သတင်းနှင့် လှုပ်ရှားမှုများ

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ်တွင် တာဝန်ခံ ဒေါ်မြင့်မြင့်စန်းနှင့်ဝန်ထမ်းများသည် (၁၂.၅.၂၀၂၅)ရက်နေ့ မွန်းလွဲ(၀၁:၀၀)နာရီအချိန်တွင် တိုင်းဒေသကြီးဦးစီးမှူးဦးဆောင်သော Thursday Talk ကို Zoom Meeting ဖြင့်ပြုလုပ်ဆောင်ရွက်ခဲ့ပါသည်။

          ထိုသို့ပြုလုပ်ဆောင်ရွက်ရာတွင် ဧရာဝတီတိုင်းဒေသကြီး စားသုံးသူရေးရာဦးစီးဌာန တိုင်းဒေသကြီးဦးစီးမှူးမှ ဦးစွာအဖွင့်အမှာစကားပြောကြားပြီး အစည်းအဝေးပွဲကိုစတင်ခဲ့ပါသည်။ ထို့နောက် ဖျာပုံခရိုင် ဘိုကလေးမြို့နယ်မှ ဒု-ဦးစီးမှူး ဒေါ်ခင်စန်းအေးသည် Power Point ဖြင့် ဂွတ်ရှယ်သုံးထောင့်မုန့် လုပ်ငန်းနှင့်စပ်လျဉ်း၍ Thursday Talk ပြုလုပ်ဆောင်ရွက်ခဲ့ပြီး သုံးထောင့်မုန့် လုပ်ငန်း၏ မုန့်လုပ်နည်း အဆင့်ဆင့်ကို အသေးစိတ်ရှင်းလင်းပြောကြားခဲ့ပါသည်။ ထိုပြောကြားချက် များအပေါ်ဦးစွာ ဟင်္သာတ ခရိုင်မှ ခရိုင်ဦးစီးမှူးမှသုံးသပ်ပြီး ဆက်လက်၍ မြောင်းမြခရိုင်၊ မအူပင်ခရိုင် နှင့် ဖျာပုံခရိုင်မှ ခရိုင်ဦးစီးမှူး များကလည်း သုံးသပ်တင်ပြပြီး ဆက်လက်၍ ဒုတိုင်းဦးစီးမှူး ဦးထွန်းထွန်းမှလည်း  သုံးသပ်တင်ပြခဲ့ပါသည်။ နိဂုံးချုပ်အနေဖြင့် တိုင်းဒေသကြီးဦးစီးမှူးမှ သုံးသပ် တင်ပြသွားသော ဒုတိုင်းဦးစီးမှူးများ၊ ခရိုင်ဦးစီးမှူးများနှင့် ဝန်ထမ်းများအား ကျေးဇူးတင်စကား ပြောကြားပြီး လိုအပ်သည်များကိုလည်း ဖြည့်စွက်ပြောကြားကာ အစည်းအဝေးပွဲကို မွန်းလွဲ(၁:၄၀) နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA (ဧရာဝတီ)

  ၉.၄.၂၀၂၅ ရက်နေ့ နေ့လည်(၂:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄)ဦးတို့သည် အင်းစိန်မြို့နယ်ရှိ သန့်စင်စတိုးသို့ စည်သွပ် အစားအစာအမျိုးမျိုးအား ဈေးကွက်စောင့်ကြည့်စစ်ဆေးခဲ့ပါသည်။

 ထိုသို့စစ်ဆေးခဲ့ရာတွင် သန့်စင်စတိုးမှ တာဝန်ခံ ဦးဟိန်းမင်းသူမှပူးပေါင်းပါဝင်လျက် ရောင်းချ လျက် စည်သွပ်အစားအစာများမှ အိမ်ချက်အမှတ်တံဆိပ်ဖြင့် (၆)မျိုး၊ Foody အမှတ်တံဆိပ်ဖြင့် (၅) မျိုး၊ Ready အမှတ်တံဆိပ်ဖြင့် (၉)မျိုးနှင့် OBO အမှတ်တံဆိပ်ဖြင့် မုန့်ဟင်းရည်အနှစ်တို့တွင် ကုန်အညွှန်းအမှတ်အသားတွင် ဖော်ပြရမည့်အမျိုးအမည်၊ အရွယ်အစား၊ သုံးစွဲပုံနည်းလမ်း၊ ထားသို သိမ်းဆည်းမှုအညွှန်းနှင့်ဓါတ်မတည့်ကြောင်း ဖော်ပြချက်တို့ကို မြန်မာဘာသာဖြင့် ဖော်ပြထားသည်ကို စစ်ဆေးတွေ့ရှိရပြီး တာဝန်ခံအား အမှတ်တံဆိပ်ပြည့်စုံသော ကုန်ပစ္စည်းများကိုသာ ဝယ်ယူရောင်းချရန် အသိပညာပေး ဆွေးနွေးပြောကြားခဲ့ကြောင်း ကွင်းဆင်းစစ်ဆေးချက်အရ သိရှိရပါသည်။

DOCA(ရန်ကုန်)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊  ပုသိမ်ခရိုင် ငပုတောမြို့နယ် တာဝန်ခံ ဒေါ်မြင့်မြင့်စန်းနှင့်ဝန်ထမ်းများသည် အထွေထွေအုပ်ချုပ်ရေးဦးစီးဌာန၊   မြို့နယ်စည်ပင်သာယာရေး အဖွဲ့တို့နှင့်ပူးပေါင်း၍ (၁၃.၅.၂၀၂၅)ရက်နေ့ နံနက်(၁၁:၀၀) နာရီအချိန်တွင် ငပုတောမြို့နယ်အတွင်းရှိ ဘိလပ်မြေအရောင်းဆိုင်များအား ဈေးနှုန်းမြှင့်တင်ရောင်းချခြင်း ရှိ/မရှိ ကွင်းဆင်း စစ်ဆေးခဲ့ပါသည်။

          ထိုသို့ကွင်းဆင်းစစ်ဆေးဆောင်ရွက်ရာတွင် စားသုံးသူရေးရာဦးစီးဌာန၊ ငပုတောမြို့နယ် တာဝန်ခံမှ အိမ်ဆောက်ပစ္စည်းဖြန့်ဖြူးရောင်းချလျက်ရှိသော မြို့မဈေးရှိ အိမ်ဆောက်ပစ္စည်း အရောင်းဆိုင်များမှ ဆိုင်ပိုင်ရှင်များနှင့် သွားရောက်တွေ့ဆုံ၍ ဘိလပ်မြေအမျိုးအစားများအလိုက် လက်လီ/လက်ကားဈေးနှုန်းများ၊ ယခင်လ/ယခုလ ကွာခြားချက်ဈေးနှုန်းများ အတက်အကျ ဖြစ်သည့်အကြောင်းအရင်းများ၊ မြေပြင်လက်ကျန် အခြေအနေများ၊ ပစ္စည်းပြတ်လပ်မှု ရှိ/မရှိ ဈေးကွက်အခြေအနေများအား မြေပြင်တွင်ကွင်းဆင်း စစ်ဆေးခဲ့ပြီး ဆိုင်ပိုင်ရှင်များအား လက်ကျန်ပစ္စည်းများကို ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများ မပြုလုပ်ကြရန်နှင့် ဈေးနှုန်းမြှင့်တင်ရောင်းချခြင်းများ မပြုလုပ်ကြရန် ဆိုင်ပိုင်ရှင်များအား အသိပညာပေးဆွေးနွေး ပြောကြားခဲ့ကြောင်း သိရှိရပါသည်။

DOCA (ဧရာဝတီ)     

          ဧရာဝတီတိုင်းဒေသကြီး၊ ပုသိမ်ခရိုင် ငပုတောမြို့နယ် စားသုံးသူရေးရာဦးစီးဌာန မြို့နယ်ရုံးတွင် စားအုန်းဆီကိုယ်စားလှယ်များအား (၁၃.၅.၂၀၂၅)ရက်နေ့ နံနက်(၁၀:၃၀)နာရီအချိန်တွင် မြို့နယ်တာဝန်ခံ ဒေါ်မြင့်မြင့်စန်းမှခေါ်ယူတွေ့ဆုံ၍ စားအုန်းဆီထုတ်ယူမှု ကိစ္စနှင့်ပတ်သက်၍ လည်းကောင်း  ခွဲတမ်းရရှိသော စားအုန်းဆီများအား သတ်မှတ်ရည်ညွှန်းဈေးဖြင့် ရောင်းချပေးနေခြင်း ရှိ/မရှိ တွေ့ဆုံ ဆွေးနွေးခဲ့ပါသည်။

        ထိုသို့တွေ့ဆုံဆွေးနွေးရာတွင် စားအုန်းဆီသယ်ယူမှုနှင့်ပတ်သက်၍ သိသင့်သိထိုက်သော အချက်အလက်များကို ဆီကိုယ်စားလှယ်များအား ဆွေးနွေးပြောကြားခဲ့ပြီး လက်လီ/လက္ကားရောင်းချ နေသော စိန်ဇော်ဂျီဆိုင်တွင် ခွဲတမ်းရရှိသောစားအုန်းဆီများအား သတ်မှတ်ရည်ညွှန်း ဈေးဖြင့်သာ ရောင်းချ ကြရန်၊ ဈေးနှုန်းမြှင့်တင်ရောင်းချခြင်းမရှိစေရန်၊ အလေးချိန်ပြည့်ဝမှန်ကန်စွာရောင်းချကြရန်၊ ထုတ်ပြန်ထား သည့်စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချကြရန် ရှင်းလင်း ပြောကြားပြီး စားအုန်းဆီ လက်လီ/လက္ကားရောင်းချနေမှုအခြေအနေနှင့် လက်ရှိဖြစ်ပေါ်နေသော စားအုန်းဆီဈေးနှုန်းကြီးမြင့်နေမှုကို မိမိတို့အနေဖြင့် စားသုံးသူပြည်သူများအား သက်သာသော ဈေးနှုန်းဖြင့်ရောင်းချပေးရန်၊ ဈေးနှုန်းမြှင့်တင် ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထား ရှိခြင်းများတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရအရေးယူ ဆောင်ရွက်သွားမည် ဖြစ်ကြောင်း စားအုန်းဆီဆိုင်ပိုင်ရှင်အား ရှင်းလင်းဆွေးနွေးပြောကြားခဲ့ကြောင်း သိရှိရပါသည်။

DOCA (ဧရာဝတီ)     

  ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ် ဈေးကွက်အတွင်းရှိ စည်သွပ်ဘူး အမျိုးမျိုးတို့တွင် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/မရှိတို့အား ဧပြီလ (၈)ရက် နေ့၊ နံနက်(၀၉:၃၀)နာရီအချိန်တွင် ဒလမြို့ ကမာကဆစ်ဈေး အတွင်းရှိ ကုန်စုံဆိုင်များသို့   ကွင်း ဆင်းစစ်ဆေးခဲ့ကြောင်း သိရသည်။

   ထိုသို့ ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ ဈေးတာဝန်ခံနှင့် စား သုံးသူရေးရာဦးစီးဌာန ဒလမြို့နယ် တာဝန်ခံတို့ပူးပေါင်း၍ ကမာကဆစ်ဈေးအတွင်းရှိ ဒေါ်တင်မြင့် ကုန်စုံဆိုင်နှင့် ဦးမြင့်စိုး ကုန်စုံဆိုင်တို့ရှိ ဆိုင်ပိုင်ရှင်များနှင့် တွေ့ဆုံကာ စားသုံးသူ ပြည်သူများအား ဖြန့်ဖြူးရောင်းချလျက်ရှိသော စည်သွပ်ဘူးအမျိုးအမျိုးတို့တွင် ကုန်အညွှန်းအမှတ် အသား ဖော်ပြ ပါရှိရမည့်အချက်များ ပြည့်စုံစွာဖော်ပြထားခြင်းရှိ/မရှိကို ပူးပေါင်းအဖွဲ့ဖြင့် မြေပြင် ကွင်းဆင်း စစ်ဆေးခဲ့ပြီး ကုန်စုံဆိုင်ပိုင်ရှင်များအနေဖြင့် ကုန်စည်အုပ်စုအလိုက် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်း ဖော်ပြချက်၊ သုံးစွဲပုံနည်းလမ်းတို့အား ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့် ဖော်ပြပါ ရှိသော ကုန်စည်များကိုသာ ဝယ်ယူဖြန့်ဖြူးရောင်းချပါရန်နှင့် စားသုံးသူကာကွယ်ရေး အသိပညာ ပေး ဆွေးနွေး ပြောကြားခဲ့ပြီး ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)