သတင်းနှင့် လှုပ်ရှားမှုများ

  ၂၀၂၅ ခုနှစ်၊ မတ်လ ၂၈ ရက်နေ့တွင်ဖြစ်ပွားခဲ့သည့် မန္တလေးငလျင်ကြီးနှင့် နောက်ဆက်တွဲ ငလျင်များကြောင့် တိုင်းဒေသကြီးပြည်နယ်အချို့တွင် နေအိမ်၊ တိုက်တာအဆောက်အဦများ ပြိုကြ ခြင်း ပျက်စီးဆုံးရှုံးခြင်းများဖြစ်ပွားခဲ့သဖြင့် ပြန်လည်တည်ဆောက်ရေးလုပ်ငန်းများ ဆောင်ရွက်မည့် ကာလတွင် ဆောက်လုပ်ရေးလုပ်ငန်းသုံးပစ္စည်းများဖြစ်သော သွပ်၊ သံ၊ သံ ချောင်း၊ ဘိလပ်မြေ၊ အိမ်ရိုက်သံနှင့် သစ်အစရှိသည့် ပစ္စည်းများဝယ်လိုအား မြှင့်တက်လျက် ရှိရာ ဆောက်လုပ်ရေးလုပ် ငန်းသုံးပစ္စည်းများ တင်သွင်းသိုလှောင်ဖြန့်ဖြူးသည့် စက်ရုံ/အလုပ်ရုံ လုပ်ငန်းရှင်များအနေဖြင့် ဈေးနှုန်းမြှင့်တင်ရောင်းချခြင်း ဈေးကစားရန်ရည်ရွယ်ချက်ဖြင့် သိုလှောင်ထားခြင်း၊ ရှိ/မရှိတို့ကို မြေပြင်ကွင်းဆင်းစစ်ဆေးကြပ်မတ်မှုများ ဆောင်ရွက်လျှက်ရှိကြောင်း သိရှိရပါသည်။

   ကွင်းဆင်းစစ်ဆေးဆောင်ရွက်ရာတွင် ဆောက်လုပ်ရေးလုပ်ငန်းသုံးပစ္စည်းအရောင်း ဆိုင်များ နှင့် သိုလှောင်ရုံနေရာများအားစစ်ဆေးရန် မြို့နယ်အထွေထွေအုပ်ချုပ်ရေးဦးစီးဌာန ၊  အထူးစုံစမ်း စစ်ဆေးရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်စည်ပင်သာယာရေးကော်မတီ ၊ စားသုံးသူရေးရာ ဦးစီးဌာန၊ အကောက်ခွန်ဦးစီးဌာန၊ ပြည်တွင်းအခွန်များဦးစီးဌာနတို့မှ တာဝန်ရှိသူများပူးပေါင်း၍ ၁၁.၄.၂၀၂၅ ရက်နေ့၊ (၁၇:၀၀) နာရီအချိန်တွင် မြောက်ဒဂုံမြို့နယ်၊ အမှတ် (၁၁၇၄) ပင်လုံလမ်း၊ (၃၅)ရပ်ကွက်ရှိ ဆုဗွေတန် အုတ်၊ သဲ၊ ကျောက်နှင့်အိမ်ဆောက်ပစ္စည်း အရောင်းဆိုင်သို့  သွားရောက် ၍ ဆောက်လုပ်ရေးလုပ်ငန်းသုံးပစ္စည်းများကို ဈေးကစားရန် ရည်ရွယ်ချက်ဖြင့် သိုလှောင်ထားမှုများ မရှိစေရေးနှင့် ဈေးနှုန်းမြှင့်တင်ရောင်းချခြင်းများ မရှိစေရေးတို့ကို ကွင်းဆင်းကြပ်မတ် စစ်ဆေးဆောင်ရွက်ခဲ့ပြီး စားသုံးသူကာကွယ်ရေးဥပဒေအကြောင်းကို အသိပေးပြောကြားကြောင်း သိရှိရပါ သည်။

DOCA( ရန်ကုန်)

   စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူးရုံး၏ ကြီးကြပ်မှုဖြင့် မုံရွာမြို့ရှိ ဆန်/ဆီကုန်သည်များက ငလျင်ဘေးဒဏ်သင့် စစ်ကိုင်းမြို့ရှိ ပြည်သူများသို့ ဆန်၊ ဆီ၊ ကြက်သွန်နီ၊ အသားတု၊ ဟင်းသီးဟင်းရွက်နှင့် ကုန်မျိုးစုံအားသက်သာသောဈေးနှုန်းဖြင့်( ၂၆ )ရက်မြောက်နေ့အဖြစ် ရောင်းချပေးလျက်ရှိပါသည်။

   ၂၀၂၅ ခုနှစ်၊ မတ်လ ၃၁ ရက်နေ့မှ ဧပြီလ ၂၈ ရက်နေ့အထိ 6S / 3038၊ 8A/ 8484၊ 4S/ 2246၊ 7N/ 9803 ဈေးကား(၄) စီးဖြင့် နံနက်ပိုင်း တွင်( ၁) ကြိမ်၊ မွန်းလွဲပိုင်းတွင် (၁)ကြိမ် ရောင်းချပေးခဲ့ရာ ယနေ့ ၂၈.၄.၂၀၂၅ ရက်နေ့တွင် ဆန် (၁၂၀) ပြည်၊ ဆီ (၅၀)ပိဿာ၊ ဆား(၅)ပိဿာ၊ ကုလားပဲ(၂၉)ဘူး၊ ငါးပိ(၁)ပိဿာ၊ ငါးခြောက် (၁)ပိဿာ၊ ပုဇွန်ခြောက်(၃၀) ကျပ်သား၊ ကြက်ဥ (၁၀၀)လုံး၊ ဘဲဥ(၂၅)လုံး၊ ကြက်သွန်နီ (၁၁) ပိဿာနှင့် အသားတု(၁)ပိဿာတို့ကို ရောင်းချပေးခဲ့ပြီး  ယနေ့အထိ ရောင်းချမှုများမှာ ဆန်( ၆၉၁၂ ) ပြည်၊ ဆီ (၄၆၁၅) ပိဿာ ၊ ဆား(၅၁) ပိဿာ၊ ကုလားပဲ(၂၆၄)ဘူး၊ ငါးပိ(၁၆)ပိဿာ၊ ငါးခြောက် (၁၆)ပိဿာ၊ ပုဇွန်ခြောက်(၃)ပိဿာ (၁၀)ကျပ် သား၊ ကြက်သွန်နီ (၅၃၈) ပိဿာ၊ အသားတု( ၂၃ ) ပိဿာ၊ ကြက်ဥ (၅၀၅၆) လုံး၊ ဘဲဥ(၂၂၆)လုံး တို့နှင့် ရေသန့် ၁ လီတာဘူး (၂၀၀) ကဒ်တို့ကို ဖြစ်ကြောင်း သိရသည်။

   ယနေ့ ရောင်းချရာတွင် ငလျင်ဘေးဒဏ်သင့်ပြည်သူများရှိသည့်  စစ်ကိုင်းမြို့၊  မြို့နယ်လဝကရုံးတွင် သက်သာသော ဈေးနှုန်းဖြင့် ရောင်းချပေးခဲ့ကြောင်း သိရှိရပါသည်။

DOCA (စစ်ကိုင်း)

      ၂၀၂၅ ခုနှစ်၊ ဧပြီလ (၂၈) ရက်နေ့၊ နံနက် (၁၀:၀၀) နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူးဦးမြင့်နောင်(ဦးစီးမှူး) ဦးဆောင်၍ အစားအသောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးဌာနတို့နှင့် ပူးပေါင်းကာ    တာချီလိတ်မြို့နယ်၊ ဆန်ဆိုင်း(ခ)ရပ်ကွက်၊ ဝမ်မိုင်ရွာရှိ   သစ်လွင်မိုးသောက်ရေသန့်လုပ်ငန်းအား ထုတ်ကုန်များလုံခြုံစိတ်ချရမှုရှိစေရန်အတွက် စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

     ထိုသို့ စစ်ဆေးရာတွင် သစ်လွင်မိုးသောက်ရေသန့်သည် စားသုံးသူကာကွယ်ရေးဥပဒေ အခန်း(၁၈)ပါ “ကုန်အညွှန်အမှတ်အသားဖော်ပြခြင်း”နှင့် ပတ်သက်၍ ပြည့်စုံစွာဖော်ပြထားပြီး ထုတ်ကုန်များကိုလဲ သန့်ရှင်းသပ်ရပ်စွာ ထုတ်လုပ်ဖြန့်ချိသည်ကို စစ်ဆေးတွေ့ရှိရပါသည်။ ထို့နောက် စစ်ဆေးရေးမှူးနှင့် ဌာနဆိုင်ရာတာဝန်ရှိသူများသည် လုပ်ငန်းရှင်အား စားသုံးသူများဘေးအန္တရာယ်ကင်းရှင်းစေရေးကို အလေးထားဆောင်ရွက်ရန်၊ ထုတ်လုပ်မှုအဆင့်တိုင်း စနစ်တကျထုတ်လုပ်ရန်၊ သက်ဆိုင်ရာဌာနများ၏လုပ်ငန်းလိုင်စင်သက်တမ်းတိုးခြင်းများဆောင်ရွက်ရန်နှင့်  စားသုံးသူကာကွယ်ရေးဥပဒေအခန်း(၁၀)ပါ “စီးပွားရေးလုပ်ငန်းရှင်၏ တာဝန်များ”ကို လိုက်နာဆောင်ရွက်ရန် ဆွေးနွေးခဲ့ကြပါသည်။

DOCA(ရှမ်း)

  ၂၀၂၅ ခုနှစ်၊ မတ်လ ၂၈ ရက်နေ့တွင်ဖြစ်ပွားခဲ့သည့် မန္တလေးငလျင်ကြီးနှင့် နောက်ဆက်တွဲ ငလျင်များကြောင့် တိုင်းဒေသကြီးပြည်နယ်အချို့တွင် နေအိမ်၊ တိုက်တာအဆောက်အဦများ ပြိုကြခြင်း ပျက်စီးဆုံးရှုံးခြင်းများ ဖြစ်ပွားခဲ့သဖြင့် ပြန်လည်တည်ဆောက်ရေးလုပ်ငန်းများ ဆောင်ရွက် မည့်ကာလတွင် ဆောက်လုပ်ရေးလုပ်ငန်းသုံးပစ္စည်းများဖြစ်သော သွပ်၊ သံ၊ သံချောင်း၊ ဘိလပ်မြေ၊ အိမ်ရိုက်သံနှင့် သစ်အစရှိသည့် ပစ္စည်းများ ဝယ်လိုအား မြှင့်တက် လျက်ရှိရာ ဆောက်လုပ်ရေးလုပ် ငန်းသုံးပစ္စည်းများ တင်သွင်းသိုလှောင်ဖြန့်ဖြူးသည့် စက်ရုံ/ အလုပ်ရုံ လုပ်ငန်းရှင်များအနေဖြင့် ဈေးနှုန်းမြှင့်တင်ရောင်းချခြင်း ဈေးကစားရန် ရည်ရွယ်ချက်ဖြင့် သိုလှောင်ထားခြင်း၊ ရှိ/မရှိတို့ကို မြေပြင်ကွင်းဆင်းစစ်ဆေးကြပ်မတ်မှုများ ဆောင်ရွက်လျှက်ရှိ ကြောင်း သိရှိရပါသည်။

 ကွင်းဆင်းစစ်ဆေးဆောင်ရွက်ရာတွင် မြို့နယ်အထွေထွေအုပ်ချုပ်ရေးဦးစီးဌာန၊  အထူး စုံစမ်းစစ်ဆေးရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်စည်ပင်သာယာရေးကော်မတီ ၊ စားသုံးသူ ရေးရာဦးစီးဌာန၊ အကောက်ခွန်ဦးစီးဌာန၊ ပြည်တွင်းအခွန်များဦးစီးဌာနတို့မှ တာဝန်ရှိသူများ ပူးပေါင်း၍ ၁၁.၄.၂၀၂၅ ရက်နေ့၊  (၁၅:၀၀)နာရီအချိန်တွင် တောင်ဒဂုံမြို့နယ်၊ အမှတ် (၁၅၄/ ၁၅၆) လှော်ကားလမ်းမကြီး ၊ (၅၅)ရပ်ကွက်ရှိ ပြည်ကျာ် အိမ်ဆောက်ပစ္စည်းအရောင်းဆိုင်သို့  သွားရောက်၍ ဆောက်လုပ်ရေးလုပ်ငန်းသုံးပစ္စည်းများကို ဈေးကစားရန်ရွယ်ချက်ဖြင့် သိုလှောင် ထားမှုများ မရှိစေရေးနှင့် ဈေးနှုန်းမြှင့်တင်ရောင်းချခြင်းများ မရှိစေရေးနှင့် စီးပွားရေး လုပ်ငန်းရှင်၏ တာဝန်များကို လိုက်နာစေလိုကြောင်းတို့ကို ကွင်းဆင်းကြပ်မတ်စစ်ဆေး ဆောင်ရွက်ခဲ့ကြကြောင်း သိရှိရပါသည်။

DOCA(ရန်ကုန်)

              စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် အထွေထွေ အုပ်ချုပ်ရေးဦးစီးဌာန၊ ခရိုင်ရဲတပ်ဖွဲ့မှူးရုံး၊ အထူးစုံစမ်းစစ်ဆေးရေးဦးစီးဌာန၊ မြို့နယ်စည်ပင်သာ ယာရေးအဖွဲ့မှ တာဝန်ရှိသူများနှင့်အတူ ဧပြီလ ၂၃ ရက်နေ့ နံနက်ပိုင်းက တောင်ငူမြို့ပေါ်ရှိ အိမ်ဆောက်ပစ္စည်းအရောင်းဆိုင်များသို့ ကွင်းဆင်း၍ ဘိလပ်မြေရောင်းချနေမှု အခြေအနေများ ကို စောင့်ကြည့်စစ်ဆေးခဲ့ပါသည်။

              ပူးပေါင်းအဖွဲ့သည် တောင်ငူမြို့ရှိ ကျော်၊ အိမ်ဖြူတော်၊ ဖြိုးဝေကျော်၊ မောင်အောင်မင်း၊ ပြည်ကျော်ရတနာ၊ ရွှေသရဖူနှင့် အောင်သရဖူ အိမ်ဆောက်ပစ္စည်းအရောင်းဆိုင်များသို့ ကွင်းဆင်း စစ်ဆေးခဲ့ရာ ရှမ်းရိုးမ၊ CROWN, APACHE အမှတ်တံဆိပ်ဘိလပ်မြေများကို တွေ့ရှိ ရပြီး သယ်ယူခ နှင့် တင်ချလုပ်သားခများတွက်ချက်ပြီး ၁.၇ ရာခိုင်နှုန်းမှ ၄ ရာခိုင်နှုန်းအထိ အမြတ်တင် ရောင်းချ သည်ကို တွေ့ရပါသည်။

              ပူးပေါင်းအဖွဲ့မှ တာဝန်ရှိသူများက ငလျင်ဘေးဒဏ်သင့်၍ ပြန်လည်ထူထောင်ရေး လုပ်ငန်းများဆောင်ရွက်နေချိန်တွင် လုပ်ငန်းရှင်များအနေဖြင့် ဘိလပ်မြေအပါအဝင် အိမ်ဆောက် ပစ္စည်းများကို ဖြစ်သင့်ဖြစ်ထိုက်သည့် ဈေးနှုန်းထက် အဆမတန် ဈေးနှုန်းမြှင့်တင်ရောင်းချခြင်း မပြုရန် အသိပညာပေးခဲ့ကြောင်း သိရှိရပါသည်။

DOCA(ပဲခူး)