သတင်းနှင့် လှုပ်ရှားမှုများ

          ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ ဦးဆောင်၍ စီးပွားရေးကဏ္ဍဖွံ့ဖြိုးတိုးတက်ရေး၊ စျေးနှုန်းစျေးကွက်အခြေအနေများ တည်ငြိမ်စေရေးအတွက် ရည်ရွယ်ပြီး ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်၊ စီးပွားရေးရာဝန်ကြီးနှင့် ပဲခူးတိုင်းဒေသကြီးအတွင်းရှိ စီးပွားရေးလုပ်ငန်းရှင်များတွေ့ဆုံပွဲကို (၇.၈.၂၀၂၁)ရက်နေ့ နံနက် ၁၀:၀၀ နာရီတွင် ပဲခူးတိုင်းဒေသကြီး၊ ပဲခူးမြို့၊ သာသနာ့ဗိမာန်ခန်းမ၌ ကျန်းမာရေးဌာနမှ ထုတ်ပြန်ထားသော ကိုဗစ်-၁၉ စည်းမျဉ်းစည်းကမ်းများနှင့်အညီကျင်းပခဲ့ပြီး အဆိုပါ အစည်းအဝေးသို့ သက်ဆိုင်ရာအစိုးရဌာနများနှင့် စီးပွားရေးလုပ်ငန်းရှင်(၆၁)ဦး တက်ရောက်ခဲ့ပါသည်။ အဆိုပါဆွေးနွေးပွဲ၌ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်က အဖွင့်အမှာစကားပြောကြား ရာတွင် တိုင်းဒေသကြီးအတွင်း ကိုဗစ်-၁၉ ရောဂါ ကာကွယ်ရေးနှင့် ကုသရေးလုပ်ငန်းစဉ်များ ဆောင်ရွက်နေမှုအခြေအနေ ၊ တိုင်းဒေသကြီးအတွင်း လုံခြုံတည်ငြိမ်‌ရေး၊ အေးချမ်းသာယာရေးနှင့် တရားဥပဒေစိုးမိုးရေးဆောင်ရွက်နေမှုအခြေအနေများ၊ စိုက်ပျိုးရေး၊ မွေးမြူရေးနှင့် ကုန်သွယ်မှုကဏ္ဍများ ဖွံ့ဖြိုးတိုးတက်ရေးဆောင်ရွက်နေမှု အခြေအနေများကို ရှင်းလင်းပြောကြားခဲ့ပါသည်။ ဆက်လက်၍ ပဲခူးတိုင်းဒေသကြီးအစိုးရအဖွဲ့၊ စီးပွားရေးရာဝန်ကြီးက ကုန်သွယ်မှုကဏ္ဍ ဖွံ့ဖြိုးတိုးတက်‌ရေးအတွက် ဆက်လက်ဆောင်ရွက်သွားမည့် အခြေအနေများ စားသုံးသူကာကွယ်ရေး ဥပဒေအရ စီးပွားရေးလုပ်ငန်းရှင်များ လိုက်နာဆောင်ရွက်ရမည့်ကျင့်ဝတ်များနှင့် ပတ်သက်၍ ရှင်းလင်း ဆွေးနွေးပြီး နိုင်ငံတော်မှ ချမှတ်ပေးထားသော မူဝါဒများ၊ ဦးတည်ချက်များ၊ လုပ်ငန်းစဉ်များတွင် တည်ငြိမ်သော စျေးကွက်တစ်ခုကို ဖော်ဆောင်၍ အခြေခံစားသုံးကုန်များအပေါ်တွင် ကုန်‌စျေးနှုန်းမြင့်မားမှု မဖြစ်ပေါ်စေရေးအတွက် ဆောင်ရွက်လျှက်ရှိကြောင်း၊ ရှေ့ဆက်လုပ်ဆောင်မည့် မူဝါဒလမ်းစဉ်(၅)ရပ်တွင် တတိယအချက်ဖြစ်သော ကိုဗစ်-၁၉ ကြောင့် ယိမ်းယိုင်ခဲ့ရသော စီးပွားရေးလုပ်ငန်းများကို အမြန်ဆုံး ကုစားနိုင်ရေးအတွက် ဆောင်ရွက်လျှက်ရှိပါကြောင်းကို ဆွေးနွေးပြောကြားခဲ့ပါသည်။ တွေ့ဆုံပွဲ အခမ်းအနားသို့ တက်ရောက်လာသည့် စီးပွားရေးလုပ်ငန်းရှင်(၅)ဦးမှ မိုးစပါးထွက်ရှိသည့်အချိန်တွင် တောင်သူလယ်သမားများမှ သင့်တင့်သောစျေးနှုန်း ရရှိစေရန်၊ ငွေကြေးလည်ပတ်စီးဆင်းမှုအဆင်ပြေစေရန်၊ မိုးစပါးထွက်ရှိချိန်တွင် ဘဏ်စနစ်ဖြင့် ဆောင်ရွက်မည်ဆိုပါက စပါးစိုက်တောင်သူများနှင့် ဆန်စက် လုပ်ငန်းရှင်များအဖို့ ငွေကြေးလည်ပတ်စီးဆင်းမှုတွင် အခက်အခဲများရှိလာနိုင်၍ မလိုလားအပ်သော ပြဿနာများ ဖြစ်ပေါ်လာနိုင်ကြောင်း၊ ယခုလက်ရှိအချိန်တွင် ကုန်ကြွေးစနစ်ဖြင့် သွင်းအားစုများကို မရောင်းချသည့်အတွက် တောင်သူလယ်သမားများအဖို့ အခက်အခဲများရှိနေပါကြောင်း၊ နိုင်ငံခြားမှ တင်သွင်းသော စိုက်ပျိုးရေးသုံးစက်ပစ္စည်းများနှင့်ပတ်သက်၍ အခွန်အခများ ဖြေလျာ့ပေးစေလိုကြောင်း၊ ဆွေးနွေးခဲ့ရာ သက်ဆိုင်ရာ အစိုးရဌာနများမှ ပြန်လည်ဖြေကြားခဲ့ပြီး ပဲခူးတိုင်းဒေသကြီး၊ စိုက်ပျိုးရေး ဦးစီးဌာန၊ ဒုတိယတိုင်းဒေသကြီးဦးစီးမှူးက ဆွေးနွေးရာတွင် ယခုနှစ်တွင် သွင်းအားစု ဓာတ်မြေသြဇာ စျေးနှုန်းများသည် ထက်ဝက်ခန့်မြင့်တက်သွားရခြင်းမှာ ကိုဗစ်-၁၉ ရောဂါအခြေအနေများကြောင့် သွင်းအားစုများ ပြည်တွင်းသို့ ရောက်ရှိရန် ကြန့်ကြာနေခြင်းကြောင့်ဖြစ်ကြောင်း၊ ဌာနဆိုင်ရာများမှ ပြည်တွင်းသို့ အမြန်ဆုံးရောက်ရှိရန် ကြိုးပမ်းလျှက်ရှိကြောင်း၊ မိမိတို့ဌာနသည် နိုင်ငံတွင်းသို့ ဝင်ရောက်လာသော စိုက်ပျိုးရေးသုံးဆေးပစ္စည်းများကို အရည်အသွေးပြည့်မီမှု ရှိ/မရှိ ပါဝင်နှုန်းထား ပြည့်/ မပြည့်ကိုသာ အဓိကထား လုပ်ဆောင်ပေးနေပါကြောင်း ဆွေးနွေးပြောကြားခဲ့ပြီး ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ ယနေ့ အစည်းအဝေးတွင် ပဲခူးတိုင်းဒေသကြီးအတွင်းရှိ အစိုးရအဖွဲ့အစည်းများ၊ စီးပွားရေးလုပ်ငန်းရှင်များအနေဖြင့် လက်ရှိဆောင်ရွက်နေသော လူမှုရေးဆိုင်ရာ ကိစ္စရပ်များ၊ စီးပွားရေးဆိုင်ရာကိစ္စရပ်များနှင့် ပတ်သက်၍ တင်ပြဆွေးနွေးသည်ကို တွေ့ရှိရပြီး အစည်းအဝေးမှ ထွက်ပေါ်လာသော အစည်းအဝေး ဆုံးဖြတ်ချက်များအပေါ်တွင် သက်ဆိုင်ရာ အစိုးရဌာနများနှင့် ပူးပေါင်းဆောင်ရွက်သွားမည်ဖြစ်ပါကြောင်း ဆွေးနွေးပြောကြားခဲ့ပြီး ပဲခူးတိုင်းဒေသကြီး အထူးစုံစမ်းစစ်ဆေးရေးဦးစီးဌာန၊ ညွှန်ကြားရေးမှူးမှ ၎င်းတို့ဌာနသည် စီးပွားရေးသတင်းများကို အထက်သို့ တင်ပြပေးရသော ဌာနဖြစ်ပါကြောင်း၊ လက်ရှိနိုင်ငံရေးအခြေအနေများကြောင့် မြန်မာနိုင်ငံ၏ စီးပွားရေး စျေးကွက်အခြေအနေ၊ လုပ်ငန်းရှင်များ ဖြစ်ပေါ်လာနိုင်သည့်အခက်အခဲများ၊ စိုက်ပျိုးမွေးမြူရေးလုပ်ငန်းများ ကြုံတွေ့လာနိုင်သည့် ပြဿနာများ၊ စီးပွားရေးသတင်း၊ ကုန်စျေးနှုန်းသတင်းများကို မိတ်ဖက်ဌာနများနှင့် ပူးပေါင်း၍ နေ့စဉ်ဆောင်ရွက်နေရသော ဌာနဖြစ်ပါကြောင်းကို ဆွေးနွေးပြောကြားခဲ့ပါသည်။ ထို့နောက် ပဲခူးတိုင်းဒေသကြီး အစိုးရအဖွဲ့၊ စီးပွားရေးရာဝန်ကြီးက စီးပွားရေးလုပ်ငန်းများ ဆောင်ရွက်ရာတွင် (Recovery)စနစ်ကို ကျင့်သုံးမည်ဖြစ်ပြီး ကိုဗစ်-၁၉ ကာလတွင် ထိခိုက်မှုရှိသော စီးပွားရေးလုပ်ငန်းရှင်များအတွက် ဘဏ်စနစ်များ၊ သွင်းအားစုအခက်အခဲများ၊ စီးပွားရေးနှင့်ပတ်သက်၍ ဝန်ထုပ်ဝန်ပိုးအခက်အခဲများကို နည်းလမ်းတကျ လျှော့ချနိုင်ရေးအတွက် သက်ဆိုင်ရာဌာနများနှင့် ပူးပေါင်း၍ ဖြေရှင်းဆောင်ရွက်ပေးမည်ဖြစ်ပါကြောင်းကို အကျယ်တဝင့် ဆွေးနွေးပြောကြားခဲ့၍ အခမ်းအနားကို ၁၂:၃၀ နာရီတွင် ရုတ်သိမ်းခဲ့ကြောင်း သတင်းရရှိပါသည်။

      နေပြည်တော် ဩဂုတ် ၉ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ပွင့်ဆန်း သည် ယနေ့နံနက်ပိုင်းတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ရုံး အမှတ်(၃)၌ Virtual Zoom Meeting စနစ်ဖြင့် ကျင်းပပြုလုပ်သည့် အခြေခံစား သောက်ကုန်များ ဈေးကွက် လိုအပ်ချက် ဖူလုံအောင် ဖြန့်ဖြူးပေးနိုင်ရေးနှင့် ဈေးနှုန်းကြီးမြင့် မှုမရှိစေရေး ညှိနှိုင်းအစည်းအဝေးသို့ တက်ရောက် သည်။ အစည်းအဝေးတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စု ဝန်ကြီး ဒေါက်တာပွင့်ဆန်းက အဖွင့်အမှာစကားပြောကြားရာတွင် မိမိတို့ဝန်ကြီးဌာန အနေဖြင့် ကိုဗစ် ၁၉ ရောဂါကူးစက်ပြန့်ပွားမှုထိန်းချုပ်ရေးကာလအတွင်း စားသုံးသူပြည်သူများ အခြေခံစားကုန်များကို သင့်တင့်မျှတသည့်ဈေးနှုန်းဖြင့် ဝယ်ယူစားသုံးနိုင်ရေး၊ ဈေးကွက်အတွင်း ပစ္စည်းပြတ်လပ်မှု မဖြစ်ပေါ် စေရေးနှင့် ဈေးနှုန်းအဆမတန် မြှင့်တင်ရောင်းချမှုမရှိစေရေးတို့အတွက် ဈေးကွက်အတွင်းရှိ ကုန်စည် များ ၏ ဈေးနှုန်းဖြစ်ပေါ် ပြောင်းလဲမှုအခြေအနေများကို စဉ်ဆက်မပြတ် လေ့လာစောင့်ကြည့် လျက်ရှိ ပြီး ကုန်စည်စီးဆင်းမှု မှန်ကန်မြန်ဆန်စေရေးအတွက် သက်ဆိုင်ရာဌာနများနှင့် ပူးပေါင်း ဆောင်ရွက် ပေးလျက်ရှိပါကြောင်းနှင့် ယနေ့အစည်းအဝေးကို တက်ရောက်လာကြတဲ့ သက်ဆိုင်ရာ ဌာနများ၊ အသင်းအဖွဲ့လုပ်ငန်းရှင်များအနေဖြင့် အခြေခံစားသောက်ကုန်များ ဈေးကွက် လိုအပ်ချက် ဖူလုံအောင် ဖြန့်ဖြူးပေးနိုင်ရေးနှင့် ဈေးနှုန်းကြီးမြင့်မှုမရှိစေရေးကိစ္စရပ်များနှင့် ပတ်သက်ပြီး နိုင်ငံတော်ဘက်မှ ဖြေရှင်းဆောင်ရွက်ပေးရမည့်ကိစ္စရပ်များ၊ ကူညီပံ့ပိုးပေးရမည့်ကိစ္စရပ်များကို ပွင့်ပွင့်လင်းလင်း တင်ပြဆွေးနွေး ပေးစေလိုပါကြောင်းနှင့် လိုအပ်သည်များကို ပေါင်းစပ် ညှိနှိုင်း ဆောင်ရွက် ပေးသွား မည် ဖြစ်ပါကြောင်း ရှင်းလင်းဆွေးနွေးသည်။ ယင်းနောက် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး က ကိုဗစ် ၁၉ ကူးစက်ရောဂါအား ရင်ဆိုင်ကျော်လွှားရာတွင် အခြေခံစားကုန်များအပါအဝင် ဆေးနှင့် ဆေးပစ္စည်း များ ဈေးနှုန်းကြီးမြင့်မှုမရှိစေရေး၊ ပစ္စည်းပြတ်လပ်မှုမရှိစေရေးတို့အတွက် သက်ဆိုင်ရာဌာနများ၊ အသင်းအဖွဲ့ လုပ်ငန်းရှင်များနှင့် ပူးပေါင်းဆောင်ရွက်လျက်ရှိသည့် အခြေအနေများကိုလည်းကောင်း ၊ ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေး ဗဟိုကော်မတီ တွဲဘက်အတွင်းရေးမှူး ဗိုလ်မှူးချုပ်ရန်နောင်စိုးက ကိုဗစ် ၁၉ ရောဂါကူးစက် ပြန့်ပွားမှုထိန်းချုပ်ရေးကာလအတွင်း ကုန်စည် ကူးသန်းရေးတွင် ကိုဗစ် ၁၉ ရောဂါပြန့်ပွားမှုထိန်းချုပ်ရေးလုပ်ငန်းကော်မတီ အနေဖြင့် ပြီးခဲ့သည့် ရက်ပိုင်း၌ ဈေးကွက်အတွင်း ကိုဗစ် ၁၉ ရောဂါနှင့် ပတ်သက်သည့် ဆေးနှင့် ဆေးပစ္စည်းအချို့ ပြတ်လပ် မှုများဖြစ်ပေါ်ခဲ့သည့်အတွက် ဆေးနှင့် ဆေးပစ္စည်းတင်သွင်းမှု ဆိုင်ရာ အခက်အခဲများကို OSS Task Force (ရန်ကုန်) အဖွဲ့ ဖွဲ့စည်းတာဝန်ပေးအပ်ပြီး ဖြေရှင်းဆောင်ရွက်လျက်ရှိသည့် အခြေအနေကို လည်းကောင်း၊ ပြည်ပမှ ဆေးနှင့် ဆေးပစ္စည်းများ နယ်စပ်ကုန်သွယ်ရေး လမ်းကြောင်း မှ အမြန်ဆုံးတင်သွင်း နိုင်ရေးအတွက် နှစ်နိုင်ငံ သံတမန်နည်းလမ်းအရ ဖြေရှင်းဆောင်ရွက်ခဲ့မှု အခြေအနေများကိုလည်းကောင်း ရှင်းလင်း ဆွေးနွေးပြောကြားပါသည်။ ထို့နောက် တက်ရောက်လာကြသည့် ရန်ကုန်၊ မန္တလေးနှင့် နေပြည်တော်မှ စည်ပင်သာယာရေး ကော်မတီများ၊ မြန်မာနိုင်ငံဆန်စပါးအသင်းချုပ်၊ မြန်မာနိုင်ငံဆန်စပါး ကုန်သည်များအသင်း၊ မြန်မာ နိုင်ငံ ဆီကုန်သည် နှင့် ဆီလုပ်ငန်းရှင်များအသင်း၊ မြန်မာနိုင်ငံ မွေးမြူရေးလုပ်ငန်းအဖွဲ့ချုပ်၊ မြန်မာနိုင်ငံ ကြက်/ဘဲ မွေးမြူ ရေးလုပ်ငန်းရှင်များအသင်းတို့နှင့် စားသုံးသူရေးရာဦးစီးဌာန၊ တိုင်း ဒေသကြီး/ ပြည်နယ်ဦးစီးမှူးများက ဒေသအလိုက်၊ ကဏ္ဍ အလိုက် ဆောင်ရွက်ထားရှိမှု အခြေအနေ များကို တင်ပြဆွေးနွေးကြပြီး စားသုံးသူရေးရာ ဦးစီးဌာန၊ ညွှန်ကြားရေးမှူးချုပ်က အခြေခံ စားကုန် များ ပြတ်လပ်မှုမရှိစေရေးနှင့် ဈေးနှုန်းကြီးမြင့်မှုများမဖြစ်ပေါ်စေရေးတို့အတွက် သက်ဆိုင်ရာ ဌာန များ၊ အသင်းအဖွဲ့များ၊ လုပ်ငန်းရှင်များနှင့် ပူးပေါင်းဆောင်ရွက်သွားမည့် အခြေအနေများကို ဖြည့်စွက် ရှင်းလင်း တင်ပြပါသည်။ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးက ဆွေးနွေး တင်ပြ ချက်များအပေါ် ပြည်ပမှ တင်သွင်းမှုအပါအဝင် ပြည်တွင်း၌ စိုက်ပျိုးထုတ်လုပ်သည့် အခြေခံ စားကုန် များ ဈေးနှုန်းကြီးမြင့်မှုမဖြစ်ပေါ်စေရေး စဉ်ဆက်မပြတ် စောင့်ကြည့်ထိန်းကျောင်းရန် လိုအပ် ပါ ကြောင်း၊ Supply Chain တစ်လျောက် မြို့ကြီးများအလိုက်၊ ကုန်စည်အလိုက် ဖြစ်သင့် ဖြစ်ထိုက် သည့် ဈေးနှုန်းများကို တွက်ချက်သတ်မှတ်ထားသင့်ပါကြောင်း၊ လုပ်ငန်းရှင်များအနေဖြင့် အတ္တ၊ ပရ မျှတသည့် ရောင်းဝယ်ဖောက်ကားမှုပုံစံမျိုး ဖြစ်စေလိုပါကြောင်း၊ နိုင်ငံတော်စီမံအုပ်ချုပ်ရေးကောင်စီ ၏ ဦးတည်ချက် (၉) ရပ်အနက် စိုက်ပျိုးရေးနှင့် မွေးမြူရေးကို အခြေခံသည့် ကုန်ထုတ်လုပ်မှုကို ခေတ်မီနည်းစနစ်များဖြင့် ပိုမိုဖွံ့ဖြိုးတိုးတက်အောင်ဆောင်ရွက်ပြီး အခြားစီးပွားရေးကဏ္ဍများကိုလည်း ဘက်စုံဖွံ့ဖြိုးတိုးတက်အောင်တည်ဆောက်ရေး ဟူ၍ ချမှတ်ထားသည်နှင့် အညီ ပြည်တွင်း၌ အခြေခံ စားကုန်များ ပိုလျှံအောင်ထုတ်လုပ်နိုင်ရေး ခေတ်မီနည်းစနစ်များဖြင့် ဆောင်ရွက်သွားရမည်ဖြစ်ပါ ကြောင်း၊ လက်ရှိကာလတွင် စားသုံးဆီကို ပြည်ပမှ တင်သွင်းနေရသော်လည်း အနာဂတ်ကာလတွင် ပြည်တွင်း၌ စိုက်ပျိုးထုတ်လုပ်မှုလုံလောက်အောင် ကြိုးပမ်းဆောင်ရွက်သွားရမည်ဖြစ်ပါကြောင်း၊ အများပြည်သူအသုံးပြုသည့် ဆေးနှင့် ဆေးပစ္စည်းများအပါအဝင် အခြေခံစားကုန်များ ဈေးကွက် အတွင်း ပြတ်လပ်မှုမရှိစေရေး၊ ဖြစ်သင့်ဖြစ်ထိုက်သည်ထက် ဈေးနှုန်းအဆမတန်မြှင့်တင် ရောင်းချမှုမရှိစေရေး သက်ဆိုင်ရာ စည်ပင်သာယာရေးကော်မတီများနှင့် စားသုံးသူရေးရာဦးစီးဌာန တာဝန်ရှိသူ များအနေဖြင့် စဉ်ဆက်မပြတ်ဈေးကွက်စောင့်ကြည့်စစ်ဆေးရန် လိုအပ်ပါကြောင်း၊ တက်ရောက်ဆွေးနွေးသူများအားလုံးကို ကျေးဇူးတင်ရှိပါကြောင်း ဆွေးနွေးပြောကြားခဲ့သည်ဟု သတင်းရရှိပါသည်။

          ကြက်သွန်နီကို မီးဖိုချောင်သီးနှံအဖြစ်သော်လည်းကောင်း၊ ဆေးဖက်ဝင်သီးနှံအဖြစ်သော် လည်းကောင်း အသုံးပြုကြပြီး လွန်ခဲ့သောနှစ်ပေါင်း (၅၀၀)ကျော်က စတင်စိုက်ပျိုးခဲ့ကြပါသည်။ အီဂျစ်၊ အီတလီနိုင်ငံများမှ ရှေးဟောင်းယဉ်ကျေးမှုများတွင် ကြက်သွန်နီကို အလေးထားအသုံးပြုခဲ့ကြကြောင်း လည်း လေ့လာသိရှိရပါသည်။ကြက်သွန်နီကို ဟင်းခတ်အမွှေးအကြိုင်အဖြစ် ကမ္ဘာ့လူမျိုးပေါင်းစုံတို့တွင် အသုံးပြုလျှက်ရှိပြီး ဥအပြင် အမြိတ်ကိုလည်း စားသုံးနိုင်ပါသည်။ ယခုအခါ ကြက်သွန်နီကို ကြာရှည်ခံ အောင် အအေးခံ၍လည်းကောင်း၊ အခြောက်ခံရေထုတ်၍သော်လည်းကောင်း၊ အမှုန့်ပြုလုပ်၍သော် လည်းကောင်း သိုလှောင်ကြပါသည်။ ကြက်သွန်နီသည် သာမာန်အအေးမိခြင်း၊ နှလုံးရောဂါ၊ လေးဘက်နာ၊ အရိုးကြွပ်ဆတ်ရောဂါနှင့် အခြားသောရောဂါများကို ကုသရာတွင် ထိရောက်မှုရှိသည်။ ထိခိုက်ခြင်းကြောင့် ရောင်ရမ်းနာကျင်သော ဒဏ်ရာကိုလည်း သက်သာစေသည်။ မြန်မာ့ဆေးကျမ်းများ အရ ကြက်သွန်နီသည် ချို၏ စပ်၏ အနည်းငယ်ပူ၏ လေသလိပ်၊ အဖျား၊ ချောင်းဆိုးနာတို့ကို နိုင်၏ ဆီးရွှင်စေ၏ နှုတ်မမြိန်၊ အော့အန်ရောဂါတို့ကို ပျောက်စေ၏ ခွန်အားကို ဖြစ်စေ၍ သုတ်အားကို ပွားများ စေတတ်၏ ကြက်သွန်နီကိုအစိမ်းစားခြင်းဖြင့် ဆီးချုပ်ရောဂါပျောက်ကင်း၍ ဆီးရွှင်စေ၏ ကြက်သွန်နီစေ့ ကို ထောင်းစားပါက အားတိုးစေ၏ မီးဖုတ်ထားသော ကြက်သွန်နီကို ခွဲ၍ ဆီးအိမ်ပေါ်၌ ပူပူနွေးနွေးကပ် ပေးပါက ကလေးဆီးချုပ်ရောဂါပျောက်၏ ကြက်သွန်နီအရည်ကို ကလေးအားအနည်းငယ်တိုက်ကျွေး လျှင် ဝမ်းဗိုက်နာရောဂါပျောက်၏ သကြားနှင့်ကြန်သွန်နီအရည်ညှစ်၍ ရှာလပတ်ရည်လုပ်သောက်သော် ဆီးပူ၊ ဝမ်းရောဂါပျောက်၏ အစရှိသဖြင့် ရောဂါမျိုးစုံကိုလည်း ကာကွယ်ကုသနိုင်ပါသည်။

          ၂၀၂၀-၂၀၂၁ ဘဏ္ဍာနှစ်အတွင်း မကွေးတိုင်းဒေသကြီးတွင် ကြက်သွန်နီစိုက်ဧက (၂၉၂၈၈)ဧကရှိပြီး ကြက်သွန်နီပိဿာချိန် သိန်းပေါင်း (၁၅၀၀)ဝန်းကျင်ခန့် ထွက်ရှိကြောင်း လေ့လာ သိရှိရပါသည်။ ယခုနှစ်ကြက်သွန်ပေါ်ချိန်တွင် ကြက်သွန်နီ ဈေးနှုန်းများကျဆင်းပြီး ကြက်သွန်စိုက် တောင်သူများအရှုံးပေါ်နေသဖြင့် ကြက်သွန်နီစိုက်ပျိုးထုတ်လုပ်မှု စရိတ်ကိုကာမိစေပြီး ထိုက်သင့်သော အကျိုးအမြတ်ရရှိစေရေးအတွက် တောင်သူလယ်သမားအခွင့်အရေး နှင့်အကျိုးစီးပွားကာကွယ်ရေးဥပဒေ အရ စပါးကို နှစ်စဉ်အခြေခံရည်ညွှန်းရေးသတ်မှတ်သကဲ့သို့ ကြက်သွန်နီကိုလည်း အခြေခံရည်ညွှန်းဈေး သတ်မှတ်နိုင်ရေး ဆောင်ရွက်လျှက်ရှိပါသည်။ ထို့အပြင် ကြက်သွန်နီကို ပြည်တွင်းပြည်ပဈေးကွက်ခိုင်မာ စေရေးအတွက် သက်ဆိုင်ရာဌာနများမှ ဈေးနှုန်းသတင်း အချက်အလက်များ ရရှိရေးဆောင်ရွက်ပေးရန် လိုအပ်သကဲ့သို့ ကြက်သွန်နီမှ တန်ဖိုးမြှင့်ထုတ်ကုန်များ ထုတ်လုပ်ရေးကို မဖြစ်မနေဆောင်ရွက်ရန် လိုအပ်လာသည့်အတွက် မကွေးတိုင်းဒေသကြီး၊ မကွေးမြို့နယ် ဒေါင်းနေကျေးရွာတွင် တည်ရှိပြီး ရင်စံသဘာဝကြက်သွန်ခြောက် ထုတ်လုပ်ခြင်းလုပ်ငန်းအား ကွင်းဆင်းလေ့လာမေးမြန်းခဲ့မှုအား ပြည်သူများ သိရှိနိုင်ရန် မျှဝေလိုက်ပါသည်။

          ရင်စံ ကြက်သွန်နီခြောက် ထုတ်လုပ်သည့်လုပ်ငန်းမှာ တစ်ပိုင်တစ်နိုင်အိမ်တွင်း အသေးစားစီးပွား ရေးလုပ်ငန်းတစ်ခုဖြစ်ပြီး ကုန်ကြမ်းအနေဖြင့် ကုန်းကြက်သွန်ကိုသာ အဓိကထားအသုံးပြုကြောင်း၊ ကြက်သွန်နီများကို ရေကြောပြတ်အောင် ကန့်လန့်ဖြတ်အကွင်းလိုက် လှီးဖြတ်ရကြောင်း၊ မလှီးဖြတ်ခင် ကြက်သွန်နီများကို ရေစိမ်ထားရပြီး အခွံခွာပြီးလျှင်လည်း ရေထပ်မံစိမ်ထားပြီးမှ အကွင်းလိုက်လှီးဖြတ်ရ ကြောင်း၊ လှီးပြီးသား ကြက်သွန်နီများကို ၄ပေအမြင့်ရှိ စင်များပေါ်တွင် ဗန်းများဖြင့်ခင်း၍ ဖုန်၊ သဲများ မဝင်စေရန် အပေါ်မှ အဖြူရောင်ပလတ်စတစ်စအုပ်၍ အခြောက်လှန်းရကြောင်း၊ ကြက်သွန်နီ ကိုးပိဿာ လှီးဖြတ်ပါက အခြောက်တစ်ပိဿာထွက်ရှိပါကြောင်း၊ စက်ဖြင့်လှီးဖြတ်ပါက လိုချင်သည့်ပုံစံမရရှိသဖြင့် လက်ဖြင့်သာလှီးဖြတ်ရကြောင်း၊ သို့ဖြစ်၍ ကျေးရွာရှိ အမျိုးသမီးများအား ငှားရမ်းသုံးစွဲရသည့်အတွက် အမျိုးသမီးများအနေဖြင့် အလုပ်အကိုင်အခွင့်အလမ်းများရရှိကြောင်း၊ အများအားဖြင့် ဒေါင်းနေကျေးရွာ ဝန်းကျင်မှထွက်ရှိသည့် ကုန်းကြက်သွန်များကို အသုံးပြုသော်လည်း ယခင်နှစ်က ဈေးကွက်လိုအပ်ချက် ရှိ၍ ကြက်သွန်တစ်ပိဿာ ၆၀၀ကျပ်ဖြင့် ပြင်ပမှ ဝယ်ယူထုတ်လုပ်ခဲ့သော်လည်း တွက်ခြေကိုက် ခဲ့ကြောင်း၊ ဈေးကွက်အနေဖြင့် ရန်ကုန်မြို့ရှိ စူပါမားကတ်များနှင့် ဈေးဝယ်စင်တာများ၊ အချိန်မပေး နိုင်သည့် အိမ်ရှင်မများသို့ နမူနာပေး၍ ရောင်းချလျက်ရှိကြောင်း၊ နောက်တွင် ပြည်ပနိုင်ငံများအထိ တင်ပို့ ရောင်းချနိုင်ရေး စီစဉ်ဆောင်ရွက်လျှက်ရှိပါကြောင်း၊ ရောင်းချမှုအနေဖြင့် ၈၀၀ဂရမ်တစ်ထုပ်လျှင် ၆၆၀၀ ကျပ်နှုန်း၊ ၄၅၀ဂရမ် တစ်ထုပ်လျှင် ၄၄၀၀ကျပ်နှုန်း၊ ၃၀၀ဂရမ် တစ်ထုပ်လျှင် ၂၉၅၀ကျပ်နှုန်းဖြင့် ဖြန့်ဖြူး ရောင်းချလျှက်ရှိကြောင်းလည်း သိရပါသည်။ ကြက်သွန်နီကို ဆီဖြင့်ကြော်၍ ကြက်သွန်ကြော်ထုပ်များ လည်း ဈေးကွက်အတွင်းရှိရာ ကြက်သွန်ကြော်ထုပ်များမှာ ထုတ်လုပ်သည်မှ တစ်လခွဲ နှစ်လသာ အထားခံသည့်အတွက် ကြက်သွန်ကိုမကြော်ဘဲ ရေဓါတ်ကုန်သည်အထိ အခြောက်လှမ်းထားသော ရင်စ ကြက်သွန်ခြောက်များမှာ တစ်နှစ်ခွဲခန့်အထိ အရည်အသွေးမပျက် အထားခံကြောင်း လေ့လာသိရှိရပါသည်။ ငွေကြေးအရင်းအနှီးမပြည့်စုံသည့် မြန်မာ့ကျေးလက် တောင်သူများအနေဖြင့် ရင်စံကြက်သွန်ခြောက် ထုတ်လုပ် သည့်လုပ်ငန်းအား သွားရောက်လေ့လာ၍ အတုယူဆောင်ရွက်သင့်ပါကြောင်း တင်ပြလိုက် ပါသည်။

          ဤကဲ့သို့ သဘာဝကြက်သွန်နီခြောက်ထုပ်ပိုးသည့်လုပ်ငန်းသည် အိမ်တွင်းစီးပွားဖြစ် လုပ်ငန်းဖြစ် သည့်အပြင် သုံးစွဲသူများဘက်မှလည်း အချိန်ကုန်သက်သာစွာဖြင့် ကြော်လှော်ချက်ပြုတ်နိုင်သောကြောင့် လွန်စွာအကျိုးရှိကြောင်း တွေ့ရှိရပါသည်။ သို့ဖြစ်ပါ၍ သဘာဝကြက်သွန်နီခြောက်လုပ်ငန်းအား တစ်ပိုင် တစ်နိုင် စီးပွားဖြစ်လုပ်ကိုင်ရန်သင့်တော်သည့် လုပ်ငန်းတစ်ခုဖြစ်ပါကြောင်း ရေးသားတင်ပြလိုက်ရပါသည်။

စားသုံးသူရေးရာဦးစီးဌာန၊ မကွေးတိုင်းဒေသကြီး

ကိုဗစ်-၁၉ရောဂါ ကာကွယ်ကုသရေး ဆေးဝါးနှင့်ဆေးပစ္စည်းတင်သွင်းမှုနှင့်ပတ်သက်၍ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အသိပေးကြေငြာချက် ထုတ်ပြန်ထားရှိမှုအား သိရှိနိုင်ပါရန် အောက်ပါအတိုင်းဖော်ပြပေးအပ်ပါသည်-

လက်ရှိကာလတွင် COVID-19 ရောဂါကူစက်ပြန့်ပွားမှုမြှင့်တက်လာခြင်းကြောင်း ပဲခူးတိုင်းဒေသကြီးအတွင်းရှိ ပြည်သူများအနေဖြင့် ယခင်ကထက်ကြက်ဥစားသုံးမှုများပြားလျှက်ရှိပြီး ကြက်ဥဝယ်လိုအားမြှင့်တက်လာခြင်းတို့ကြောင့် မူလကြက်ဉဈေးနှုန်း (လက်လီ) တစ်လုံးလျှင် ၁၄ဝိ/- ၊ ၁၅ဝိ/- ရှိရာမှ လတ်တလော ကြက်ဉတစ်လုံးလျှင် ၁၆ဝိ/- ၁၇ဝိ/- ဖြင့် ဈေးနှုန်းဖြစ်ပေါ်လျှက်ရှိပါကြောင်းနှင့် Mask (၅၀)ပါ တစ်ဗူးလျှင် ၂၅၀ဝိ/- ၊ Handgel ဘူးသေးတစ်ဗူး လျှင် (၁၀၀ဝိ/-)၊ ဘူးလတ်တစ်ဗူးလျှင် (၂၅၀ဝိ/-) ကျပ်ဖြင့် ရောင်းချလျှက် ရှိပြီး ဈေးကွက်လိုအပ်ချက်အား ရန်ကုန်ပင်မဒိုင်ကြီးများမှ မှာယူရောင်းချလျှက်ရှိနေပါကြောင်းသိရှိရပါသည်။

ကြက်ဥနှင့် Mask များစျေးနှုန်းမြှင့်တင်မှုကို လျှော့ချနိုင်ရေးအတွက် ပဲခူးတိုင်း‌ဒေသကြီး၊ စားသုံးသူရေးရာဦးစီးဌာနသည် သက်ဆိုင်ရာခရိုင်အလိုက် မြေပြင်ကွင်းဆင်းစစ်ဆေး၍ ပဲခူးတိုင်းဒေသကြီးအတွင်းရှိ ကြက်ဉမွေးမြူထုတ်လုပ်ရောင်းချနေသည့် လက္ကား ကုန်သည်ကြီးများနှင့်တွေ့ဆုံ၍ ထုတ်လုပ်မှုကုန်ကျစရိတ်နှင့် လိုက်လျောညီထွေရှိသည့်အမြတ်အစွန်း ရောင်းချရေးနှင့် အမြတ်အစွန်းကြီးမားစွာ မြှင့်တင်ရောင်းချခြင်းများမပြုရေး ၊ ကြက်ဥအပါအဝင် ကျန်းမာရေးအထောက်အကူပြုပစ္စည်းများအား စျေးနှုန်း အဆမတန် မြှင့်တင်ရောင်းချခြင်းမျိုး မပြုလုပ်ကြရန် အသိပေးခြင်း၊ သတိပေးခြင်းများ ဆောင်ရွက် လျှက်ရှိကြောင်း ၊ ကြက်ဥနှင့် Mask များစျေးနှုန်းမြှင့်တင်လာမှုနှင့်ပတ်သက်၍ သက်ဆိုင်ရာ ခရိုင်အလိုက်စိစစ်ဆောင်ရွက်နေစဉ်အတွင်း ပြည်သူများအနေဖြင့်လည်း ကြက်ဥနှင့် ကျန်းမာရေးအထောက်အကူပြုပစ္စည်းများအပေါ် လိုအပ်သည်ထက် ပိုလျှံဝယ်ယူမှုမပြုဘဲ မိမိလိုအပ်သလောက်သာ ဝယ်ယူအသုံးပြုရန် အသိပေးခြင်းများ ဆောင်ရွက်လျှက်ရှိကြောင်းသတင်းရရှိပါသည်။