HighLight News

          ၂၀၂၅ ခုနှစ် စက်တင်ဘာလ (၉) ရက်နေ့ နံနက် (၁၀း၃၀) နာရီအချိန်၌ တိုင်းဒေသကြီး အစားအသောက်နှင့် ဆေးဝါးကွပ်ကဲရေးဦးစီးဌာနမှ ဦးဆောင်၍ တိုင်းဒေသကြီး အစားအသောက်နှင့်ဆေးဝါးကြီးကြပ် ကွပ်ကဲရေးကော်မတီအဖွဲ့ဝင်များဖြစ်ကြသော တိုင်းဒေသကြီး ပြည်သူ့ကျန်းမာ၊ တိုင်းဒေသကြီး ရဲတပ်ဖွဲ့၊ ထွေထွေအုပ်ရေးဦးစီးဌာန၊ စည်ပင်သာယာရေးအဖွဲ့နှင့်  တိုင်းဒေသကြီးစားသုံးသူရေးရာဦးစီးဌာန တို့ပါဝင်သော စစ်ဆေးရေးအဖွဲ့သည် အလုံတပ်မြို့ရှိ အထက(၂) အခြေခံပညာနှင့်စိုက်ပျိုးရေး အထက်တန်းကျောင်းရှိ ကျောင်းမုန့်ဈေးတန်းသို့ ဈေးကွက်ထောက်လှမ်းစစ်ဆေးခဲ့ကြောင်း သိရသည်။

          ထိုသို့စစ်ဆေးဆောင်ရွက်ရာတွင် ကျောင်းမုန့်ဈေးတန်းတွင် ရောင်းချသည့် အစားအသောက် များအားနမူနာကောက်ယူ၍   အစားအသောက်များ၌ ထည့်သွင်းသုံးစွဲရန် ခွင့်မပြုသော ဓာတုတာရှည် ခံပစ္စည်းနှင့် ဓာတုဆိုးဆေးများ အသုံးပြုထားခြင်းရှိ/ မရှိ  စစ်ဆေးခဲ့ရာ ကြက်ဥပုံဂျယ်လီတွင် ဖော်မလင်ပါရှိကြောင်းနှင့် သင်္ဘောသီးသုပ်တွင် အသုံးပြုထားသော ငါးပိများတွင် (Rhodamine-B) ပါဝင်နေကြောင်း တွေ့ရှိရသဖြင့် ဈေးသည်များအားခေါ်ယူ၍ ကျောင်းအုပ်ကြီးနှင့် ကော်မတီအဖွဲ့ဝင်များရှေ့မှောက်တွင် ခံဝန်ကတိရေးထိုးစေပြီး၊ အစားအသောက်များအား မြေမြုပ်ဖျက်ဆီးခဲ့ကြောင်း သိရှိရပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့်ဝန်ထမ်းတို့သည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ၂၀၂၅ ခုနှစ် စက်တင်ဘာလ(၁၁)ရက်နေ့၊ နံနက်(၁၀:၀၀) နာရီအချိန်တွင် ပြန်/ဆက်ရုံးရှိ စာဖတ်သူပြည်သူ(၈)ဦးအား Online Sale နှင့် ပက်သက်၍ အသိပညာပေးဟောပြောခဲ့ပါသည်။

          Online Sale စနစ်ရောင်းချခြင်းဆိုသည်မှာ လူမှုကွန်ယက် ဆိုရှယ်မီဒီယာများဖြစ်သော Facebook ၊ Viber ၊ Tiktok စသည်တို့မှ လူသုံးကုန်ပစ္စည်းများဖြစ်သော အလှကုန်၊ ဆေးဝါး၊ စားသောက်ကုန်လုပ်ငန်းများကို အင်တာနက်စနစ်ဖြင့် ရောင်းချလုပ်ကိုင်ခြင်းကိုဆိုလိုသည်။ ထိုသို့ ရောင်းချရာတွင် စားသုံးသူများလုံခြုံစိတ်ချရမှုရှိစေရေးအတွက် သက်ဆိုင်ရာဦးစီးဌာနမှ သတ်မှတ်ထား သောလျှောက်လွှာပုံစံတွင် Online Sale စနစ်ဖြင့် မှတ်ပုံတင်လက်မှတ် လျှောက်ထားရောင်းချရမည်ဖြစ် ပါသည်။ မှတ်ပုံတင်လက်မှတ်လျှောက်ထားသူသည် ပြည်ထောင်စုမြန်မာနိုင်ငံသားဖြစ်ပြီး အသက်(၁၈) နှစ်ပြည့်ပြီးသူ၊ ရောင်းချမည့် လုပ်ငန်းနေရာကို တင်ပြနိုင်ရပါမည် အဆိုပါမှတ်ပုံတင်လက်မှတ်ရှိထားပါ ကစားသုံးသူ၏တိုင်ကြားမှုတွင် ဥပဒေအရ ကာကွယ်ခုပိုင်ခွင့်ရှိပြီး ကုန်စည်(သို့)ဝန်ဆောင်မှုကိုရောင်းချရာတွင် သဘောတူညီချက်၊ တန်ဖိုးတို့နှင့်အညီ ပေးချေမှုကို လက်ခံရယူပိုင်ခွင့်ရှိခြင်း၊ တရားဝင်လွတ်လပ်စွာ အရောင်းအဝယ်ပြုနိုင်ခြင်းစသည့် အားသာချက်များရှိကြောင်း စာဖတ်သူပြည်သူများအား အသိပညာပေးဟောပြောခဲ့သည်ဟု သတင်းရရှိပါသည်။

DOCA(ဧရာဝတီ)

        ဘိုကလေးမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းတို့သည်၂၀၂၅ခု နှစ်စက်တင်ဘာလ(၁၀)ရက်နေ့၊ နံနက်(၁၁:၀၀)နာရီအချိန်တွင် ဘိုကလေးမြို့(၃)ရပ်ကွက်ရှိ ဘိလပ်မြေအရောင်းဆိုင်များသို့ ဈေးကွက်စောင့်ကြည့်စိစစ်ခဲ့ရာ ဘိလပ်မြေအရောင်းဆိုင်များအနေဖြင့် ပစ္စည်းပြတ်လပ်မှုမရှိစေရေး၊ ဈေးနှုန်းတည်ငြိမ်စေရေး၊ ဘိလပ်မြေအိတ်များကို ဝယ်ရင်းဈေးထက် အမြတ် ၁၀%ထက်ပို၍ရောင်းချခြင်းမပြုလုပ်ရန်၊ ဈေးကွက်စောင့်ကြည့်စစ်ဆေးခဲ့ရာ အရောင်းဆိုင်များအနေဖြင့် ဝယ်ရင်ဈေးထက် အမြတ် ၂% သာယူ၍ရောင်းချကြောင်း သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဒေးဒရဲမြို့နယ် စားသုံးသူရေးရာဦးစီးဌာနမှ  မြို့နယ်တာဝန်ခံနှင့် ဝန်ထမ်းတို့သည် မြို့နယ်အထွေထွေအုပ်ချုပ်ရေးဦးစီးဌာနနှင့် ပူးပေါင်း၍ ၂၀၂၅  ခုနှစ်၊ စက်တင်ဘာလ (၁၂) ရက်နေ့၊ နေ့လယ် (၁၂:၀၀) နာရီအချိန်တွင်  ဒေးဒရဲမြို့နယ် တညင်ကုန်းကျေးရွာရှိ“နုရတနာ” ဆန်စက်သို့ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးခဲ့ကြပါသည်။

          အဆိုပါ ကွင်းဆင်းစစ်ဆေးရာတွင် လက်ရှိလည်ပတ်နေသောစက်၏ ကြိတ်ခွဲအားတန်နှင့် ထုတ်လုပ်မှုစွမ်းအား၊ ခေတ်မီစက်ကိရိယာများ တပ်ဆင်ထားရှိမှု အခြေအနေ၊ ဆန်စပါး သိုလှောင်ထားရှိမှုအခြေအနေ၊ Myro မှတ်ပုံတင်ကိစ္စတို့နှင့် စပ်လျဉ်း၍ ကွင်းဆင်းစိစစ်ခဲ့ကြပါသည်။ ဆန်စပါး ဈေးနှုန်းဈေးကွက် အခြေအနေနှင့် ထုတ်ကုန်လုံခြုံစိတ်ချရမှုရှိစေရေး၊ အလေးချိန်အချိန်တွယ် ပြည့်ဝမှန်ကန်စေရေး၊ ဆန်စက်မှထွက်ရှိသော စွန့်ပစ်ပစ္စည်းများ စနစ်တကျစွန့်ပစ်ထားရှိမှု အခြေအနေတို့ကို ကွင်းဆင်းစိစစ်ခဲ့ကြောင်း သတင်းရရှိပါသည်။

DOCA(ဧရာဝတီ)

         စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် (၁၂.၉.၂၀၂၅) ရက်နေ့၊ နံနက် (၁၀:၀၀) နာအချိန်တွင် အမှတ် (၂၃)၊ လှိုင်မြစ်လမ်း၊ ကွက်သစ်ရပ်ကွက်ရှိ သန့်စင်စတိုး၌ အသင့်စားခေါက်ဆွဲထုပ်များတွင် ကုန်ညွှန်းအမှတ်အသားပြည့်စုံမှုရှိ/ မရှိ ကွင်းဆင်းစစ်ဆေးခဲ့ပါသည်။

         ထိုသို့ကွင်းဆင်းစစ်ဆေးဆောင်ရွက်ရာတွင် အသင့်စားခေါက်ဆွဲထုပ်များတွင် ကုန်ညွှန်းအမှတ်အသားဖော်ပြခြင်း ပြည့်စုံမှုရှိ/ မရှိစစ်ဆေးခဲ့ပြီး၊ သန့်စင်စတိုးတာဝန်ခံအား စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ပါ ပြဌာန်းချက်များမှ အခန်း(၁၈)ပါ  ကုန်ညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ၄၁ ပုဒ်မခွဲ(ခ)နှင့် (ဆ)တို့ပါ ကုန်ညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့)တစ်ခု ထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက်သတ်မှတ်ထားသည့် ဥပဒေညွှန်ကြားချက်များအား လိုက်နာဆောင် ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်အညွှန်းအမှတ်အသားဖော်ပြချက်၊ ပြည့်စုံမှုရှိ/ မရှိ အားဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွားမည်ကြောင်း သိရှိရပါသည်။

DOCA (ရန်ကုန်)