(၁၄.၈.၂၀၂၅)ရက်နေ့ နေ့လယ်(၁၁:၃၀) နာရီအချိန်တွင် စားသုံးသူရေးရာဦးစီးဌာန၊ တိုက်ကြီးခရိုင်၊ တိုက်ကြီးမြို့နယ်ခွဲတာဝန်ခံ ဦးရှင်းခန့်ကိုကိုသည် မြို့မဈေးအတွင်းရှိ ဆေးဆိုင်များသို့ ကွင်းဆင်းစစ်ဆေးခဲ့ပါသည်။
ထိုသို့စစ်ဆေးခဲ့ရာတွင် ဆေးအရောင်းဆိုင်များ၌ သုံးစွဲရန်မသင့်သောဆေးဝါးများ၊ ရောင်းချခြင်းရှိ/မရှိနှင့် ဆေးဝါးဖြည့်စွက်စာများနှင့်ပတ်သက်၍ မြန်မာနိုင်ငံ စားသုံးသူကာကွယ်ရေးကော်မရှင်မှ ညွှန်ကြားချက်အမှတ်(၂/၂၀၁၉)ဖြင့် ထုတ်ပြန်ခဲ့ကြောင်း ၎င်းညွှန်ကြားချက်တွင် ဆရာဝန်ညွှန်ကြားချက်မရှိသော အိမ်သုံးဆေးဝါး၊ သောက်ဆေးအမျိုးမျိုးနှင့် လိမ်းဆေးအမျိုးမျိုး၊ အဟာရဖြည့်စွက်စာအမျိုးမျိုး၊ တိုင်းရင်းဆေးအမျိုးမျိုးတို့တွင် ကုန်အညွှန်းအမှတ်အသားများကို မြန်မာလိုပြည့်စုံစွာ ဖော်ပြထားသော ဆေးဝါးများသာရောင်းချရန်၊ ကုန်အညွှန်းအမှတ်အသားမပြည့်စုံသော ဆေးဝါးများရောင်းချပါက စားသုံးသူကာကွယ်ရေးဥပဒေအရ အရေးယူဆောင်ရွက် သွားမည်ဖြစ်ကြောင်း ရှင်းလင်းပြောကြားခဲ့ကြောင်း သိရှိရပါသည်။
DOCA (ရန်ကုန်)