ကုန်သွယ်မှုသတင်းများ
စားသုံးသူများအနေဖြင့် ကုန်ကျစရိတ်ချွေတာရန်နှင့် တွက်ခြေကိုက်စေရန်အတွက် တန်းဖိုးသင့်သည့်ရေငန်ငါးများကို ရွေးချယ်စားသုံးလာကြကြောင်းသိရသည်။ ဘားအံမြို့၊ ရေပေါ်ဈေးတွင် ရောင်းချလျက်ရှိသောရေငန်ငါးဈေးနှုန်းများမှာ ပလာတူး ၁ပိဿာလျှင် ၆၀၀၀ကျပ်၊ ရွှေငါး ၁ပိဿာလျှင် ၇၀၀၀ကျပ်၊ ငါးဝိုင်း ၁ပိဿာလျှင် ၆၀၀၀ကျပ်၊ ငါးမုတ်ဖြူသေး ၁ပိဿာလျှင် ၆၀၀၀ကျပ်၊ ငါးသလောက်ယောက်ဖ ၁ပိဿာလျှင် ၇၀၀၀ကျပ်ဖြစ်ကြောင်းသိရသည်။
အခြေခံစားသောက်ကုန်ဈေးနှုန်းများ အစစအရာရာဈေးနှုနန်းမြင့်တက်လာခြင်းနှင့်အတူ အသားငါးဈေးနှုန်းများမှာလည်း ဈေးနှုန်းမြင့်တက်လျက်ရှိပြီး အသားငါးဈေးနှုန်းများအနက် မွေးမြူရေးသား/ ငါးများထက် ဒေသထွက်ရေချိုငါးများမှာ ဈေးကောင်းလျက်ရှိသည်။
ကရင်ပြည်နယ်၊ ကြာအင်းဆိပ်ကြီးမှ ထွက်ရှိသော သံပုရာသီး၊ ရှောက်သီးများသည် ဘားအံမြို့သို့ ဝင်ရောက်လျက်ရှိပြီး အရောင်းအဝယ်ဖြစ်လျက်ရှိကြောင်း သိရသည်၊၊
ကြာအင်းဆိပ်ကြီးမြို့နယ်မှထွက်ရှိသည့် သံပုရာသီးများမှာ အကြီးအသေးပေါ် မူတည်၍ ၅ လုံး ၁ထောင်၊ ၁၀ လုံး ၁ ထောင်ဖြင့် ဘားအံမြို့၊ ရေပေါ်ဈေးတွင် လက်လီလက်ကားရောင်းချလျက်ရှိကြောင်းနှင့် ရှောက်သီး တစ်လုံးလျှင် ကျပ်၂၅၀ မှ ၃၀၀ ထိရောင်းချရကြောင်း သိရသည်။
အခြေခံစားသောက်ကုန်များ ဈေးမြင့်တက်လာခြင်းနှင့်အတူ စားသုံးသူများအနေဖြင့်ဈေးနှုန်း သင့်တင့်သော ကုန်စည်များကို ရွေးချယ်ဝယ်ယူစားသုံးလာသကဲ့သို့ ရောင်းချသူများအနေဖြင့်လည်း မိမိတို့၏ ကုန်စည်များကို နည်းလမ်းများရှာကြံ၍ ပုံစံအမျိုမျိုးဖြင့် ရောင်းချလာကြသည်။
မိုးရာသီတွင် ပန်းဝင်ရောက်မှုနည်းလာ၍ ပန်းဈေးများအနည်းငယ်မြင့်တက်လာသော်လည်း တောင်ကြီး ဂန္ဓာမာပန်းများမှာ ဈေးကွက်အတွင်း ဝယ်သူကြိုက်၍ အရောင်းသွက်လျက်ရှိကြောင်း သိရသည်။
