သတင်းနှင့် လှုပ်ရှားမှုများ

    စားသုံးသူရေးရာဦးစီးဌာနနှင့် မြန်မာနိုင်ငံ ဆန်စပါး အသင်းချုပ်တို့ ပူးပေါင်းအကောင်အထည် ဖော်ဆောင်ရွက်လျက်ရှိသည့်  မြန်မာ့ဆန်စပါး အွန်လိုင်း (Myanmar Rice Online MyRo) တွင် ၂၀၂၃ခုနှစ် နိုဝင်ဘာလ (၃) ရက်နေ့မှ စ၍ ဆန်တန်ချိန် ၂၅ နှင့် အထက် သိုလှောင်ရုံ သို့မဟုတ် စပါးတင်း ၂၅၀၀ နှင့် အထက် သိုလှောင်မှုများအား မှတ်ပုံတင်ခြင်း လုပ်ငန်းများကို ဆောင်ရွက်လျက်ရှိပြီး မအူပင်ခရိုင် အတွင်းမြို့နယ်များရှိ MyRo မှတ်ပုံတင် သိုလှောင်ရုံများ သက်တမ်း တစ်နှစ်ပြည့်မြောက် ပြီးဖြစ်သဖြင့် ထပ်မံသက်တမ်းတိုးခြင်း လုပ်ငန်းကိုဆောင်ရွက်နိုင်ရန် အတွက် ပန်းတနော်မြို့နယ်ဦးစီးမှူး ရုံးမှ တာဝန်ရှိသူများက ပန်းတနော် ဆန်စက်လုပ်ငန်းရှင်များနှင့် မြို့နယ်အထွေထွေအုပ်ချုပ်ရေး ဦးစီးဌာန ရုံးခန်းမတွင် (၁၄-၇-၂၀၂၅) ရက်နေ့ နံနက် (၁၀၀၀)နာရီက တွေဆုံ၍  အသိပေးရှင်းလင်းဆွေးနွေးခဲ့သည်။

   ရှင်းလင်းဆွေးနွေးရာတွင် ပန်းတနော်မြို့နယ်မှ ဆန်စက်လုပ်ငန်းများရှိ ပြီး မှတ်ပုံတင်သက်တမ်း တိုးရန် ရှိသော ဆန်စက်နှင့် သိုလှောင်ရုံလုပ်ငန်းရှင်များအား သက်တမ်းဆိုးဆောင်ရွက်နိုင်ရေးကို အသိပေး ဆွေးနွေးခဲ့ကြောင်း သိရသည်။

DOCA(ဧရာဝတီ)

 ရန်ကုန်တိုင်းဒေသကြီး၊ တွံတေးခရိုင်၊ ဆိတ်ကြီးခနောင်တိုမြို့နယ်၌ စားသုံးသူရေးရာ ဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ အစားအသောက်ရောင်းချသည့် ဝန်ဆောင်မှုနှင့် စပ်လျဉ်း၍ မြေပြင်ကွင်းဆင်းစစ်ဆေးခြင်းကို ဇူလိုင်လ(၁၅)ရက်နေ့၊ နံနက် (၁၀:၃၀)နာရီအချိန်တွင် မြေပြင်ကွင်းဆင်းစစ်ဆေးခဲ့ကြောင်း သိရသည်။ထိုသို့ မြေပြင်ကွင်းဆင်းစစ်ဆေးခဲ့ရာတွင် မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် မြို့နယ်စားသုံးသူရေးရာဦးစီး ဌာနတို့မှ ပူးပေါင်း၍ ဆိတ်ကြီးခနောင်တိုမြို့နယ်ရှိ အောင်မင်္ဂလာလမ်း၊ ခနောင်တို အနောက် ရပ်ကွက်ရှိ ပန်းချစ်သူ စားသောက်ဆိုင်သို့ သွားရောက်ကာ ဦးစားပေးဈေးကွက် စောင့်ကြည့်စစ် ဆေးရမည့် ဝန်ဆောင်မှုကဏ္ဍ (၃)ရပ်အနက် အစားအသောက် ရောင်းချသည့် ဝန်ဆောင်မှုဖြစ်၍ စားသုံးသူများ အသုံးပြုလျက်ရှိသည့် ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းစေ ရေးအတွက် အစားအသောက် ရောင်းချသည့် နေရာများသန့်ရှင်းမှုရှိ/မရှိ၊ အစားအသောက်ချက် ပြုတ်သည့် ပန်းကန်အိုးခွက်များ သန့်ရှင်းမှုရှိ/မရှိ၊ အစားအသောက်ကိုင်တွယ် ချက်ပြုတ်သူများ တစ်ကိုယ်ရည်သန့်ရှင်းမှုရှိ/မရှိ၊ ချက်ပြုတ်မည့် အသား၊ ငါး၊ ဟင်းသီးဟင်းရွက်များ သန့်ရှင်း လက်ဆတ်မှုရှိ/မရှိ၊ ဝန်ဆောင်မှုပေးသူများ၏ တစ်ကိုယ်ရည်သန့်ရှင်းမှုရှိ/မရှိနှင့် စားပွဲခုံခင်း ကျင်းမှုသပ်ရပ်မှုနှင့် စားသောက်ဆိုင်နေရာ လေဝင်လေထွက် ကောင်းမွန်မှုရှိ/မရှိကို မြေပြင် ကွင်းဆင်းစစ်ဆေးခဲ့ပြီး စားသုံးသူများ ဘေးအန္တရာယ်ကင်းရှင်းစေရေးအတွက် အသိပညာပေး ဟောပြောခဲ့ကြောင်း သိရှိရပါသည်။

DOCA(ရန်ကုန်)

 ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ ဆေးမျိုးစုံရောင်းချသော ဆေးဆိုင်များသို့ စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံနှင့် ဝန်ထမ်းများ၊ မြို့နယ် ပြည်သူ့ကျန်းမာရေးဦးစီးဌာန၊ မြိုနယ်စည်ပင်သာယာရေးအဖွဲ့တို့ ပူးပေါင်း၍ ဇူလိုင်လ (၁၄) ရက်နေ့၊ နေ့လည်(၁၁:၀၀)နာရီ အချိန်တွင် ဈေးကွက်စောင့်ကြည့် စစ်ဆေးခဲ့ကြကြောင်း သိရှိရ ပါသည်။

 ထိုသို့ ဈေးကွက်စောင့်ကြည့် စစ်ဆေးရာတွင် ဆေးဆိုင်များတွင် ရောင်းချနေသော လူသုံး များပြီး ဆရာဝန်ညွှန်ကြားချက်မလိုသော အိမ်သုံးဆေးဝါးများ၏ အမျိုးအမည်အရေအတွက်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဘေးထွက်ဆိုးကျိုး၊ ကြို တင်သတိပေးချက်များကို စားသုံးသူများအား သတင်းအချက်အလက် သိရှိစေရန် ကုန်အညွှန်း အမှတ်အသားများ မြန်မာဘာသာဖြင့် ထည့်သွင်းဖော်ပြထားမှုရှိ/မရှိတို့အား ဌာနဆိုင်ရာပူး ပေါင်းအဖွဲ့ဖြင့် ကွင်းဆင်းစစ်ဆေးခဲ့ပြီး မြို့နယ်တာဝန်ခံက ဆေးဆိုင်ပိုင်ရှင်များအား မိမိတို့၏ ဆိုင်များတွင် ထိုသို့သော ကုန်အညွှန်းအမှတ်အသားများ ပြည့်စုံသောဆေးဝါးများ၊ မှတ်ပုံတင် ထားရှိပြီး FDA ထောက်ခံချက်ရှိသော ဆေးဝါးများကိုသာ ရောင်းချကြရန် အသိပညာပေးခဲ့ ကြောင်း သိရှိရပါသည်။

DOCA(ရန်ကုန်)

 ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ မြို့သစ်ရပ်ကွက် အခြေခံပညာ အထက်တန်းကျောင်း နှင်းဆီခန်းမ၌ ဇူလိုင်လ (၁၅)ရက်နေ့၊ နံနက် (၀၉:၃၀)နာရီအချိန်တွင် မြန်မာ့အီလက်ထရောနစ် မဲပေးစက် (MEVM)ကိုင်တွယ် အသုံးပြုခြင်းဆိုင်ရာ နည်းပြအဆင့် သင်တန်းဖွင့်ပွဲ အခမ်းအနား ကျင်းပပြုလုပ်ခဲ့ကြောင်း သိရသည်။
 အဆိုပါ သင်တန်းဖွင့်ပွဲ အခမ်းအနားတွင် ကော့မှူးမြို့နယ်စီမံ အုပ်ချုပ်ရေးအဖွဲ့ အဖွဲ့ ဝင်(၁) ဗိုလ်မှူး ဇော်ဖြိုးမြင့်မှ သင်တန်းဖွင့် အမှာစကား ပြောကြားခဲ့ပြီး ကော့မှူးမြို့နယ် ရွေးကောက်ပွဲ ကော်မရှင်ဦးစီးအရာရှိ ဦးကျော်ဇင်ထက်မှ သင်တန်းဖွင့်လှစ်ရခြင်း၏ ရည်ရွယ် ချက်အား ရှင်းလင်းပြောကြား၍ အခမ်းအနားသို့ တက်ရောက်လာသည့် မြို့နယ်အဆင့် ဌာနဆိုင် ရာအကြီးအကဲများမှ မြန်မာ့အီလက်ထရောနစ် မဲပေးစက် (MEVM)ဖြင့် စမ်းသပ်မဲပေးခြင်းများ လက်တွေ့ဆောင်ရွက်ခဲ့ကြကြောင်း သိရှိရပါသည်။
အဆိုပါ အခမ်းအနားသို့ မြိုနယ်စီမံအုပ်ချုပ်ရေးအဖွဲ့ဝင်များ၊ မြို့နယ်အဆင့် ဌာနဆိုင်ရာ အကြီးအကဲများ၊ မြိုနယ်ရွေးကောက်ပွဲ ကော်မရှင်အဖွဲ့ခွဲမှ ဝန်ထမ်းများ၊ သင်တန်းနည်းပြ ဆရာများ၊ မဲရုံအဖွဲ့ဝင်အဖြစ် တာဝန်ပေးအပ်သည့် ဆရာ၊ ဆရာမများနှင့် ဌာနဆိုင်ရာဝန်ထမ်း များ၊ ရပ်ကွက်/ကျေးရွာအုပ်စုများမှ အုပ်ချုပ်ရေးမှူးများ စုစုပေါင်းအင်အား (၁၅၀)ဦးခန့် တက်ရောက်ခဲ့ကြောင်း သိရှိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဝန်ထမ်းများသည် ရန်ကုန်တောင်ပိုင်းခရိုင် ဦးစီးမှူးရုံး၏ ညွှန်ကြားချက်နှင့်အညီ ဇွန်လ(၁၄)ရက်နေ့၊ နံနက်(၀၉:၀၀)နာရီအချိန်တွင် ကွမ်းခြံကုန်းမြို့နယ် မြို့မဈေးအတွင်း အခြေခံစားသောက်ကုန် ရောင်းချသောဆိုင်များသို့ ကွင်းဆင်းစိစစ်ခဲ့ကြ ကြောင်း သိရှိရသည်။  ထိုသို့ ကွင်းဆင်းစစ်ဆေးခြင်းများ ဆောင်ရွက်ရာတွင် ကွမ်းခြံကုန်းမြို့နယ် စည်ပင် သာယာရေးအဖွဲ့မှ ဈေးတာဝန်ခံ ကျန်းမာရေးမှူး-၃ ဦးထွန်းထွန်း၊ စားသုံးသူရေးရာ ဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပါဝင်သော ပူးပေါင်း အဖွဲ့ ဖြင့် အခြေခံစားသောက်ကုန် ရောင်းချသော ဦးအောင်ပု(၂) ကုန်မျိုးစုံရောင်းဝယ်ရေးနှင့် ဒေါ်ကြည်ကြည်သန်း ကုန်စုံဆိုင်တို့မှ ကြက်သွန်နီ၊ ကြက်သွန်ဖြူ၊ ငရုပ်ပု၊ ငရုပ်ရှည်၊ အာလူး၊ ကုလားပဲ၊ ဆား၊ သကြားဈေးနှုန်းများကိုလည်းကောင်း၊ ဆရာမ မုန့်ဖတ်၊ ငံပိရောင်းဝယ်ရေးမှ ငံပိဈေးနှုန်းကိုလည်းကောင်း၊ ဒေါ်နှင်းဝေဦးဆိုင်မှ ကြက်ဥ၊ ဘဲဥ ဈေးနှုန်းများကိုလည်းကောင်း၊ ကြက်သားဈေးနှုန်းကို ဒေါ်စန္ဒာဆိုင်မှလည်းကောင်း၊ ဝက်သားဈေးနှုန်းကို ဦးကုလားဆိုင်မှ လည်းကောင်း၊ အမဲသားဈေးနှုန်းကို ဦးကျော်လေးဆိုင်မှလည်းကောင်း၊ ငါးကြင်း၊ ငါးမြစ်ချင်း ဈေးနှုန်းများကို ဒေါ်မာမာလွင်ဆိုင်မှလည်းကောင်း၊ စားအုန်းဆီ၊ မြေပဲဆီဈေးနှုန်းကို ဒေါ်ရီရီဆန် ဆိုင်မှလည်းကောင်း ကွင်းဆင်းစုံစမ်းခဲ့ကြရာ ယခင်တစ်ပတ်ဈေးနှုန်းများနှင့် ကွာခြားမှုမရှိ ကြောင်း တွေ့ရှိခဲ့ကြသည်။ ထို့နောက် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးက အခြေခံ စားသောက်ကုန်များသည် စားသုံးသူများ နေ့စဉ်မရှိမဖြစ် ဝယ်ယူသုံးစွဲနေရသည့် ကုန်စည်များ ဖြစ်ခြင်းကြောင့် ပစ္စည်းပြတ်လပ်မှုမရှိစေရေး၊ ဈေးနှုန်းမြှင့်တင် ရောင်းချခြင်းမရှိစေရေးတို့ကို ရောင်းချသူများနှင့် တွေ့ဆုံဆွေးနွေး ကွင်းဆင်းစိစစ်ခဲ့ကြောင်း သိရှိရပါသည်။

DOCA(ရန်ကုန်)