HighLight News

         လူအများသောက်သုံးသည့် သောက်ရေသန့်အမျိုးမျိုးတို့အား သောက်သုံးသည့်လူများ ဘေးအန္တရာယ်မရှိစေရန် (၂၆-၉-၂၀၂၄) ရက်နေ့၌ ကမာရွတ်မြို့နယ် One Stop Mart နှင့် အလုံမြို့နယ် g & g ဆိုင်များသို့ သွားရောက်ကွင်းဆင်းစစ်ဆေးခဲ့ရာတွင် Designer ၊ TOURIST ၊ Max ၊  ALPINE ၊ စံပါဦး သောက်ရေသန့်အမျိုးမျိုးမှာ ကုန်အညွှန်းအမှတ်အသားများပြည့်စုံစွာပါရှိသည်ကိုစစ်ဆေးတွေ့ရှိရပြီး ရောင်းချသောဆိုင်မှ ဝန်ထမ်းများကို စားသုံးသူများအား သတင်းအချက်အလက်များအပြည့်အဝပေးခြင်း၊ စီးပွားရေးလုပ်ငန်းရှင်များ၏တာဝန်များအား သိရှိလိုက်နာစေရန်  အသိပညာပေးဆွေးနွေးမှုများပြုလုပ်ခဲ့ကြောင်းသိရှိရပါသည်။

DOCA(ရန်ကုန်)

       ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ ရပ်ကွက်နှင့် စည်ပင်သာယာမြို့မဈေးအတွင်း/အပြင်ရှိ ဆေးဆိုင်များသို့ အောက်တိုဘာလ(၃)ရက်နေ့၊ နံနက်(၀၉:၀၀)နာရီအချိန်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်အရ ကော့မှူးမြို့နယ်ဈေးကွက်တွင်ဖြစ်ပေါ်နေသည့် ဆေးဝါးများ၏ ဈေးနှုန်းစာရင်းအား ကွင်းဆင်းကောက်ယူခဲ့ကြောင်းသိရသည်။

         ထိုသို့ကွင်းဆင်းစာရင်းကောက်ယူခဲ့ရာတွင် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံနှင့် စားသုံးသူရေးရာဦးစီးဌာနမှ မြို့နယ်တာဝန်ခံတို့သည် ပြည်တွင်း၌ စားနပ်ရိက္ခာဖူလုံစေရေး၊ ဆေးနှင့်အခြေခံစားသောက်ကုန်များဈေးနှုန်းတည်ငြိမ်စေရေးတို့အတွက် စည်ပင်သာယာမြို့မဈေးအတွင်း/အပြင်ရှိ မေခလာဆေးဆိုင်၊ အေးမင်းစိုးဆေးဆိုင်၊ ဝင်းလဲ့ရီစိုးဆေးဆိုင်၊ ဗိုလ်ချုပ်လမ်း မြို့မရပ်ကွက်ရှိ အောင်သစ္စာဆေးဆိုင်၊ ဗိုလ်ချုပ်လမ်း၊ မကျီးကန်ရပ်ကွက်ရှိ ဇာနည်ဆေးဆိုင်တို့၌ ဖြန့်ဖြူးရောင်းချလျက်ရှိသော အကိုက်အခဲပျောက်ဆေး၊ သန္ဓေတားဆေး၊ သွေးကျဆေး၊ သွေးကျဲဆေး၊ လေဆေး၊ အာရုံကြောဆေး၊ အားဆေးတို့အား မြေပြင်ကွင်းဆင်းစာရင်းကောက်ယူခဲ့ပြီး ဆိုင်ပိုင်ရှင်စီးပွားရေးလုပ်ငန်းရှင်များအနေဖြင့် မိမိတို့ဖြန့်ဖြူးရောင်းချလျက်ရှိသော ကုန်စည်များကို ဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းများမပြုလုပ်ကြရန် အသိပညာပေးပြောကြားခဲ့ကြောင်းသိရှိရပါသည်။

DOCA(ရန်ကုန်)

        ရန်ကုန်တိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ ညွှန်ကြားချက်အရ သာကေတမြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူး၊ စားသုံးသူရေးရာဦးစီးဌာနမှ အရှေ့ပိုင်းခရိုင်ဦးစီးမှူး၊ မြန်မာ့ဆိပ်ကမ်းအာဏာပိုင်မှ ကြီးကြပ်ရေးမှူး၊ အမှတ်(၃) ရေကြောင်းရဲကွပ်ကဲမှုအဖွဲ့ခွဲမှ ရဲမှူး၊ ကုန်သွယ်ရေးဦးစီးဌာနမှ လက်ထောက်ညွှန်ကြားရေးမှူးနှင့် အကောက်ခွန်ဦးစီးဌာနမှ ဒု-အကောက်ခွန်မှူးတို့ပါဝင်သော အဖွဲ့များသည် ၄-၁၀-၂၀၂၄ ရက်နေ့၊ နံနက် (၁၁:၀၀)နာရီအချိန်တွင် သာကေတမြို့နယ် ( ယုဇန ) ဆိပ်ကမ်းအား ပုံမှန်သွားရောက်စစ်ဆေးလျက်ရှိကြောင်းသိရှိရပါသည်။

         ထိုသို့စစ်ဆေးရာတွင်  (ရန်ကုန်မှ ကော့သောင်း) သို့ထွက်ခွာမည့် ကမ်းရိုးတန်းသင်္ဘောဖြစ်သော   MV ယုဇန(၁) သင်္ဘောဖြင့်   ကျောက်မှုန့်၊ ကြက်စာ၊ ဘီယာနှင့် အထွေထွေကုန်ပစ္စည်းများကိုတင်ဆောင်နေကြောင်း စစ်ဆေးတွေ့ရှိပြီး တရားမဝင်ကုန်ပစ္စည်းများနှင့် လက်နက်ခဲယမ်းများကို သိုဝှက်သယ်ဆောင်ခြင်းမရှိပါကြောင်း စစ်ဆေးတွေ့ရှိခဲ့ပြီး ၎င်းကုန်စည်များမှာ တရားဝင်ကုန်စည်များသာဖြစ်ကြောင်းသိရှိရပါသည်။

DOCA(ရန်ကုန်)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးရုံးမှ ဦးသန်းစိုး(လက်ထောက်ညွှန်ကြားရေးမှူး) သည် ညောင်ဦးမြို့နယ် မြို့မအခြေခံပညာအထက်တန်းကျောင်းတွင် (၁-၁၀-၂၀၂၄)ရက်နေ့၊ နံနက် (၁၀:၀၀) နာရီအချိန်၌ ကျောင်းရှိ ဆရာ/ ဆရာမများ၊ ကျောင်းသား/ကျောင်းသူများအား စားသုံးသူကာကွယ်ရေးအသိပညာပေးဟောပြောပွဲကျင်းပပြုလုပ်ပေးခဲ့ပါသည်။

          အဆိုပါဟောပြောဆွေးနွေးပွဲတွင် ဦးသန်းစိုး(လက်ထောက်ညွှန်ကြားရေးမှူး)သည် စားသုံးသူကာကွယ်ရေးဥပဒေပါ စားသုံးသူ၊ စီးပွားရေးလုပ်ငန်းရှင်၊ ကုန်စည်နှင့်ဝန်ဆောင်မှု၊ နစ်နာဆုံးရှုံးမှု၊ ကုန်အညွှန်းအမှတ်အသား စသည်တို့၏ အဓိပ္ပါယ်များကိုလည်းကောင်း၊ ခုအခါ အွန်လိုင်းစနစ်ဖြင့် ကုန်စည်/ဝန်ဆောင်မှုများရောင်းချသည့်လုပ်ငန်းများကို တွင်တွင်ကျယ်ကျယ်ဆောင်ရွက်လာသည့်အတွက် မှန်ကန်သည့်ရောင်းဝယ်မှု၊ လုပ်ဆောင်မှုများရှိပြီး မမှန်မကန် လိမ်လည်လှည့်ဖျား၍ မဟုတ်မမှန်လုပ်ကိုင်ဆောင်ရွက်မှုများလည်းရှိသည့်အတွက် စားသုံးသူမိဘပြည်သူများ၊ ကျောင်းသား/ကျောင်းသူများ ထိခိုက်နစ်နာဆုံးရှုံးမှုများမဖြစ်ပေါ်စေရန် အွန်လိုင်းရောင်းချခြင်းများ၏ အားသာချက်၊ အားနည်းချက်များ၊ လိမ်လည်နိုင်သည့်ပုံစံများ၊ စိစစ်သင့်သည့်အချက်များ၊ သက်ဆိုင်ရာဌာနများ၏ဆောင်ရွက်မှုများ၊ မှတ်ပုံတင်ထားသည့် အွန်လိုင်းရောင်းချမှုလုပ်ငန်းများမှ ရွေးချယ်ဝယ်ယူခြင်းဖြင့် ရရှိလာမည့်အကျိုးရလဒ်များ စသည့တို့ကိုလည်းကောင်း၊ ကုန်စည်နှင့် ဝန်ဆောင်မှုများနှင့်ပတ်သက်၍ နစ်နာဆုံးရှုံးမှုများရှိလာလျှင် တိုင်ကြားနိုင်သည့်နည်းလမ်းများကိုလည်းကောင်း၊ ကျန်းမာရေးသည် တန်ဖိုးမဖြတ်နိုင်သည့် ဆုလာဘ်တစ်ပါးဖြစ်သည့်အတွက် လူတိုင်းကျန်းမာရေး၏ တန်ဖိုးကိုသိရှိနားလည်ပြီး၊ ကျန်းမာရေးကောင်းနေမှ အခြားကိုယ်လုပ်ချင်သည့် လုပ်ငန်းဆောင်တာများကိုလုပ်ဆောင်နိုင်မည်၊ သင်ယူလိုသည့်ပညာများကိုသင်ယူနိုင်မည်၊ စားသောက်ချင်သည့် အစားအစာများကို စားသောက်နိုင်မည်ဖြစ်ပါကြောင်း၊ ကျောင်းသား/ ကျောင်းသူများမှာ ငယ်ရွယ်သူများဖြစ်သည့်အတွက် ယခုအရွယ်များမှစ၍    ကျန်းမာရေးအသိပညာများလိုက်စားမှု၊ ရရှိမှုများရှိရန်လိုအပ်ပါကြောင်း၊ သို့ဖြစ်ပါ၍ ကျောင်းများတွင် သက်ဆိုင်ရာ ဌာနများအလိုက် ကျောင်းသား/ ကျောင်းသူကလေးသူငယ်များ သိသင့်သိထိုက်သည့် အကြောင်းအရာများ၊ ဗဟုသုတများအား လိုက်လံဟောပြောမှုများ ဆောင်ရွက်နေခြင်းဖြစ်ကြောင်း၊ ကျောင်းသား/ ကျောင်းသူများ မုန့်မျိုးစုံနှင့်ကုန်ပစ္စည်းများအား ဝယ်ယူစားသောက်သုံးစွဲသည့်အခါ လုံခြုံစိတ်ချရမှုရှိရန် ကုန်အညွှန်းအမှတ်အသားများကို မြန်မာဘာသာဖြင့် ထည့်သွင်းဖော်ပြထားပြီး၊ သက်ဆိုင်ရာဌာနထောက်ခံချက်ပါသော ကုန်စည်များကိုသာ ရွေးချယ်ဝယ်ယူစားသောက်ကြရန် လိုအပ်ပါကြောင်းနှင့် ကျောင်းသား/ ကျောင်းသူများက ကုန်အညွှန်းအမှတ်အသားများနှင့်ပတ်သက်၍ သိရှိလိုသည့်အချက်အလက်များအားမေးမြန်းရာ ပြန်လည်ရှင်းလင်းဆွေးနွေးခဲ့ပါသည်။ ဆက်လက်၍ ခရိုင်ပြန်ကြားရေးနှင့်ပြည်သူ့ ဆက်ဆံရေးဦးစီးဌာနမှ ကလေးအလုပ်သမားပပျောက်ရေးနှင့် လူကုန်ကူးမှုတားဆီးကာကွယ်ရေးအကြောင်းအရာများနှင့်ပတ်သက်၍ အသိပညာပေးဆောင်ရွက်ခဲ့ရာ  အဆိုပါဟောပြောဆွေးနွေးပွဲသို့ ကျောင်းရှိဆရာ/ဆရာမများနှင့် ကျောင်းသား/ကျောင်းသူစုစုပေါင်း (၂၅၀)ဦးတက်ရောက်ခဲ့ကြောင်းသိရှိရပါသည်။

DOCA(မန္တလေး)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ဌာနမှ ပြဋ္ဌာန်းထုတ်ပြန်ထားသော ဥပဒေများ၊ ပြဋ္ဌာန်းချက်များ၊ ညွှန်ကြားချက်များနှင့်အညီ ကုန်စည်နှင့် ဝန်ဆောင်မှုများနှင့်ပတ်သက်၍ အများပြည်သူသိရှိနားလည်၍ လိုက်နာစေရန်၊ မိမိတို့ရရှိမည့်အခွင့်အရေးများကို တောင်းဆိုတတ်စေရန်၊ နစ်နာဆုံးရှုံးမှုများအား အရေးဆိုနိုင်စေရန်နှင့် ဆောင်ရန်ရှောင်ရန်များအား နည်းလမ်းများစွာ စဉ်ဆက်မပြတ် အသိပညာပေးလျက်ရှိရာ (၂၇-၉-၂၀၂၄)ရက်နေ့၊ နေ့လယ် ၁၃:၀၀ နာရီအချိန်တွင် ငါန်းဇွန်မြို့ရှိ ပြန်ကြားရေးနှင့်ပြည်သူ့ ဆက်ဆံရေးဦးစီးဌာ၊ Community Center ခန်းမ၌ အွန်လိုင်းစနစ်ဖြင့် ရောင်းချခြင်းလုပ်ငန်းနှင့်ပတ်သက်၍ လုပ်ငန်းရှင်များနှင့် စားသုံးသူပြည်သူများသိရှိလိုက်နာစေရေး အသိပညာပေး Talk Show အစီအစဉ်ဆောင်ရွက်ခဲ့ပါသည်။

         အဆိုပါ Talk Show အစီအစဉ်တွင် စားသုံးသူရေးရာဦးစီးဌာန၊ ငါန်းဇွန်မြို့နယ်တာဝန်ခံ ဒေါ်သင်းသင်းဆွေက အွန်လိုင်းဝန်ဆောင်မှုနှင့်ပတ်သက်၍ အွန်လိုင်းစနစ်ဖြင့် ရောင်းချခြင်းလုပ်ငန်းဆိုသည်မှာ ကုန်စည်ကိုဖြစ်စေ၊ ဝန်ဆောင်မှုကိုဖြစ်စေ အွန်လိုင်း(Online)စနစ်မှတစ်ဆင့် ဝန်ဆောင်မှုပေး၍ ရောင်းချသည့်လုပ်ငန်းကို ဆိုလိုခြင်းကြောင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းဆောင်ရွက်လိုသူများသည် သတ်မှတ်ချက်များနှင့်ကိုက်ညီရမည်ဖြစ်ပြီး၊ ၎င်းသတ်မှတ်ချက်များအားလည်းကောင်း၊ မှတ်ပုံတင်လက်မှတ်ရရှိသူများအနေဖြင့် ပြင်ဆင်လျှောက်ထားခြင်း၊ သက်တမ်းတိုးလျှောက်ထားခြင်းများနှင့်ပတ်သက်သည့် အချက်များကိုလည်းကောင်း၊ မှတ်ပုံတင်လက်မှတ်ရရှိသူ၏ တာဝန်များနှင့်အခွင့်အရေးများကိုလည်းကောင်း၊ အွန်လိုင်းရောင်းချခြင်းများ၏ အားသာချက်၊ အားနည်းချက်များ၊ လိမ်လည်နိုင်သည့်ပုံစံများ၊ စိစစ်သင့်သည့်အချက်များ၊ သက်ဆိုင်ရာဌာနများ၏ဆောင်ရွက်မှုများ၊ မှတ်ပုံတင်ထားသည့် အွန်လိုင်းရောင်းချမှုလုပ်ငန်းများမှ ရွေးချယ်ဝယ်ယူခြင်းဖြင့် ရရှိလာမည့်အကျိုးရလဒ်များ စသည်ဖြင့် အသိပညာပေးဟောပြောဆွေးနွေးခဲ့ကြောင်းသိရှိရပါသည်။

DOCA(မန္တလေး)