သတင်းနှင့် လှုပ်ရှားမှုများ
မွန်ပြည်နယ်၊ စားသုံးသူရေးရာဦးစီးဌာန ကျိုက်ထိုမြို့နယ် တာဝန်ခံနှင့် ဝန်ထမ်းများသည် ၂၀.၁၂.၂၀၂၃ ရက်နေ့တွင် မိတ်ဖက်ဌာနများနှင့် ပူးပေါင်း၍ ကျိုက်ထိုမြို့နယ်ရှိ ကုန်စုံဆိုင်များတွင် ရောင်းချနေသော အသင့်သောက်အချိုရည်များအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။
ပဲခူးတိုင်းဒေသကြီး ၊ ကဝမြို့နယ် ၊ အုန်းနှဲကျေးရွာ၌ ၁၃.၁၂.၂၀၂၃ ရက်နေ့၊ နံနက် (၉: ၀၀) မှ နေ့လယ် (၁၅: ၀၀) နာရီထိ ဥရောပသမဂ္ဂနိုင်ငံများသို့ ပဲပင်ပေါက်ဖောက်ရန်အတွက် မြန်မာပဲများ တင်ပို့ရာတွင် သတ်မှတ်အရည်အသွေးနှင့် ကိုက်ညီစေရန်အတွက် ကောင်းမွန်သော စိုက်ပျိုးရေးနည်း စနစ်များဖြင့် စိုက်ပျိုးနိုင်ရန် ပဲစိုက်တောင်သူများအား နည်းစနစ်ဆိုင်ရာသင်တန်း ဖွင့်လှစ်ခဲ့ကြောင်း သိရှိရပါသည်။
စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် မြန်အောင်မြို့နယ် ၊မြို့မတဲကြီး ကုန်းအုပ်စုရှိ အုပ်ချုပ်ရေးမှူးရုံး၌ ကျေးရွာနေပြည်သူ(၃၀)ဦးအား (၁၁.၁၂.၂၀၂၃)နေ့၊ နေ့လယ် (၁၄:၀၀)နာရီတွင် စားသုံးသူကာကွယ်ရေး အသိပညာပေးဟောပြောခြင်းများကို ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် (၁၂.၁၂.၂၀၂၃)ရက်နေ့ ၊နေ့လယ် (၁၅:၀၀)နာရီအချိန်တွင် မြန်အောင်မြို့နယ် ရိုက်စုလမ်း၊ အမှတ်(၅)ရပ်ကွက်ရှိ အုပ်ချုပ်ရေးမှူးရုံး၌ ဆီဆိုင်လုပ်ငန်းရှင်များအား စားသုံးသူကာကွယ်ရေး အသိပညာပေးဟောပြောခြင်းများကို ဆောင်ရွက်ခဲ့ပါသည်။
စားသုံးသူရေးရာဦးစီးဌာန ကြံခင်းမြို့နယ်၊ မြို့နယ်တာဝန်ခံသည် မိတ်ဘက်ဌာနဆိုင်ရာများနှင့် ပူးပေါင်း၍ ကြံခင်းမြို့နယ် ၊ရွာသစ်ရပ်ရှိ ကုန်မျိုးစုံဆိုင်များအား (၁၃.၁၂.၂၀၂၃)ရက်နေ့၊ နံနက် (၉:၀၀) နာရီအချိန်တွင် ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။
