သတင်းနှင့် လှုပ်ရှားမှုများ

        တနင်္သာရီတိုင်းဒေသကြီး၊ စားသုံးသူရေးရာဦးစီးဌာန၊ကော့သောင်းခရိုင်ဦးစီးမှူးသည် ၂၀၂၂ခုနှစ်၊ အောက်တိုဘာလ ၁၉ ရက်နေ့ နံနက်(၉:၃၀) အချိန်နှင့် နေ့လယ် (၁၃:၃၀)အချိန်တို့ တွင် ကော့သောင်းမြို့ အ.ထ.က (၁၀)မိုင်ကျောင်းနှင့် အ.လ.က(ခွဲ)(၇)မိုင်ကျောင်းတို့တွင် ပြန်ကြားရေး နှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာနတို့နှင့်ပူးပေါင်း၍ စားသုံးသူကာကွယ်ရေးဆိုင်ရာ အသိပညာပေးဟောပြောပွဲကိုကျင်းပခဲ့ကြောင်း သိရှိရပါသည်။

      အဆိုပါဟောပြောပွဲတွင် ကော့သောင်းခရိုင် ဦးစီးမှူး ဒေါ်မြသီတာက စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူ၏အခွင့်အရေးနှင့်တာဝန် များ၊ ကုန်စည်နှင့်ဝန်ဆောင်မှုများ နစ်နာဆုံးရှုံးမှုဖြစ်ပေါ်လာလျှင် တောင်းဆိုနိုင်သည့်အခွင့်အရေးများ၊ တိုင်ကြားနိုင်သည့်နည်းလမ်းများအကြောင်းကို ဟောပြောပို့ချခဲ့ပြီး ဆက်လက်၍ ပြန်ကြားရေးနှင့်ပြည် သူ့ဆက်ဆံရေးဦးစီးဌာနမှ အမျိုးသားအောင်ပွဲနေ့ဆိုင်ရာ အသိပညာပေးဟောပြောပွဲနှင့် တိုင်းရင်းဆေး ပညာဦးစီးဌာနမှ ဆေးဖက်ဝင်အပင်များအကြောင်း၊ ရာသီအလိုက်ဖြစ်တတ်သောရောဂါများအကြောင်း ကို အကျယ်တဝင့် ပြောကြားခဲ့ပါသည်။ ထို့နောက် အ.ထ.က(၁၀)မိုင်ကျောင်းနှင့်အ.လ.က(ခွဲ) (၇)မိုင် ကျောင်းမုန့်ဈေးတန်းများအား သက်တန်းလွန်စားသောက်ကုန်များနှင့် စားသုံးရန်မသင့်လျော်သော စားသောက်ကုန်များအား စစ်ဆေးခဲ့ပြီး၊ ကုန်အညွှန်းအမှတ်အသားဖော်ပြပါရှိသော စားသောက်ကုန် များရောင်းချရန်နှင့် ဘေးအန္တရာယ်ကင်းရှင်းသော စားသောက်ကုန်များရောင်းချရန် ပြောကြားခဲ့ကြောင်း သိရှိရပါသည်။

DOCA(တနင်္သာရီ)

      မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၁၈.၁၀.၂၀၂၂ ရက်နေ့တွင် မော်လမြိုင်မြို့၊ လှိုင်ဈေး၊ တောင်ပေါ်တန်း၊ ကော့လှာကျေးရွာတို့တွင် ကုမ္ပဏီများမှ ဖြန့်ဖြူးရောင်းချခဲ့သော စားအုန်းဆီများအား ဈေးကွက်အတွင်း လက်လီ/လက်ကား ဖြန့်ဖြူးရောင်းချခြင်းကို ကြပ်မတ်ဆောင်ရွက်ခဲ့ပါသည်။

    ထိုသို့ဆောင်ရွက်ရာတွင် စားသုံးဆီတင်သွင်းသည့် ကုမ္ပဏီများမှ လက်ကားကုန်သည်များသို့ ဖြန့်ဖြူးထုတ်ပေးခဲ့သည့် စားအုန်းဆီများကို ရန်ကုန်အထိုင်ဈေး ရည်ညွှန်းလက်ကားဈေးနှုန်းအပေါ် သယ်ယူပို့ဆောင်ခကုန်ကျစရိတ်များထပ်ပေါင်း၍ ၂ ရာခိုင်နှုန်းအမြတ်ထက်မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချရမည်ဖြစ်ရာ လက်လီဈေးကွက်အတွင်း ဖြစ်သင့် ဖြစ်ထိုက်သော ဈေးနှုန်းများဖြင့် ရောင်းချစေရေး၊ ဈေးနှုန်းအဆမတန်မြှင့်တင်ရောင်းချခြင်း မရှိစေရေးတို့အတွက် ကွင်းဆင်းကြပ်မတ်ဆောင်ရွက်ခဲ့ကြောင်း၊ ယနေ့ရောင်းချသော ဈေးနှုန်းမှာ တစ်ပိဿာလျှင် (၄၂၀၀)ကျပ်ဈေးနှုန်းဖြင့် ရောင်းချခဲ့ကြောင်း သိရှိရပါသည်။

DOCA(မွန်)

        မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုခရိုင်ဦးစီးမှူးနှင့် ကျိုက်ထိုမြို့နယ်တာဝန်ခံတို့သည် ၁၇.၁၀.၂၀၂၂ ရက်နေ့ (၁၀:၀၀) နာရီတွင် ကျိုက်ထိုမြို့၊ ရွှေဥဩရပ်ကွက်၊ မြို့ပတ်လမ်းပေါ်ရှိ မှူးနဒီ ဆိုင်ကယ်အရောင်းကုမ္ပဏီပြခန်းသို့သွားရောက်၍ လုပ်ငန်းရှင်နှင့်တွေ့ဆုံဆွေးနွေးခဲ့ပါသည်။

           ထိုသို့တွေ့ဆုံဆွေးနွေးရာတွင် စားသုံးသူရေးရာဦးစီးဌာန၊ ကျိုက်ထိုခရိုင်ဦးစီးမှူးက လုပ်ငန်းရှင်အား စားသုံးသူကာကွယ်ရေးဆိုင်ရာဥပဒေပါလုပ်ငန်းရှင်များလိုက်နာရမည့် တာဝန်များ၊ အာမခံပေးထားသည့်အတိုင်း ဝန်ဆောင်မှုအပြည့်အဝဆောင်ရွက်ပေးရန်၊ အရည်အသွေး စံချိန်စံညွှန်း ပြည့်မှီမှန်ကန်သော ကုန်စည်များအား ရောင်းချနိုင်ရေး၊ ထုတ်ကုန်လုံခြုံ စိတ်ချရမှုရှိသော ကုန်စည်များအား ရောင်းချရေး၊ အာမခံပေးထားသည့်ကာလအတွင်း တစ်စုံတစ်ရာ ချွတ်ယွင်း ပျက်စီးထိခိုက်မှုရှိပါက သတ်မှတ်ချက်အတိုင်း အမှန်တကယ်ဆောင်ရွက်ပေးရန်၊ ပြုပြင်ပေးရန်၊ လျော်ကြေးပေးရန်၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ ကတိပြုထားသော အာမခံချက်နှင့် ကိုက်ညီမှုမရှိပါက ကတိပြုထားသည့်အတိုင်း တာဝန်ယူဆောင်ရွက်ပေးနိုင်ရေး အသိပညာပေးခြင်း ဆောင်ရွက်ခဲ့ကြောင်း သိရှိရပါသည်။

DOCA(မွန်)

        ကယားပြည်နယ်၊စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှဝန်ထမ်းများသည် ၂၀၂၂ ခုနှစ်၊ အောက်တိုဘာလ (၁၄)ရက်နေ့၊ နံနက်(၁၀:၀၀)နာရီအချိန်တွင် လွိုင်ကော်မြို့၊ ဈေးပိုင်းရပ်ကွက်၊ ရှမ်းပိုင်းရပ် ကွက်နှင့် မင်းစုရပ်ကွက်ရှိ ကုန်ပစ္စည်းမျိုးစုံ ရောင်းချသည့်အရောင်းဆိုင်များ၊ ဆေးဆိုင်များအား မြန်မာနိုင်ငံ စားသုံးသူရေးရာကော်မရှင်၏ ညွှန်ကြားချက် အမှတ်(၂/၂၀၁၉)ပါ ကုန်အညွှန်းအ မှတ်အသားသတ် မှတ်ချက်များနှင့် ကိုက်ညီမှုရှိ/မရှိ၊ ကိုဗစ်-၁၉ ရောဂါ ကြိုတင်ကာကွယ်ရေး စည်းကမ်းချက်များနှင့် အညီရောင်းချခြင်း ရှိ/မရှိ မြို့နယ်ရဲတပ်ဖွဲ့၊ အထွေထွေအုပ်ချုပ်ရေးဦး စီးဌာန၊ မြို့နယ်ကျန်းမာရေးဦးစီးဌာန၊ မီးသတ်တပ်ဖွဲ့၊ မြို့နယ်စည်ပင်သာယာရေးအဖွဲ့ တို့နှင့် ပူးပေါင်း၍ ဈေးကွက်စောင့်ကြည့် စစ်ဆေးခြင်း ဆောင်ရွက်ခဲ့ပါသည်။

        ထိုသို့ဈေးကွက်စောင့်ကြည့်စစ်ဆေးရာတွင် ကုန်စည်အများစုတွင် မြန်မာနိုင်ငံစားသုံးသူ ရေး ရာကော်မရှင်၏ ညွှန်ကြားချက်အမှတ် (၂/၂၀၁၉)ပါကုန်အညွန်းအမှတ်အသား သတ်မှတ် ချက်များ နှင့်ကိုက်ညီမှုရှိကြောင်း စစ်ဆေးတွေ့ရှိရပြီး လွိုင်ကော်မြို့အတွင်းရှိ ဈေးဆိုင်များ၊ ဆေး ဆိုင်များ၊ ကုန်မျိုးစုံရောင်းချသည့် အရောင်းဆိုင်ပိုင်ရှင်များအနေဖြင့် ကုန်အညွန်းအမှတ်အသား သတ်မှတ်ချက်များနှင့် ကိုက်ညီမှုမရှိသည့်ကုန်စည်များကို ရောင်းချခြင်းမပြုကြရန်၊ Covid-19 စည်းကမ်းချက်များနှင့်အညီ ရောင်းချသွားကြရန်နှင့် သတ်မှတ်ချက်၊ စည်းကမ်းချက်များနှင့် မကိုက်ညီသည့် အရောင်းဆိုင်များစစ်ဆေးတွေ့ရှိရပါက စားသုံးသူကာကွယ်ရေးဥပဒေအရသော်လည်းကောင်း၊ Covid-19 စည်းကမ်းသတ်မှတ်ချက်များအရသော်လည်းကောင်း အရေးယူမှုများ၊ ပြစ်မှုပြစ်ဒဏ်များ ခံရမည်ဖြစ်ကြောင်း ကုန်မျိုးစုံအရောင်းဆိုင်နှင့်ဆေးဆိုင်(၂၀)ဆိုင်အား ဝိုင်းဝန်းအသိပညာပေး စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

           ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးသည် ၁၉.၁၀.၂၀၂၂ရက်နေ့တွင် ဗန်းမော်မြို့၊(3)မိုင်ရပ်ကွက်မှ ကုန်မျိုးစုံရောင်းဝယ်ရေး စီးပွားရေးလုပ်ငန်းရှင်နှင့် ဗန်းမော်ခရိုင်ဦးစီးမှူးရုံး၌ တွေ့ဆုံဆွေးနွေးခဲ့ပါသည်။

          ထိုသို့တွေ့ဆုံဆွေးနွေးရာတွင် ခရိုင်ဦးစီးမှူးဦးအောင်ကျော်ဦးက စားသုံးသူကာကွယ်ရေးဥပဒေ၏အဓိပ္ပါယ်ဖော်ပြချက်မှ စီးပွားရေးလုပ်ငန်းရှင်ဆိုသည်မှာကုန်စည်ကိုထုတ်လုပ်ခြင်း၊ ဖြန့်ဖြူးခြင်း၊ သိုလှောင်ခြင်း၊ သယ်ယူပို့ဆောင်ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့တင်ပို့ခြင်း၊ ပြည်တွင်းသို့တင်သွင်းခြင်း၊ ပြန်လည်ရောင်းချခြင်းကိုဖြစ်စေ၊ ထောက်ပံ့ပေးခြင်းကိုဖြစ်စေ၊ ဝန်ဆောင်မှု ပေးခြင်းကိုဖြစ်စေ၊ ကြော်ငြာလုပ်ငန်းလုပ်ကိုင်ခြင်းကိုဖြစ်စေ တစ်ဦးခြင်းသော်လည်းကောင်း၊ အဖွဲ့ အစည်းနှင့်သော်လည်းကောင်း ဆောင်ရွက်သူကိုဆိုလိုကြောင်း၊ စီးပွားရေးလုပ်ငန်းရှင်၏ တာဝန်များ ဖြစ်သည့် ကုန်စည်သို့မဟုတ်ဝန်ဆောင်မှု၏ အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်း မှန်ကန်သော သတင်းအချက်အလက်များပေးခြင်း၊ စားသုံးသူကိုခွဲခြားမှုမရှိဘဲ ဖြောင့်မတ်မှန်ကန်စွာ ဆက်ဆံခြင်း၊ အရည်အသွေးစမ်းသပ်ရန်လိုအပ်သော ကုန်စည်နှင့်စပ်လျဉ်း၍ ဝယ်ယူခြင်းမပြုမီ စားသုံးသူကို စမ်းသပ်နိုင်မည့်အခွင့်အရေးပေးခြင်း၊ ကုန်စည်သို့မဟုတ်ဝန်ဆောင်မှုနှင့်စပ်လျဉ်း၍ ကတိ ပြုထားသော အာမခံချက်နှင့်ကိုက်ညီမှုမရှိပါက ကတိပြုထားသည့်အတိုင်း တာဝန်ယူဆောင်ရွက် ပေးခြင်းတိုကို ရှင်းလင်းဆွေးနွေးခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)