HighLight News

           ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်ရှိ အဝေးသင်တက္တကသိုလ်ခန်းမတွင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် ဝန်ထမ်းများသည် တက္ကသိုလ်နယ်မြေတွင် အွန်လိုင်းမှတ်ပုံတင်ခြင်းဆိုင်ရာ သိကောင်းစရာအကြောင်း အသိပညာပေးဟောပြောခြင်းကို ၂၂.၁.၂၀၂၅ ရက်နေ့ နံနက်(၁၃း၃၀)နာရီအချိန်တွင် အသိပညာပေး ဟောပြောခြင်း ပြုလုပ်ခဲ့ကြောင်းသိရသည်။

              ဟောပြောပွဲတွင် စားသုံးသူရေးရာဦးစီးဌာနမှ ဒေါ်သင်းသင်းထွေး(အငယ်တန်းစာရေး)က  အွန်လိုင်း စနစ်ဖြင့်ရောင်းချသူများ(Online Sales) မှတ်ပုံတင်နိုင်ရေး အသိပညာပေးခြင်းနှင့် eComReg System အကြောင်းများကို ရှင်းလင်းဆွေးနွေးပြီး အွန်းလိုင်းစနစ်ဖြင့် ရောင်းချသူ လုပ်ငန်းရှင်များက မှတ်ပုံတင်နိုင်ရေးလျောက်ထားပြီးမှ ကုန်စည်ကိုရောင်းချရမည်ဖြစ်သည့်အတွက် မအူပင်ခရိုင်၊ စားသုံးသူရေးရာ ဦးစီးဌာနကလည်း အွန်လိုင်းစနစ်ဖြင့်မှတ်ပုံတင်ခြင်လုပ်ငန်းတွင် လိုအပ်သောမှတ်ပုံတင်ရာတွင် ပူးတွဲတင်ပြရ မည့်အချက်များ၊ မှတ်ပုံတင်မည့်သူများ သိရှိလိုက်နာရမည့် စည်းကမ်းချက်များ၊ အွန်လိုင်းစနစ်ဖြင့် ရောင်းချခြင်း(Online Sales)၊ လုပ်ငန်း မှတ်ပုံတင် (အသစ်) လျှောက်ထားရမည့် လုပ်ငန်းစဉ် အဆင့်ဆင့် များကို လုပ်ငန်းရှင်အား ရှင်းလင်းပြောပြခဲ့ပြီး လုပ်ငန်းရှင်တို့မှ မှတ်ပုံတင်လျှောက်ထားရာတွင် လုပ်ငန်းပိုင်ရှင်၏ နေရပ်လိပ်စာမှန်ကန်ကြောင်း ရပ်ကွက်ထောက်ခံချက်၊ လုပ်ငန်းတည်နေရာမှန်ကန်ပါကြောင်း ရပ်ကွက်ထောက်ခံချက်၊ လုပ်ငန်းပိုင်ရှင်၏ အကျင့်စာရိတ္တကောင်းမွန်ကြောင်း ရဲစခန်းထောက်ခံချက်၊ လုပ်ငန််းပိုင်ရှင်၏ မှတ်ပုံတင် အရှေ့အနောက်ဓါတ်ပုံ၊ ပါတ်စပိုစ့်ဆိုဒ် ဓါတ်ပုံ၊ လုပ်ငန်း၏ Logo ပုံ တို့ဖြင့်အတူ မှတ်ပုံတင် Certificate ရရှိသည်အထိ ကူညီဖြေရှင်းဆောင်ရွက်ပေးနေ ကြောင်းကို အကျယ်တဝင့် ရှင်းလင်း အသိပညာ ပေးဟောပြောခဲ့ပြီး ဆရာ/ ဆရာမ ၈၂၀ဦး တက်ရောက်ခဲ့ကြောင်း သိရှိရပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြောင်းမြမြို့နယ်တွင် ခရိုင်ဦးစီးမှူးံဦးဇော်လင်းအောင်နှင့်ဝန်ထမ်းများသည် (၂၃.၁.၂၀၂၅)ရက်နေ့ နံနက်(၀၉:၃၀)နာရီအချိန်တွင် ခရိုင်ဦးစီးမှူးဦးဆောင်သော ဝန်ထမ်းစွမ်းဆောင်ရည်မြှင့်သင်တန်း ပြုလုပ်ဆောင်ရွက်ခဲ့ကြောင်းသိရသည်။

            ထိုသို့ပြုလုပ်ဆောင်ရွက်ရာတွင် စားသုံးသူရေးရာဦးစီးဌာန ခရိုင်ဦးစီးမှူး ဦးဇော်လင်းအောင်မှ ဦးစွာ အဖွင့်အမှာစကားပြောကြားပြီး သင်တန်းကိုဖွင့်လှစ်ခဲ့ပါသည်။ ဆက်လက်၍ ဒု-ခရိုင်ဦးစီးမှူး ဦးလှထွဋ်ဦး မှလည်း ထုတ်ကုန်လုံခြုံစိတ်ချရမှုနှင့်ပတ်သက်၍ ဥပဒေများအကြောင်း စားသုံးသူကာကွယ်ရေးအကြောင်း များ ကုန်စည်၊ဝန်ဆောင်မှုနှင့် ပတ်သက်သည့် ဈေးကွက်စောင့်ကြည့်စစ်ဆေးခြင်း၏ ရည်ရွယ်ချက်များ ပြောကြားခဲ့ပါသည်။ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနမှ ဦးစိုးဝင်း (ဒု-ကြီးကြပ်ရေးမှူး) ကလည်း သတင်းရေးသားရာတွင်ပါဝင်ရမည့်အချက်များ ဆောင်ပါးများရေးသားနိုင်ရေး MiRo ကိစ္စနှင့်ပတ်သက်၍ ဆန်စက်များအပါအဝင်ဈေးရှိဆန်ဆိုင်များပါ မှတ်ပုံတင်နိုင်ရေး ပြောကြားခဲ့ ပါသည်။ နေ့လည်ပိုင်းသင်တန်းပြန်စချိန်တွင်လည်း စီမံရေးရာဌာနခွဲမှ ဒေါ်ထားထားခင် (ဒု-ကြီးကြပ်ရေးမှူး)ကလည်း ဝန်ထမ်းများလိုက်နာရမည့် စည်းမျဉ်းစည်းကမ်းများ ရုံးစာရေးသားရာတွင် လိုအပ်သောအချက်များ ရုံးစာရေးသားနည်းများ ရုံးစာပေးပို့နည်းများ ခွင့်များနှင့်ပတ်သက်၍ ပြောကြားခဲ့ ပါသည်။ ဆက်လက်၍စားသုံးသူရေးရာဌာနခွဲမှ ဌာနခွဲစာရေး ဒေါ်ရည်မွန်သန့်မှလည်း စားသုံးသူအခွင့်အရေး (၈)ချက် အကြောင်းရှင်းလင်းပြောကြားခဲ့ပြီး နောက်ဆုံးအနေဖြင့် ငွေစာရင်းတာဝန်ခံ ဒု-ဦးစီးမှူး ဒေါ်ချယ်ရီမြင့်မှ လည်းငွေစာရင်းဆိုင်ရာကိစ္စများနှင့် ပတ်သက်သည့်အကြောင်းအရာများ ငွေစာရင်းခေါင်းစဉ်များအကြောင်း အသေးစိတ်ရှင်းလင်းပြောကြားခဲ့ပါသည်။ ဝန်ထမ်းစွမ်းဆောင်ရည်မြှင့်သင်တန်းသို့ ခရိုင်နှင့်မြို့နယ်များမှ သင်တန်းသား၊ သင်တန်းသူ စုစုပေါင်း (၁၈)ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီးအတွင်း စက်မှုလုပ်ငန်းများဖွံ့ဖြိုးတိုးတက်ရေးအတွက် ပုဂ္ဂလိကစက်မှုကြီးကြပ်ရေးအဖွဲ့ဥက္ကဌ ဧရာဝတီတိုင်းဒေသကြီး စက်မှုကြီးကြပ်ရေးနှင့် စစ်ဆေး ရေးဦးစီးဌာန တိုင်းဦးစီးမှူးဦးဆောင်၍ စားသုံးသူရေးရာဦးစီးဌာနအပါအဝင် အဖွဲ့ဝင်ဌာနဆိုင်ရာများပါဝင်၍ စက်မှုလုပ်ငန်းများမှတ်ပုံတင်ခွင့်ပြုရန် ၁/၂၀၂၅ လုပ်ငန်းညှိနှိုင်း အစည်း အဝေးကို ဇန်နဝါရီလ ၂၂ရက်နေ့တွင် ကျင်းပပြုလုပ်ခဲ့ပါသည်။

          ပုဂ္ဂလိကစက်မှုလုပ်ငန်းကြီးကြပ်ရေးအဖွဲ့ဥက္ကဌမှ တိုင်းအတွင်း ကွင်းဆင်းစစ်ဆေးပြီးသော ပုဂ္ဂလိကစက်မှုလုပ်ငန်းမှတ်ပုံတင်ရန် လျှောက်ထားလာသည့် အငယ်စားစက်မှုလုပ်ငန်း ၅၀ခုအား ပုဂ္ဂလိကစက်မှုလုပ်ငန်းဥပဒေ ပုဒ်မ (၂)ပုဒ်မခွဲ (က)နှင့်ပုဒ်မ(၄)ပုဒ်မခွဲ (က)နှင့်အညီ အဖွဲ့ဝင်ဌာနများမှ မှတ်ပုံတင်ခွင့်ပြုရန် ထောက်ခံမှသာစက်မှုကြီးကြပ်ရေးနှင့်စစ်ဆေးရေး ဦးစီးဌာနရုံးချုပ်သို့ ဆက်လက်တင်ပေးသွားမှာဖြစ်ကြောင်း ဆွေးနွေးခဲ့ပါသည်။

            အဖွဲ့ဝင်ဌာနဆိုင်ရာများမှလည်း ပုသိမ်၊လပွတ္တာ၊မော်ကျွန်း၊ငပုတော၊ကျုံပျော်၊ ဝါးခယ်မ၊ မြောင်းမြ၊ကန်ကြီးထောင့်၊အိမ်မဲ၊ပန်းတနော်မြို့နယ်များမှတင်ပြလာသော အငယ်စားစက်မှု လုပ်ငန်း ၅၀ ခုမှာသက်ဆိုင်ရာဌာနများဖြစ်သော မြို့နယ်စီမံအုပ်ချုပ်ရေး အဖွဲ့၊စည်ပင်၊ မီးသတ်၊ကျန်းမာရေး၊ လျှပ်စစ်၊ ပတ်ဝန်းကျင်၊ သစ်တောဦးစီးဌာနမှ အထောက်အထားများ ပြည့်စုံစွာ တင်ပြလာမှုအပေါ် စက်မှုကြီးကြပ်ရေးနှင့်စစ်ဆေးရေးဦးစီးဌာနရုံးချုပ်သို့ ဆက်လက် တင်ပြရန်နှင့်ပုဂ္ဂလိကစက်မှုမှတ်ပုံတင်ခွင့်ပြုရန်ထောက်ခံခဲ့ကြောင်း သိရှိရပါသည်။

DOCA(ဧရာဝတီ)                                   

          ဧရာဝတီတိုင်းဒေသကြီး၊       မြောင်းမြခရိုင်၊ မြောင်းမြမြို့နယ် ဦးစီးမှူးဦးလှထွဋ်ဦးသည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့် စားသုံးသူရေးရာဦးစီးဌာနတို့ပူးပေါင်း၍ (၂၂.၁.၂၀၂၅)ရက်နေ့ နံနက် (၁၄:၀၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူ အသိပညာပေး Talk Show ပြုလုပ်ခဲ့ပါသည်။

          ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးမှ  စားသုံးသူ အသိပညာပေး Talk Show ပြုလုပ်ရခြင်း၏ ရည်ရွယ်ချက်အားရှင်းလင်းပြောကြားပြီး၊ စားသုံးသူရေးရာဦးစီးဌာန မြို့နယ်ဦးစီးမှူးဦးလှထွဋ်ဦးမှ ဌာန၏မျှော်မှန်းချက်၊ ရည်မှန်းချက်များ၊ ရှေ့ဆက်လက်ဆောင်ရွက်ရမည့် လုပ်ငန်းတာဝန်များအားဦးစွာရှင်းလင်းပြောကြားခဲ့ပြီး၊အသေးစိတ်ရှင်းလင်းဆွေးနွေးခဲ့ပြီး၊စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ ထုတ်ပြန်ထားသောစားသုံးသူကာကွယ်ရေး ဥပဒေ ၂၀၁၉ ပါပြဌာန်းချက်များမှ စစ်ဆေးရေးအရာရှိ ၏လုပ်ငန်းတာဝန်(၁၁)ချက်အား အသေးစိတ်ပြောကြားခဲ့ပြီး၊ အခန်း(၉)ပါ စားသုံးသူ၏အခွင့်အရေးနှင့်တာဝန်များ၊  အခန်း(၁၀)ပါစီးပွားရေးလုပ်ငန်းရှင်၏တာဝန်များ၊ အခန်း(၂၃)ပါ တားမြစ်ချက်များ၊ အခန်း(၂၄)ပါ ပြစ်မှုပြစ်ဒဏ်များ၊  အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍တွဲလျှက်ဖြစ်စေ၊ ရေးသားဖော်ပြရမည်ဖြစ်ပြီး၊ ကုန်စည်အမျိုးအစားအလိုက် သတ်မှတ်ထားသည့် ဥပဒေများနှင့်အညီဆောင်ရွက်ကြရန်၊ စီးပွားရေးလုပ်ငန်းရှင်များအနေဖြင့် ဥပဒေပါ အချက်အလက် များသိရှိလိုပါက စားသုံးသူရေးရာဦးစီးဌာန၊ ခရိုင်ဦးစီးမှူးရုံးတွင်လည်းကောင်း၊ စားသုံးသူရေးရာဦးစီးဌာန၊ ရုံးချုပ်၏ www.doca.gov.mmwebsite တွင်လည်း ဝင်ရောက်လေ့လာ ကြည့်ရှုနိုင်ပါကြောင်း စားသုံးသူများနစ်နာမှုရှိလာပါက  စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ပါကြောင်း အသိပညာပေးဟောပြော ဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

             စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် (၂၁.၁.၂၀၂၅)ရက်နေ့၊ နံနက် (၁၀:၀၀)နာရီအချိန်တွင်  မြန်အောင်မြို့ပေါ်ရပ်ကွက်အတွင်းရှိ Online စနစ်ဖြင့် ရောင်းချလျက်ရှိသော အဝတ်အထည်၊ အလှကုန်နှင့် လျှပ်စစ်ပစ္စည်းအရောင်းဆိုင်များသို့ အွန်လိုင်းမှတ်ပုံတင်ထားမှုရှိ/ မရှိ၊ ကုန်အညွှန်းအမှတ်အသား ပြည့်စုံစွာ ဖော်ပြထားမှု ရှိ/မရှိ Online Registration software ဖြင့် မြေပြင်ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်းသိရသည်။

          ထိုသို့ကွင်းဆင်းခဲ့ရာတွင် မြို့နယ်ဦးစီးမှူး ဦးမြင့်အောင်က Online စနစ်ဖြင့်ရောင်းချ နေသော အ‌ရောင်းဆိုင်များသို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်း ဆောင် ရွက်ရာတွင် လုပ်ငန်းရှင်များ လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန် တစ်ကယ် တည်ရှိခြင်း ရှိ/မရှိ ၊ မှတ်ပုံတင်လက်မှတ်လျှောက်ထားစဉ်က ရောင်းချရန် တင်ပြထား သော ကုန်စည်(သို့)ဝန်ဆောင်မှု အမျိုးအစားစာရင်းအတိုင်း မြေပြင်တွင် အမှန်တစ်ကယ် ရောင်းချနေသော စာရင်းကိုက်ညီမှု ရှိ/မရှိ တို့ကို စစ်ဆေးခဲ့ပြီး၊မှတ်ပုံတင်လက်မှတ်ရရှိသူ၏ တာဝန်ဖောက်ဖျက်မှုရှိ/မရှိ၊ စားသုံးသူကာကွယ်ရေးဥပ‌ဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်းအမှတ်အသား ဖော်ပြမှုတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)