HighLight News

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိ၊ စားသုံးသူများ နေ့စဉ်အသုံးပြုလျက်ရှိသော ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေး၊ ကုန်စည်များကို သတ်မှတ်စံချိန်စံညွှန်းများ၊ ညွှန်ကြားချက်များနှင့်ကိုက်ညီမှုရှိ/မရှိ  ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိပါသည်။ ဈေးကွက်စောင့်ကြည့်စစ်ဆေးရာတွင် မိတ်ဘက်ဌာနဆိုင်ရာများနှင့်ပူးပေါင်း၍ သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိပါသည်။

           ရွှေဘိုခရိုင်အနေဖြင့် (၁/၂၀၂၅)လအတွင်း ဒု-ခရိုင်ဦးစီးမှူးမှဦးဆောင်၍ ရွှေဘိုမြို့နယ်တာဝန်ခံ၊ စားသုံးသူရေးရာဌာနခွဲတာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့သည် ရွှေဘိုမြို့၊ အမှတ်(၄) ရပ်ကွက်ရှိ Top Star (ကလေးကစားစရာနှင့် မုန့်မျိုးစုံရောင်းဝယ်ရေးဆိုင်)အားလည်းကောင်း၊ မနီနီအောင် (မုန့်မျိုးစုံရောင်းဝယ်ရေးဆိုင်)အားလည်းကောင်း၊ ဦးသန်းကျော် (ကုန်မျိုးစုံရောင်းဝယ်ရေး) ဆိုင်အားလည်းကောင်း၊ အမှတ်(၅)ရပ်ကွက်ရှိ TK(မုန့်မျိုးစုံရောင်းဝယ်ရေးဆိုင်)အားလည်းကောင်း ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြပြီး ဌာန၏ဥပဒေ၊ အမိန့်နှင့်ညွှန်ကြားချက်ပါ အကြောင်းများကို အသိပညာပေးဆွေးနွေးခြင်းများ ဆောင်ရွက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ ဆောင်ပုဒ်ဖြစ်သည့် “စားသုံးသူအခွင့်အရေးဦးစားပေး” ဆိုသည့်အတိုင်း စားသုံးသူပြည်သူများသည် စားသုံးသူအခွင့်အရေးနှင့် ပတ်သက်သည့် အသိပညာဗဟုသုတများရရှိစေရန် ကျောင်း၊ ဈေး၊ ရပ်ကွက်၊ ကျေးရွာ  များ၊ ဌာနဆိုင်ရာရုံးများ၊ တက္ကသိုလ်/ကောလိပ်များ၊ တပ်ရင်းတပ်ဖွဲ့များကို စားသုံးသူကာကွယ်ပေးရေး အသိပညာပေးဟောပြောပွဲများဆောင်ရွက်ခြင်း၊ ဈေးကွက်အတွင်းစားသုံးသူများအနေဖြင့် ကုန်စည်နှင့်ဝန်ဆောင်မှုများကို အသုံးပြုရာတွင် ဘေးအန္တရာယ်ကင်းရှင်းစေရန်နှင့် ထုတ်ကုန်များလုံခြုံစိတ်ချရမှုရှိစေရန် ဈေးကွက်မရောက်မီနှင့် ဈေးကွက်ရောက်ပြီးသောကုန်စည်များကို ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိရာ စားသုံးသူများ၏အခွင့်အရေး (၈)ချက်အနက် ကုန်စည် (သို့မဟုတ်) ဝန်ဆောင် မှုများနှင့် ပတ်သက်သည့် အသိပညာဗဟုသုတများနှင့် လိုအပ်သောအချက်အလက်များကို သိရှိလေ့လာနိုင်ရန်၊ နစ်နာဆုံးရှုံးမှုများကို ရှင်းလင်းတင်ပြနိုင်ရန်၊ တိုင်ကြားနိုင်ခြင်းကို သိရှိစေရန် ရည်ရွယ်၍ ရွှေဘိုမြို့ နယ်အတွင်းရှိ ပြည်သူများအား စားသုံးသူ ကာကွယ်ရေး ဉပဒေ ၂၀၁၉ပါ အကြောင်းများကို သိရှိလေ့လာ နိုင်စေရန် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ဒု-ခရိုင်ဦးစီးမှူး  ဦးဆောင်၍ ၂၀၂၅ခုနှစ်၊ ဇန်နဝါရီလအတွင်း စားသုံးသူ ကာကွယ်ရေးအသိပညာပေးဆွေးနွေးပွဲ (၁) ကြိမ် ဆောင်ရွက်ခဲ့ကြောင်းသိရသည်။

           (၂၃.၁.၂၀၂၅)ရက်နေ့တွင် ရွှေဘိုမြို့၊ မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ဝန်ထမ်းအိမ်ရာတွင် စီးပွားရေးလုပ်ငန်းရှင်များအား စားသုံးသူကာကွယ်ရေးဉပဒေ၊ စားသုံးသူအခွင့်အရေးနှင့်လိုက်နာရမည့် တာဝန်များ၊အခန်း(၁၈)ပါကုန်အညွှန်းအမှတ်အသားဖော်ပြခြင်းအကြောင်းနှင့် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါအကြောင်းများ၊ စားသုံးသူအခွင့် အရေးနှင့်အကျိုး စီးပွားနစ်နာဆုံးရှုံး  မှုများရှိပါက တိုင်ကြားနိုင် ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သော အကြောင်းများကို မေးမြန်းစုံစမ်းနိုင် သည့် Concumer Call Center NO 1535 အ ကြောင်း၊ တိုင်ကြားစာများကို စိစစ်ညှိနှိုင်းဖြေရှင်း ပေးသည့် အကြောင်းများကို အသေးစိတ် ရှင်းလင်း ဆွေးနွေးခဲ့ပြီး စီးပွားရေးလုပ်ငန်းရှင် (၁၂)ဦးအား  လက်ကမ်းစာစောင်များ ဖြန့်ဝေခဲ့ကြောင်း သတင်းရရှိ ပါသည်။

DOCA(စစ်ကိုင်း)

          ဘိုကလေးမြို့နယ် စားသုံးသူရေးရာဦးစီးဌာန  မြို့နယ်တာဝန်ခံနှင့် ဝန်ထမ်းတို့သည်    (၂၆.၁.၂၀၂၅)နေ့ နေလယ် (၁၂:၀၀)နာရီအချိန်တွင် ဘိုကလေးမြို့ပေါ်ရှိ   ဘိလပ်မြေအရောင်းဆိုင်များသို့ သွားရောက်၍ ပစ္စည်းပြတ်လတ်မှု မရှိစေရေး၊ ဈေးနှုန်းကြီးမြှင့်မှုရှိ/မရှိနှင့်ဈေးနှုန်း တည်ငြိမ်ရေးတို့အတွက် ကွင်းဆင်းစိစစ်ဆောင်ရွက်ခဲ့ပါသည်။

          ထိုသို့ကွင်းဆင်းစိစစ်ရာတွင် ဘိလပ်မြေဆိုင်များအနေဖြင့် ဘိလပ်မြေများ မှာယူရာတွင် ရန်ကုန်ကိုယ်စားလှယ်များမှ ခွဲတမ်းအရ ရရှိခြင်းအပေါ် တစ်နေ့ကားတစ်စီးလျှင် ၁၅၀အိတ်/၂၀၀အိတ်သာ ရရှိကြောင်း၊ ရရှိသည့်အပေါ်တွင် ဌာနဆိုင်ရာ ကန်ထရိုက်စနစ်ဆောက်လုပ်ရေးလုပ်ငန်းများသို ဦးစားပေးခွဲဝေပေးခြင်း ၊ အခြားပြင်ပ ပြည်သူများသို့လည်း အချိုးကျခွဲဝေပေးရကြောင်း၊ ဈေးနှုန်းဈေးကွက်အနေဖြင့်တစ်ပတ်နှင့်တစ်ပတ် ကုန်ဈေးနှုန်းပြောင်းလဲမှုရှိလျှင် ကုန်ပစ္စည်းမျာအား ချိန်ဆပြီး မှာယူရကြောင်း၊မြို့နယ်သို့  သယ်ယူရာတွင် ရေလမ်း၊ ကုန်းလမ်းဖြင့် သယ်ယူလျှက်ရှိပြီး ယခုအခါသည် ကုန်းလမ်းဖြင့်သာသယ်ယူကြပါသည်။  တစ်လ နှင့် တစ်လ ဈေးနှုန်းအပြောင်းအလဲ ဖြစ်ပေါ်လျက်ရှိပြီး မြို့နယ်အနေဖြင့်ဘိလပ်မြေ ပြတ်လပ်မှုမရှိပါကြောင်း စိစစ်မှုအရ သိရှိရပါသည်။

DOCA(ဧရာဝတီ)

         ဓနုဖြူမြို့အတွင်းရှိ စားသုံးသူပြည်သူများ စားသုံးရန်မသင့်သည့် စားသောက်ကုန် ပစ္စည်းများနှင့် သုံးစွဲရန်မသင့်သည့် လူသုံးကုန်ပစ္စည်းများ ရောင်းချမှုမရှိစေရေးအတွက် ၂၇.၁.၂၀၂၅ရက်နေ့ နံနက် (၀၉း၀၀) နာရီအချိန်တွင် ဓနုဖြူမြို့ရှိ စည်ပင်သာယာဈေး ရှိကုန်စုံဆိုင်များအား စည်ပင်သာယာရေးအဖွဲ့ ဖိတ်ကြားချက်အရ ပူးပေါင်းကွင်းဆင်းကြည့်ရှုစစ် ဆေးခဲ့ကြောင်းသိရသည်။

        ထိုသို့လိုက်လံစစ်ဆေးရာတွင် ဓနုဖြူမြို့နယ် စားသုံးသူရေးရာဦးစီးဌာန၊ တာဝန်ခ ံဦဝင်းမငိးစိုး၊ အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန စည်ပင်သာယာရေးအဖွဲ့ ၊ပြန်ကြားရေးနှင့် ပြည်သူ့ဆက်ဆံရေးဦးစီးဌာန အဖွဲ့များလိုက်ပါလျက် ဓနုဖြူမြို့ပေါ်ရှိ ရောင်းချလျက်ရှိသည့် စားသောက်ကုန်အရောင်း ဆိုင်များနှင့် လူသုံးကုန်ပစ္စည်းအရောင်းဆိုင်များတွင် သတ်မှတ်ထားသည့် ကုန်အညွှန်းအမှတ်အသားများ မဖော်ပြသည့် ကုန်ပစ္စည်း များရောင်းချ ခြင်း ရှိ/မရှိ ကွင်းဆင်း စစ်ဆေးခဲ့ကြသည်။

        ထိုသို့ကွင်းဆင်းစစ်ဆေးရာတွင် ဦးဝင်းမင်းစိုး ဦးစီးအရာရှိက ကုန်အညွှန်းအမှတ်အသားများ ဖော်ပြခြင်းနှင့်စပ် လျဉ်း၍ ကုန်စည် အမျိုးအစားအလိုက် ကုန်စည်၏အမှတ်တံဆိပ်၊ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ သုံးစွဲပုံနည်းလမ်းများ၊ အစရှိသည့်အသေးစိတ်အချက်အ လက်များကို ဖော်ပြထားခြင်းရှိ/မရှိ၊ Mistine အလှကုန်ပစ္စည်းများ FDA ညွှန်ကြားချက်အတိုင်း လိုက်နာမှုရှိ/ မရှိနှင့် Ajinomoto ဟင်းခတ်အချိုမှုန့်များ ရောင်းချခြင်းရှိ/မရှိ လိုက်လံ စစ်ဆေးပညာ ပေး ဆောင်ရွက်ခဲ့ပြီး လုပ်ငန်းရှင်များက သက်ဆိုင်ရာဌာနတို့၏ အမိန့်ညွှန်ကြားချက် များလိုက်နာဆောင်ရွက်ရန်နှင့် သက်ဆိုင်ရာဌာနတို့၏ ခွင့်ပြုချက်၊ ထောက်ခံချက်ပါဝင်သော ကုန်စည်ကိုဦးစီးပေးရောင်းချရန်၊ လိုက်နာမှုမကြောင်း စိစစ်ဆွေ့ရှိရပါက သက်ဆိုင်ရာဌာနတို့၏ ဥပဒေအတိုင်း ဆောင်ရွက်သွား မည်ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။

DOCA((ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်လင်းအောင်နှင့် မြို့နယ်ဦးစီးမှူးဦးလှထွဋ်ဦးတို့သည် (၈.၁.၂၀၂၄)ရက်နေ့ နေ့လယ်(၁၄း၀၀) နာရီအချိန်တွင် စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး အစည်းအဝေးခန်းမတွင် စက်မှုလုပ်ငန်းသုံးဆီခွဲတမ်းရရှိမှုနှင့် ပတ်သက်ပြီး လုပ်ငန်းရှင်များအားခေါ်ယူတွေ့ဆုံ၍ ဆွေးနွေးဆောင်ရွက်ခဲ့ပါသည်။

          ထိုသို့ဆွေးနွေးရာတွင် စားသုံးသူရေးရာဦးစီးဌာန၊ ခရိုင်ဦးစီးမှူးမှ စက်မှုလုပ်ငန်းသုံးများအတွက် လိုအပ်သည့် စားအုန်းဆီ ထုတ်ယူရရှိရေး ပေါင်းစပ်ညှိနှိုင်းရေးအဖွဲ့မှ ထုတ်ပြန်ထားသော စည်းကမ်းချက်များအရ စားအုန်းဆီခွဲတမ်း ရရှိမှုအပေါ် လုပ်ငန်းရှင်များအနေဖြင့် တဆင့်ပြန်လည်ရောင်းချခြင်းမပြုလုပ်ကြရန်၊ မိမိလုပ်ငန်း တွင်သာအသုံးပြုကြရန်၊ ဌာနမှလည်း အမှန်တကယ်အသုံးပြုခြင်းရှိမရှိ စီစစ်စစ်ဆေးသွား မည်ဖြစ်ကြောင်း အသေးစိတ်ရှင်းလင်းဆွေးနွေးပြီး စက်မှုလုပ်ငန်းသုံးဆီလုပ်ငန်းရှင်များမှ သိရှိလိုသည့် မေးမြန်းချက်များအား ခရိုင်ဦးစီးမှူးမှ ပြန်လည်ရှင်းလင်း ဆွေးနွေးခဲ့ပါသည်။ဆွေးနွေးပွဲသို့ လုပ်ငန်းရှင်(၄၀)ဦး တက်ရောက်ခဲ့ ကြောင်းသိရှိရပါသည်။

DOCA(ဧရာဝတီ)