သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံသည် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့်ပူးပေါင်း၍ (၁၂.၇.၂၀၂၅)ရက်နေ့၊ နံနက်(၀၉:၀၀)အချိန်တွင် ဆိပ်ဖြူ မြို့၊ ရွာသစ်ရပ်ကွက်အခြေခံပညာမူလတန်းကျောင်း၌ ဆရာ/ဆရာမ(၂၆)ဦး၊ ကျောင်းသား/ ကျောင်းသူ(၂၂၁)ဦးတို့ တက်ရောက်ခဲ့ကြောင်း သိရသည်။

    အဆိုပါဟောပြောပွဲတွင် ဆိပ်ဖြူမြို့နယ်တာဝန်ခံက ဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်များ၊  ဌာန၏သမိုင်းကြောင်းနှင့်လုပ်ငန်းဆောင်ရွက်ချက်များ၊ စားသုံးသူ၏ အခွင့်အရေး နှင့်တာဝန်များ၊စားသုံးသူကာကွယ်ရေး ဥပဒေပါ အခန်း(၁၈)မှ ကုန်အညွှန်း အမှတ် အသားဖော်ပြ ချက်များ၊ တိုင်ကြားနိုင်သည့် ပုဂ္ဂိုလ်များ၊ တိုင်ကြားနိုင်သည့်နေရာများနှင့် Consumer Call Center (1535) အကြောင်းအားလည်းကောင်း၊   မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာန ဦးစီးမှူးက ကလေးအလုပ်သမားပပျောက်ရေးနှင့် စာဖတ်ရှိန်မြှင့်တင်ရေး အကြောင်းအရာ များအား လည်းကောင်း အသိပညာပေးဟောပြောခဲ့ကြောင်း သိရသည်။

DOCA(မကွေး)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တာဝန်ခံ သည် (၁၅.၇.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် ချောက်မြို့ပေါ်ရှိ စားသောက်ကုန် ထုတ်လုပ်ခြင်းလုပ်ငန်းများ ဆောင်ရွက်လျက်ရှိသည့် "တောင်ပါ်သူ" ပဲကြော်နှင့် "ရှင်းသန့်" အာလူး ကြော်လုပ်ငန်းအား ကွင်းဆင်းစစ်ဆေးခြင်းနှင့် အသိပညာပေးဆွေးနွေးခြင်းများ ဆောင်ရွက်ခဲ့ ကြောင်း သိရသည်။

    ထိုသို့ကွင်းဆင်းဆောင်ရွက်ရာတွင် ပဲကြော်လုပ်ငန်းနှင့် အာလူးကြော်လုပ်ငန်းအတွက် ခွင့်ပြု ပေးထားသည့် လုပ်ငန်းသုံးဆီများ အမှန်တကယ်သုံးစွဲမှုရှိ/မရှိစစ်ဆေးရာ လုပ်ငန်းသုံးဆီများ အမှန် တကယ်သုံးစွဲမှုရှိကြောင်း စစ်ဆေးတွေ့ရှိရပြီး စီးပွားရေးလုပ်ငန်းရှင်များအနေဖြင့် သတ်မှတ်အရည် အသွေးပြည့်မီသော ကုန်စည်များကိုသာရောင်းချရန်၊ ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊ စားသုံးသူများ စိတ်ကျေနပ်မှုရှိ‌စေရန်နှင့် စားသုံးသူဥပဒေပါ စီးပွားရေး လုပ်ငန်းရှင်၏တာဝန်များ၊ တားမြစ်ချက်များနှင့် ပြစ်မှု၊ ပြစ်ဒဏ်များ စသည်တို့ကို အသိပညာပေး ဆွေးနွေးခဲ့ကြောင်း သိရှိရသည်။

DOCA(မကွေး)

   ၂၀၂၅ခုနှစ်၊ ဇူလိုင်လ(၁၆)ရက်နေ့၊ မွန်းလွဲ(၂း၀၀)အချိန်တွင် မြိတ်ခရိုင်စားသုံးသူရေးရာဦးစီး ဌာနမှ ဝန်ထမ်းများသည် မြိတ်မြို့၊ ခရူတောရပ်၊ အမှတ်(၆)၊အခြေခံပညာအလယ်တန်းကျောင်းသို့ သွားရောက်၍ ကျောင်းသူ၊ ကျောင်းသား၊ ဆရာ၊ ဆရာမများအား စားသုံးသူကာကွယ်ရေးအကြောင်း သိရှိနိုင်ရန်နှင့် အစားအသောက်ဘေးကင်းလုံခြုံစေရေးအတွက် အသိပညာပေးဟောပြောဆွေးနွေး ခြင်းဆောင်ရွက်ခဲ့ကြောင်း သိရှိရပါသည်။

   အသိပညာပေးဟောပြောရာတွင် စားသုံးသူရေးရာဦးစီးဌာန၏မျှော်မှန်းချက်ရည်မှန်းချက်များ နှင့် စားသုံးသူနစ်နာမှုမဖြစ်စေရန်အတွက် လိုက်နာဆောင်ရွက်ရမည့်အချက်များ၊ စားသုံးသူအခွင့် အရေးများနှင့် နစ်နာမှုရှိပါက တိုင်ကြားနိုင်မည့် နေရာများ၊ အစားအစာ မစားသုံးမီဆောင်ရက်ရ မည့်အချက်များနှင့် ကုန်အညွှန်းအမှတ်အသားပါရှိမှသာဝယ်ယူရန် ပြောကြားခဲ့ကြောင်း သိရှိရပါ သည်။ အဆိုပါဟောပြောပွဲတွင် ကျောင်းသား၊ ကျောင်းသူ၊ ဆရာ၊ ဆရာမ ဦးရေ (၂၀၀)ခန့် တက် ရောက်ခဲ့ကြောင်းသိရှိရပါသည်။

DOCA(တနင်္သာရီ)

  စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံးမှ၊ ထုတ်ကုန်လုံခြုံစိတ်ချရ မှုဌာနခွဲတာဝန်ခံ ဦးစီးမှူး ဒေါ်စောကြည်သည် ၂၃.၇.၂၀၂၅ ရက်နေ့တွင် “Ma Chan Kiwi Green Tea” အမှတ်တံဆိပ်ဖြင့် ကျန်းမာရေးအဆီကျလက်ဖက်ခြောက်ထုတ်လုပ်သည့် လုပ်ငန်းရှင်နှင့်တွေ့ဆုံ၍ ကုန်အညွှန်းအမှတ်အသား ဆိုင်ရာများနှင့် ပတ်သက်၍ ဆွေးနွေးခဲ့ ပါသည်။

    အဆိုပါ ကုန်အညွှန်းအမှတ်အသားပြုလုပ်ရာတွင် လိုအပ်သည်များကို ထုတ်ကုန်လုံခြုံ စိတ်ချရမှုဌာနခွဲတာဝန်ခံက လုပ်ငန်းရှင်အား ၎င်းတို့၏ ထုတ်ကုန်ပစ္စည်းများပေါ်တွင် စားသုံးသူကာကွယ်ရေးဥပဒေ ၂၀၁၉ အခန်း (၁၈)တွင် ဖော်ပြထားသောပြဌာန်းချက်အတိုင်း ကုန်အညွှန်းအမှတ်အသားကို ပြည့်စုံစွာဖော်ပြရန်၊ ကုန်စည်အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်းတို့ကို မြန်မာဘာသာဖြင့် ဖြစ်စေ၊ မြန်မာဘာသာ (သို့မဟုတ်) အခြားဘာသာတစ်ခုဖြင့်ဖြစ်စေ ဖော်ပြရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသား ဖော်ပြချက်၊ မူပိုင်ခွင့်လျှောက်ထားခြင်းနှင့် ပတ်သက်၍ အသိပညာပေး ဆွေးနွေးခဲ့ကြောင်း သိရှိရပါသည်။

DOCA (မွန်)

   ၂၂.၇.၂၀၂၅ ရက်နေ့တွင် စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံသည် မွန်ပြည်နယ်၊ ဘီးလင်းမြို့နယ်၊ ကန်သာယာရပ်ကွက်၊ အ.ထ.က(ကန်သာယာ)ရှိ မဟော်သဓာ ခန်းမ၌ ၂၀၂၅ ခုနှစ် ပါတီစုံအထွေထွေဒီမိုကရေစီ ရွေးကောက်ပွဲတွင် အသုံးပြုမည့် MEVM မဲပေးစက်အသုံးပြုနည်းသင်တန်း ဖွင့်ပွဲသို့ တက်ရောက်ခဲ့ပါသည်။ အဆိုပါ MEVM မဲပေးစက်အသုံးပြုနည်းသင်တန်းအား နည်းပြ (၁၁)ဦးနှင့် သင်တန်းသား (၄၉၇) ဦးတို့ဖြင့် ကျင်းပခဲ့ကြောင်း သိရှိရပါသည်။

DOCA (မွန်)