သတင်းနှင့် လှုပ်ရှားမှုများ

  မြန်မာနိုင်ငံတစ်နိုင်ငံလုံးတွင် တက္ကသိုလ်ဝင်တန်းအောင်စာရင်းများထွက်ရှိရာ မွန်ပြည် နယ် ဘီးလင်းမြို့နယ်တွင် ၂၇.၇.၂၀၂၅ ရက်နေ့ နံနက် ၆ နာရီမှစတင်ကာ အောင်စာရင်းများကို မြို့နယ်ပညာရေးမှူးရုံး၌ ကြေငြာထားလျက်ရှိကြောင်း သိရသည်။

    ဘီးလင်းမြို့နယ် ၂၀၂၄-၂၀၂၅ တက္ကသိုလ်ဝင်တန်းစာမေးပွဲစာစစ်ဌာန (၂) ခု၌ ဖြေဆိုသူ (၅၇၀) ဦး ဝင်ရောက်ဖြေဆိုခဲ့ပြီး လေးဘာသာဂုဏ်ထူးရှင် (၁၃) ဦး၊ သုံးဘာသာဂုဏ်ထူးရှင် (၂၆) ဦး၊ နှစ်ဘာသာဂုဏ်ထူးရှင် (၂၄) ဦး၊ တစ်ဘာသာဂုဏ်ထူးရှင် (၁၃) ဦး၊ ရိုးရိုးအောင် (၁၈၄) ဦး၊ စုစုပေါင်း (၂၆၀) ဦး အောင်မြင်ခဲ့ပြီး အောင်ချက်ရာခိုင်းနှုန်းမှာ ၄၅.၆၁ ရာခိုင်နှုန်း အောင်မြင်ခဲ့ကြောင်း သိရသည်။

DOCA (မွန်)

 ၂၃.၇.၂၀၂၅ ရက်နေ့တွင် မော်လမြိုင်မြို့ နယ်ရှိ ပြည်နယ်ခန်းမ၌ ကျင်းပပြုလုပ်သည့် မြန်မာအီလက်ထရောနစ် မဲပေးစက် (MEVM) ကိုင်တွယ်အသုံးပြုခြင်းဆိုင်ရာ ဆင့်ပွားသင်တန်း ဖွင့်ပွဲအခမ်းအနားသို့ ဦးစီးအရာရှိ ဒေါ်အေးကြည် တက်ရောက်ခဲ့ပါသည်။

  အခမ်းအနားတွင် လာမည့်ရွေးကောက်ပွဲတွင် အသုံးပြုမည့် မြန်မာအီလက်ထရောနစ် မဲပေးစက် (MEVM) သည် မြန်မာနိုင်ငံရွေးကောက်ပွဲ သမိုင်းတွင် ပထမဆုံးအသုံးပြုမည့် မြန်မာနိုင်ငံထုတ် မြန်မာနိုင်ငံသားတွေ ကိုယ်တိုင်တီထွင်ထားသည့် မဲပေးစက်ဖြစ်ပါကြောင်း၊ အဆိုပါ မဲပေးစက်ကို ပထမအကြိမ်၊ ဒုတိယအကြိမ်၊ တတိယအကြိမ်၊ စတုတ္ထအကြိမ် အဆင့်ဆင့် အားနည်းချက်များ ပြုပြင်တီထွင်ခဲ့ပြီး အကြိမ်လိုက်မှာ ထောpင်ချီသည့် စမ်းသပ်မှုများကို ပြုလုပ်ခဲ့ပါကြောင်း၊ မဲပေးစက်ကို အသုံးပြုခြင်းဖြင့် ပယ်မဲမရှိခြင်း၊ မဲပေးရလွယ်ကူခြင်း၊ မဲရလဒ်များ မြန်မြန်ဆန်ဆန် သိရှိနိုင်ခြင်း စသည့် အကျိုးရလဒ်များစွာကို ရရှိမည်ဖြစ်ကြောင်းနှင့် နည်းပညာများတိုးတက်လာသော ခေတ်နှင့်အညီ မြန်မာနိုင်ငံ၏ ရွေးကောက်ပွဲများတွင်လည်း အကျိုးကျေးဇူးများသည့် အီလက်ထရောနစ် မဲပေးစက်များဖြင့် လွတ်လပ်၍ တရားမျှတသော၊ ဂုဏ်သိက္ခာရှိသော ရွေးကောက်ပွဲတစ်ရပ် အောင်မြင်စွာ ကျင်းပနိုင်ရေးအတွက် ကြီးမားသည့် အထောက်အကူဖြစ်မည်ဖြစ်ကြောင်း ရှင်းလင်းပြော ကြားသည်။

DOCA (မွန်)

  မွန်ပြည်နယ်၊ မုဒုံမြို့နယ်တွင် မြန်မာအီလက်ထရောနစ် မဲပေးစက် (MEVM) လက်တွေ့ သရုပ်ပြစမ်းသပ်မဲပေးခြင်း အခမ်းအနားကို ၂၅.၇.၂၀၂၅ ရက်နေ့ နံနက် (၉း၀၀) နာရီက အ.ထ.က (၁) ကျောင်းရှိ ရှင်အရဟံခန်းမ၌ ကျင်းပရာ ပြည်နယ်အစိုးရအဖွဲ့ဝင် လူမှုရေးရာ ဝန်ကြီး၊ ပြည်နယ်ရွေးကောက်ပွဲကော်မရှင်အဖွဲ့ခွဲရုံး၊ မြို့နယ်တပ်နယ်မှူး၊ မြို့နယ်စီမံအုပ်ချုပ် ရေးအဖွဲ့၊ မြို့နယ်ဌာနဆိုင်ရာများ၊ တပ်ရင်းတပ်ဖွဲ့များမှ ကိုယ်စားလှယ်များ၊ နိုင်ငံရေးပါတီဝင် များနှင့် တာဝန်ရှိသူများ တက်ရောက်သည်။ 

  အခမ်းအနားတွင် ပြည်နယ်အစိုးရအဖွဲ့ဝင် ဦးစောကြည်နိုင်က လာမည့်ရွေးကောက်ပွဲတွင် အသုံးပြုမည့် မြန်မာအီလက်ထရောနစ်မဲပေးစက် (MEVM) သည် မြန်မာနိုင်ငံရွေးကောက်ပွဲ သမိုင်းတွင် ပထမဆုံးအသုံးပြုမည့် မြန်မာနိုင်ငံထုတ် မြန်မာနိုင်ငံသားတွေ ကိုယ်တိုင်တီထွင် ထားသည့် မဲပေးစက်ဖြစ်ပါကြောင်း၊ အဆိုပါ မဲပေးစက်ကို ပထမအကြိမ်၊ ဒုတိယအကြိမ်၊ တတိယအကြိမ်၊ စတုတ္ထအကြိမ် အဆင့်ဆင့် အားနည်းချက်များ ပြုပြင်တီထွင်ခဲ့ပြီး အကြိမ် လိုက်မှာ ထောင်ချီသည့် စမ်းသပ်မှုများကို ပြုလုပ်ခဲ့ပါကြောင်း၊ မဲပေးစက်ကို အသုံးပြုခြင်းဖြင့် ပယ်မဲမရှိခြင်း၊ မဲပေးရလွယ်ကူခြင်း၊ မဲရလဒ်များ မြန်မြန်ဆန်ဆန် သိရှိနိုင်ခြင်း စသည့် အကျိုးရလဒ်များစွာကို ရရှိမည်ဖြစ်ကြောင်းနှင့် နည်းပညာများတိုးတက်လာသော ခေတ်နှင့် အညီ မြန်မာနိုင်ငံ၏ ရွေးကောက်ပွဲများတွင်လည်း အကျိုးကျေးဇူးများသည့် အီလက်ထရောနစ် မဲပေးစက်များဖြင့် လွတ်လပ်၍ တရားမျှတသော၊ ဂုဏ်သိက္ခာရှိသော ရွေးကောက်ပွဲတစ်ရပ် အောင်မြင်စွာကျင်းပနိုင်ရေးအတွက် ကြီးမားသည့် အထောက်အကူဖြစ်မည်ဖြစ်ကြောင်း ရှင်းလင်းပြောကြားသည်။

DOCA (မွန်)

    အသေးစားစက်မှုလက်မှုလုပ်ငန်းဦးစီးဌာန၊ ကယားပြည်နယ်၊ လွိုင်ကော်မြို့ရက်ကန်း နှင့်အသက်မွေးဝမ်းပညာသင်တန်းကျောင်း၌ ၂၀၂၅ ခုနှစ်၊ ဇူလိုင်လ (၁၁) ရက်နေ့ နံနက်  (၀၉:၀၀) အချိန်တွင် ပြည်နယ်အစိုးရအဖွဲ့၏ လမ်းညွှန်မှုဖြင့် လက်ရက်ကန်း(၆)လသင်တန်း ဖွင့်ပွဲကျင်းပဖွင့်ပွဲအခမ်းအနားကို ပြည်နယ်အစိုးရအဖွဲ့၊ လမ်းပန်းဆက်သွယ်ရေးဝန်ကြီး၊ ဌာန ဆိုင်ရာအကြီးအကဲများ၊မြို့နယ်အုပ်ချုပ်ရေးမှူးနှင့်လွိုင်ကော်မြို့ပေါ်ရှိရပ်ကွက်များမှ သင်တန်း သူ (၆) ဦး စုစုပေါင်း (   ၁၅  )ဦး တက်ရောက်ခဲ့ပါသည်။

သင်တန်းဖွင့်ပွဲတွင် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာ၊ အသေးစားစက်မှု လက်မှုလုပ်ငန်းဦးစီးဌာန၊ ရက်ကန်းနှင့်အသက်မွေးပညာသင်တန်းကျောင်း  ကျောင်းအုပ် ဆရာမ ဒေါ်ချိုချိုမာက ၂၀၂၅-၂၀၂၆ ဘဏ္ဍာနှစ်တွင် လက်ရက်ကန်း(၆)လ သင်တန်း (ဒုတိယအကြိမ်) ဖွင့်လှစ်လျက်ရှိကြောင်း၊ သင်တန်းသူ(၆)ဦးနှင့် သင်တန်းနည်းပြ ဆရာမ(၃) ယောက်အတွက် ကယားပြည်နယ်အစိုးရအဖွဲ့မှ ဆန်၊ဆီများ (၆)လစာထောက်ပံ့ပေးကြောင်း၊  သင်တန်း တက်ရောက်သူများအား အဆောင်၊ ရေ၊ မီး၊ အပြည့်အစုံအခမဲ့နေထိုင် ခွင့်ပြုသည့် အပြင် နိုင်ငံတော်မှ တစ်လလျှင် ပညာသင်ထောက်ပံ့ကြေး သုံးသောင်းကျပ် (၃၀၀၀၀)နှင့် စားသောက်စရိတ်လေးသောင်းခွဲ (၄၅၀၀၀)ကျပ် အားထောက်ပံ့ပေးလျက်ရှိပါ သည်။

      အဆိုပါ သင်တန်းဖွင့်ပွဲတွင် ကယားပြည်နယ်အစိုးရအဖွဲ့၊ လမ်းပန်းဆက်သွယ်ရေး ဝန်ကြီးက သင်တန်းတွင်အသုံးပြုမည့် ထောက်ပံ့ရေးလုပ်ငန်းသုံးများပစ္စည်းများကို သင်တန်း သူများအားပေးအပ်ပြီး သင်တန်းသူများအနေဖြင့် စိတ်ပါဝင်စားစွာသင်ယူပြီး သင်တန်းပြီး မြောက်ပါကရက်ကန်းကျောင်းများတွင်နည်းပြများအဖြစ်ပြန်လည်ခန့်အပ်မည်ဖြစ်ကြောင်း၊ မိတ္ထီလာ တပ်မတော်ချည်စက်နှင့်လည်း ချိတ်ဆက်ဆောင်ရွက်ပေးသွားမည်ဖြစ်ကြောင်း၊ ကိုယ်ပိုင်လုပ်ငန်းများထူထောင်လိုပါကလည်း သက်ဆိုင်ရာများနှင့်ချိတ်ဆက်ပေးသွားမည်ဖြစ်ကြောင်း ပြောကြားခဲ့ပြီး တက်ရောက်လာသော  ဌာနဆိုင်ရာအကြီးအကဲများနှင့်အတူ ရက်ကန်းကျောင်းထဲသို့ သွားရောက်၍ သင်တန်းသူများ စိတ်ပါဝင်စားစွာသင်ကြားနေသည် များကို လိုက်လံကြည့်ရူ့စစ်ဆေးခဲ့ကြောင်း သတင်းရရှိပါသည်။

DOCA(ကယား)

  မွန်ပြည်နယ်  ကျိုက်မရောမြို့နယ်တွင် မြန်မာအီလက်ထရောနစ် မဲပေးစက်များ ကိုင်တွယ်အသုံးပြုခြင်းဆိုင်ရာ ဆင့်ပွားသင်တန်းကို ၂၁.၇.၂၀၂၅ ရက်နေ့ နံနက်က အ.ထ.က ကျိုက်မရော(ပညာ့အားမာန်)ခန်းမ၌ ပြုလုပ်ခဲ့သည်။ 

  ရှေးဦးစွာမြို့နယ်စီမံအုပ်ချုပ်ရေးအဖွဲ့ဥက္ကဌ ဦးကျော်စိုးဦးက အမှာစကားပြောကြားပြီး မြို့နယ်ရွေးကောက်ပွဲကော်မရှင် အဖွဲ့ခွဲရုံးမှ ဦးစီးအရာရှိ ဒေါ်စန္ဒာဝင်းက စက်ကိုင်တွယ် အသုံးပြုခြင်းနှင့် မဲပေးနည်းစနစ်များကို ရှင်းလင်းပြောကြားသည်။ အဆိုပါ သင်တန်းတွင် မြန်မာအီလက်ထရောနစ် မဲပေးစက်ဖွဲ့စည်းတည်ဆောက်ပုံ၊ ပါဝင်သည့်ဆက်စပ်ပစ္စည်းများနှင့် မဲပေးစက်များစစ်ဆေးခြင်း၊  အီလက်ထရောနစ် မဲပေးစက် လက်တွေ့တပ်ဆင်လေ့ကျင့်ခြင်း သင်ခန်းစာများနှင့် ပတ်သက်၍အပြန်အလှန် ဆွေးနွေးခြင်းနှင့်လက်တွေ့ကိုင်တွယ်လေ့ကျင့်ခြင်း တို့ကို  ဇူလိုင် ၂၁ ရက်မှ ၂၆ ရက် အထိ သင်တန်းနည်းပြ (၉) ဦးတို့က သင်တန်းသား၊ သင်တန်းသူ (၃၇၉)ဦး တို့အား ၄ ရက်ကြာ စာတွေ့၊ လက်တွေ့ သင်ကြားပို့ချပေးသွားမည်ဖြစ်ကြောင်း  သိရသည်။

DOCA (မွန်)