဝန်ခံ မသင်းသင်းစိုးနှင့် ဝန်ထမ်းများသည် တိုင်းရင်းဆေးပညာဦးစီးဌာန ၊စည်ပင်သာယာရေးအဖွဲ့များနှင့် ပူးပေါင်း၍ (၁၉.၅.၂၀၂၂) နေ့ ပန်းတနော်မြို့ပေါ်ရှိ ဆေးနှင့် ဆေးပစ္စည်းအရောင်းဆိုင်များနှင့် စည်ပင်ဈေးအတွင်းရှိ ဆေးဆိုင်များသို့ ကွင်းဆင်းဆောင်ရွက်ခဲ့ပါသည်။
မွန်ပြည်နယ်၊ စားသုံးသူရေးရာဦးစီးဌာနမှ ဘီးလင်းမြို့နယ်တာဝန်ခံနှင့် ဝန်ထမ်းများသည် ဘီးလင်းမြို့ပေါ်ရှိ ဆေးဆိုင် (၉) ဆိုင်သို့ သွားရောက်၍ Bella Plus Plaster အား ဈေးကွက်အတွင်း ရောင်းချနေခြင်းရှိ/မရှိကို ၂၀၂၂ ခုနှစ်၊ မေလ (၁၇) ရက်နေ့တွင် ဈေးကွက်စောင့်ကြည့် စစ်ဆေးခဲ့ကြပါသည်။
