သတင်းနှင့် လှုပ်ရှားမှုများ

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် လပွတ္တာမြို့နယ်တာဝန်ခံ ဦးမြင့်ဌေးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁၄.၇.၂၀၂၅)ရက်နေ့၊ နံနက်(၁၁း၃၀) နာရီအချိန်တွင် လပွတ္တာမြို့နယ် (၃)ရပ်ကွက်အတွင်းရှိ လက်လီ/လက်ကားရောင်းချနေသောဆန်ဆိုင်များအား သတ်မှတ်ရည်ညွှန်းဈေးဖြင့် ရောင်းချမှုရှိ/ မရှိ ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းဆောင်ရွက်ရာတွင် လပွတ္တာမြို့နယ်တာဝန်ခံမှ လပွတ္တာမြို့နယ်(၃)ရပ်ကွက်အတွင်းရှိ လက်လီ/ လက်ကား ရောင်းချနေသော ဆန်ဆိုင်များတွင် MRS မှသတ်မှတ်ထားသော ရည်ညွှန်းဈေးအတိုင်း ရောင်းချပေးနေပြီး ဆန်ဆိုင်ပိုင်ရှင်များအား ဆန်ရောင်းချနေမှုနှင့် ပတ်သတ်၍ စားသုံးသူပြည်သူများအား ဈေးနူန်းမြှင့်တင်ရောင်းချခြင်းမပြုရန်၊ သတ််မှတ်ဈေးနူန်းဖြင့်သာရောင်းချကြရန်၊ ဈေးနူန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် ဆန်သိုလှောင်ထားရှိခြင်းများတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း ဆန်ဆိုင်ပိုင်ရှင်များအား ရှင်းလင်းဆွေးနွေး ပြောကြားခဲ့ကြောင်း သိရှိရပါသည်။

DOCA(ဧရာဝတီ)

        ညောင်တုန်းမြိုနယ်အတွင်းရှိ စက်သုံးဆီအရောင်းဆိုင်(၁၀)ဆိုင်အား မြိုနယ်ရေနံနှင့်ရေနံထွက် ပစ္စည်းများ ထိမ်းသိမ်းကြီးကြပ်ရေးကော်မတီများနှင့်အတူ မြိုန့ယ်စားသုံးသူရေးရာဦးစီးဌာနတို့ (၁၅-၇-၂၀၂၅) ရက်နေ့က ကွင်းဆင်းစစ်ဆေး ဆောင်ရွက်ပါသည်။

      ကွင်းဆင်းဆောင်ရွက်ရာတွင် ညောင်တုန်း စက်သုံးဆီဆိုင်များ၏ ဆီရောင်းချမှု ဆီကန်များကို စစ်ဆေးခြင်း၊ ဆီလက်ကျန်အခြေအနေနှင့်၊ တစ်နေ့ ရောင်းချရမှုအခြေအနေများ၊ ဆီအမျိုးအစားအလိုက် ဈေးနှုန်းအခြေအနေများ၊ ခွင့်ပြုထုတ်ပေးသည့် စက်သုံးဆီအမျိုးအစားနှင့် ပမာဏများအတိုင်း အရောင်းဆိုင်သို့အမှန်ရောက်ရှိခြင်း ရှိ/ မရှိ၊ သတ်မှတ်အရည်အသွေးနှင့် အခြင်အတွယ် ကိုက်ညီမှန်ကန်မှု ရှိ/ မရှိ၊ ရည်ညွှန်းဈေးနှုန်းများအတိုင်း ရောင်းချခြင်း ရှိ/ မရှိ၊ သတ်မှတ်ညွှန်ကြားချက်များနှင့်အညီ စနစ်တကျရောင်းချခြင်း ရှိ/ မရှိ၊ မီးဘေးအန္တရာယ် ကာကွယ်ရေးကိစ္စရပ်များ ကြိုတင်ဆောင်ရွက်ထားခြင်း ရှိ/ မရှိတို့ကို စစ်ဆေးခဲ့ပြီး လိုအပ်သည်များ မှာကြားခဲ့ပြီး အလားတူရှောင်တခင် စစ်ဆေးမှုမျိုးကို စစ်ဆေးဆောင်ရွက်သွားမည်ဖြစ်ပြီး သတ်မှတ်ချက်နှင့် မကိုက်ညီပါက ဥပဒေများအရ အရေးယူဆောင်ရွက်မည်ဖြစ်ကြောင်း အသိပေးပြောကြားခဲ့ပါသည်။

DOCA(ဧရာဝတီ)

  ၁၄-၇-၂၀၂၄ ရက်နေ့ နံနက်(၁၀၁၅) အချိန်က မြို့နယ်ကျန်းမာရေးဦးစီးဌာ၊ မြို့နယ်စားသုံးသူရေးရာဦးစီးဌာန၊ မြို့နယ် တိုင်းရေးဆေးပညာဦးစီးဌာနတို့ ပါဝင်သော အဖွဲ့သည် မအူပင်မြို့ ၁၁ရပ်ကွက်၊ ၁၀လမ်းထပ်ရှိ အ.ထ.က-၂ အထက်တန်းကျောင်းတွင် လူငယ်ရေးရာအသိပညာပေး၊ ကျောင်းကျန်းမာရေးလှုပ်ရှားမှု ဟောပြောပွဲတွင် စားသုံးသူရေး ရာဦးစီးဌာနမှ တာဝန်ရှိသူများက စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ကြသည်။

            ဟောပြောပွဲတွင် ကျောင်းအုပ်ဆရာကြီးက ကျောင်းသား/ကျောင်းသူများကို လူငယ်ရေးရာအသိပညာပေး ဟောပြောခြင်းကို ကျောင်းသား/သူများ မှတ်သားလိုက်နာဆောင်ရွက်နိုင်ဖို့က အရေးကြီးကျောင်းနှင့် ကျောင်းသို့ ဌာနဆိုင်ရာများက လူငယ်အသိပညာပေး ဟောပြောခြင်းကိုလည်း ကြိုဆိုကြောင်း သက်ဆိုင်ရာဌာနများက အသိပညာပေးလုပ်ငန်းကို စဉ်ဆက်မပြတ် ဟောပြောပေးနိုင်ရန် အဖွင့်အမှာစကားပြောကြားခဲ့ပြီး ၊ အခြားသက်ဆိုင်ရာဌာနများက ဌာန၏ လုပ်ငန်းဆောင်ရွက်ချက် လူငယ်များသိသင့်သော အသိပညာပေးခြင်းများကို အသီးသီးဟောပြောခဲ့ကြသည်။

            ဆက်လက်၍ စားသုံးသူရေးရာဦးစီးဌာနမှ ဒုခရိုင်ဦးစီးမှူး ဦးအောင်ဇော်ဦးက စားသုံးသူကာကွယ်ရေး အကြောင်း ကျောင်းသား/သူများ သိရှိသင့်သလောက် သိရှိပြီး စားသုံးသူအခွင့်အရေးအကြောင်းကို ကျောင်းသားများ နားလည်သလောက် တစ်ဦးချင်း မေးမြန်းဆွေးနွေးပြီး၊ စားသုံးသူအခွင့်အရေး နစ်နာမှု ရှိပါက မည်သည့်ဌာနသို့ တိုင်ကြားနိုင်ကြောင်း မေးမြန်းခြင်းနှင့် တိုင်ကြားနိုင်သည့် နည်းလမ်းများကို အမေးအဖြေပြုလုပ်ပြီး ဆုချီးမြှင့်ခြင်း ဆောင်ရွက်ခဲ့ပြီး အလွယ်တကူဆက်သွယ်တိုင်ကြားလိုရသော စားသုံးသူရေးရာဦးစီးဌာန၏ Consumer Call Center1535 သို့ ဆက်သွယ်ဆောင်ရွက် တိုင်ကြား မေးမြန်းနိုင်သည့် အကြောင်း များကို အကျယ်တဝင့် ရှင်းလင်းဟောပြောခဲ့ကြောင်းနှင့် ဟောပြောပွဲသို့ ကျောင်းသား/သူဆရာ/ဆရာမ (၁၅၇)ဦးတက်ရောက်ခဲ့ကြောင်း သိရပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ဦးစီးမှူးရုံးမှ တာဝန်ရှိသူများသည် ၁၄-၇-၂၀၂၅ ရက်နေ့ နေ့လည် ၁၂:၃၀ အချိန်က ညောင်တုန်းမြိုနယ်၊ စားသုံးသူရေးရာဦးစီးဌာန မြိုနယ်ဦးစီးမှုးသည်ဌာနရုံးခန်းတွင် ဒုတိယမြိုနယ်အုပ်ချုပ်ရေးမှုးနှင့် အတူ ၂၀၂၅ခုနှစ်ဇူလိုင်လ တွင်MyRO သက်တမ်းတိုးရမည့် ဆန်စက်နှင့်သိုလှောင်ရုံပိုင်ရှင်များအားအမြန်ဆုံးသက်တမ်းတိုးရန်နှင့် လစဉ် မိမိဆန်စက်၊ သိုလှောင်ရုံ၏ လက်ကျန်စာရင်းအားMyROတွင်ပုံမှန်ရေးသွင်းဆောင်ရွက်ရေးအသိပေးဆွေးနွေးခဲ့ပါသည်။

            ဆွေးနွေးခဲ့ကြရာတွင် ဦးအောင်လွင် ဦးစီးအရာရှိက စပါး၊သိုလှောင်ရုံ၊ သိုရုံလုပ်ငန်းရှင်များကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံ ဆန်စပါး အသင်းချုပ်တို့ ပူးပေါင်းအကောင်အထည် ဖော်ဆောင်ရွက်လျက်ရှိသည့်  မြန်မာ့ဆန်စပါး အွန်လိုင်း (Myanmar Rice Online My Ro) တွင် ၂၀၂၃ခုနှစ် နိုဝင်ဘာလ (၃) ရက်နေ့မှ စ၍ ဆန်တန်ချိန် ၂၅ နှင့် အထက် သိုလှောင်ရုံ သို့မဟုတ် စပါးတင်း ၂၅၀၀ နှင့် အထက် သိုလှောင်မှုများအား မှတ်ပုံတင်ခြင်း လုပ်ငန်းများကို ဆောင်ရွက်လျက်ရှိကြောင်း၊ သက်တမ်း၁နှစ်ပြည့်မြောက်ပြီးသော ညောင်တုန်းမြို့နယ် လုပ်ငန်းရှင်များအား သက်တမ်းတို့ဆောင်ရွက်နိုင်ရေးနှင့် ဇူလိုင်လ ဆန်စပါးသိုလှောင်ရုံ မှတ်ပုံတင်ထားသည့် သိုလှောင်ရုံများ၏ ကုန်ရ၊ ကုန်ထုတ်၊ ကုန်လက်ကျန်စာရင်းများအား ဖြည့်သွင်းပေးနိုင်ရေးနှင့် လစဉ် လဆန်း (၁)ရက်နေ့မှ ရ ရက်အတွင်း Update ပြုလုပ်နိုင်ရေးကို လုပ်ငန်းရှင်များ သိရှိနိုင်ရန် အသိပေးပြောကြားဆွေးနွေးခဲ့ကြောင်း သိရသည်။

DOCA(ဧရာဝတီ)

  စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ပဲခူးတိုင်း ဒေသကြီးဦးစီးမှူးရုံးတွင် တိုင်းဒေသကြီးဦးစီးမှူးရုံးနှင့် ခရိုင်ဦးစီးမှုးရုံးများရှိ ခရိုင်ဦးစီးမှူးများ၊ မြို့နယ်တာဝန်ခံများ၊ ဝန်ထမ်းများနှင့် လစဉ်ပုံမှန်ပြုလုပ်လျက်ရှိသည့် ဝန်ထမ်းထုဆန္ဒဖော်ထုတ်ပွဲ (ဒါဘာ) အခမ်းအနားကို ၁၅.၇.၂၀၂၅ ရက်နေ့တွင် Online (Zoom Meeting)ဖြင့် ပြုလုပ်ကျင်းပခဲ့ ကြောင်း သတင်းရရှိပါသည်။ အဆိုပါ ဝန်ထမ်းထုဆန္ဒဖော်ထုတ်ပွဲ (ဒါဘာ) အခမ်းအနားတွင်  ပဲခူးတိုင်းဒေသကြီးဦးစီးမှူး ရုံးမှ ဝန်ထမ်းများ၊ ပဲခူးတိုင်းဒေသကြီးဒေသကြီးအတွင်းရှိ ခရိုင်နှင့် မြို့နယ်များမှ ဝန်ထမ်းများက လိုအပ်ချက်များ၊ အခက်အခဲများကို ဆန္ဒဖော်ထုတ်၍ တင်ပြကြရာ တိုင်းဒေသကြီးဦးစီးမှူးက လိုအပ်သည်များကို ညှိနှိုင်းဆောင်ရွက်ပေးကာ အစည်းအဝေးကို ရုတ်သိမ်းခဲ့ပါသည်။ ထိုဝန်ထမ်း ထုဆန္ဒ ဖော်ထုတ်ပွဲ (ဒါဘာ) အခမ်းအနားသို့ ညောင်လေးပင်ခရိုင်ဦးစီးမှူးရုံးမှ ခရိုင်ဦးစီးမှူးနှင့် မြို့နယ်တာဝန်ခံများ၊ ဝန်ထမ်းများလည်း တက်ရောက်ခဲ့ကြောင်း သတင်းရရှိပါသည်။

DOCA(ပဲခူး)