ကုန်သွယ်မှုသတင်းများ
မော်လမြိုင်မြို့၌ ယခုလ စတုတ္ထအပတ်တွင် ဘိလပ်မြေဈေးကွက်မှာ အရောင်းအဝယ်ပုံမှန်ရှိနေပြီး ဈေးနှုန်းတည်ငြိမ်နေကြောင်း သိရှိရသည်။ ဈေးကွက်ထဲအရောင်းအဝယ်ပုံမှန်ဖြစ်နေသောဈေးမှာ ယခုအပတ်တွင် ကြံ့နှစ်ကောင် (အနီ) ကျပ် ၉၆၀၀၊ ဆင် (ထိုင်း) ကျပ် ၁၄၅၀၀၊ ကြံ့တံဆိပ် (အပြာ) ကျပ် ၉၃၀၀ ဖြင့်အရောင်းအဝယ်ဖြစ်နေပြီး၊ မော်လမြိုင်မြို့၌ ဓါတ်မြေဩဇာနှင့် ပိုးသတ်ဆေးမှာ ဈေးနှုန်း အနည်းငယ်တက်လာပြီး အရောင်းအဝယ်ပုံမှန်ရှိနေကြောင်း သိရှိရသည်။
ကသာမြို့တွင်း စက်တင်ဘာလ(၂၁)ရက်နေ့တွင် ရောင်းချလျက်ရှိသော ကြက်သွန်နီဈေးနှုန်းမှာ လက်ကား တစ်ပိဿာလျှင် အကြီး၊ အလတ်၊ အသေးပေါ်မူတည်၍ ကျပ် ၄၂၀၀ မှ ကျပ် ၃၀၀၀ ခန့်၊ လက်လီ တစ်ပိဿာလျှင် ကြီး/ လတ်/သေး (၄၅၀၀/၄၀၀၀/၃၅၀၀)ကျပ်ဖြင့် ရောင်းချလျက်ရှိကြောင်း သိရသည်။ ကြက်သွန်နီဈေးမှာ စက်တင်ဘာလ ဒုတိယပတ်အတွင်း ကျပ်(၅၂၀၀)ရှိသည့်အတွက် ဈေးနှုန်းနှိုင်းယှဉ်ကြည့်ပါက လက်ရှိတွင်ဈေးနှုန်းအနည်းငယ်ကျဆင်းသော်လည်း အချိန်နှင့်တပြေးညီ ဈေးနှုန်းပြောင်းလဲနိုင်ကြောင်း ကြက်သွန်နီရောင်းချသူများထံမှ သိရှိရသည်။
စီးပွားရေးနှင့်ကူးသန်းရောင်းဝယ်ရေးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ဒု-ဦးစီးမှူးဒေါ်မွန်မွန်သက်သည် (1၅.9.2022)ရက်နေ့တွင် ပွင့်ဖြူမြို့နယ် ကျွန်းပင်စင်ကျေးရွာ၌ ပြည်တွင်းကုန်သွယ်မှုဖွံ့ဖြိုးတိုးတက်စေရေးအတွက် မိုးစပါးစိုက်တောင်သူ ဦးယုလွင်၏ စပါးစိုက်ပျိုးထွက်ရှိမှု ကုန်ကျစရိတ်နှင့်အကျိုးအမြတ် ရရှိမှု အခြေအနေကို ကွင်းဆင်း လေ့လာခဲ့ရာ ကျွန်းပင်စင်ကျေးရွာသည် အိမ်ခြေ(၁၅၀)ခန့်ရှိပြီး လူဦးရေမှာ(650) ကျော်ခန့်ရှိကြောင်း၊ နှစ်စဉ် ကိုင်းမြေ
စလင်းမြို့နယ်သည် ဧရာဝတီမြစ်အနောက်ဘက်ကမ်းတွင် တည်ရှိပြီး သီးနှံစုံစိုက်ပျိုး ဖြစ်ထွန်းသောမြို့ဖြစ်ပါသည်။ စလင်းမြို့တွင်ဝါကို စလင်းမြို့အနောက်ဘက်ကုန်းမြင့်ဒေသနှင့် ယာမြေတို့တွင် အများဆုံးစိုက်ပျိုးကြပြီး ၂၀၂၂ ခုနှစ်တွင် (၁၅၀၀၀)ဧကခန့် စိုက်ပျိုးထား ရှိပါသည်။ ဝါအဓိကစိုက်ပျိုးကြသော စလင်းမြို့နယ် အင်ကျင်းပင်လှကျေးရွာရှိ တောင်သူ ဦးတင်ဆန်းနှင့် တွေ့ဆုံပြီးဝါစိုက်ပျိုးထွက်ရှိမှု အခြေအနေအားကွင်းဆင်းမေးမြန်းမှုအရ အင်ကျင်းပင်လှကျေးရွာ တွင် တောင်သူ(၁၂၀)ဦးခန့်စိုက်ပျိုးထားရှိပြီး ကျေ
မင်းဘူးမြို့မဈေးကြီးအတွင်း ရောင်းချလျက်ရှိသော ရေထွက်ကုန်ပစ္စည်းဖြစ်သည့် ငါးသေတ္တာခြောက် (၁)ပိဿာလျှင်(၁၀၀၀၀)ကျပ်၊ ငါးတံခွန်ခြောက်(၁)ပိဿာလျှင် (၈၀၀၀မှ ၁၂၀၀၀)ကျပ်၊ အာဗြဲခြောက်(၁)ပိဿာလျှင်(၁၀၀၀၀မှ ၂၂၀၀၀)ကျပ်၊ ငါးကြင်းဖြူခြောက် ၁ပိဿာ လျှင်(၁၆၀၀၀) ကျပ်၊ ပုဇွန်ခြောက် (၁)ပိဿာလျှင် (၃၅၀၀၀မှ၆၀၀၀၀)ကျပ်ရှိကြောင်း ဆားအပေါ့၊ အငန်ပေါ် မှုတည်၍ ဈေးနှုန်းကွာခြားကြောင်း ငါးခြောက်များကို ရခိုင်ပြည်နယ်နှင့်ဧရာဝတီတိုင်းတို့မှ ဝယ်ယူရောင်းချလျက်ရှိကြောင်း သိရှိရပါသည်။