HighLight News

           စားသုံးသူရေးရာဦးစီးဌာန၊ ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်တာဝန်ခံရုံးမှ ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့စည်ပင်သာယာရေးအဖွဲ့တို့မှ ဝန်ထမ်းများနှင့်ပူးပေါင်း၍ ၂၀၂၂ခုနှစ်၊ မေလ(၂၄)ရက်နေ့ နံနက် (၁၀;၀၀)နာရီအချိန်တွင် တာချီလိတ်ခရိုင်၊ တာလေမြို့အတွင်းရှိ ကုန်စုံဆိုင်များအား ကုန်အညွှန်းအမှတ်အသားနှင့် ပတ်သက်၍ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

          တာချီလိတ်မြို့နယ်တာဝန်ခံနှင့် ဌာနဆိုင်ရာများသည် ကုန်စုံဆိုင်ပိုင်ရှင်များအား သက်တမ်းလွန်ကုန်ပစ္စည်းများနှင့် သက်ဆိုင်ရာဌာနများမှ တားမြစ်ပိတ်ပင်ထားသောကုန်ပစ္စည်းများကို ရောင်းချခြင်းမပြုရန်၊ စားသုံးသူကာကွယ်ရေးဥပဒေအခန်း(၁၈)ပါ “ကုန်အညွှန်းအမှတ်အသားဖော်ပြခြင်း”၊ အခန်း(၉)ပါ ‘‘စားသုံးသူ၏အခွင့်အရေးနှင့် တာဝန်များ”နှင့် အခန်း(၁၀)ပါ ‘‘စီးပွားရေးလုပ်ငန်းရှင်၏ တာဝန်များ”အား သိရှိလိုက်နာဆောင်ရွက်နိုင်စေရန်အတွက် အသိပညာပေးဆွေးနွေးခြင်းများ ဆောင်ရွက်ခဲ့ပါသည်။

DOCA(ရှမ်း)

          ရခိုင်ပြည်နယ် ၊စားသုံးသူရေးရာဦးစီးဌာနသည် ၂၀၂၂ ခုနှစ်၊ မေလ(၂၅)ရက်နေ့ နံနက် (၀၉:၀၀) နာရီအချိန်တွင် ရခိုင်ပြည်နယ်အစိုးရအဖွဲ့ရုံး အစည်းအဝေးခန်းမ (၂)တွင် (၁/၂၀၂၂)ကြိမ်မြောက် စားသုံးသူရေးရာကော်မတီအစည်းအဝေးကို ကျင်းပပြုလုပ်ခဲ့ရာ ရခိုင်ပြည်နယ်အစိုးရအဖွဲ့ဝင် ပြည်နယ်စီးပွားရေးရာဝန်ကြီး ရခိုင်ပြည်နယ် စားသုံးသူရေးရာကော်မတီဥက္ကဌ၊ အတွင်းရေးမှူး၊ အဖွဲ့ဝင် (၅)ဦး ပြည်နယ်ဦးစီးမှူးရုံးမှ ဝန်ထမ်း(၅)ဦး တက်ရောက်ခဲ့ပြီး စားသုံးသူရေးရာကော်မတီအစည်းအဝေးကျင်းပရခြင်းမှာ စားသုံးသူပြည်သူများအား ထိရောက်စွာကာကွယ်ပေးနိုင်ရေးအတွက် စားသုံးသူကာကွယ်ပေးရေးလုပ်ငန်းနှင့် ပတ်သက်၍ အကောင်အထည်ဖော်ဆောင်ရွက်ရာတွင် ဌာနဆိုင်ရာ အချင်းချင်း ပူးပေါင်းဆောင်ရွက်မှု ပိုမိုအားကောင်းလာစေရန် ရည်ရွယ်၍ ကျင်းပရခြင်းဖြစ်ကြောင်း သိရှိရပါသည်။

            ပထမဦးစွာ ရခိုင်ပြည်နယ်၊ စားသုံးသူရေးရာကော်မတီဥက္ကဌ ဦးစံရွှေမောင်က အဖွင့်အမှာစကားပြောကြားရာတွင် စားသုံးသူများ၏အခွင့်အရေးနှင့် အကျိုးစီးပွားကို ကာကွယ်ရန် ရည်ရွယ်၍ စားသုံးသူကာကွယ်ရေးဉပဒေ/နည်းဉပဒေများ ပြဌာန်းပြီး စားသုံးသူကာကွယ်ပေးရေး လုပ်ငန်းစဉ်များကို အကောင်အထည်ဖော်ဆောင်ရွက်နိုင်ခြင်းမှာ နိုင်ငံအတွက် လွန်စွာကောင်းမွန်ကြောင်း၊ ညွှန်ကြားချက်အမှတ်(၂/၂၀၁၉)အရကုန်စည်များတွင် မြန်မာဘာသာဖြစ်စေ၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျှက်ဖြစ်စေ ဖော်ပြရမည်ဖြစ်ပြီး ကုန်အညွှန်းအမှတ်အသားဖော်ပြရာတွင် ကုန်စည်အမျိုးအစားအလိုက် သက်မှတ်ချက်များနှင့်အညီ Manufacture date၊ Expire dateနှင့် ဓါတ်မတည့်ကြောင်းဖော်ပြချက်များ စသည့်အချက်များ ပါရှိမှသာ စားသုံးသူပြည်သူများအနေဖြင့် သိရှိနားလည်နိုင်မည်ဖြစ်ကြောင်းနှင့် စားသုံးသူရေးရာဦးစီးဌာနအနေဖြင့် စားသုံးသူ အကျိုးကို ရှေးရှု၍ပီပီပြင်ပြင် ဆောင်ရွက်လျက်ရှိသည့်အတွက် အခြားသောဌာနဆိုင်ရာကော်မတီအဖွဲ့ဝင်များအနေဖြင့်လည်း တက်ကြွစွာ ပူးပေါင်းပါဝင်ဆောင်ရွက်ရန် လိုအပ်ကြောင်း ပြောကြားပါသည်။

              ဆက်လက်၍ ရခိုင်ပြည်နယ် ၊စားသုံးသူရေးရာဦးစီးဌာန၊ ပြည်နယ်ဦးစီးမှူး စားသုံးသူရေးရာကော်မတီအတွင်းရေးမှူး ဦးတင်ဇော်ထွန်းက မိမိတို့ဌာနအနေဖြင့် နိုင်ငံတော်မှချမှတ်ထားသော မူဝါဒများနှင့်အညီ စားသုံးသူကာကွယ်ပေးရေးလုပ်ငန်းစဉ်များကို အကောင်အထည်ဖော်ဆောင်ရွက် လျက်ရှိကြောင်းနှင့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ ဖွင့်လှစ်ထားရှိပြီး စားသုံးသူနစ်နာဆုံးရှုံးမှုများ ကူညီဆောင်ရွက်ပေးလျှက်ရှိကြောင်း၊ တိုင်ကြားလာသည့် အမှုများရှိပါက ကော်မတီသို့တင်ပြ၍ ဖြေရှင်းဆောင်ရွက်ပေးမည်ဖြစ်ကြောင်း ပြောကြားခဲ့ပြီး စားသုံးသူကာကွယ်ရေး ဉပဒေ/နည်းဉပဒေစာအုပ်များ ဖြန့်ဝေပေးခဲ့ကြောင်း သိရှိရပါသည်။

               ဆက်လက်၍ ကော်မတီအဖွဲ့ဝင်များမှလည်း စားသုံးသူကာကွယ်ရေးဆိုင်ရာ ကိစ္စရပ်များအား ဆွေးနွေးခဲ့ကြပြီး အစည်းအဝေးကို နံနက်(၁၀:၃၀)အချိန်တွင် ရုပ်သိမ်းခဲ့ကြောင်း သတင်းရရှိပါသည်။

DOCA(ရခိုင်)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်လင်းအောင်နှင့် မြောင်းမြမြို့နယ်ဦးစီးမှူး  ဦးလှထွဋ်ဦးတို့သည် (၂၄.၅.၂၀၂၂)ရက်နေ့ နေ့လည်(၁၃;၀၀)နာရီအချိန်က မြောင်းမြမြို့ စားသုံးဆီတင်သွင်းရောင်းချဖြန့်ဖြူးနေသော စားသုံးဆီဆိုင်များသို့ ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းစစ်ဆေးရာတွင် စားသုံးဆီများသယ်ဆောင်၊ သိုလှောင်၊ ဖြန့်ဖြူးရာတွင် စားသုံးသူပြည်သူများ ဘေးဥပါတ်အန္တရာယ်ကင်းရှင်းစေရန်အတွက် ဆီကန်မှထုတ်ယူသော စားသုံးဆီများအား ၂၀၂၂ ခုနှစ်၊ မေလ(၁)ရက်နေ့မှစတင်၍ Food Grade အဆင့်ရှိ အဝါရောင်ပေပါအသစ် (သို့)သန့်စင်ပြီးပေပါများ၊ စားသုံးဆီသယ်ဆောင်သော Food Grade Bowser  Truck များဖြင့် စတင်အသုံးပြုရန်၊ ဈေးကွက်အတွင်းဖြန့်ဖြူးရာ၌ ဓါတုဗေဒပစ္စည်းများ ထည့်သွင်းအသုံးပြုထားသည့် Drum များတွင် စားအုန်းဆီများထည့်သွင်းသုံးစွဲခြင်းမပြုရန်၊ ဈေးကွက်အတွင်းသို့ ဖြန့်ဖြူးရာတွင် Food Grade (New Drum/ Clean Drum / Jerry Can/ Consumer Pack ) များ အသုံးပြုရန်၊ ဈေးကွက်အတွင်းဖြန့်ဖြူးမည့် ထုတ်ပိုးပစ္စည်းများအပေါ်တွင် စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီထံမှ   ခွင့်ပြုချက်ရရှိပြီး၊   သက်ဆိုင်ရာကုမ္ပဏီ၏ Cap Seal များဖြင့်ချိတ်ပိတ်ပြီး ကုန်အမှတ်တံဆိပ် (Logo) များကပ်နှိပ်၍ ပြည်ပမှ စားသုံးဆီတင်သွင်းခြင်း၊ သိုလှောင်ခြင်း၊ ဖြန့်ဖြူးခြင်းလုပ်ငန်းများကို ထိန်ကျောင်းကြပ်မတ်ဆောင်ရွက်လျှက်ရှိကြောင်း လုပ်ငန်းရှင်များအနေဖြင့် ညွှန်ကြားချက်များလိုက်နာဆောင်ရွက်ကြရန်နှင့် တိုးတက်သုံးစွဲလာသည့် အခြေအနေများကို ကွင်းဆင်းစိစစ်ဆောင်ရွက်ခဲ့ကြောင်း သိရှိရိပါသည်။

ဧရာဝတီ(DOCA)

          ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်၊ စားသုံးသူရေးရာဦးဌာနမှ စစ်ဆေးရေးအရာရှိနှင့် ဝန်ထမ်းတို့သည် (၂၀.၅.၂၀၂၂)ရက်နေ့ နံနက် (၁၀:၀၀)နာရီမှ (၁၁:၀၀)နာရီအထိ ဘိုကလေးမြို့မဈေးအတွင်း၊အပြင်ရှိ ကုန်မျိုးစုံဆိုင်နှင့် အလှကုန်ဆိုင်များတွင် Paris ဆပ်ပြာခဲများ၌ ကုန်အညွှန်းအမှတ်အသားပါအလေးချိန် ဖော်ပြချက်နှင့် အမှတ်အသားပါဝင်သော အလေးချိန်ကိုက်ညီမှု ရှိ/မရှိဈေးကွက်စောက်ကြည့်ကွင်းဆင်း စစ်ဆေးခဲ့ပါသည်။

          အဆိုပါ ကွင်းဆင်းစစ်‌ဆေးရာတွင် မြို့နယ်စည်ပင်အဖွဲ့နှင့်ပူးပေါင်း၍ ဘိုကလေးမြို့မဈေးအတွင်းအပြင်ရှိ ကုန်မျိုးစုံဆိုင်နှင့်အလှကုန်ဆိုင်တို့တွင် ရောင်းချသော Paris ဆပ်ပြာခဲများတွင်ကုန်အညွှန်းအမှတ်အသားပါ အလေးချိန်ဖော်ပြချက်နှင့် Paris  ဆပ်ပြာခဲများပေါ်တွင် ကပ်နှိပ်ထားသည့် အလေးချိန် ဖော်ပြချက်များ ကိုက်ညီမှုရှိ/မရှိ ကွင်းဆင်းစစ်ဆေးခဲ့ရာ ကိုက်ညီမှုရှိကြောင်း စစ်‌ဆေးတွေ့ရှိရပါသည်။

DOCA(ဧရာဝတီ)

         ရှမ်းပြည်နယ်(တောင်ပိုင်း) ဆန်စက်လုပ်ငန်းရှင်များအသင်း၏ (၂၀၂၂-၂၀၂၅)သက်တမ်းအတွက် အလုပ်အမှုဆောင်များ ပြန်လည်ရွေးချယ်ခြင်း အခမ်းအနားကို (၂၅.၅.၂၀၂၂)ရက်နေ့၊ နံနက် (၁၀:၀၀) နာရီအချိန်တွင် ရှမ်းပြည်နယ်(တောင်ပိုင်း) ကုန်သည်များနှင့် စက်မှုလက်မှုလုပ်ငန်းရှင်များအသင်းရုံး အစည်းအဝေးခန်းမ၌ ကျင်းပပြုလုပ်ခဲ့ပါတယ်။ အစည်းအဝေးသို့ စားသုံးသူရေးရာဦးစီးဌာန၊ လက်ထောက်ညွှန်ကြားရေးမှူး ဦးခွန်ကျော်ဌေးနှင့်ဝန်ထမ်းများ၊ ရှမ်းပြည်နယ်(တောင်ပိုင်း) ဆန်စက်လုပ်ငန်းရှင်များအသင်းဥက္ကဋ္ဌနှင့် တောင်ကြီး၊ ဟိုပုံး၊ ညောင်ရွှေ၊ ဆီဆိုင်၊ ကလော၊ ပင်းတယ၊ ရပ်စောက်၊ ဖယ်ခုံ၊ လဲချားနှင့် မိုးနဲမြို့နယ်များမှ မြို့နယ်ဆန်စက်အလုပ်အမှုဆောင်များ၊ မျိုးစေ့ကုမ္ပဏီနှင့် အခြောက်ခံစက်ကုမ္ပဏီမှ တာဝန်ရှိသူများ စုစုပေါင်း (၅၀) ဦး တက်ရောက်ခဲ့ကြကြောင်း သိရှိရပါတယ်။

           အစည်းအဝေးတွင် စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ဦးခွန်ကျော်ဌေး (လက်ထောက်ညွှန်ကြားရေးမှူး)မှ အဖွင့်အမှာစကားပြောကြားပြီး ပြည်နယ်ဆန်စက်အသင်းဥက္ကဋ္ဌ ဦးရဲထွန်းမှ အသင်း၏လုပ်ငန်းဆောင်ရွက်နေမှုအခြေအနေများ ရှင်းလင်းပြောကြားခဲ့ပါတယ်။ တက်ရောက်လာသော မျိုးစေ့ကုမ္ပဏီ၊ အခြောက်ခံစက်ကုမ္ပဏီများမှလည်း မျိုးစေ့နှင့်အခြောက်ခံစက်အကြောင်းများကို ရှင်းလင်းဆွေးနွေးခဲ့ကြပါတယ်။

      ထို့နောက် တက်ရောက်လာသော ပြည်နယ်အလုပ်အမှုဆောင်များ၊ မြို့နယ်အလုပ်အမှုဆောင်များမှ ရှမ်းပြည်နယ်(တောင်ပိုင်း) ဆန်စက်လုပ်ငန်းရှင်များအသင်း၏ (၂၀၂၂-၂၀၂၅) သက်တမ်းအတွက် အလုပ်အမှုဆောင်အမည်စာရင်းများကို ရွေးချယ်တင်မြောက်ခြင်း၊ အတည်ပြုခြင်းတို့ကို ဆောင်ရွက်ခဲ့ကြပြီး အသင်းကို အလုပ်အမှုဆောင် (၂၇) ဦးဖြင့် ရွေးချယ်ဖွဲ့စည်းခဲ့ကြကြောင်း သတင်းရရှိပါတယ်။

DOCA(ရှမ်း)