သတင်းနှင့် လှုပ်ရှားမှုများ

    ၂၀၂၅ခုနှစ်၊ ဇူလိုင်လ ၁၄ ရက်နေ့၊ ညနေ(၁၅:၀၀)နာရီအချိန်တွင် ကော့သောင်းမြို့ပေါ်ရှိ ဆေးဆိုင် (၅) ဆိုင်အား ကော့သောင်းခရိုင်စားသုံးသူရေးရာဦးစီးဌာန၊ မြို့နယ်အထွေထွေအုပ် ချုပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန ၊  မြို့နယ်စည်ပင်သာယာရေးအဖွဲ့ တို့နှင့်ပူး ပေါင်း၍ ဈေးကွက်အတွင်း ဖြန့်ဖြူးရောင်းချနေသည့်ဆေးဝါးများ ကုန်အညွှန်းအမှတ်အသား ပြည့် စုံစွာဖော်ပြထားခြင်း ရှိ/မရှိ ၊ တရားမဝင် ဆေးဝါးများရောင်းချနေခြင်း ရှိ/မရှိ၊ သက်တမ်းလွန် ဆေးဝါးများ ရောင်းချနေခြင်း ရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါ သည်။     

       စစ်ဆေးရေးအဖွဲ့ဝင်များမှ အဆိုပါ ဆေးဆိုင်လုပ်ငန်းရှင်များအား တရားမဝင်မှတ်ပုံတင် ထားသည့် ဆေးဝါးများကိုသာ ရောင်းချစေရေး၊ တရားမဝင်ဆေးဝါးများကို ရောင်းချမှုမရှိစေရေး အသိပညာပေးဆွေး နွေးခဲ့ကြောင်းသိရှိရပါသည်။

DOCA(တနင်္သာရီ)

  ၂၀၂၅ ခုနှစ်၊ ဇူလိုင်လ ၁၃ ရက်နေ့၊ နေ့လည် ၁၀:၀၀ နာရီအချိန်တွင် ကော့သောင်မြို့၊ အေးရိပ်ငြိမ်းရပ်ကွက်တွင် ထုတ်လုပ်ဖြန့်ဖြူးရောင်းချနေသည့် စမ်းသီတာ သောက်ရေသန့်လုပ် ငန်းအား သက်ဆိုင်ရဌာနများနှင့်အတူ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

       အဆိုပါ ကွင်းဆင်းစစ်ဆေးရာတွင် မိမိတို့ထုတ်လုပ်သော သောက်ရေသန့်လုပ်ငန်းများ၌ စားသုံးသူ ကာကွယ်ရေးဥပဒေပါ ကုန်အညွှန်းအမှတ်အသားဆိုင်ရာ အချက်အလက်များ ပြည့်စုံစွာပါရှိခြင်း ရှိ/မရှိ စစ် ဆေးခဲ့ပြီး သက်ဆိုင်ရာဌာနများနှင့် လုပ်ထုံးလုပ်နည်းများကိုလည်း လိုက်နာဆောင်ရွက်ရမည်ဖြစ်ကြောင်း၊ ကိုက်ညီမှု မရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်မည့်အကြောင်း ဆွေးနွေးပြော ကြားခဲ့ပြီး သောက်ရေသန့်ထုတ်လုပ်နေသည့် လုပ်ငန်းဆောင်ရွက်နေမှုအား ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

  ၁၆.၇.၂၀၂၅ ရက်နေ့ မွန်းလွဲ(၁း၀၀) နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ လူထုအခြေပြုဗဟိုဌာနခန်းမ၌ (၇၈) နှစ်မြောက် အာဇာနည်နေ့ အထိမ်းအမှတ် ဟောပြောပွဲ၊ ပြပွဲ၊ ပြိုင်ပွဲ၌ စားသုံးသူရေးရာဦးစီးဌာန၊ ကျိုက်ထိုခရိုင်တာဝန်ခံနှင့် မြို့နယ် တာဝန်ခံတို့သည် ကံ့ကော်ရပ်ကွက်၊ မူလတန်းလွန်ကျောင်းမှ ကျောင်းသာ/သူများအား စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့သည်။

    ထိုသို့ ဟောပြောဆွေးနွေးရာတွင် ခရိုင်တာဝန်ခံ ဦးအောင်ကျော်မင်းက စားသုံးသူ အခွင့်အရေး (၈) ချက်နှင့် တာဝန်(၄) ရပ်အကြောင်း ဟောပြောဆွေးနွေးပြီး မြို့နယ်တာဝန်ခံ ဦးဇော်ဦးက စားသုံးသူနစ်နာဆုံးရှုံးမှုဖြစ်ပေါ်လာပါက တိုင်ကြားနိုင်ကြောင်းနှင့် တိုင်ကြားနိုင် သည့်နေရာနှင့် နည်းလမ်းများအကြောင်း အကျယ်တဝင့်ဆွေးနွေးခဲ့ပြီး ဆွေးနွေးပွဲသို့ ကျောင်းသား/သူ (၁၅၀) ဦးတက်ရောက်ခဲ့ကြောင်း သိရှိရပါသည်။

DOCA (မွန်)

၁၆.၇.၂၀၂၅ ရက်နေ့ နံနက် (၁၀း၀၀) နာရီအချိန်တွင် ခရိုင်အထွေထွေအုပ်ချုပ်ရေး ဦးစီးဌာန အစည်းအဝေးခန်းမ၌ ကျင်းပပြုလုပ်သည့် ခရိုင်အဆင့်ဌာနဆိုင်ရာများ လုပ်ငန်း ညှိနှိုင်းအစည်းအဝေး အမှတ်စဥ် (၁၀/၂၀၂၅)သို့ စားသုံးသူရေးရာဦးစီးဌာန၊ သထုံခရိုင်ဦးစီးမှူး ဦးထွန်းအောင်ဖြူ တက်ရောက်ခဲ့ပါသည်။

ပထမဦးစွာ ခရိုင်အထွေထွေအုပ်ချုပ်ရေးဦးစီးဌာန ခရိုင်ဦးစီးမှူး ဦးစိုးအောင်က အဖွင့် အမှာစကားပြောကြားပြီး အခြားခရိုင်အဆင့် ခရိုင်ဦးစီးမှူးများက လုပ်ငန်းဆောင်ရွက်ချက်များ အား  ညှိနှိုင်းဆွေးနွေးကာ စားသုံးသူရေးရာဦးစီးဌာန၊ ခရိုင်ဦးစီးမှူးက စားသုံးသူပြည်သူများသို့ စားအုန်းဆီရောင်းချမှုနှင့်စပ်လျဥ်း၍ ညှိနှိုင်းဆွေးနွေးကာ (၉/၂၀၂၅) လုပ်ငန်းညှိနှိုင်း အစည်း အဝေးနှင့်ပတ်သက်၍ ဆောင်ရွက်ပြီးစီးမှုအခြေအနေများအား ဆွေးနွေးပြီး ခရိုင်အဆင့် လုပ်ငန်းညှိနှိုင်းအစည်းအဝေး (၁၀/၂၀၂၅)အား (၁၂း၀၀)နာရီအချိန်တွင် ရုတ်သိမ်းခဲ့ကြောင်း သိရပါသည်။

DOCA (မွန်)

   ၂၀၂၅ခုနှစ်၊ ဇူလိုင်လ ၁၁ ရက်နေ့၊ နံနက်(၉:၀၀)နာရီအချိန်တွင် ကော့သောင်းမြို့၊ အေးရိပ် ငြိမ်းရပ်ကွက်၊ ဖြိုးအိစံ (စားသောက်ဆိုင်)အား  ကော့သောင်းခရိုင်စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန ၊ မြို့နယ်စည်ပင်သာ ယာရေးအဖွဲ့တို့နှင့်ပူးပေါင်း၍ အစားအသောက်‌ရောင်းချသည့် ဝန်ဆောင်မှုလုပ်ငန်းအား ကွင်း ဆင်းစစ်ဆေးခဲ့ပါသည်။

          အဆိုပါ ဖြိုးအိစံ(စားသောက်ဆိုင်)အား ကွင်းဆင်းစစ်ဆေးရာတွင် အစားအသောက် ရောင်းချသည့်နေရာတွင်သန့်ရှင်းခြင်း၊ အစားသောက်ကိုင်တွယ်ချက်ပြုတ်သူများနှင့် ဝန်ဆောင်မှု ပေးသူများသည် တစ်ကိုယ်ရည်သန့်ရှင်းမှုရှိခြင်း၊ အစားသောက်များလတ်ဆက်သန့်ရှင်းမှုရှိခြင်း၊ အစားသောက်စျေးနှုန်းအားပွင့်လင်းမြင်သာစွာအသိပေးဖော်ပြထားခြင်း စသည်တို့ကို စစ်ဆေး တွေ့ရှိခဲ့ပါကြောင်း သိရှိရပါသည်။

   စစ်ဆေးရေးအဖွဲ့များသည် စားသောက်ဆိုင်အား မိမိတို့ဆိုင်များမှ ပေးအပ်သည့်ဝန် ဆောင်မှုနှင့်စပ်လျဉ်း၍ စားသုံးသူများ စားသုံးသူအခွင့်အရေးအပြည့်အဝ မရရှိခဲ့လျှင် စားသုံးသူ ကာကွယ်ရေးဥပဒေအပြင် အခြားသက်ဆိုင်ရာဌာနများ၏ ဥပဒေပါ ထပ်မံအ‌ရေးယူရမည် ဖြစ်ပါ ကြောင်း   ဆွေးနွေးပြောကြားခဲ့ပါကြောင်း သိရှိရပါသည်။

DOCA(တနင်္သာရီ)