သတင်းနှင့် လှုပ်ရှားမှုများ

     ဖျာပုံခရိုင် ၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးနှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ ( ၁၄  ) ရက်နေ့ ၊ နံနက် (၁၀:၃၀) နာရီအချိန်တွင် (၁၀) ရက်ကွက် ၊ ဦးလှသိန်းလမ်းရှိ  ဦးမြင့်သိန်း ပိုင် စည်းစိမ်ခေါက်ဆွဲဖို လုပ်ငန်း သို့ ကွင်းဆင်းစိစစ်ခဲ့ကြပါသည်။

          စည်းစိမ်ခေါက်ဆွဲဖို လုပ်ငန်းမှာ စားသောက်ကုန် ဖြစ်ပြီး ဆန်ကြမ်းဖြင့် ထုတ်လုပ်သော ထုတ်ကုန် ပစ္စည်းဖြစ်ပါသည်။ တစ်နေ့အသုံးပြုမှုမှာ ဆန်ကြမ်းအိတ် (၉၀) အိတ်ခွဲ အသုံးပြုရပြီး ထွက်ရှိသော မုန့်ပိဿာချိန်မှာ (၅၀၀၀) ပိဿာ ထုတ်လုပ်လျက်ရှိပါသည်။ မုန့်ဖတ် လက်လီ/ လက်ကား ဈေးတစ်ပိဿာ လျှင် (၂၀၀၀)မှ(၁၈၀၀) ကျပ်ပေးရပြီး လုပ်သားဦးရေ (၄၈) ဦးရှိပြီး လုပ်သားတစ်ဦးလျှင် နေ့စားခ (၁၅၀၀၀ - ၁၈၀၀၀) ကျပ်ပေးရပါသည်။ ဈေးကွက်အနေ ဖြင့် ဒေသအတွင်းအပြင် ဖျာပုံ၊ကျိုက်လတ်၊ မော်ကျွန်း၊ကျိုက်ပိမြို့နယ်များသို့  ရောင်းချပေးလျက် ရှိပါသည်။

          မြို့နယ်တာဝန်ခံမှ ထုတ်လုပ်သော ကုန်စည်နှင့် ပက်သက်၍ ကုန်စည်အား အရည်အသွေး ပြည့်မီစွာ ထုတ်လုပ်နိုင်ရေး၊ ဈေးနှုန်းဈေးကွက်အခြေအနေများ ပြည့်မီစွာ မှန်ကန်စွာ ထုတ်လုပ်နိုင်ရေးနှင့် ထုတ်ကုန်လုံခြုံစိတ်ချရမှုရှိစေရေး ၊ စားသုံးသူများ ဘေးအန္တရာယ်ကင်းရှင်းစေရေးစေရေး၊ ဓာတုဆိုးဆေးဝါးများ သုံးစွဲခြင်းမပြုစေရေး တို့ ဆွေးနွေးမှု အပေါ် သတင်းရရှိပါသည်။

(DOCA ဧရာဝတီ)

     ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးနှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၁၁) ရက်နေ့၊ နံနက် (၁၀:၃၀) နာရီအချိန်တွင် ဘိုကလေးမြို့မဈေးအတွင်းရှိ ကုန်မျိုးစုံဆိုင်များတွင် ရောင်းချနေသော ဘူးဆီများတွင် ကုန်အညွှန်းအမှတ်အသား ပြည့်စုံမှုရှိ/မရှိ စည်ပင်သာယာရေးအဖွဲ့နှင့်ပူးပေါင်း၍ ကွင်းဆင်းစစ်ဆေးခဲ့ကြပါသည်။

          အဆိုပါ ဈေးကွက်အတွင်းရှိ အရောင်းဆိုင်များတွင် Duck ၊ Lotus၊  Meizan   အစရှိသော ဘူးဆီများတွင် ကုန်အညွှန်းအမှတ်အသား ကိုက်ညီမှုရှိ/မရှိ စစ်ဆေးခဲ့ရာ ရောင်းချနေသော ဘူးဆီများတွင် FDA ထောက်ခံချက် နှင့် ကုန်အညွှန်းအမှတ်အသား ပြည့်စုံစွာ ဖော်ပြထားသည် ကိုစစ်ဆေးတွေ့ရှိရပါသည်။ထို့အပြင် စားသုံးသူရေးရာဦးစီးဌာန မြို့နယ်တာဝန်ခံက ကုန်အညွှန်းအမှတ်အသား ပြည့်စုံမှုမရှိသော ကုန်စည်များ ဈေးကွက်အတွင်းမှ ပပျောက်စေရေး နှင့် မြန်မာဘာသာဖြင့် ဖော်ပြထားခြင်းမရှိသော ဘူးဆီများအား ထုတ်ကုန်လုံခြုံစိတ်ချရမှု မရှိသဖြင့် မရောင်းချရန် အသိပညာပေး ကွင်းဆင်းစစ်ဆေးခဲ့မှုအပေါ် သတင်းရရှိပါသည်။

(DOCA ဧရာဝတီ)

   မြန်မာနိုင်ငံဆန်စက်လုပ်ငန်းရှင်များအသင်းခွဲ ဧရာဝတီတိုင်းဒေသကြီး ၊ ပန်းတနော်မြို့နယ်၏ ၂၀၂၅-၂၀၂၈ သက်တမ်းကာလ အလုပ်အမှုဆောင်ရွေးချယ်တင်မြှောက်ခြင်းအခမ်းအနားကို ၁၂-၇-၂၀၂၂ ရက်နေ့ နံနက် ၁၀:၀၀ နာရီတွင် ပန်းတနော်မြို့နယ် မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပပြုလုပ်ရာ ဆန်စက်လုပ်ငန်းရှင်များ  မြို့နယ်စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ ဆန်စက်အသင်းကိုယ်စားလှယ်နှင့် တာဝန်ရှိသူများ တက်ရောက်ခဲ့ကြောင်း သိရသည်။

    အခမ်းအနားတွင် စားသုံးသူရေးရာဦးစီးဌာန၊ မြို့နယ်ဦးစီးမှူးရုံးမှ တာဝန်ရှိသူ ဒေါ်သင်းသင်းမာမှ  ဆန်စက်အသင်း လုပ်ငန်းရှင်အသင်းခွဲ အမှုဆောင်အသစ် ရွေးချယ်တင်မြှောက်ခြင်းလုပ်ငန်းများ အကြောင်းကို ရှင်းလင်းဆွေးနွေးပြီး မိမိတို့ဌာနအနေဖြင့် ပြည်တွင်းကုန်သွယ်မှုလုပ်ငန်းများကို ဖွံ့ဖြိုးတိုးတက်ရေး ပို့ကုန်များ မြှင့်တင်နိုင်ရေး ဆောင်ရွက်လျက်ရှိပြီး အသင်းအဖွဲ့၊ အစုအဖွဲ့များ ရှင်သန်အားကောင်းစေရန်လိုအပ်ကြောင်း၊ ဒေသတွင်းဆန်စက်လုပ်ငန်းအများ ဖွံ့ဖြိုး တိုးတက်မှ  ဒေသတွင်း စပါးစိုက်ပျိုးထုတ်လုပ်မှု ကောင်းမွန်ရန် အသင်းအဖွဲ့များ ဆောင်ရွက်ရန ်အဓိကအရေးကြီးကြောင်း ၊ စပါးကြိတ်ခွဲရာတွင် ခေတ်မှီဆန်များဖြင့် အရည်အသွေးပြည်မှီစွာ ထွက်ရှိမှ ပြည်ပတင်ပိုနိုင်၍ ပြည်ပဝင်ငွေ ရရှိနိုင်မည် ဖြစ်ကြောင်း ၊ အသင်းအဖွဲ့၊  အစုအဖွဲ့ မှ ကြိုးပမ်းဆောင်ရွက်ရန် လိုအပ်ကြောင်း ပြောကြားဆွေးနွေးခဲ့ပြီး အမှုဆောင် အသစ်ရွေးချယ်ပွဲကို ရွေးချယ်ဆောင်ရွက်ခဲ့ကြသည်။

   မြို့နယ်အထွေထွေအူပ်ချုပ်ရေးဦးစီးဌာမှ ရွေးချယ်တင်မြှောက်ခဲ့သော ရွေးချယ်ခံရသည့် အမှုဆောင်များ၏ အမည် စာရင်းကို ဖတ်ကြားပြီး အမှုဆောင်အသစ် ၁၉ဦး ပါဝင်ကြောင်း၊ ရွေးချယ်တင်မြှောက်ခံအသင်းမှ ဆက်လက် ဆောင်ရွက်ရန် လုပ်ငန်းများကို အားကြိုးမာန်တက်ဆောင်ရွက်ပေးပါရန်နှင့် ဆန်စက်လုပ်ငန်းများဖွံ့ဖြိုးတိုးတက်ရေး ဦးစားပေး ဆောင်ရွက်နိုင်ရန်တို့ကို မှာကြားဆွေးနွေးခဲ့ကြောင်း သိရသည်။

DOCA(ဧရာဝတီ)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီးအတွင်းရှိ ခရိုင်/ မြို့နယ်များအပါအဝင် ဆန်စပါးသိုလှောင်ရုံများအား မှတ်ပုံတင်ခြင်း လုပ်ငန်းကို ၂၀၂၃ခုနှစ်၊ နိုဝင်ဘာလ(၃)ရက်နေ့မှ စတင်၍ ဆောင်ရွက်လျက်ရှိရာ  ဆန်(၂၅)တန် နှင့်အထက်၊ စပါး(၂၅၀၀)တင်းနှင့်အထက် သိုလှောင်ရောင်းချသည့် ဆန်စပါးသိုလှောင်ရုံများကို MyRO တွင် မှတ်ပုံတင်နိုင်ရေးဆောင်ရွက်ခဲ့ရာ ယခုအခါ မကွေးတိုင်းဒေသကြီးအနေဖြင့် ဆန်စပါး သိုလှောင်ရုံ စုစုပေါင်း (၂၅၂) လုံး မှတ်ပုံတင်ထားရှိပြီး ဖြစ်ကြောင်း သိရသည်။
   မကွေးတိုင်းဒေသကြီးအနေဖြင့် မှတ်ပုံတင်သက်တမ်းတစ်နှစ်ပြည့်မြောက်ပြီးဖြစ်သည့် ဆန် စပါးသိုလှောင်ရုံများ၊ ကုမ္ပဏီပိုင်ရှင်များသည် ၂၀၂၅ခုနှစ်၊ ဇွန်လမှစတင်၍ မှတ်ပုံတင် သက်တမ်း တိုးခြင်းကို စတင်ဆောင်ရွက်လျက်ရှိပါသည်။ MyRO Website ဖြစ်သော www.myro.com.mm တွင် ဆန်စပါးသိုလှောင်ရုံပိုင်ရှင်များနှင့် ကုမ္ပဏီပိုင်ရှင်များသည် ၎င်းတို့၏ ကိုယ်ပိုင်အကောင့် များဖြင့်   မှတ်ပုံတင်သက်တမ်းတိုးဆောင်ရွက်ခြင်းရှိသလို Website နည်းပညာအခက်အခဲရှိသော ဆန်စပါးသိုလှောင်ရုံပိုင်ရှင်များသည် တိုင်းဒေသကြီးဦးစီးမှူးရုံးနှင့် မိမိသက်ဆိုင်ရာ ခရိုင်/မြို့နယ်ရုံး များသို့ လာရောက်၍ သက်တမ်းတိုးခြင်းလုပ်ငန်းကို ဆောင်ရွက်ခြင်းကြောင့် MyRO Website အသုံးပြုနည်းများကို ကူညီဆောင်ရွက်ပေးလျက်ရှိပါသည်။ မကွေးတိုင်းဒေသကြီးအတွင်း (၂၄.၆.၂၀၂၄) ရက်နေ့မှ (၁၈.၇.၂၀၂၅)ရက်နေ့အထိ မှတ်ပုံတင်သက်တမ်းတိုးရမည့် သိုလှောင် ရုံစုစုပေါင်း (၁၀၈) လုံးရှိရာ သိုလှောင်ရုံ စုစုပေါင်း(၆၁)လုံး မှတ်ပုံတင်သက်တမ်းတိုး ဆောင်ရွက်ပြီးစီး လျက်ရှိကြောင်း သိရှိရပါသည်။ ဆက်လက်၍ သက်တမ်းတိုးရန်ကျန်ရှိသည့် ဆန်စပါး သိုလှောင်ရုံများအား MyROတွင် မှတ်ပုံတင်သက်တမ်းတိုးရန် အသိပေးအကြောင်းကြားပြီး သိုလှောင်ရုံ မှတ်ပုံတင်ခြင်းလုပ်ငန်းအပြင် သက်တမ်းတိုးခြင်းလုပ်ငန်းများလည်း ဆက်လက် ဆောင်ရွက်လျက်ရှိကြောင်း သိရှိရသည်။
DOCA(မကွေး)