သတင်းနှင့် လှုပ်ရှားမှုများ

    စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးကွပ်ကဲမှုအောက်ရှိ တိုက်ကြီးခရိုင်၊ တိုက်ကြီးမြို့နယ်ခွဲတာဝန်ခံသည် (၁၅.၇.၂၀၂၅)ရက်နေ့ နံနက်(၁၀:၀၀)နာရီ အချိန်တွင် မြို့နယ် အထွေထွေအုပ်ချုပ်ရေးမှူးရုံး၌ ဆွမ်းလောင်းဓမ္မာရုံများသို့ စားအုန်းဆီရောင်းချပေးမှု အစည်းအဝေး ကျင်းပခဲ့ပါသည်။

    အဆိုပါ အစည်းအဝေး၌ မြို့နယ်အုပ်ချုပ်ရေးမှူးက တိုက်ကြီးမြို့နယ်အတွင်းရှိ မြို့ပေါ် (၈) ရပ်ကွက်နှင့် အနီးဝန်းကျင်ကျေးရွာများမှ ဘုန်းတော်ကြီးကျောင်းများတွင် ဝါဆိုတော်မူ ကြကုန်သော သံဃာတော်နှင့် အရှင်သာမဏေအပါး(၁၀၂၂)ပါးအား ဝါတွင်းသုံးလပတ်လုံး၊ အာရုဏ်ဆွမ်းဆပ်ကပ် လှူဒါန်းနိုင်ရေးအတွက် ဆွမ်းလောင်းလှူဒါန်းရာတွင် လိုအပ်လျက် ရှိသော စားအုန်းဆီကို မြို့နယ်စီမံအုပ်ချုပ်ရေးဥက္ကဌနှင့် မြို့နယ်စားသုံးသူရေးရာဉီးစီးဌာနမှ မြို့နယ်တာဝန်ခံတို့မှညှိနှိုင်း၍ တိုက်ကြီးမြို့နယ် စားအုန်းဆီကိုယ်စားလှယ်သို့  ဆွမ်းလောင်း ဓမ္မာရုံများ စားအုန်းဆီရောင်းချပေးရန် ညှိနှိုင်းဆွေးနွေးခဲ့ပြီး အစည်းအဝေးကို (၁၁:၀၀)အချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(ရန်ကုန်)

     စားသုံးသူရေးရာဉီးစီးဌာန၊ ရန်ကုန်တိုင်းဒေသကြီးဉီးစီးမှူးရုံးမှ ဒုတိယတိုင်းဒေသကြီး ဉီးစီးမှူး၊  လက်ထောက်ညွှန်ကြားရေးမှူးနှင့် မြောက်ပိုင်းခရိုင်ဉီးစီးမှူးရုံး ခရိုင်ဉီးစီးမှူးတို့ ပါဝင်၍ (၁၅.၇.၂၀၂၅) ရက်နေ့ နေ့လည်(၁:၀၀)နာရီအချိန်တွင် အမှတ်(၄)လမ်းမကြီး၊ ရွှေပြည်သာမြို့နယ်ရှိ ရန်ကုန်ကွန်ပျူ တာတက္ကသိုလ်စုဝေးခန်းမတွင် စားသုံးသူကာကွယ်ရေးဆိုင်ရာ အသိပညာပေးဟောပြောဆွေးနွေးပွဲ ကျင်းပပြုလုပ်ခဲ့ပါသည်။

    အဆိုပါ အသိပညာပေးဟောပြောဆွေးနွေးပွဲတွင် ရန်ကုန်ကွန်ပျူတာတက္ကသိုလ်မှ ဒုတိယ ပါမောက္ခချုပ်က အဖွင့်အမှာစကားပြောကြားပြီး စားသုံးသူရေးရာဉီးစီးဌာန၊ ရန်ကုန်တိုင်းဒေသကြီး ဉီးစီးမှူးရုံး၊ ဒုတိယတိုင်းဒေသကြီးဉီးစီးမှူး၊ ဉီးမြင့်အောင်မှ ကမ္ဘာ့စားသုံးသူအခွင့်အရေးနေ့ ပေါ်ပေါက်လာပုံ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ဖွဲ့စည်းပုံ၊ စားသုံးသူရေးရာဉီး စီးဌာနတွင် စားသုံးသူကာကွယ်ရေးလုပ်ငန်းနှင့်ပြည်တွင်းကုန်သွယ်မှုဖွံ့ဖြိုးတိုးတက်ရေးအကြောင်း များအကျယ်တဝင့်ရှင်းလင်းဆွေးနွေးပြောကြားခဲ့ပါသည်။ ဆက်လက်၍ လ/ထညွှန်ကြားရေးမှူး ဒေါ်ဝါဝါခိုင်မှ ၂၀၁၉ ခုနှစ်၊ မတ်လ (၁၅)ရက်နေ့တွင် ထုတ်ပြန်ခဲ့သော စားသုံးသူကာကွယ်ရေးဥပဒေ အခန်း(၉)စားသုံးသူ၏အခွင့်အရေးနှင့်တာဝန်များအကြောင်း၊ ကုန်စည်နှင့်ဝန်ဆောင်မှုများနှင့်ပတ် သက်၍ စားသုံးသူများ နစ်နာဆုံးရှုံးမှုများရှိခဲ့လျှင် တိုင်ကြားနိုင်သည့်နည်းလမ်းများ၊ တိုင်ကြားမှုများ ရှင်းလင်းဟောပြောခြင်း၊ ထုတ်ကုန်လုံခြုံစိတ်ချရမှုရှိစေရန် ဈေးကွက်စောင့်ကြည့်လုပ်ငန်းများ ဆောင်ရွက်ခြင်း၊ Online Sales နှင့်ပတ်သက်၍ ecomreg.gov.mm တွင် ဝင်ရောက်၍ မှတ်ပုံတင် နိုင်ကြောင်း၊ Online Sales ဖြင့် ဝယ်ယူရာတွင် အားသာချက်၊ အာနည်းချက်များအကြောင်း ရှင်းလင်း ဆွေးနွေးပြောကြားပြီး ဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူ စုစုပေါင်း(၃၀၀)ဉီး ခန့်တက်ရောက်ခဲ့ကြောင်း သိရှိရပါသည်။

DOCA(ရန်ကုန်)

    (၁၅.၇.၂၀၂၅)ရက်နေ့ နံနက်(၁၀:၀၀)နာရီအချိန်တွင် စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံး ကွပ်ကဲမှုအောက်ရှိ မှော်ဘီမြို့နယ်ခွဲရုံးမှဝန်ထမ်းများသည် မှော်ဘီ မြို့မဈေးအတွင်းရှိ ကုန်စုံဆိုင်များတွင် ဖြန့်ဖြူးရောင်းချနေသော စားသုံးဆီအရောင်းဆိုင်များသို့ မြို့မဈေးတာဝန်ခံ ပူးပေါင်းပါဝင်၍ ဈေးကွက်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

    ထိုသို့ဈေးကွက်ကွင်းဆင်းစစ်ဆေးရာတွင် ဒေါ်ဖြူဖြူမြင့်၊ ဒုကြီးကြပ်ရေးမှူးမှ စားသုံးဆီ ရောင်းချနေသော ကုန်မျိုးစုံရောင်းချသောဆိုင်များတွင် စားသုံးသူကာကွယ်ရေးဥပဒေ ၂၀၁၉ အခန်း (၁၈)ပါ ကုန်အညွှန်းအမှတ်အသားပြည့်စုံစွာဖော်ပြထားခြင်းရှိ/မရှိကို ဈေးကွက် စောင့်ကြည့် စစ်ဆေးပြီး ကုန်အညွှန်းအမှတ်အသားပြည့်စုံမှုမရှိသော စားသုံးဆီများအား ဝယ်ယူ ရောင်းချခြင်း မပြုရန်နှင့်ကုန်စည်များအား ဈေးကစားလိုသော ရည်ရွယ်ချက်ဖြင့် သိုလှောင်ခြင်း၊ ရောင်းချခြင်းများ မပြုလုပ် ကြရန် အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

    စားသုံးသူရေးရာဦးစီးဌာန၊ မြောက်ပိုင်းခရိုင်ဉီးစီးမှူးရုံး ကွပ်ကဲမှုအောက်ရှိ ထန်းတပင် မြို့နယ်တာဝန်ခံ ဉီးဇော်မြင့်သည် ထန်းတပင်မြို့နယ် တူးချောင်းကျေးရွာ ရပ်ကွက် အုပ်ချုပ်ရေးမှူး ဉီးဇော်မင်းထွန်းပူးပေါင်းပါဝင်လျက် (၁၅.၇.၂၀၂၅)ရက်နေ့ နံနက်(၁၀:၃၀) အချိန်တွင် စိန်ပဒေသာ (၂)ဆန်ဆိုင်အား ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

    ထိုသို့ဈေးကွက်စောင့်ကြည့်စစ်ဆေးရာတွင် ပြည်တွင်းဒေသထွက်ဆန်များအား သင့်တင့် မျှတသောဈေးနှုန်းဖြင့်ရောင်းချရေး စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူ ရေးရာဦးစီးဌာနက ၂၀၂၅ခုနှစ်၊ ဇူလိုင်လအတွက် ဆန်အမျိုးအစားအလိုက် သင့်တင့်မျှတသော ဈေးကွက်၊ ဆန်ရည်ညွှန်းဈေးနှုန်းများကို သိရှိလိုက်နာဆောင်ရွက်ရန် ပြည်တွင်းဆန်ဈေးကွက် အတွင်း ပစ္စည်းမှန်၊ ဈေးနှုန်းမှန်၊ အရည်အသွေးမှန်၊ အလေးချိန်မှန်၊ အရောင်းအဝယ်မှန်ကန်စွာ စနစ်တကျဖြန့်ဖြူး ရောင်းချရန်နှင့် ဆန်လက်ကျန်အခြေအနေ၊ ရောင်းချသည့်ဈေးနှုန်း၊ ဈေးကွက်အခြေအနေများကို မေးမြန်းဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

    စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဒေါ်နီလာဝင်း၊ ဉီးစီးမှူးပါ (၃)ဉီးတို့ သည် ၁၅.၇.၂၀၂၅ ရက် နေ့ နံနက်(၁၀:၁၅)အချိန်တွင် ပျဉ်းမပင်ကျေးရွာအုပ်စု၊ မြသီတာကျေးရွာ၊ မြသီရိ(၅)လမ်း၊ မင်္ဂလာဒုံမြို့နယ်ရှိ Bar Lo Lo အွန်လိုင်းလုပ်ငန်းအား မြေပြင် ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

    ထိုသို့စစ်ဆေးရာတွင် ဒေါ်နီလာဝင်း၊ ဉီးစီးမှူးက လုပ်ငန်းရှင် ဒေါ်နွယ်ဇင်ဝင်းအား စားသုံးသူ များကို အကာအကွယ်ပေးရန်နှင့် e-Commerce လုပ်ငန်းများဖွံ့ဖြိုးတိုးတက်စေရန် အွန်လိုင်းစနစ်နဲ့ ရောင်းချခြင်းလုပ်ငန်းများကို အရေးကြီးကုန်စည်ဝန်ဆောင်မှုအဖြစ် သတ်မှတ် ပြီး လုပ်ငန်းမှတ်ပုံတင်လက်မှတ်များကို ခွင့်ပြုထုတ်ပေးလျက်ရှိကြောင်း၊ စားသုံးသူ ကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအတိုင်း လိုက်နာဆောင်ရွက် စေလိုကြောင်း အသိပညာပေးပြောကြားခဲ့ပြီး မြေပြင်စစ်ဆေးရအမည့်အချက်(၁၈) ချက်နှင့်ကိုက်ညီမှု ရှိ/မရှိ စစ်ဆေးခဲ့ကြောင်း သိရှိရပါသည်။

DOCA(ရန်ကုန်)