HighLight News

        မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံသည် (၁၇.၂.၂၀၂၅)ရက်နေ့၊ နံနက်(၀၈:၀၀)နာရီအချိန်တွင် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ဈေးကော်မတီဝင်များနှင့် အတူပူးပေါင်း၍ သဘာဝပတ်ဝန်းကျင်ထိန်းသိမ်းရေးနှင့် ပြည်သူများ ပလတ်စတစ်သုံးစွဲမှု လျော့နည်းစေရေး အသိပညာပေးဆောင်ရွက်ခဲ့ကြောင်း သိရသည်။ ထိုသို့ ဆောင်ရွက်ရာတွင် ပလတ်စတစ်အိတ်ဖြင့် ထုတ်ပိုးရောင်းချခြင်းမရှိစေရေးစစ်ဆေးခြင်းနှင့် ပလတ် စတစ်အိတ်အစား အင်ဖက်၊ ငှက်ပျော်ဖက်၊ ကြာဖက်နှင့် သတင်းစာစက္ကူများ အစားထိုး သုံးစွဲခြင်းဖြင့်  တနင်္လာနေ့အား ကြွပ်ကြွပ်အိတ်သုံးစွဲမှု လျော့ချရေးနေ့အဖြစ် ဆောင်ရွက်ရာတွင် ပူးပေါင်းပါဝင်ပေးကြပါရန် အသိပညာပေးခြင်းနှင့် အသိပညာပေးလက်ကမ်းစာစောင်များ ဖြန့်ဝေ ပေးခဲ့ကြောင်း သိရသည်။

        ထို့နောက်စားသုံးသူရေးရာဦးစီးဌာန၊ ပွင့်ဖြူမြို့နယ်တာဝန်ခံမှ ပွင့်ဖြူမြို့၊ မြို့မဈေး အတွင်းရှိ ကုန်စုံဆိုင်များတွင် အစားအသောက်နှင့်ဆေးဝါးကွပ်ကဲရေးဦးစီးဌာနမှ စားသုံးရန်မသင့်ဟု ထုတ်ပြန် ထားသောကုန်စည်များ ရောင်းချခြင်း ရှိ/မရှိ၊ သက်တမ်းလွန်နေသော စားသောက်ကုန်များ ရောင်းချခြင်းရှိ/မရှိနှင့် ကုန်အညွှန်းအမှတ်အသားဆိုင်ရာ သတ်မှတ်ချက်များ ပြည့်စုံမှန်ကန်စွာ ပါဝင်ခြင်းရှိ/မရှိတို့အား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(မကွေး)

          မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ပွင့်ဖြူမြို့နယ်တာဝန်ခံသည် စားသုံးသူကာကွယ်ရေးဦးစာပေးဆောင်ပုဒ်နှင့်အညီ စားသုံးသူအခွင့်အရေးများသိရှိပြီး ရယူတောင်းဆို တတ် စေရေးနှင့် ကုန်စည်(သို့မဟုတ်)ဝန်ဆောင်မှုကိုဝယ်ယူအသုံးပြုရာတွင် နစ်နာဆုံးရှုံးမှုမရှိစေရေး၊ လိုက်နာရမည့်တာဝန်များကိုသိရှိစေရေးနှင့် စားသုံးသူကာကွယ်ရေးဥပဒေပါ ရည်ရွယ်ချက်များ သိရှိ စေရန်ရည်ရွယ်၍ (၁၂.၂.၂၀၂၅)ရက်နေ့၊ နံနက်(၀၇:၀၀)နာရီအချိန်တွင် စီမံအုပ်ချုပ်ရေးဌာန၊  ဗိုလ်ဥတ္တမခန်းမ၌ ကျင်းပပြုလုပ်သော (၇၈)နှစ်မြောက်ပြည်ထောင်စုနေ့အခမ်းအနားတွင် စားသုံးသူကာကွယ်ရေး အသိပညာပေး ဟောပြောဆွေးနွေးခဲ့ကြောင်း သိရသည်။

          ပွင့်ဖြူမြို့နယ်တာဝန်ခံမှ ဌာနဆိုင်ရာသမိုင်းကြောင်း၊ ဦးစီးဌာန၏ ရည်မှန်းချက်၊ မျှော်မှန်းချက်များ၊ လက်ရှိဆောင်ရွက်နေသည့် တာဝန်များနှင့် စားသုံးသူကာကွယ်ရေးဥပဒေပါ ရည်ရွယ်ချက်များ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာဘာသာဖြင့် ပြည်စုံစွာဖော်ပြထားသော စားသောက်ကုန်များကို ဝယ်ယူစားသုံးနိုင်စေရေး၊ ကုန်အညွှန်းအမှတ်အသားဖော်ပြမှုနှင့် စားသုံးများလိုက်နာရမည့် တာဝန်များ၊ စီးပွားရေး လုပ်ငန်းရှင်များ၏တာဝန်များ၊ တားမြစ်ချက်များ၊ ကုန်စည်နှင့်ဝန်ဆောင်မှုများ အသုံးပြုရာတွင် နစ်နာဆုံးရှုံးမှုများဖြစ်ပေါ်လာပါက တိုင်ကြားခွင့်၊ ကုစားခွင့်များအကြောင်းအား အသိပညာပေးဆွေးနွေးပြီး လက်ကမ်းစာဆောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

          မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တာဝန်ခံသည် အခြေခံပညာဦးစီးဌာန၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနများနှင့်ပူးပေါင်း၍ (၁၈.၂.၂၀၂၅)ရက်နေ့၊ နံနက်(၀၉:၃၀)နာရီအချိန်တွင် ချောက်မြို့၊ အမှတ် (၃) အခြေခံပညာအလယ်တန်းကျောင်း၌ လူငယ်ရေးရာအသိပညာပေးဆွေးနွေးဟောပြောပွဲ ဆောင်ရွက်ခဲ့ကြောင်း သိရသည်။

          ချောက်မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံက “ကုန်အညွှန်းအမှတ်အသား ပြည့်စုံစွာပါရှိသောပစ္စည်းများ ရွေးချယ်ဝယ်ယူတတန်စေရန်နှင့် Online လိမ်လည်မှုဆိုးကျိုး များအကြောင်း” ခေါင်းစဉ်ဖြင့် လည်းကောင်း၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးအရာရှိက “လူငယ်နှင့်ဗလငါးတန်” ခေါင်းစဉ်ဖြင့်လည်းကောင်း၊ မြို့နယ်ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန လက်ထောက်ညွှန်ကြားရေးမှူးက “သဘာဝဘေးအန္တရာယ်ဆိုင်ရာ သိကောင်း စရာများ” ကိုလည်းကောင်း အသီးသီးဟောပြောခဲ့ကြပြီး  အဆိုပါ အသိပညာပေး ဟောပြောပွဲတွင် ကျောင်းအုပ်ဆရာမကြီးနှင့် ဆရာ၊ ဆရာမ၊ ကျောင်းသား၊ ကျောင်းသူ၊ စုစုပေါင်း (၂၀၀)ဦး တက်ရောက်ခဲ့ကြောင်း သိရသည်။

           ဆက်လက်၍ စားသုံးသူရေးရာဦးစီးဌာန၊ မြို့နယ်တာဝန်ခံက ကျောင်းအတွင်း ရောင်းချနေသော မုန့်စျေးတန်းရှိမုန့်ဆိုင်များအား စားသုံးသူအန္တရာယ်ကင်းရှင်းစေရေး စစ်ဆေးခြင်း၊ ကုန် အညွှန်းအမှတ်အသားများ ပြည့်စုံစွာဖော်ပြမှုရှိ/ မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(မကွေး)

           မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တာဝန်ခံသည် (၁၉.၂.၂၀၂၅) ရက်နေ့၊ နေ့လယ်(၁၄:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲ တပ်ဖွဲ့နှင့် မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့်ပူးပေါင်း၍ စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် တောင်းတွင်ကြီးမြို့၊ ရွှေအိုး(၂)ရပ်ကွက်၌ ဘူးသွပ်ဆီများ ရောင်းချလျက်ရှိသည့်ဆီဆိုင်များအား စားသုံးသူကာကွယ်ရေးဥပဒေနှင့် ကိုက်ညီမှုရှိ/မရှိ  သက်ဆိုင်ရာ(FDA)ထောက်ခံချက်ပါဝင်ခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

          ထိုသို့စစ်ဆေးရာတွင် ဘူးသွပ်ဆီများ၏ ကုန်အညွှန်းအမှတ်အသားဖော်ပြမှုနှင့် စပ်လျဉ်း၍  စားသုံးသူကာကွယ်ရေးဥပဒေဖြင့် ကိုက်ညီမှုရှိကြောင်းနှင့် သက်ဆိုင်ရာ(FDA) ထောက်ခံချက်များလည်း ပြည့်စုံစွာပါဝင်ကြောင်း စစ်ဆေးတွေ့ရှိရပြီး လုပ်ငန်းရှင်များအား စားသုံးသူကာကွယ်ရေး ဥပဒေ (၂၀၁၉) အခန်း(၁၈)၊ ပုဒ်မ(၄၁)တွင်ပါရှိသည့် ကုန်အညွှန်းအမှတ်အသားဖော်ပြခြင်းဆိုင်ရာ အကြောင်းအရာ (၈)ချက်အားလည်းကောင်း၊ အခန်း(၁၀)၊ ပုဒ်မ(၂၁)ပါ စီးပွားရေးလုပ်ငန်းရှင်၏ တာဝန်များဖြစ်သည့်  အချက်(၁၁)ချက်အားလည်းကောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

           စားသုံးသူရေးရာဦးစီးဌာနသည် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေး လုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” မျှော်မှန်းချက်နှင့်အညီ စားသုံးသူကာကွယ် ရေး အသိပညာပေးဆွေးနွေးခြင်းနှင့် ပြည်တွင်းကုန်သွယ်မှုကဏ္ဍဖွံ့ဖြိုးတိုးတက်ရေးလုပ်ငန်းများ အား ဆောင်ရွက်လျှက်ရှိရာ ပြည်တွင်း အသေးစား၊ အငယ်စားနှင့်အလတ်စား စီးပွားရေးလုပ်ငန်း များ ဖွံ့ဖြိုးတိုးတက်စေရေးအတွက် ဒေသတွင်းရှိ MSMEs လုပ်ငန်းရှင်များထံ ကွင်းဆင်း သွားရောက် တွေ့ဆုံပြီး လုပ်ငန်းရှင်၏ ကြုံတွေ့နေရသည့် အခြေအနေ၊ အခက်အခဲ၊ လိုအပ်ချက်နှင့် ထုတ်လုပ် ဖြန့်ဖြူးရောင်းချမှုများအား တွေ့ဆုံမေးမြန်းကူညီဆောင်ရွက်ပေးလျက်ရှိပါသည်။

          မကွေးတိုင်းဒေသကြီး၊ မကွေးခရိုင်ဦးစီးမှူးရုံးမှ မကွေးမြို့နယ်တာဝန်ခံနှင့် ဝန်ထမ်းသည် (၁၉.၂.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် မကွေးမြို့၊ ရန်ကင်းရပ်ကွက်ရှိ “ရွှေမြင့်မော်” မုန့်မျိုးစုံလုပ်ငန်းသို့ သွားရောက်တွေ့ဆုံပြီး နေ့စဉ်ကုန်ကြမ်းသုံးစွဲမှု၊ ထုတ်လုပ်မှု၊ စျေးနှုန်းစျေးကွက်အခြေအနေများအား တွေ့ဆုံမေးမြန်းခဲ့ကြောင်း သိရသည်။

          “ရွှေမြင့်မော်” မုန့်လုပ်ငန်းမှ ကိတ်ခြောက်၊ ပေါင်မုန့်ခြောက်၊ ပေါင်မုန့်ရှည်၊ နို့စိမ်းကိတ်နှင့် ပဲဒါးလှီးမုန့်များ ထုတ်လုပ်လျက်ရှိရာ (၁)ရက်လျှင် ကုန်ကြမ်းဂျုံ (၃၅၀)ပိဿာနှင့် စားအုန်းဆီ (၁၅၀) ပိဿာခန့် သုံးစွဲရကြောင်း၊ ထွက်ရှိလာသော ကုန်ချောကိတ်ခြောက် (၁၆)ချပ်ပါ (၁)ထုပ် လျှင် ကျပ်(၃၀၀၀)၊ ပေါင်မုန့်ခြောက် (၁)ထုပ်လျှင် ကျပ်(၃၈၀၀)၊ ပေါင်မုန့်ရှည်(၁)ထုပ်လျှင် ကျပ် (၂၀၀၀)၊ ပဲဒါးလှီး(၄)ခုပါ (၁)ထုပ်လျှင် ကျပ်(၁၈၀၀)နှင့် နို့စိမ်းကိတ်(၁)ထုပ်လျှင် ကျပ်(၂၈၀၀) နှုန်းတို့ဖြင့် မကွေးမြို့နယ်အတွင်းသာမက မင်းဘူးမြို့၊ မင်းလှမြို့၊ နတ်မောက်မြို့၊ တောင်တွင်း ကြီးမြို့၊ ကျောက်ပန်းတောင်းမြို့နှင့် ချောက်မြို့များအထိ ဖြန့်ဖြူးရောင်းချလျှက်ရှိကြောင်း၊ ဝန်ထမ်း အင်အားအနေဖြင့် အမျိုးသား(၁၀)ဦးနှင့် အမျိုးသမီး(၈)ဦးရှိပြီး အမျိုးသားဝန်ထမ်း (၁)ဦးလျှင် ကျပ်(၂၀၀၀၀၀-၂၅၀၀၀၀)၊ အမျိုးသမီးဝန်ထမ်း(၁)ဦးလျှင် ကျပ်(၁၈၀၀၀၀-၂၀၀၀၀၀)  လစာပေး ချေရပြီး လုပ်ငန်းအတွက် အဓိကလိုအပ်သော စားအုန်းဆီများအား စားသုံးသူရေးရာ ဦးစီးဌာန၏ ကူညီချိတ်ဆက် ဆောင်ရွက်ပေးမှုကြောင့် လစဉ်ခွဲတမ်းဝယ်ယူရရှိနေ၍ လုပ်ငန်းအဆက်မပြတ် လုပ်ကိုင်နေရကာ လုပ်ငန်းရှင်သာမက လုပ်ငန်းတွင် မှီခိုလုပ်ကိုင်နေသော ဝန်ထမ်းများပါ စားဝတ်နေရေးအဆင်ပြေလျက်ရှိကြောင်း လေ့လာသိရှိရပါသည်။

DOCA(မကွေး)