စားသုံးသူရေးရာဦးစီးဌာနမှ ညွှန်ကြားရေးမှူးချုပ် ဦးမြင့်လွင် ဦးဆောင်သောအဖွဲ့ သည်Toyota Myanmar Co., Ltd. မှ Managing Director ဖြစ်သူ Mr. Oideနှင့်အဖွဲ့ အား လက်ခံတွေ့ဆုံ
![](http://www.doca.gov.mm/sites/default/files/styles/consumer_inner_image__847x424_/public/20200707_135649.jpg?itok=ogOb85Ji)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညွှန်ကြားရေးမှူးချုပ် ဦးမြင့်လွင် ဦးဆောင်သောအဖွဲ့သည် Toyota Myanmar Co., Ltd. မှ Managing Director ဖြစ်သူ Mr. Oide နှင့်အဖွဲ့အား ၂ဝ၂၀ ပြည့်နှစ် ဇူလိုင်လ ၇ ရက် (အင်္ဂါနေ့) ၁၄:၀ဝ နာရီ အချိန်တွင် နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရုံးအမှတ် (၅၂) ၌ လက်ခံတွေ့ဆုံခဲ့သည်။
ယင်းသို့ လက်ခံတွေ့ဆုံစဉ် စီးပွားရေးလုပ်ငန်းရှင်များအနေဖြင့် လိုက်နာဆောင်ရွက်ရမည့် စားသုံးသူကာကွယ်ရေးဥပဒေ အခန်း (၁၈) တွင် ပြဋ္ဌာန်းထားသော ကုန်အညွှန်းအမှတ်အသားဖော်ပြခြင်းဆိုင်ရာကိစ္စရပ်များ၊ ဥပဒေပါ ပြဋ္ဌာန်းချက်များနှင့်အညီဆောင်ရွက်နိူင်ရေးကိစ္စများနှင့် Toyota Myanmar Co., Ltd. မှ ၂၀၂၁ ခုနှစ် ဖေဖော်ဝါရီလခန့်တွင် စတင် ထုတ်လုပ်မည့် Double Cup မော်တော်ယာဉ်နှင့်ပတ်သက်၍ Owner Manual နှင့် Quick Reference Guide ရေးဆွဲထားရှိမှုအခြေအနေများ၊ Owner Manual နှင့် Quick Reference Guide တို့တွင် မဖြစ်မနေ ဖော်ပြရန်လိုအပ်မည့် ကုန်အညွှန်းအမှတ်အသားဆိုင်ရာကိစ္စရပ်များနှင့် စပ်လျဉ်း၍ ဆွေးနွေးခဲ့ကြကြောင်း သိရှိရပါသည်။
စားသုံးသူရေးရာဌာနခွဲ