HighLight News

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် အိမ်မဲမြို့နယ် တာဝန်ခံ ဒေါ်ဇင်မာသန်းနှင့် ဝန်ထမ်းများသည် (၂၁.၁.၂၀၂၅)ရက်နေ့ နေ့လယ်(၁၂:၀၀)နာရီအချိန်တွင် အိမ်မဲမြို့နယ် ဆီကိုယ်စားလှယ်များထံသို့ ရန်ကုန်မြို့ရှိ မြတ် Myat  Ay  Kam Co,Ltd  မှထုတ်ယူခဲ့သော စားအုန်းဆီ (၂၅)ပေပါသည် အိမ်မဲမြို့နယ်သို့ ရောက်ရှိမှုအား သွားရောက်စစ်ဆေးခဲ့ကြောင်းသိရသည်။

          အဆိုပါစားအုန်းဆီများကို စားသုံးသူရေးရာဦးစီးဌာန။ မြောင်းမြခရိုင် အိမ်မဲမြို့နယ်တာဝန်ခံနှင့် ဝန်ထမ်းများမှ သွားရောက်စစ်ဆေးခဲ့ပြီး ရောက်ရှိလာသောစားအုန်းဆီများကို ရည်ညွှန်းဈေး၊ သယ်ယူပို့ဆောင်ခကုန်ကျစရိတ်အပါအဝင် ၂% အမြတ်တို့ဖြင့် လက်လီဆိုင်များသို့ ခွဲဝေရောင်းချပေးသွားမည်ဖြစ်ကြောင်း၊ လက်လီဆိုင်များမှ စားသုံးသူပြည်သူများသို့ ၂% အမြတ်ဖြင့် ပြန်လည်ရောင်းချ ပေးမည်ဖြစ်ကြောင်း စားအုန်းဆီခွဲတမ်းရရှိသော ကိုယ်စားလှယ်များထံမှ သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူး ဦးဇော်လင်းအောင် နှင့် မြို့နယ်ဦးစီးမှူးဦးလှထွဋ်ဦးတို့သည် (၁၇.၁.၂၀၂၅)ရက်နေ့ ညနေ(၁၅:၀၀) နာရီအချိန်တွင် စားသုံးသူရေးရာဦးစီးဌာန ခရိုင်ဦးစီးမှူးရုံးတွင် စက်မှုလုပ်ငန်းသုံးဆီခွဲတမ်းရရှိသော အသေးစားလုပ်ငန်းရှင်များအား စားသုံးသူကာကွယ်ရေး အသိပညာပေး ဟောပြောပွဲ ဆောင်ရွက်ခဲ့ကြောင်းသိရသည်။

          ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ ခရိုင်ဦးစီးမှူးမှ စက်မှုလုပ်ငန်းသုံး ဆီခွဲတမ်းရရှိသော အသေးစားလုပ်ငန်းရှင်များအား ခေါ်ယူတွေ့ဆုံ၍ စက်မှုလုပ်ငန်းသုံးများအတွက် လိုအပ်သည့်စားအုန်းဆီ ထုတ်ယူရရှိရေးပေါင်းစပ်ညှိနိုင်းရေးအဖွဲ့မှ ခွဲဝေပေးသော စားအုန်းဆီများ အား လုပ်ငန်းရှင်များအနေဖြင့် အမှန်တကယ်လုပ်ငန်းတွင် အသုံးပြုကြရန်နှင့် တစ်ဆင့်ပြန်လည်ရောင်းချခြင်းများမပြုလုပ်ကြရန် သတ်မှတ်ထားသည့် ဈေးနှုန်းများအတိုင်းအချိန်မှီငွေပေးသွင်းမှု ဆောင်ရွက်ကြရန် ရှင်းလင်းဆွေးနွေးပြောကြားခဲ့ပါသည်။ ဆက်လက်ပြီးမြို့နယ်ဦးစီးမှူးမှ စီးပွားရေးနှင့်ကူးသန်း ရောင်းဝယ်ရေးမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါပြဌာန်းချက်များမှ စားသုံးသူ ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား အသေးစိတ်ရှင်းလင်းဟောပြောခဲ့ကြောင်းသိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ကြံခင်းမြို့နယ်ဦးစီးမှူးသည်(၂၀.၁.၂၀၂၅)ရက်နေ့ နံနက်(၁၀:၀၀) နာရီအချိန်တွင် ကြံခင်းမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြု ဗဟိုဌာန(CommunityCentre)ခန်းမ၌စားသုံးသူကာကွယ်ရေးဆိုင်ရာအသိပညာပေးTalkShowအစီအစဉ်ကို ဆောင်ရွက်ခဲ့ကြောင်းသိရသည်။

            အဆိုပါအစီအစဉ်တွင် မြို့နယ်ဦးစီးမှူး ဦးကျော်နိုင်ဝင်းက  စားသုံးသူရေးရာဦးစီးဌာန၏ စားသုံးသူ ကာကွယ်ရေးဥပ‌ဒပါ စီးပွားရေးလုပ်ငန်းရှင်များအနေဖြင့် ကုန်စည်နှင့်စပ်လျဉ်း၍ အာမခံချက်ပေးခြင်း၊ ဝန်ဆောင်မှုနှင့်စပ်လဉ်း၍ အားမခံချက်ပေးခြင်းများအကြောင်း အကျယ်တဝင့် ရှင်းလင်းခဲ့ပြီး၊ စားသုံးသူ ရေးရာဦးစီးဌာနအနေဖြင့် လက်ရှိဆောင်ရွက်နေသော Online ရောင်းဝယ်မှုလုပ်ငန်းများအား အွန်လိုင်းမှတ်ပုံတင်ဆောင်ရွက်ထားမှုရှိ/ မရှိ မြေပြင်ကွင်းဆင်းစစ်ဆေးခြင်းများ ဆောင်ရွက်လျက်ရှိကြောင်း၊ ဆန်ဆိုင်နှင့်ဆန်စက်လုပ်ငန်းရှင်များအနေဖြင့် သိုလှောင်ရုံမှတ်ပုံတင်ခြင်းလုပ်ငန်းစဉ်များဆောင်ရွက်ရန်လိုအပ်ကြောင်း၊ စားသုံးသူရေးရာ ဦးစီးဌာန၏ Consumer Call Centre 1535 သို့ စားသုံးသူပြည်သူများအနေဖြင့် အရေးဆို တိုင်ကြားနိုင်ကြောင်း စသည်တို့ကို အသိပညာပေး အကျယ်တဝင့်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

           စားသုံးသူရေးရာဦးစီးဌာန၊အင်္ဂပူမြို့နယ်ရုံးမှအငယ်တန်းစာရေးသည် (၁၇.၁.၂၀၂၅)ရက်နေ့  နေ့လယ် (၁၄:၃၀) နာရီအချိန်တွင် အင်္ဂပူမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြု ဗဟိုဌာန (Community Centre)ခန်းမ၌ အွန်လိုင်းမှတ်ပုံတင်လက်မှတ် ရရှိသူ၏တာဝန်နှင့် စပ်လျဉ်း၍ အသိပညာပေး Talk Show အစီအစဉ်ကိုဆောင်ရွက်ခဲ့ပါသည်။

            အဆိုပါ အစီအစဉ်တွင် အငယ်တန်းစာရေး ဒေါ်ဝင်းမာစိုးမှ အွန်လိုင်းမှတ်ပုံတင် လျှောက်ထားရာတွင် ဦးစီးဌာနအနေဖြင့် ဆောင်ရွက်ရမည့် ကိစ္စရပ်များအား ရှင်းလင်းပြောကြား ခဲ့ပါသည်။ အဆိုပါ ကိစ္စရပ်များတွင် ဦးစီးဌာနအနေဖြင့် လျှောက်လွှာပုံစံပါ အချက်အလက်နှင့် ပူးတွဲတင်ပြသည့် အထောက်အထားများကို စိစစ်ခြင်း၊ စားသုံးသူရေးရာဦးစီးဌာနနှင့် ညှိနှိုင်း၍ မြေပြင်အခြေအနေစစ်ဆေးခြင်းများ ဆောင်ရွက်ရမည်ဖြစ်ကြောင်း၊  စီးပွားရေးလုပ်ငန်းရှင်များရောင်းချမည့် ကုန်စည်သို့မဟုတ်ဝန်ဆောင်မှုသည် ဥပဒေတစ်ရပ်ရပ်အရ တားမြစ်ထားသော သို့မဟုတ် ကန့်သတ်ထားသော သို့မဟုတ် ဥပဒေ တစ်ရပ်ရပ်နှင့် ငြိစွန်းသောကိစ္စရပ်များ၊ အများပြည်သူ၏ လုံခြုံမှုကို ထိခိုက်စေနိုင်ခြင်း၊ ဘေးအန္တရာယ်ကင်းရှင်းမှု သို့မဟုတ် လုံခြုံစိတ်ချရမှုမရှိ‌ခြင်း၊ စားသုံးသူအတွက် ရိုးရှင်းမှန်ကန်သော သတင်းအချက်အလက်နှင့် အာမခံချက်မရှိကြောင်းယူဆနိုင်သော ကုန်စည် သို့မဟုတ် ဝန်ဆောင်မှု ဖြစ်ခြင်း၊ ဈေးကွက်အတွင်း ရောင်းချရန် သက်ဆိုင်ရာအစိုးရဌာန၊ အဖွဲ့အစည်းများက ခွင့်မပြုခြင်း၊ တားမြစ်ခြင်း၊ မှတ်ပုံတင် လက်မှတ်လျှောက်ထားရာတွင် လျှောက်လွှာပုံစံ၌ အချက်အလက်များ ပြည့်စုံမှန်ကန်စွာ ဖြည့်သွင်းမှုမရှိခြင်း၊ ပူးတွဲတင်ပြရမည့် အထောက်အထားများနှင့် စပ်လျဉ်း၍ ထိမ်ချန်ခြင်း၊ လိမ်လည်၍ တင်ပြခြင်းများ တွေ့ရှိပါက ဦးစီးဌာနအနေဖြင့် မှတ်ပုံတင်လက်မှတ်ထုတ်ပေးရန် ငြင်းပယ်ကြောင်း မှတ်ပုံတင်လက်မှတ် လျှောက်ထားသူထံ အကြောင်းကြားခြင်း၊ မှတ်ပုံတင်လက်မှတ်ထုတ်ပေးရန် ငြင်းပယ်ခံရပါက လိုအပ်ချက်များပြန်လည်ပြင်ဆင်၍ ရက်ပေါင်း ၃၀ အတွင်း ဦးစီးဌာနသို့ ပြန်လည်လျှောက်ထားခွင့်ရှိကြောင်း  အသိပညာပေး အကျယ်တဝင့်ရှင်းလင်းဆွေးနွေးခဲ့ကြောင်း သိရှိရပါသည်။ 

DOCA(ဧရာဝတီ)

           စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးရုံးမှ မြို့နယ် (၆)မြို့နယ်နှင့် Online စနစ်ဖြင့်ဆောင်ရွက်သော ဝန်ထမ်းစွမ်းဆောင်ရည်မြှင့်တင်ရေးသင်တန်း (၁/၂၀၂၅)ကို (၂၁.၁.၂၀၂၅) ရက်နေ့ နံနက်(၀၉:၃၀)နာရီ မှ ညနေ(၁၆:၀၀)နာရီအချိန်ထိ စားသုံးသူရေးရာဦးစီး ဌာနမှအမှုထမ်း(၁၈)ဦးကို လူ့စွမ်းအားအရင်းအမြစ်များတိုးတက်လာစေခြင်း၊ ဌာန၏ လုပ်ငန်းဆောင်ရွက်ချက်များ လွယ်ကူလျင်မြန် သွက်လက်လာစေရန်ရည်ရွယ်ခြင်း၊ မိမိတို့ဆောင်ရွက်နေသော ဌာနခွဲများ၏ လုပ်ငန်းစဉ်များကို အခြေခံကျောင်းသား/သူ၊ တက္ကသိုလ် ကျောင်းသား/သူများ၊ ကျေးလက်နေပြည်သူများ၊ မြို့ပြနေပြည်သူများ၊ ဌာနဆိုင်ရာဝန်ထမ်းများ၊ စီးပွားရေးလုပ်ငန်းရှင်များအား၊ အသိပညာပေးဆွေးနွေးခြင်း၊ လုပ်ငန်းစဉ်များကို ချပြရှင်းလင်းဟောပြောနိုင်ရေးကိုရည်ရွယ်၍ ဆောင်ရွက်ခဲ့ကြောင်းသိရသည်။

           အဆိုပါဝန်ထမ်းစွမ်းဆောင်ရည်မြှင့်တင်ရေးသင်တန်းတွင် ခရိုင်ဦးစီးမှူးမှ ဝန်ထမ်းများ၏ စွမ်းဆောင်ရည်မြင့်မားလာစေရေးအတွက် ဝန်ထမ်းနှင့်ရုံးလုပ်ငန်းဆိုင်ရာတာဝန်ဝတ္တရားများနှင့် အသိပညာများ   အမြဲမပြတ်ကြိုးစားသင်ယူလေ့လာရန်လိုအပ်ကြောင်းကိုလည်းကောင်း၊ ဒု-ခရိုင်ဦးစီးမှူးမှ သတင်းအချက်အလက်နည်းပညာဆိုင်ရာ ICT ဆက်သွယ်ချက်များကို လည်းကောင်း၊ ငွေစာရင်းတာဝန်ခံမှ ငွေစာရင်းဆိုင်ရာ ဘာသာရပ်ကိုလည်းကောင်း၊ စားသုံး/ ထုတ်လုံဌာနခွဲမှူးမှ ထုတ်ကုန်လုံခြုံစိတ်ချရမှုဆိုင်ရာ   လုပ်ငန်းတာဝန်များကိုလည်းကောင်း၊ သင်ကြားပို့ချပေးခြင်းဖြင့် ဝန်ထမ်းများ၏ စွမ်းဆောင်ရည်များ အတွေ့အကြုံကောင်းများရရှိစေခြင်း၊ ဌာန၏လုပ်ထုံးလုပ်နည်း၊ နည်းဥပဒေများကိုသိရှိစေခြင်း၊ ပြည်သူများနှင့် ထိတွေ့ ဆောင်ရွက်ရာတွင် စွမ်းဆောင်ရည်မြင့်မားလာစေခြင်း၊ မိမိဌာန၏လုပ်ငန်းတာဝန်များအပြင် အခြားဌာနခွဲများ၏ လုပ်ငန်းတာဝန်များကိုလည်း သိရှိဆောင်ရွက်နိုင်စေခြင်း စသည့် အကျိုးကျေးဇူးများရရှိကြောင်း သိရှိရပါသည်။

DOCA(ဧရာဝတီ)