သတင်းနှင့် လှုပ်ရှားမှုများ

ရန်ကုန်မြို့၊ ဇန်နဝါရီ (၃၀) ရက်

          အွန်လိုင်းမှ ရောင်းဝယ်မှုများတွင် စားသုံးသူအခွင့်အရေးများ အပြည့်အဝရရှိစေရန်နှင့် အွန်လိုင်းမှ ရောင်းဝယ်မှုများတွင် စားသုံးသူနစ်နာဆုံးရှုံးမှုများအား ကာကွယ်ဖြေရှင်းဆောင်ရွက် ပေးနိုင်မည့် နည်းလမ်းများဖော်ထုတ်နိုင်ရန်ဟူသော ရည်ရွယ်ချက်ဖြင့် အလုပ်ရုံဆွေးနွေးပွဲတစ်ရပ်ကို ရန်ကုန်မြို့၊ မင်းရဲကျော်စွာလမ်းမပေါ်ရှိ ပြည်‌ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် မင်္ဂလာခန်းမ၌ ယနေ့ နံနက် (၀၉း၀၀)နာရီမှစ၍ ကျင်းပ ခဲ့ပါသည်။

          အဆိုပါ အခမ်းအနားသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံတော် ဗဟိုဘဏ်၊ ပို့ဆောင်ဆက်သွယ်ရေးဝန်ကြီးဌာန၊ မြန်မာနိုင်ငံကွန်ပျူတာအသင်းချုပ်၊ Myanmar Digital Economy Association ၊ E-Commerce Association of Myanmar နှင့် ပြည်ထောင်စု သမ္မတမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်တို့မှ ပါဝင်ဆွေးနွေး ခဲ့ကြပါသည်။

          တက်ရောက်လာကြသော ဝန်ကြီးဌာနများနှင့် ပုဂ္ဂလိကလုပ်ငန်းရှင်များမှ တတ်ကျွမ်း နားလည်သည့် ဘာသာရပ်ဆိုင်ရာ ပညာရှင်(၁၂)ဦးက ဘာသာရပ်အလိုက် ဦးဆောင်ဆွေးနွေးခဲ့ ကြပါသည်။ တက်ရောက်လာကြသော ပရိတ်သတ်များထဲမှ မိမိတို့သိလိုသည့် အကြောင်းအရာ များကို မေးမြန်းဖြေကြားခြင်းများ ပြုလုပ်ကြပါသည်။

          ဆွေးနွေးကြသော ဘာသာရပ်အလိုက် ပညာရှင်များမှာ ကုန်သွယ်ရေးဦးစီးဌာန၊ စာရင်းဌာန မြန်မာနိုင်ငံတော်ဗဟိုဘဏ်၊ သတင်းအချက်အလက်နည်းပညာနှင့်ဆိုက်ဘာလုံခြုံရေး ဦးစီးဌာန၊ မြန်မာ့စာတိုက်လုပ်ငန်း၊ စားသုံးသူရေးရာဦးစီးဌာန၊ မြန်မာနိုင်ငံကွန်ပျူတာအသင်းချုပ်၊   Myanmar Digital Economy Association နှင့် E-Commerce Association of Myanmar တို့ ဖြစ်ကြကြောင်း သိရှိရပါသည်။

          ဘာသာရပ်ဆိုင်ရာ ဆွေးနွေးမှုအပြီးမှာ စားပွဲဝိုင်းဆွေးနွေးခြင်း အဖွဲ့(၃)ဖွဲ့ ဖွဲ့၍ ဆွေးနွေးခဲ့ ကြရာ အွန်လိုင်းမှရောင်းဝယ်မှုများအား မှတ်ပုံတင်စနစ်တစ်ရပ်ထူထောင်ရေး၊ မည်ကဲ့သို့ ထိန်းကျောင်း သင့်ကြောင်းနှင့် စားသုံးသူတိုင်ကြားမှုများအား ထိရောက်စွာ ဆောင်ရွက်နိုင်ရေး အတွက် ဆွေးနွေးပွဲ ရလဒ်များ ဖော်ထုတ်ပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှတစ်ဆင့် နိုင်ငံတော် အဆင့်သို့ ဆက်လက်တင်ပြသွားမည်ဖြစ်ကြောင်း သိရှိရပါသည်။

          အဆိုပါဆွေးနွေးပွဲသို့ ဌာနဆိုင်ရာများနှင့် လုပ်ငန်းရှင် စုစုပေါင်း (၁၀၄)ဦးတို့ တက်ရောက်ကြောင်း သိရပါသည်။

DOCA(Product Safety)

        ဧရာဝတီတိုင်းဒေသကြီးစားသုံးသူရေးရာကော်မတီ ၁/၂၀၂၃ လုပ်ငန်းညှိနှိုင်းအစည်းအဝေးကို တိုင်းဒေသကြီးအစိုးရအဖွဲ့ ရုံးအစည်းအဝေးခန်းမတွင် ၂၅.၁.၂၀၂၃ရက်နေ့ နေ့လည်၁၄:၀၀နာရီတွင် ကျင်းပပြုလုပ်ရာ စားသုံးသူရေးရာကော်မတီအဖွဲ့ဝင် ၄ဦး၊ ဖိတ်ကြားထားသူ(၃)ဦးနှင့် စားသုံးသူရေးရာ ဦးစီးဌာနမှ ၇ ဦး စုစုပေါင်း ၁၄ ဦးတက်ရောက်ခဲ့ကြောင်းသိရသည်။

         ဧရာဝတီတိုင်းဒေသကြီး စားသုံးသူရေးရာကော်မတီဥက္ကဋ္ဌ တိုင်းဒေသကြီးအစိုးရအဖွဲ့ဝန်ကြီး ဦးတင်အေးက အဖွင့်အမှာစကားပြောကြား၍ စားသုံးသူရေးရာကော်မတီ အတွင်းရေးမှူး တိုင်းဒေသကြီးဦးစီးမှူး ဦးစိုးအောင်က ၄/၂၀၂၂ ကော်မတီအစည်းအဝေးဆုံးဖြတ်ချက်များအပေါ် ဆောင်ရွက်ပြီးစီးမှု မှတ်တမ်းတင်အတည်ပြုနိုင်ရေးနှင့် လက်ရှိစားသုံးသူကာကွယ်ရေးဆိုင်ရာလုပ်ငန်းများနှင့် ရှေ့ဆက်ဆောင်ရွက်မည့် အစီအစဉ်များကို ဖတ်ကြားရှင်းလင်း၍ စားသုံးသူကာကွယ်ရေးဥပဒေအရ ကုန်အညွှန်းအမှတ်အသားဆိုင်ရာ ပြဌာန်းချက်များကို လိုက်နာဆောင်ရွက်ခြင်းမရှိသော လုပ်ငန်းရှင်များကို စားသုံးသူကာကွယ်ရေးဥပဒေအရကော်မတီအဖွဲ့၏ သဘောတူညီချက်ဖြင့် အရေးယူဆောင်ရွက်သွားရန် ဆွေးနွေးပြောကြားခဲ့ပါသည်။

         ဆက်လက်၍ ဧရာဝတီတိုင်းဒေသကြီး စားသုံးသူရေးရာကော်မတီအဖွဲ့ဝင်များမှ စားသုံးသူရေးရာကိစ္စရပ်များနှင့်ပတ်သက်၍ ဝိုင်းဝန်းဆွေးနွေးခဲ့ပြီး ဧရာဝတီတိုင်းဒေသကြီးစားသုံးသူရေးရာ ကော်မတီ ဥက္ကဋ္ဌ က နိဂုံးချုပ်အမှာစကားပြောကြား၍ အခမ်းအနားကို ရုပ်သိမ်းခဲ့ကြောင်းသိရသည်။

DOCA(ဧရာဝတီ)

      ဧရာဝတီတိုင်းဒေသကြီး ဖျာပုံခရိုင်၊ဘိုကလေးမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းတို့သည် ၂၀၂၃ခုနှစ်၊ ဇန်နဝါရီလ(၂၃)ရက်နေ့၊နံနက်(၁၀:၃၀)နာရီအချိန်တွင် နတ်ချောင်း(အ-မ-က)ကျောင်းရှိ ဆရာ/ဆရာမနှင့်ကျောင်းသူ/ကျောင်းသားများကို စားသုံးသူကာ ကွယ်ရေးအသိပညာပေးဟောပြောပွဲကိုကျင်းပြုလုပ်ခဲ့ပါသည်။

       ဟောပြောပွဲတွင် ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံက စားသုံးသူကာကွယ်ရေးဥပဒေပါ စားသုံးသူတို့၏ အခွင့်အရေးနှင့်တာဝန်များ၊ တားမြစ်ကုန်စ္စည်များအကြောင်း၊ ကုန်အညွှန်းအမှတ်အသားဆိုင်ရာများ၊ ဈေးကွက်အတွင်းရှိစားသောက်ကုန်စည်များကို လည်းရွေးချယ်ဝယ်ယူစားသောက်ကြရန်နှင့်ဘေးအန္တရာယ်ရှိသောကုန်စည်နှင့်ဘေးအန္တရာယ်မရှိ သောကုန်စည်များကိုနှိုင်းယဉ်ဖော်ပြခြင်း၊ စားသုံးသူများနစ်နာဆုံးရှုံးမှုရှိလာပါက တိုင်ကြားနိုင်မှု အခြေအနေများကိုအသိပညာပေးခဲ့ကြောင်းသတင်းရရှိပါသည်။

DOCA(ဧရာဝတီ)

         ဟုမ္မလင်းမြို့နယ်၊ စားသုံးသူရေးရာဦးစီးဌာနမှ  မြို့နယ်တာဝန်ခံ ဒေါ်ခင်စန်းဝင်း (လ/ထကြီးကြပ်ရေးမှူး)သည် (၂၅.၁.၂၀၂၃)ရက်နေ့တွင် နောင်ပကျစ်ရပ်ကွက်ရှိ “သလ္လာဉီး” မုန့်မျိုးစုံပြုလုပ်ရောင်းချသော လုပ်ငန်းရှင် ဉီးညီညီထွေးအား စားသုံးသူ၏ အခွင့်အရေးများ၊ စီးပွားရေးလုပ်ငန်းရှင်များ၏ တာဝန်များ၊ မြန်မာဘာသာဖြင့် ထည့်သွင်းဖော်ပြရမည့်အချက်အလက်များအား သိရှိစေရန်တွေ့ဆုံ ဆွေးနွေးအသိပညာပေးခဲ့ပါသည်။

          “ သလ္လာဉီး ” မုန့်မျိုးစုံပြုလုပ်ရောင်းချသော လုပ်ငန်းရှင် ဦးညီညီထွေးနှင့် တွေ့ဆုံဆွေး နွေးရာတွင် ဒေါ်ခင်စန်းဝင်းမှ စားသုံးသူ ကာကွယ်ရေးဥပဒေ ( ၂၀၁၉ ) အခန်း ( ၁၈ ) တွင် ပြဌာန်းထားသည့် ကုန်အညွှန်းအမှတ်အသား တွင်ပါဝင်သော ကုန်စည်၏အမှတ်တံဆိပ်၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်၊ တင်သွင်းသူ၏အမည်နှင့်လိပ်စာ၊ လုပ်ငန်းအမည်နှင့်လိပ်စာ၊ ထုတ်လုပ် သည့်နေရာ၊ ပြန်လည်ထုပ်ပိုးသည့်နေရာ၊ ပါဝင်ပစ္စည်း၊ ဘေးထွက်ဆိုးကျိုး၊ ဓါတ်မတည့်ကြောင်း ဖော်ပြချက်၊ ကြိုတင်သတိပေးချက်၊ အစိုးရဌာနများက သတ်မှတ်ထားသော အချက်အလက်များအား အသေးစိတ်ရှင်းလင်းပြောကြားခဲ့ကြောင်း သတင်းရရှိရပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူး၊ ဒုခရိုင်ဦးစီးမှူးနှင့်ဝန်ထမ်းများ သည် ဇန်နဝါရီလ  ၂၅  ရက်နေ့ နံနက် ၁၀ နာရီအချိန်တွင် မုံရွာမြို့၊ စက်မှုဇုံရပ်ကွက်ရှိ “မြရတနာ” မုန့်လုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေး ဥပဒေ(၂၀၁၉)၊ အခန်း(၁၈)အရ ကုန်အညွှန်း အမှတ်အသားဆိုင်ရာပြဋ္ဌာန်းချက်များနှင့်ပတ်သက်၍ စီးပွားရေးလုပ်ငန်းရှင်များ သိရှိလိုက်နာဆောင် ရွက်နိုင်စေရန်အတွက် အသိပညာပေးဆွေးနွေးခဲ့ပါသည်။

         ထိုသို့တွေ့ဆုံဆွေးနွေးရာတွင် စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ၊ ကုန်အညွှန်းအမှတ်အသားဖော်ပြခြင်း၊ ပြစ်မှု ပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ပုဒ်မ ၄၁။ (ခ) နှင့်(ဆ) တို့တွင်ဖော်ပြထားသည့် ကုန်စည်၏ အမျိုးအမည်၊ အရွယ် အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာ‌ ရေးဆိုင်ရာ ဘေးထွက်ဆိုးကျိုး သို့မဟုတ် ဓာတ်မတည့်ကြောင်းဖော်ပြချက်နှင့် ကြိုတင်သတိပေး ချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခု ထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ကြောင်း အသိပညာပေးဆွေးနွေးခဲ့ပါသည်။

         “မြရတနာ” မုန့်လုပ်ငန်းကို အော်စကာ အမည်ဖြင့် ရှယ်ယာ(၃) ဦးပေါင်းလုပ်ကိုင်ခဲ့ကြောင်း၊ အော်စကာအမည်ဖြင့် အသေးစားတွင်မှတ်ပုံတင်ပြီးကြောင်း၊ ကုန်အညွှန်းအမှတ်သားလဲပြည့်စုံ ကြောင်း၊ ယခုမြရတနာအမည်ဖြင့် ၂၀၁၉ ခုနှစ်မှသာ ခွဲထွက်လုပ်ကိုင်ခဲ့ခြင်းကြောင့် လိုအပ်ချက် များရှိနေပါကြောင်း၊  လက်ရှိအခြေအနေရသွားလာမှုခက်ခဲနေ၍ အရောင်းအဝယ်ပါးနေ ကြောင်း၊ လုပ်ငန်းမပျောက်စေရန်နှင့်လုပ်သားများအလုပ်လက်မဲ့မဖြစ်စေရန် အတွက်သာလည်ပတ် နေရ ကြောင်း၊ရွာတုံမြို့ရှိမုန့်ဇုံတွင် အဆောက်အဦဆောက်လုပ်ထားပြီးထိုအဆောက်အဦ ပြီးစီးပါက ပြောင်းရွှေ့လုပ်ကိုင်မည်ဖြစ်ကြောင်း၊ကုန်ချောများကို မိမိဒေသတွင်း ရေဦး၊တန့်ဆည်၊ အလုံနှင့် မုံရွာမြို့ပေါ်သာရောင်းချနိုင်ကြောင်း   ဆွေးနွေးသိရှိရပြီး စားသုံးသူကာကွယ်ရေးဥပဒေပါ ကုန်အညွှန်း အမှတ်အသား လက်ကမ်း စာစောင်များ ဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)