သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံး၏ လမ်းညွှန်မှု၊ ညောင်လေးပင် ခရိုင်ဦးစီးမှူးရုံး၏ ကြီးကြပ်မှုတို့ဖြင့် ဒိုက်ဦးမြို့နယ်တာဝန်ခံရုံးသည် စားသုံးသူကာကွယ်ရေး လုပ်ငန်းများ၊ ကုန်ဈေးနှုန်းတည်ငြိမ်ရေးလုပ်ငန်းများကို စိတ်ရောကိုယ်ပါ ဆောင်ရွက်လျက်ရှိရာ ဒိုက်ဦးမြို့နယ်တာဝန်ခံ ဦးကျော်သက်မိုးသည် ၁၈.၇.၂၀၂၅ ရက်နေ့တွင် ဒိုက်ဦးမြို့နယ်အတွင်းရှိ ဓာတ်မြေဩဇာနှင့် ပိုးသတ်ဆေးအရောင်းဆိုင်များအား ပူးပေါင်းအဖွဲ့စုံဖြင့် လိုက်လံစစ်ဆေးခဲ့ ကြောင်း သတင်းရရှိပါသည်။

   ဒိုက်ဦးမြို့နယ်တာဝန်ခံ ဦးကျော်သက်မိုးသည် မိတ်ဖက်ဌာနများဖြစ်သော ဒိုက်ဦးမြို့နယ် အထွေထွေအုပ်ချုပ်ရေးဦးစီးဌာန၊ စိုက်ပျိုးရေးဦးစီးဌာန၊ သမဝါယမဦးစီးဌာန၊ မြန်မာ့လယ်ယာဖွံ့ဖြိုး ရေးဘဏ်၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန တို့နှင့်အတူ ကွင်းဆင်းစစ်ဆေးခဲ့ရာ မြို့နယ်တာဝန်ခံက ဈေးနှုန်းမှန်ကန်စွာရောင်းချရန်၊ အလေးချိန်မှန်ကန်စွာရောင်းချရန်နှင့် သက်ဆိုင် ရာ အစိုးရဌာနများမှ သတ်မှတ်ထားသော မှတ်ပုံတင်လိုင်စင်များ ရှိရမည်ဖြစ်ကြောင်း အသိပညာပေး စစ်ဆေးခဲ့သည်ဟု သတင်းရရှိပါသည်။

DOCA(ပဲခူး)

    စားသုံးသူရေးရာဦးစီးဌာန၊ အရှေ့ပိုင်းခရိုင်စားသုံးသူရေးရာဦးစီးဌာန ၊ မြို့နယ်ပြည်သူ့ ကျန်းမာရေးဦးစီးဌာနတို့မှ ပူးပေါင်း၍ (၁၄.၇.၂၀၂၅)ရက်နေ့၊ နေ့လယ်(၁၂:၃၀) နာရီတွင်အမှတ် (၉၃၃) ၊ သစ္စာလမ်း ၊ (၇) ရပ်ကွက်ရှိ Manawhari Pharma Limitedဆေး ကုမ္ပဏီမှ  ဆိုင်တာဝန်ခံ‌ ဒေါ်ထက်ထက်အောင်နှင့် တွေ့ဆုံ၍ ဆေးကုမ္ပဏီအတွင်းရှိ ဆေးဝါးများအခြေအနေ စစ်ဆေးမေးမြန်းမှုများ ပြုလုပ်ခဲ့ကြောင်း သိရှိရပါ သည်။

    ထိုသို့စစ်ဆေးမေးမြန်းရာတွင် ဆေးကုမ္ပဏီတွင် ပစ္စည်းပြတ်လပ်မှုမရှိပါကြောင်း ဖြေကြားခဲ့ပြီး ၊ ဖြစ်သင့်ဖြစ်ထိုက်သည့်‌ ဈေးနှုန်းထက် ဈေးနှုန်းမြှင့်တင်ရောင်းချမှုကို စစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း   အသိပညာပေးပြောကြားခဲ့ကြောင်း သတင်းရရှိပါသည်။

DOCA(ရန်ကုန်)

          ဧရာဝတီတိုင်းဒေသကြီး၊ဖျာပုံခရိုင်၊ ဒေးဒရဲမြို့နယ် စားသုံးသူရေးရာ ဦးစီးဌာနမှ မြို့နယ်တာဝန်ခံဦးသိန်းမောင်သည် ၂၀၂၅ ခုနှစ်၊ ဇူလိုင်လ (၁၃) ရက်နေ့၊ နေ့လယ် (၁၃:၀၀) နာရီအချိန်တွင် ဒေးဒရဲမြို့နယ်၊ ဘုရားကလေးကွင်း ကျေးရွာရှိ ဦးလှမျိုးဆန်းပိုင် ဆန်းလှဝေ ဆန်စက်သို့ MSMEs လုပ်ငန်းဖွံ့ဖြိုးတိုးတက်ရေး ကွင်းဆင်းတွေ့ဆုံဆွေးနွေးခဲ့ကြောင်း သိရသည်။

          အဆိုပါတွေ့ဆုံဆွေးနွေးရာတွင် ဆန်းလှဝေ ဆန်စက်တာဝန်ခံဦးမြင့်ထွန်းမှ MSMEs လုပ်ငန်းများ ဖွံ့ဖြိုးတိုးတက်စေရေးအတွက် ခေတ်မီစက်ယူနစ်များ တပ်ဆင်အသုံးပြုမှုအခြေအနေ၊ ဈေးနှုန်းဈေးကွက်ရရှိမှု အခြေအနေ၊ ယခုနှစ် ဆန်စပါး ရောင်းဝယ်ဖောက်ကားမှုအခြေအနေ၊ ဆန်စပါး သိုလှောင်ရာတွင် အရည်အသွေး ထိန်းသိမ်းမှုအခြေအနေ Myro တွင် သိုလှောင်ရုံမှတ်ပုံတင်ပြီးစီးမှု အခြေအနေများကို တွေ့ဆုံဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးကွပ်ကဲမှုအောက်ရှိ တိုက်ကြီးခရိုင်၊ တိုက်ကြီးမြို့နယ်ခွဲတာဝန်ခံသည် (၁၅.၇.၂၀၂၅)ရက်နေ့ နံနက်(၁၀:၀၀)နာရီ အချိန်တွင် မြို့နယ် အထွေထွေအုပ်ချုပ်ရေးမှူးရုံး၌ ဆွမ်းလောင်းဓမ္မာရုံများသို့ စားအုန်းဆီရောင်းချပေးမှု အစည်းအဝေး ကျင်းပခဲ့ပါသည်။

    အဆိုပါ အစည်းအဝေး၌ မြို့နယ်အုပ်ချုပ်ရေးမှူးက တိုက်ကြီးမြို့နယ်အတွင်းရှိ မြို့ပေါ် (၈) ရပ်ကွက်နှင့် အနီးဝန်းကျင်ကျေးရွာများမှ ဘုန်းတော်ကြီးကျောင်းများတွင် ဝါဆိုတော်မူ ကြကုန်သော သံဃာတော်နှင့် အရှင်သာမဏေအပါး(၁၀၂၂)ပါးအား ဝါတွင်းသုံးလပတ်လုံး၊ အာရုဏ်ဆွမ်းဆပ်ကပ် လှူဒါန်းနိုင်ရေးအတွက် ဆွမ်းလောင်းလှူဒါန်းရာတွင် လိုအပ်လျက် ရှိသော စားအုန်းဆီကို မြို့နယ်စီမံအုပ်ချုပ်ရေးဥက္ကဌနှင့် မြို့နယ်စားသုံးသူရေးရာဉီးစီးဌာနမှ မြို့နယ်တာဝန်ခံတို့မှညှိနှိုင်း၍ တိုက်ကြီးမြို့နယ် စားအုန်းဆီကိုယ်စားလှယ်သို့  ဆွမ်းလောင်း ဓမ္မာရုံများ စားအုန်းဆီရောင်းချပေးရန် ညှိနှိုင်းဆွေးနွေးခဲ့ပြီး အစည်းအဝေးကို (၁၁:၀၀)အချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(ရန်ကုန်)

     စားသုံးသူရေးရာဉီးစီးဌာန၊ ရန်ကုန်တိုင်းဒေသကြီးဉီးစီးမှူးရုံးမှ ဒုတိယတိုင်းဒေသကြီး ဉီးစီးမှူး၊  လက်ထောက်ညွှန်ကြားရေးမှူးနှင့် မြောက်ပိုင်းခရိုင်ဉီးစီးမှူးရုံး ခရိုင်ဉီးစီးမှူးတို့ ပါဝင်၍ (၁၅.၇.၂၀၂၅) ရက်နေ့ နေ့လည်(၁:၀၀)နာရီအချိန်တွင် အမှတ်(၄)လမ်းမကြီး၊ ရွှေပြည်သာမြို့နယ်ရှိ ရန်ကုန်ကွန်ပျူ တာတက္ကသိုလ်စုဝေးခန်းမတွင် စားသုံးသူကာကွယ်ရေးဆိုင်ရာ အသိပညာပေးဟောပြောဆွေးနွေးပွဲ ကျင်းပပြုလုပ်ခဲ့ပါသည်။

    အဆိုပါ အသိပညာပေးဟောပြောဆွေးနွေးပွဲတွင် ရန်ကုန်ကွန်ပျူတာတက္ကသိုလ်မှ ဒုတိယ ပါမောက္ခချုပ်က အဖွင့်အမှာစကားပြောကြားပြီး စားသုံးသူရေးရာဉီးစီးဌာန၊ ရန်ကုန်တိုင်းဒေသကြီး ဉီးစီးမှူးရုံး၊ ဒုတိယတိုင်းဒေသကြီးဉီးစီးမှူး၊ ဉီးမြင့်အောင်မှ ကမ္ဘာ့စားသုံးသူအခွင့်အရေးနေ့ ပေါ်ပေါက်လာပုံ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ဖွဲ့စည်းပုံ၊ စားသုံးသူရေးရာဉီး စီးဌာနတွင် စားသုံးသူကာကွယ်ရေးလုပ်ငန်းနှင့်ပြည်တွင်းကုန်သွယ်မှုဖွံ့ဖြိုးတိုးတက်ရေးအကြောင်း များအကျယ်တဝင့်ရှင်းလင်းဆွေးနွေးပြောကြားခဲ့ပါသည်။ ဆက်လက်၍ လ/ထညွှန်ကြားရေးမှူး ဒေါ်ဝါဝါခိုင်မှ ၂၀၁၉ ခုနှစ်၊ မတ်လ (၁၅)ရက်နေ့တွင် ထုတ်ပြန်ခဲ့သော စားသုံးသူကာကွယ်ရေးဥပဒေ အခန်း(၉)စားသုံးသူ၏အခွင့်အရေးနှင့်တာဝန်များအကြောင်း၊ ကုန်စည်နှင့်ဝန်ဆောင်မှုများနှင့်ပတ် သက်၍ စားသုံးသူများ နစ်နာဆုံးရှုံးမှုများရှိခဲ့လျှင် တိုင်ကြားနိုင်သည့်နည်းလမ်းများ၊ တိုင်ကြားမှုများ ရှင်းလင်းဟောပြောခြင်း၊ ထုတ်ကုန်လုံခြုံစိတ်ချရမှုရှိစေရန် ဈေးကွက်စောင့်ကြည့်လုပ်ငန်းများ ဆောင်ရွက်ခြင်း၊ Online Sales နှင့်ပတ်သက်၍ ecomreg.gov.mm တွင် ဝင်ရောက်၍ မှတ်ပုံတင် နိုင်ကြောင်း၊ Online Sales ဖြင့် ဝယ်ယူရာတွင် အားသာချက်၊ အာနည်းချက်များအကြောင်း ရှင်းလင်း ဆွေးနွေးပြောကြားပြီး ဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူ စုစုပေါင်း(၃၀၀)ဉီး ခန့်တက်ရောက်ခဲ့ကြောင်း သိရှိရပါသည်။

DOCA(ရန်ကုန်)