သတင်းနှင့် လှုပ်ရှားမှုများ

    စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ပဲခူးတိုင်း ဒေသကြီးဦးစီးမှူးရုံးတွင် ပဲခူးတိုင်းဒေသကြီး၏ စားသုံးသူရေးရာကော်မတီ လုပ်ငန်းညှိနှိုင်း အစည်းအဝေး (၆/၂၀၂၅)အား ၄.၇.၂၀၂၅ ရက်နေ့တွင် ကျင်းပရာ ပဲခူးတိုင်းဒေသကြီးအစိုးရအဖွဲ့ စီးပွားရေး ရာဝန်ကြီး တက်ရောက်ကာ အမှာစကားပြောကြားခဲ့ကြောင်း သတင်းရရှိပါသည်။

      ထို့နောက် အစည်းအဝေးအား ဆက်လက်ကျင်းပရာ စားသုံးသူရေးရာဦးစီးဌာန၊ ပဲခူးတိုင်း ဒေသကြီးဦးစီးမှူးနှင့် တာဝန်ခံဦးစီးအရာရှိများက ရှေ့ဆက်လုပ်ဆောင်သွားမည့် လုပ်ငန်းစဉ်များကို ရှင်းလင်းတင်ပြရာ စီးပွားရေးရာဝန်ကြီးက ဆွေးနွေးချက်များအပေါ် ညှိနှိုင်းဆောင်ရွက်ပေးပါသည်။ အဆိုပါ အစည်းအဝေးသို့ ပဲခူးတိုင်းဒေသကြီး စားသုံးသူရေးရာကော်မတီဥက္ကဋ္ဌနှင့် ကော်မတီအဖွဲ့ ဝင် ဌာနဆိုင်ရာများ၊ စားသုံးသူရေးရာဦးစီးဌာနမှ ဝန်ထမ်း (၁၅)ဦး တက်ရောက်ခဲ့ကြောင်း သတင်း ရရှိပါသည်။

DOCA(ပဲခူး)

 ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ဒိုက်ဦးမြို့နယ်တာဝန်ခံရုံးအနေဖြင့် ၊  ကုန် ဈေးနှုန်းတည်ငြိမ်ရေးလုပ်ငန်းများ၊ စားသုံးသူကာကွယ်ရေးလုပ်ငန်းများကို စိတ်ရောကိုယ်ပါ ဆောင် ရွက်လျက်ရှိရာ ၁၈.၇.၂၀၂၅ ရက်နေ့တွင် ဒိုက်ဦးမြို့နယ်တာဝန်ခံ ဦးကျော်သက်မိုးသည် ဒိုက်ဦးမြို့၊ ဝါဆိုရပ်ကွက်၊ အခြေခံပညာအလယ်တန်း(ခွဲ)ကျောင်းတွင် စားသုံးသူကာကွယ်ရေးဥပဒေပါ စားသုံး သူအခွင့်အရေး (၈) ချက်နှင့် အာဇာနည်နေ့အကြောင်း သိကောင်းစရာများကို အသိပညာပေးဟော ပြောခဲ့ကြောင်း သတင်းရရှိပါသည်။

 မြို့နယ်တာဝန်ခံ ဦးကျော်သက်မိုးသည် မိတ်ဖက်ဌာနဖြစ်သော ဒိုက်ဦးမြို့နယ် ပြန်ကြားရေး နှင့် ပြည်သူ့ဆက်ဆံရေးဦးစီးဌာနနှင့်အတူ ဒိုက်ဦးမြို့၊ ဝါဆိုရပ်ကွက်၊ အခြေခံပညာအလယ်တန်း(ခွဲ) ကျောင်းတွင် စားသုံးသူကာကွယ်ရေး ဥပဒေပါအချက်အလက်များအကြောင်း၊ စားသုံးသူအခွင့် အရေး(၈)ချက်အကြောင်းဟောပြောခဲ့ပြီး၊ အာဇာနည် (၉)ဦးနှင့် အာဇာနည်နေ့ဖြစ်ပေါ်လာပုံ အကြောင်း၊ အာဇာနည်နေ့၏ အရေးပါပုံတို့ကို အကျယ်တဝင့် အသိပညာပေးဟောပြောခဲ့သည်ဟု သတင်းရရှိပါသည်။ အဆိုပါဟောပြောပွဲသို့ ဆရာ/ ဆရာမ (၁၀)ဦးနှင့် ကျောင်းသူ/ကျောင်းသား (၁၂၀)ဦး တက်ရောက်ခဲ့ပါသည်။

DOCA(ပဲခူး)

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်ဦးစီးမှူးနှင့် ဝန်ထမ်းများသည် (၁၇.၇.၂၀၂၅)ရက်နေ့၊ နံနက်(၀၉:၃၀)အချိန်တွင် မကွေးမြို့ပေါ်ရှိ ဆေးနှင့်ဆေးပစ္စည်းအရောင်းဆိုင် (၆)ဆိုင်အား အစားအသောက်နှင့်ဆေးဝါးကွပ်ကဲရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြန်မာ နိုင်ငံရဲတပ်ဖွဲ့၊ စည်ပင်သာယာရေးအဖွဲ့၊ ပြည်သူ့ကျန်းမာရေးဦးစီးဌာနတို့နှင့်ပူးပေါင်း၍ ဆေးဆိုင် လိုင်စင်သက်တမ်းတိုးစစ်ဆေးခြင်းနှင့် ထိန်းချုပ်ဆေးဝါးများ ထားသိုသိမ်းဆည်းမှုမှတ်ပုံတင်စာရင်း များအား ကွင်းဆင်းစစ်ဆေးခဲ့ကြောင်း  သိရသည်။
   ထိုသို့စစ်ဆေးရာတွင် ဆေးဆိုင်လိုင်စင်သက်တမ်းတိုးခြင်းနှင့် ထိန်းချုပ်ဆေးဝါးများ ထားသိုသိမ်း ဆည်းမှုမှတ်ပုံတင်စာရင်းများအားစစ်ဆေးခဲ့ပြီး မကွေးခရိုင်ဦးစီးမှူးက စားသုံးသူကာကွယ်ရေးဥပဒေပါ စီပွားရေးလုပ်ငန်းရှင်များ လိုက်နာရမည့် တာဝန်များအကြောင်း၊ စီးပွားရေးလုပ်ငန်းရှင်သည် စားသုံး သူများအပေါ် ဝန်ဆောင်မှုပေးခြင်းနှင့် စပ်လျဉ်းသည့် စားသုံးသူများသိရှိစေရန်ဖော်ပြရမည့် အချက် များအကြောင်း၊ ဆေးနှင့်ဆေးပစ္စည်းအရောင်းဆိုင်များအား သန့်ရှင်းသပ်ရပ်စေရေး၊ တရားဝင်တင်သွင်း လာသော ဆေးများနှင့် အရည်အသွေးပြည့်ဝပြီး အာမခံချက်ရှိသော ဆေးဝါးနှင့်ဆေးပစ္စည်းများသာ ဆိုင်တင်‌ရောင်းချရန်၊ ဆေးနှင့်ဆေးပစ္စည်းများအား ဆေးအာနိသင်မပျက်ဆီးစေရန် စနစ်တကျသို လှောင်ထားရှိရန် အသိပညာပေးဆွေးနွေးခဲ့ကြောင်း သိရှိရသည်။

DOCA(မကွေး)

    မအူပင်ခရိုင်အတွင်း မြို့နယ်များမှ ဆီလက်ကားဖြန့်ဖုူးရောင်းချသူနှင့် ဆီလက်လီရောင်းချသည့် ဆီကိုယ်စားလှယ်များအား စားအုန်းဆီဖြန့်ဖြူးမှုကြီးကြပ်သည့် EOS(Software)အတွင်း မှတ်ပုံတင်ခြင်းနှင့် စနစ်အသုံးပြုနည်း သင်တန်းပို့ချနိုင်ရေးအတွက် မအူပင်ခရိုင်၊ စားသုံးသူရေးရာဦးစီးဌာနသို့ ခရိုင်ဦးစီးမှူး ၊ ဒုခရိုင်ဦးစီး မှူးတို့အား ကုမ္ပဏီတာဝန်ရှိသူများက ၁၁-၇-၂၀၂၅ ရက်နေ့ ည‌ေ(၁၅၃၀)နာရီအချိန်က လာရောက် တွေ့ဆုံ ဆွေးနွေးခဲ့ကြောင်း သိရသည်။

            တွေ့ဆုံရာတွင် စားအုန်းဆီဖြန့်ဖြူးမှုကြီးကြပ်သည့် EOS(Software) အသုံးပြုနိုင်ရန် မအူပင်မြို့နယ်ရှိ ဆီအရောင်းကိုယ်စားလှယ်များအား သင်တန်းပို့ချနိုန်ရန်အတွက် သင်တန်းအချိန်နှင့် နေ့ရက်၊ ကျင်းပမည့် နေရာများကို ညှိနှိုင်းဆောင်ရွက်ခဲ့ပြီး သင်တန်းတွင်အသုံးပြုဆောင်ရွက်ရမည့် လုပ်ငန်းစဉ်များအကြောင်းကို သိရှိနိုင်စေရန် ရျင်းလင်း ဆွေးနွေးခဲ့ပြီး ကုမ္ပဏီနှင့် အစိုးရဌာနများက ပူးပေါင်း၍ စားသုံးသူပြည်သူများ စားသုံးဆီ အ၎င်းှန်တကယ် ဝယ်ယူရရှိနိုင်ရေးနှင့် မသာမာသူများက ဈေးကစားရန် သိုလှောင်ဆောင်ရွက်ခြင်းများ မရျိနိုင်ကြောင်း၊ စတင်ရောင်းချမှု မှ စားသုံးသူအဆုံးထိ အမှန်တကယ် ရောင်းချဝယ်ယူအသုံးပြုနိုင်သော စနစ်တစ်ခုဖြစ်ကြောင်းကို ကုမ္ပဏီတာဝန်ရှိ သူများက ရှင်းလင်းဆွေးနွေးခဲ့ပြီး စားသုံးသူရေးရာ၊ဦးစီးဌာနမှ မအူပင်မြို့နယ် ၄မြို့နယ်အတွက် သင်တန်းပို့ချခြင်း လုပ်ငန်းများကို စနစ်တကျရေးဆွဲပြီး ဆောင်ရွက်ခဲ့ကြောင်း သိရသည်။

DOCA(ဧရာဝတီ)

  ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်အတွင်းရှိ တောင်သူများထံသို့ စပါးစိုက်ပျိုးဧက အထွက်နှုန်းများနှင့် ပတ်သတ်၍ စာရင်းကောက်ယူ လေ့လာခြင်းကို ဇူလိုင်လ(၁၅)ရက်နေ့၊ နေ့လည်(၁၃:၃၀)နာရီအချိန်တွင် မေးမြန်းစုံစမ်း စာရင်းကောက်ယူခဲ့ ကြောင်း သိရသည်။
   ထိုသို့ မေးမြန်းစုံစမ်း စာရင်းကောက်ယူခဲ့ရာတွင် စားသုံးသူရေးရာဦးစီးဌာန၊ ရန်ကုန် တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ တိုင်းဒေသကြီး၊ ပြည်နယ်များ အနေဖြင့် စပါးစိုက်ပျိုးမှု၊ ရိတ်သိမ်းမှုနှင့် တွက်၍ အခြေအနေများတင်ပြရာတွင် မြေစာရင်းဦးစီးဌာ၊ စိုက်ပျိုးရေးဦးစီးဌာန စသည့်ဌာနများ၏ စာရင်းကို အခြေခံတွက်ချက် တင်ပြရာတွင် တင်ပြလျက်ရှိသော စာရင်းများသည် မြေပြင်တွင် အမှန်တကယ် စိုက်ပျိုးနေသည့် ဧကအထွက် နှုန်းများနှင့် ကိုက်ညီမှုရှိ/မရှိ လေ့လာသုံးသပ် တင်ပြရန် ညွှန်ကြားချက်အရ တွံတေးမြို့နယ်ရှိ ဘုရားငုတ္တိုမြောက်ကျေးရွာနှင့် ကြည်တန်းကျေးရွာရှိ စပါးအမျိုးအစားအလိုက် အထွက်နှုန်း၊ အထွက်တန်တို့အား မေးမြန်းခဲ့ပြီး စပါးစိုက်တောင်သူများ၏ စပါးစိုက်ပျိုးထွက်ရှိမှု အခြေအနေ နှင့်ပတ်သတ်သည့် ဖြေကြားချက်များအား မေးမြန်းစုံစမ်း စာရင်းကောက်ယူခဲ့ကြောင်း သိရှိရပါ သည်။

DOCA(ဧရာဝတီ)