သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် ၂၀၂၂ ခုနှစ်၊ဒီဇင်ဘာလ(၆)ရက်နေ့တွင် နံနက်(၉:၀၀)အချိန်တွင် စားသုံးသူကာကွယ်ရေးနှင့် ပတ်သက်သည့် အသိပညာဗဟုသုတများ ပိုမိုတိုးပွားစေရန်နှင့် အရည်အသွေးပြည့်ဝသည့် ကုန်စည်နှင့်ဝန်ဆောင်မှုများအား ရယူသုံးစွဲနိုင်စေရန် ရည်ရွယ်၍ ခရိုင်လူမှုဝန်ထမ်းဦးစီးဌာနတွင်(၃)နှစ်မှ (၅)နှစ်ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ ECCD အခြေခံအခမဲ့သင်တန်းကျောင်းသို့ သွားရောက်၍ သင်တန်းကျောင်းမှ ဆရာ/ဆရာမ(၁၁)ဦးနှင့် သင်တန်းသား/သင်တန်းသူ(၂၀)ဦးတို့အား အသိပညာပေးဟောပြောပွဲ ကျင်းပပြုလုပ်ခဲ့ပါသည်။

       ခရိုင်ဦးစီးမှူး ဦးဝေဠုအောင်က ဆွေးနွေးရာတွင် စားသုံးသူရေးရာဦးစီးဌာနပေါ်ပေါက်လာပုံ ဝန်ကြီးဌာန၏ ဆောင်ပုဒ်၊ Vision and Mission များနှင့် ဦးစီးဌာန၏ ဆောင်ပုဒ်၊ Vision and Mission များ၊ စားသုံးသူများ၏ အခွင့်အရေးနှင့် အကျိုးစီးပွားကာကွယ်နိုင်ရန်အတွက် စားသုံးသူကာကွယ်ရေးဥပဒေကို ပြဌာန်းထားကြောင်း၊ စားသုံးသူအခွင့်အရေးနှင့် တာဝန်များအကြောင်း၊ စီးပွားရေးလုပ်ငန်းရှင်၏ တာဝန်များအကြောင်း၊ အခန်း(၁၈)ပါ ကုန်အညွှန်းအမှတ်အသားဖော်ပြ ခြင်းနှင့် စပ်လျဉ်း၍ သိရှိလိုက်နာပါက ထုတ်လုပ်သူရော စားသုံးသူပါ လုံခြုံစိတ်ချရမှုရှိပြီး အကျိုးစီးပွားများဖြစ်ထွန်းစေလိုကြောင်း အကျယ်တဝင့်ဆွေးနွေးခဲ့ကြောင်း၊ အခွင့်အရေးချိုး ဖောက်ခံရပါက မှန်ကန်ပြည့်စုံသည့် အထောက်အထားများနှင့်အတူ စားသုံးသူနစ်နာဆုံးရှုံးမှုများအတွက် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာဖွင့်လှစ်ထားရှိပြီးဖြစ်၍ လာရောက်တိုင်ကြားခြင်းဖြင့် ကုစားမှုများပေးနိုင်မည်ဖြစ်ကြောင်း၊ တိုင်ကြားနိုင်သည့်နေရာများနှင့် နည်းလမ်းများအကြောင်း၊ စားသုံးသူရေးရာ ကိစ္စများစုံစမ်းမေးမြန်းရန်အတွက် Consumer Call Center (၁၅၃၅) အား ဖွင့်လှစ်ထားကြောင်း၊ တားမြစ်ချက်များ၊ ပြစ်မှုနှင့် ပြစ်ဒဏ်များအကြောင်းကိုလည်း အသေးစိတ်ဆွေးနွေးခဲ့ပြီး စားသုံးသူကာကွယ်ရေး အသိပညာပေး ဟောပြောခဲ့ခြင်းနှင့် ပတ်သက်၍ တက်ရောက်လာသူများမှ မေးမြန်းလာမှုများအား ခရိုင်ဦးစီးမှူးမှ ပြန်လည်ဖြေကြားပေးခဲ့ပြီး စားသုံးသူကာကွယ်ရေးဥပဒေစာအုပ်နှင့် လက်ကမ်းစာစောင်များ ဖြန့်ဝေပေးခဲ့ပါသည်။

       သင်တန်းသား/သင်တန်းသူများမှလည်း ယခုလို လာရောက်အသိပညာပေးခြင်းဖြင့် မိမိတို့၏ဌာန လုပ်ငန်းတာဝန်များထမ်းဆောင်ရာတွင် ဗဟုသုတ၊ အကျိုးကျေးဇူးများ များစွာရရှိပြီး မိမိတို့မှတဆင့် ပြန်လည်ဖြန့်ဝေခြင်းဖြင့် ကလေးသူငယ်၊ အများပြည်သူများ အသိပညာများ ပိုမိုသိရှိလာမည်ဖြစ်ပြီး ဝမ်းသာဂုဏ်ယူမိပါကြောင်း ကျေးဇူးတင်စကားပြောကြားခဲ့ပါသည်။

DOCA(မကွေး)

ကချင်ပြည်နယ်၊စားသုံးသူရေးရာဦစီးဌာန၊ ဗန်းမော်ခရိုင်ဦးစီးမှူးရုံးမှ ဒေါ်ဆန္ဒမွန်(ဒု-ဦးစီးမှူး)သည် ၉.၁၂.၂၀၂၂ ရက်နေ့ နံနက်၁၀:၀၀နာရီအချိန်တွင် ဗန်းမော်မြို့၊ မံခွန်ကျေးရွာရှိ ပိုက်ဝမ်းအခြေခံပညာအလယ်တန်းကျောင်း၌ ဆရာ/မများနှင့်ကျောင်းသား/သူများအား စားသုံးသူကာကွယ်‌ရေးအသိပညာပေးဟောပြောပွဲ ဆောင်ရွက်ခဲ့ပါသည်။
ဟောပြောပွဲတွင် ဒေါ်ဆန္ဒမွန်(ဒု-ဦးစီးမှူး)မှ စားသုံးသူကာကွယ်ရေးဥပဒေ၏ အဓိပ္ပာယ်ဖော်ပြချက်များမှ စားသုံးသူကာကွယ်ရေးဆိုသည်မှာ ကုန်စည် သို့မဟုတ် ဝန်ဆောင်မှုူနှင့် စပ်လျဉ်း၍ စားသုံးသူ၏ အခွင့်အရေးနှင့်အကျိုးစီးပွားကိုကာကွယ်ပေးခြင်းနှင့် စားသုံးသူနှင့် စီးပွားရေးလုပ်ငန်းရှင်တို့အကြား ကော်မရှင်နှင့် ကော်မတီအဆင့်ဆင့်တို့မှသတ်မှတ်ဆောင်ရွက်ပေးသည့်မျှတမှု ရှိသောလုပ်ငန်းစဉ်ကိုဆိုလိုကြောင်း၊ စားသုံးသူဆိုသည်မှာ ကုန်စည် သို့မဟုတ် ဝန်ဆောင်မှုကို ကုန်သွယ်ရောင်းချခြင်းပြုရန် သို့မဟုတ် အသက်မွေးဝမ်းကျောင်းပြုရန်မဟုတ်ဘဲ ကိုယ်တိုင်သုံးစွဲမှု အတွက်သော်လည်းကောင်း၊ အခြားသူအတွက်သော်လည်းကောင်းရည်ရွယ်၍ဝယ်ယူခြင်း၊အသုံးပြုခြင်း၊ရယူခြင်း၊ ကုန်စည်ချေးငှား ခြင်းပြုလုပ်သူများ သို့မဟုတ် ပေးကမ်းထောက်ပံ့ခြင်းခံရသူများကို ဆိုလိုကြောင်းနှင့် ကျောင်းသား/သူများအား အသင့်စားမုန့်အမျိုးမျိုးတို့ကို ဝယ်ယူစားသုံးရာတွင် ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများ အဓိကဖတ်ရှုရမည်ဖြစ်ပြီး နမူနာပစ္စည်းများဖြင့် ခင်းကျင်းပြသကာ ရှင်းလင်းဟောပြောခဲ့ပါသည်။ထို့နောက်ဆရာ/မများနှင့်အတူကျောင်းမုန့်ဈေးဆိုင်များအား ဘေးအန္တရာယ်ရှိသည့် စားသောက်ကုန်များ‌ရောင်းချခြင်းရှိ မရှိ စစ်ဆေးဆောင်ရွက်ခဲ့ကာ စားသုံးသူကာကွယ်ရေးဆိုင်ရာ အသိပညာပေး လက်ကမ်းစာစောင်များ ဖြန့်ဝေခဲ့ပါသည်။ ဟောပြောပွဲသို့ ဆရာ/မ(၁၃)ဦးနှင့် ကျောင်းသား/သူ (၁၅၃)ဦး၊ စုစုပေါင်း(၁၆၆)ဦး တက်ရောက်ခဲ့ပါသည်။
DOCA(ကချင်)

ချင်းပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဦးလှမိုးနိုင်(လ/ထညွှန်မှူး)၊ တီးတိန် မြို့နယ်တာဝန်ခံ ဦးပြောင်ဒါးလ် (အကြီးတန်းစာရေး)တို့သည် ဒီဇင်ဘာလ ၁ ရက်နေ့၊ နံနက် ၁၀:၀၀ အချိန်တွင် ချင်းပြည်နယ်၊ တီးတိန်ခရိုင်၊ ခိုင်ကမ်းမြို့တွင် စားသုံးသူကာကွယ်ရေးဆိုင်ရာ အလုပ်ရုံ ဆွေးနွေးပွဲ ကျင်းပခဲ့ကြောင်း သိရသည်။
အဆိုပါဟောပြောပွဲအခမ်းအနားတွင် အထွေထွေအုပ်ချုပ်ရေးဦးစီးဌာနမှ မြို့အုပ်ချုပ်ရေးမှူး ဦးထန်ဂင့်ဆွမ်းက အဖွင့်အမှာစကားပြောခဲ့ပြီး စားသုံးသူရေးရာဦးစီးဌာနမှ ပြည်နယ်ဦးစီးမှူးက စားသုံးသူကာကွယ်ရေးဆိုင်ရာ အချက်အလက်များနှင့် ဥပဒေပြဌာန်းချက်များကို ရှင်းလင်းဆွေးနွေးခဲ့ပါသည်။ ထို့နောက် တက်ရောက်လာသော ဌာနဆိုင်ရာဝန်ထမ်းများနှင့် စီးပွားရေးလုပ်ငန်းရှင်များမှ စားသုံးသူကာကွယ်ရေးနှင့်ပတ်သက်ပြီး သိရှိလိုသည်များကို မေးမြန်းဆွေးနွေးမှုများ ပြု လုပ်ခဲ့ကြပါသည်။ “စားသုံးသူပြည်သူများကို မည်သို့အသိပညာပေးလုပ်ငန်းများ ဆောင်ရွက်မည် နည်းနှင့် ဈေးကွက်စောင့်ကြည့်လေ့လာစစ်ဆေးရေးလုပ်ငန်းများ မည်သို့ဆောင်ရွက်မည်နည်း” ဆိုသည့် အချက်(၂)ချက်ကို အပြန်အလှန် ဆွေးနွေးတင်ပြခြင်း၊ ဆွေးနွေးဖော်ထုတ်ခြင်း ပြုလုပ်ခဲ့ရာ ဆွေးနွေးပွဲမှ ရလဒ်များအရ ရှေ့ဆက်ဆောင်ရွက်ရမည့် စားသုံးသူကာကွယ်ရေးလုပ်ငန်းများကို ပြည်နယ်ဦးစီးမှူးမှ ပြန်လည်ဖြေကြားခဲ့ပြီးနောက် နိဂုံးချုပ်အနေဖြင့် မြို့အုပ်ချုပ်ရေးမှူးမှ စားသုံးသူ ကာကွယ်လုပ်ငန်းများနှင့် ပတ်သက်ပြီး ဌာနဆိုင်ရာဝန်ထမ်းများ၊ စီးပွားရေးလုပ်ငန်းရှင်များနှင့်အတူ ပူးပေါင်းဆောင်ရွက်ပေးရန် အသင့်ရှိကြောင်းနှင့် ကြိုဆိုပါကြောင်း ပြောကြားခဲ့ပါသည်။ အဆိုပါ အလုပ်ရုံ‌ဆွေးနွေးပွဲသို့ စီးပွားရေးလုပ်ငန်းရှင်(၅)ဦးပါဝင်ပြီး တက်ရောက်သူ အင်အား စုစုပေါင်း (၂၀)ဦး ပါဝင်ကြောင်း သိရသည်။

DOCA(ချင်း)

မွန်ပြည်နယ်၊ စားသုံးသူရေးရာဦးစီးဌာန၊ ပေါင်မြို့နယ်တာဝန်ခံနှင့် ဝန်ထမ်းများသည် ၇.၁၂.၂၀၂၂ ရက်နေ့တွင် ပေါင်မြို့နယ်၊ အထက (ခွဲ) ထန်းပင်ချောင် ကျောင်း၌ စားသုံးသူကာကွယ်ရေးအသိပညာပေး ဟောပြောပွဲကျင်းပပြုလုပ်ခဲ့သည်။
အဆိုပါ ဟောပြောပွဲတွင် ကျောင်းအုပ်ဆရာမကြီး ဒေါ်မြင့်သူဇာမှ အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန၊ ပေါင်မြို့နယ်တာဝန်ခံမှ စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားဖော်ပြချက်နှင့်ပတ်သက်၍ သိကောင်းစရာများ၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ ထုတ်ပြန်ထားသော စားသုံးရန်မသင့်သော အစားအသောက်နှင့် အလှကုန်များအကြောင်း၊ စားသုံးသူထိခိုက်နစ်နာမှုအတွက် တိုင်ကြားနိုင်သည့် အကြောင်း အရာများ၊ Consumer Call Center အကြောင်း၊ ဌာန၏ website အကြောင်းများ စသည်တို့ကို ဟောပြောဆွေးနွေးခဲ့ကြောင်း သိရှိရပါသည်။
ဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူ စုစုပေါင်း (၁၉၉) ဦး တက်ရောက်ခဲ့ပြီး ကျောင်းအုပ်ဆရာမကြီးထံသို့ စားသုံးသူကာကွယ်ရေးအသိပညာပေး လက်ကမ်းစာစောင်များ ပေးအပ်ခဲ့ကြောင်း သိရှိရပါသည်။
DOCA(မွန်)

မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ကျောင်းကျန်းမာရေးကော်မတီနှင့် ပူးပေါင်း၍ ၇.၁၂.၂၀၂၂ ရက်နေ့တွင် အ.ထ.က (ရွာလွတ်) ကျောင်းမုန့်ဈေးတန်းအား ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးရာတွင် ကျောင်းမုန့်ဈေးတန်းအတွင်း ရောင်းချနေသော မြန်မာလက်လုပ်မုန့်များ သန့်ရှင်းလတ်ဆတ်မှုရှိစေရေးနှင့် လေဖောင်းမုန့်များ၊ ဖျော်ရည်ဘူးများ၊ အသင့်စားမုန့်များ၌ ကုန်အညွှန်းအမှတ်အသားများ ပြည့်စုံစွာပါဝင်ခြင်း ရှိ/မရှိ တို့အား ဈေးကွက်စောင့်ကြည့်စစ်ဆေးခြင်းများ‌ ဆောင်ရွက်ခဲ့ပါသည်။ ထိုသို့ ဈေးကွက်စောင့်ကြည့် စစ်ဆေးရာတွင်ဆိုင်ပိုင်ရှင်များအား စားသုံးရန်မသင့်ဟုထုတ်ပြန်ထားသည့် စားသောက်ကုန်များအား ဈေးကွက်အတွင်းရောင်းချမှုမရှိစေရေးနှင့် သက်တမ်းလွန်မုန့်များအား ရောင်းချခြင်းမပြုကြရန် အသိပေးဆွေးနွေးခဲ့ကြောင်း သိရှိရပါသည်။
DOCA(မွန်)