HighLight News

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူကာကွယ်ရေးဥပဒေနှင့်အညီ စားသုံးသူကာကွယ်ရေးလုပ်ငန်းများဆောင်ရွက်ရာတွင် မြေပြင်ကွင်းဆင်း၍သော်လည်းကောင်း၊ Online မှတစ်ဆင့်သော်လည်းကောင်း ဆောင်ရွက်လျက်ရှိကြောင်းသိရသည်။

     Online မှတစ်ဆင့်အသိပညာပေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ စားသုံးသူအသိပညာပေး Talk Show များဟောပြောဆွေးနွေးလျက်ရှိကြောင်း၊ အဆိုပါ အသိပညာပေး Talk Show ကို ၂၀၂၃ခုနှစ်၊ အောက်တိုဘာလ ၂၇ရက်နေ့တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းက Online Salse လုပ်ကိုင်သူများအနေဖြင့် မှတ်ပုံတင်ခြင်းလုပ်ငန်းကို အောက်တိုဘာလ(၂) ရက်နေ့မှစတင်၍ ဆောင်ရွက်နိုင်ပြီဖြစ်ကြောင်း၊ Online Salse မှတ်ပုံတင်ခြင်းနှင့်စပ်လျဉ်း၍ လုပ်ငန်းရှင်များပိုမိုသိရှိနားလည်စေရန် ရည်ရွယ်ဆောင်ရွက်ရခြင်းဖြစ်ကြောင်း၊ စားသုံးသူသည် ကုန်စည် သို့မဟုတ် ဝန်ဆောင်မှုကို အသုံးပြုခြင်းကြောင့် နစ်နာဆုံးရှုံးမှုများဖြစ်ခဲ့လျှင် တာဝန်ရှိသူများနှင့် မှတ်ပုံတင်ဆောင်ရွက်ရမည့် Online Salse လုပ်ကိုင်သူများသိရှိစေရန် ဆွေးနွေးပြောကြားခဲ့ကြောင်းသိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး၊ အစည်းအဝေးခန်းမ၌ (၂၆-၁၀-၂၀၂၃)ရက်နေ့၊ နေ့လယ် (၁၄:၀၀)နာရီအချိန်တွင် ဝန်ထမ်းများစွမ်းဆောင်ရည်မြင့်မားစေရန်ရည်ရွယ်၍ (၁၆/၂၀၂၃) ကြိမ်မြောက် Thursday Talk ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု အသိပညာပေးဟောပြောဆွေးနွေးပွဲကျင်းပပြုလုပ်ခဲ့ရာ ဝန်ထမ်း (၁၁) ဦးတက်ရောက်ခဲ့ကြပါသည်။

    အဆိုပါ Thursday Talk ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု အသိပညာပေးဟောပြောဆွေးနွေးပွဲတွင် အကြီးတန်းစာရေး ဒေါ်ပြည့်ဖြိုးဝေက ဈေးကွက်စောင့်ကြည့်စစ်ဆေးရာ၌ အသုံးပြုသည့် ဈေးကွက်စောင့်ကြည့်ပုံစံဖြည့်သွင်းခြင်းနှင့်ပတ်သက်၍ အကျယ်တဝင့်ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများအပြင် စားသုံးသူကာကွယ်ရေးအသိပညာပေးလုပ်ငန်းများဆောင်ရွက်လျက်ရှိရာ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူးဦးဆောင်၍ ၂၀၂၃ခုနှစ်၊ အောက်တိုဘာလအတွင်း စီးပွားရေးလုပ်ငန်းရှင်များနှင့်တွေ့ဆုံခြင်းကို (၅) ကြိမ်ဆောင်ရွက်ခဲ့ပါသည်။

     (၃-၁၀-၂၀၂၃)ရက်နေ့တွင် စားသုံးသူရေးရာဦးစီးဌာန၊ ရွှေဘိုမြို့၊ အမှတ်(၅)ရပ်ကွက်ရှိ ဝင်း (ကိတ်မုန့်) လုပ်ငန်းရှင်နှင့် ဒေါ်ကျင်မိ (စားအုန်းဆီရောင်းဝယ်ရေး)လုပ်ငန်းရှင်၊  (၁၃-၁၀-၂၀၂၃)ရက်နေ့တွင် ရွှေဘိုမြို့၊ အမှတ်(၂)ရပ်ကွက်ရှိ ဇော် (ပေါင်မုန့်၊ ကိတ်မုန့်)လုပ်ငန်းရှင်၊ ရွှေဘိုမြို့အမှတ်(၄)ရပ်ကွက်ရှိ တိုးတိုး (ပေါင်မုန့်၊ ကိတ်မုန့်)လုပ်ငန်းရှင်နှင့် ရွှေဘိုမြို့၊ အမှတ်(၄)ရပ်ကွက်ရှိ ရှိုင်း (ပေါင်မုန့်၊ ကိတ်မုန့်) လုပ်ငန်းရှင်တို့နှင့်တွေ့ဆုံဆွေးနွေးခဲ့ကြပြီး စုစုပေါင်းစီးပွားရေးလုပ်ငန်းရှင် (၅)ဦးအား စားသုံးသူကာကွယ်ရေးဥပဒေ၊ အမိန့်နှင့်ညွှန်ကြားချက်များနှင့် ဌာနမှဆောင်ရွက်လျက်ရှိသောလုပ်ငန်းများကို အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

      စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ကြီးကြပ်မှုအောက်ရှိ အရှေ့ပိုင်းခရိုင်ဦးစီးမှူးရုံးမှ စားသုံးသူရေးရာဦးစီးဌာန၊ အရှေ့ပိုင်းခရိုင်ရုံးမှ ဦးနေလင်း (စစ်ဆေးရေးမှူး)နှင့် တာဝန်ရှိဝန်ထမ်းများသည် (၂၀-၁၀-၂၀၂၃) ရက်နေ့၊ နံနက် (၁၁:ဝဝ) နာရီအချိန်တွင် မင်္ဂလာတောင်ညွန့်မြို့နယ်၊ ရွှေပြည့်စုံဈေးနှင့် မင်္ဂလာဈေး၊ ဆေးဆိုင်များရှိ ‌ဆေးဝါးများမှ Parbisure သည် အစားအသောက်နှင့်ဆေးဝါးကွပ်ကဲရေးဦးစီးဌာန (FDA) ၏ ထောက်ခံချက်မရှိဘဲ ရောင်းချခြင်းရှိ/မရှိကို မင်္ဂလာတောင်ညွန့်မြို့နယ်၊ ပြည်သူ့ကျန်းမာရေးဦးစီးဌာနမှဝန်ထမ်းများ၊ ဈေးတာဝန်ခံများနှင့် တာဝန်ရှိသူများပူးပေါင်းအဖွဲ့စုံဖြင့် ဈေးကွက်စစ်ဆေးခဲ့ကြပါသည်။

  ထို့နောက် ဆေးဆိုင်များရှိ ဆေးဝါးများကိုစစ်ဆေးခြင်းနှင့် ဆေးဆိုင်ပိုင်ရှင်များ၊ ဆိုင်တာဝန်ခံများနှင့်တွေ့ဆုံပြီး ဆေးဝါးများဖြန့်ဖြူးရောင်းချရာတွင် သက်ဆိုင်ရာဌာနများ၏ ထောက်ခံချက်ရှိသောဆေးဝါးများကိုသာရောင်းချရန်နှင့် စားသုံးသူရေးရာဦးစီးဌာန၏ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားပြဋ္ဌာန်းခြင်းဆိုင်ရာဖော်ပြချက်များကို လိုက်နာရန်လိုအပ်ကြောင်း၊ လိုက်နာမှုမရှိပါက သက်ဆိုင်ရာဌာနများ၏ ဥပဒေ၊ နည်းဥပဒေနှင့် လုပ်ထုံးလုပ်နည်းများအတိုင်း အရေးယူခံရနိုင်ကြောင်း အသိပညာအပေးပြောကြားခဲ့ရာ ရွှေပြည့်စုံဈေးတွင် ဆိုင်(၁၁)ဆိုင်နှင့် မင်္ဂလာ‌ဈေးတွင် ဆေးဆိုင် (၈)ဆိုင်တို့အား စစ်ဆေးခဲ့ကြောင်းသိရှိရပါသည်။

DOCA(ရန်ကုန်)

   မြန်မာနိုင်ငံဆန်စပါးကဏ္ဍဖွံ့ဖြိုးတိုးတက်စေရေးနှင့် သိုလှောင်မှုများစနစ်တကျရှိစေရေးအတွက် စပါးတင်း ၅၀၀၀ (သို့) ဆန်တန် ၅၀အထက် ဆန်စပါးသိုလှောင်မှုအခြေအနေတို့ကို   ဒီဂျစ်တယ်နည်းလမ်း အွန်လိုင်းမှတ်ပုံတင်စနစ် Myanmar Rice Online(MyRO) ဖြင့် မှတ်ပုံတင် နိုင်ရေး၊ သိုလှောင်လုပ်ငန်းများ စနစ်တကျဖွံ့ဖြိုးတိုးတက်နိုင်စေရေး၊ ဆန်စပါးဈေးကွက်တည်ငြိမ်မှန်ကန်စွာဖွံ့ဖြိုးတိုးတက်ရေး၊ ဆန်စပါးသိုလှောင်မှုကို စနစ်တကျမှတ်ပုံတင်စာရင်း ပြုစုထားနိုင်ရေး၊ သင့်တင့်မျှတတည်ငြိမ်သော ဆန်ဈေးကွက်နှင့်ဈေးနှုန်းများဖြစ်ပေါ်စေရေး စသည့်ရည်ရွယ်ချက်ကောင်းများဖြင့် စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့၏ အစိုးရ၊ ပုဂ္ဂလိကပူးပေါင်းစီစဉ်မှုဖြင့် ဆောင်ရွက်လျက်ရှိသည့် Myanmar Rice Online(MyRO) ၏ Key User Training သင်တန်းကို (၂၃-၁၀-၂၀၂၃) တနင်္လာနေ့၊ နေ့လယ်(၁၃း၃၀) နာရီအချိန်မှ ညနေ(၁၇း၀၀)နာရီအချိန်ထိ မြန်မာနိုင်ငံဆန်စပါးအသင်းချုပ် (အစည်းအဝေးခန်းမ)တွင် ကျင်းပပြုလုပ်ခဲ့ရာ  ဌာနဆိုင်ရာနှင့်အသင်းအဖွဲ့များမှ သင်တန်းသား (၂၅)ဦးဖြင့် ဖွင့်လှစ်ခဲ့ကြပါသည်။  Key User Training သင်တန်းဖွင့်ပွဲတွင် မြန်မာနိုင်ငံဆန်စပါးအသင်းချုပ်၊ ဥက္ကဋ္ဌ ဦးရဲမင်းအောင်က အဖွင့်အမှာစကားပြောကြားခဲ့ပြီး တာဝန်ရှိသူများက Warehouse Registration User Manual Version No.(2.0) နှင့်ပတ်သက်၍ တက်ရောက်လာကြသူများအား ရှင်းလင်းမိတ်ဆက်ပေးခဲ့ပါသည်။                    အဆိုပါ လွယ်ကူလျင်မြန်သော ဒစ်ဂျစ်တယ်နည်းလမ်းဖြင့် မှတ်ပုံတင်စာရင်းတင်ပြဆောင်ရွက်နိုင်မည့် Online Registration စနစ် (MyRO) ကို ၂၀၂၃ ခုနှစ်အတွင်း မကြာမီ စတင်အသုံးပြုနိုင်ရေးအတွက် Digital Certificate ထုတ်ပေးနိုင်သည့်ဝန်ဆောင်မှုဖြင့် သိုလှောင်မှုလုပ်ငန်းများစနစ်တကျဖွံ့ဖြိုးတိုးတက်စေရန်ရည်ရွယ်ချက်ဖြင့် စီစဉ်ဆောင်ရွက်ခဲ့သည့် Myanmar Rice Online (MyRO) ၏ ရည်ရွယ်ချက်ပန်းတိုင်သို့ရောက်ရှိနိုင်မည့် Key User Training သင်တန်း Warehouse Registration User Manual Version No.(2.0) ရှင်းလင်းမိတ်ဆက်ပွဲကို ပထမခြေလှမ်းအနေဖြင့် စတင်ခဲ့ခြင်းဖြစ်ပါကြောင်းနှင့်  အသေးစိတ်သိရှိလိုပါက www. myro. com. mm သို့ ဝင်ရောက်လေ့လာနိုင်ပါကြောင်း သင်တန်းဖွင့်ပွဲအခမ်းအနားမှသိရှိရပါသည်။

DOCA(ရန်ကုန်)