ကုန်သွယ်မှုသတင်းများ
မကွေးတိုင်းဒေသကြီးသည် မြန်မာနိုင်ငံ၏ ဆီအိုးကြီးဟုတင်စားရလောက်အောင် ဆီထွက်သီးနှံ နှမ်းနှင့်မြေပဲတို့အား အဓိကစိုက်ပျိုးကြသော်လည်း စပါးကို ဆည်ရေရရှိသော တောင်တွင်း၊ မြို့သစ်နှင့် မြစ်အနောက်ဘက်ရှိ ပွင့်ဖြူနှင့် စလင်းမြို့များတွင်သာ အများအပြားစိုက်ပျိုးကြသည်။ ဆန်လိုတိုင်းဒေသကြီးဖြစ်၍ စပါးအဓိကစိုက်ပျိုးထွက်ရှိရာ အခြားတိုင်း/ပြည်နယ်များမှ တင်သွင်းရပါသည်။
မကွေးတိုင်းဒေသကြီးသည် ဆီထွက်သီးနှံဖြစ်သော မြေပဲ၊ နှမ်း၊ ကြက်သွန်နီနှင့် အခြားပဲမျိုးစုံကို အဓိကထားစိုက်ပျိုးပြီး အခြားတိုင်းဒေသကြီးနှင့်ပြည်နယ်များသို့ တင်ပို့ရောင်းချ လျက်ရှိသည်။
မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်နှင့် ပွင့်ဖြူမြို့နယ်တို့တွင် နှစ်စဉ် ငရုတ်သီးကို စီးပွားဖြစ်စိုက်ပျိုးကြပြီး မကွေးခရိုင်၊ နတ်မောက်မြို့နယ်၊ မြို့သစ်မြို့နယ်နှင့် တောင်တွင်းကြီးမြို့နယ်တွင်လည်းစိုက်ပျိုးကြကြောင်း၊ ငရုတ်စိုက်ပျိုးရာတွင် တစ်နှစ်လျှင် (မိုး၊ ဆောင်း)နှစ်ရာသီစိုက်ပျိုးကြပြီး မျိုးအနေဖြင့် ကျောက်စိမ်း၊ ၆၉၂နှင့် ပင်နံမျိုးများကို အများဆုံးစိုက်ပျိုးကြကြောင်းသိရသည်။
မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်အတွင်းရှိ လင်းလည်ကျေးရွာ၊ သဖန်းကုန်းကျေးရွာ၊ အောင်ချမ်းသာကျေးရွာနှင့် နင်းကြမ်းကျေးရွာများ၌ ၂၀၂၄ခုနှစ်၊ ဇူလိုင်လ (စတုတ္ထပတ်)တွင် မိုးစပါးများ စတင်စိုက်ပျိုးနေပြီဖြစ်ကြောင်းသိရသည်။
တရုတ်နိုင်ငံမှ ရင်းနှီးမြှုပ်နှံထားသည့် Siem Reap Angkor အပြည်ပြည်ဆိုင်ရာလေဆိပ် (SAI) သည် ခရီးသည်ပေါင်း ၁.၀၂ သန်းဖြင့် ပျံသန်းမှုပေါင်း ၁၀၉၇၁ ကြိမ် ပျံသန်းခဲ့ပြီး ၂၀၂၃ ခုနှစ်၊ နိုဝင်ဘာလမှ ၂၀၂၄ ခုနှစ်၊ ဇွန်လအထိ စီးပွားဖြစ်လည်ပတ်နိုင်ခဲ့ကြောင်း လေဆိပ်အော်ပရေတာက သောကြာနေ့တွင် ထုတ်ပြန်ခဲ့သည်။
