ပါကစ္စတန်နိုင်ငံ၏ တတိယအကြိမ်မြောက် နိုင်ငံတကာ အစားအစာနှင့် စိုက်ပျိုးရေးပြပွဲကို တောင်ပိုင်းဆိပ်ကမ်းမြို့ဖြစ်သော Karachi တွင် နိုဝင်ဘာလ ၂၅ ရက်နေ့က စတင်ခဲ့ပြီး ဒေသထွက် အစားအစာနှင့် စိုက်ပျိုးရေးထွက်ကုန်မျိုးစုံကို ပြသခဲ့သည်။
"ရိတ်သိမ်းခြင်း ဆန်းသစ်တီထွင်ခြင်း၊ စဉ်ဆက်မပြတ် ပြုစုပျိုးထောင်ခြင်း" ဟူသော ဆောင်ပုဒ်ဖြင့် ပြပွဲကို သုံးရက်ကြာဆက်လက်ကျင်းပမည်ဖြစ်ကာ နိုင်ငံ၏အကောင်းမွန်ဆုံး ကောက်ပဲသီးနှံများ၊ သစ်သီးဝလံမျိုးစုံ၊ ဟိမဝန္တာပန်းရောင်ဆားများ၊ ပရီမီယံပင်လယ်စာများ၊ အသားနှင့် နို့ထွက်ပစ္စည်းများကို ပြသခဲ့ခြင်းဖြစ်သည်။
ဥရောပ၊ အာဖရိက၊ အမေရိကန်၊ ဘာရိန်းနှင့် တရုတ်နိုင်ငံတို့အပါအဝင် ကမ္ဘာတစ်ဝှမ်းမှ ကိုယ်စားလှယ် ၈၅၀ ကျော်သည် ၎င်းတို့၏ ယုံကြည်မှုနှင့် ကြီးမားသော အလားအလာများကို ရောင်ပြန်ဟပ်သည့် အဆိုပါပြပွဲတွင် ဝင်ရောက်ပြသကြကြောင်း ပါကစ္စတန် ကူးသန်းရောင်းဝယ်ရေးဝန်ကြီး Jam Kamal Khan က ပြောကြားခဲ့ပါသည်။
ပါကစ္စတန်ကုမ္ပဏီများသည် လွန်ခဲ့သည့်နှစ်များအတွင်း စွမ်းဆောင်ရည်ကောင်းများ ပြသခဲ့ပြီး Pakistan ထုတ်ကုန်များ၏ အရည်အသွေးသည် ကောင်းမွန်သော်လည်း နိုင်ငံခြားကုန်သွယ်မှု လုပ်ဖော်ကိုင်ဖက်များကို ပိုမိုဆွဲဆောင်ရန်နှင့် နိုင်ငံခြားဈေးကွက်တွင် ပါကစ္စတန် ထုတ်ကုန်များအတွက် နေရာပိုမိုရရှိစေရန် ကြိုးပမ်းဆောင်ရွက်နေကြောင်း ၎င်းကပြောကြားခဲ့ကြောင်း သိရှိရပါသည်။
Source : Xinhua
DOCA(ရန်ကုန်)