သတင်းနှင့် လှုပ်ရှားမှုများ

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားဖွံ့ဖြိုး တိုးတက်စေရန်” ဆိုသည့် မျှော်မှန်းချက်နဲ့အညီ အကောင်အထည်ဖော် ဆောင်ရွက်လျက်ရှိရာ စစ်ကိုင်းတိုင်းဒေသကြီး၊ ကျွန်းလှမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ဝေဝေအောင်သည် ၂၀၂၄ ခုနှစ် ၊ ဒီဇင်ဘာလ(၅)ရက်နေ့ နံနက်(၁၀း၀၀) အချိန်တွင် စစ်ကိုင်း တိုင်းဒေသကြီး၊ ကျွန်းလှမြို့နယ် ကျီကုန်းစံပြကျေးရွာရှိ “မိသားစု” ဆန်စက်လုပ်ငန်းရှင်နှင့် သွားရောက် တွေ့ဆုံကွင်းဆင်းခဲ့ကြောင်း သိရှိရပါသည်။

    ထိုသို့တွေ့ဆုံဆွေးနွေးရာတွင် လုပ်ငန်းရှင်များအနေဖြင့် မိမိတို့ ကြိတ်ခွဲထုတ်လုပ်သော ဆန်များ အရည်အသွေးကောင်းမွန်စေရန် အရည်အသွေးကောင်းမွန်သော ဆန်များထွက်မှသာ ‌ရောင်းတန်းဝင်၍ ဈေးကွက်ကောင်းပိုမိုရရှိလာနိုင်မည်ဖြစ်ကြောင်း၊ ယခင်နှစ်များကဲ့သို့ စိုက်ပျိုးနိုင်မှုမရှိသည့်အတွက် တောင်သူများမှလာရောက်ပြီး ဆန်ကြိတ်ခွဲနိုင်မှုနည်းပါးသဖြင့် အလုပ်မဖြစ်ကြောင်း၊ ဆန်ကြိတ်ခွဲ ထုတ်လုပ်ရာတွင် ဒေသတွင်းတောင်သူများ သီးနှံပေါ်ချိန်တွင်သာ လည်ပတ်နေကြောင်း၊ ယခင်နှစ်များမှာဆိုရင် ကုန်ကြမ်းများကို မိမိကိုယ်တိုင်ဝယ်ယူကြိတ်ခွဲပြီး ပြန်လည်ရောင်းချကြောင်း ယခုနှစ်မှာတော့ ကုန်ကြမ်းဝယ်ယူကြိတ်ခွဲရန် အဆင်မပြေပါကြောင်း လုပ်ငန်းရှင်မှ ပြောကြားခဲ့ပါသည်။ ထိုသို့ပြောကြားရာတွင် စားသုံးသူရေးရာဦးစီးဌာ မြို့နယ်တာဝန်ခံမှ လိုအပ်သည်များ ဖြည့်စွက်ပြောကြားပြီး ညွှန်ကြားချက်အမှတ် (၂/၂၀၁၉)ပါ အသိပညာပေး လက်ကမ်းစာစောင် ဖြန့်ဝေပေးခဲ့ပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ် တာဝန်ခံရုံးအနေဖြင့်  စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့် စစ်ဆေးခြင်းများကို ဆောင်ရွက်လျက်ရှိရာ ၂၀၂၄ ခုနှစ်၊ ဒီဇင်ဘာလ (၄)ရက်နေ့၊ နံနက် (၀၈း၃၀)နာရီ အချိန်တွင် ကျွန်းလှမြို့၊ သစ်ရာမြိုင်ရပ်ကွက်အတွင်းရှိ “ သာထက်စံ ဆေးနှင့် ဆေးပစ္စည်းအရောင်းဆိုင်” အား ကျွန်းလှမြို့နယ်တာဝန်ခံသည် မိတ်ဖက်ဌာနများဖြင့် ဈေးကွက်စောင့်ကြည့် စစ်ဆေးခြင်း ဆောင်ရွက်ခဲ့ကြောင်း သိရှိရပါသည်။

      ထိုသို့ဈေးကွက်စောင့်ကြည့်စစ်ဆေးခြင်းဆောင်ရွက်သည့် “သာထက်စံဆေးနှင့်ဆေးပစ္စည်းအရောင်းဆိုင်”တွင် ရောင်းချနေသော ကလေးအဟာရဖြည့်စွက်စာအမျိုးမျိုးတွင် ကုန်အညွှန်းအမှတ် အသား ဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)နှင့်အညီ ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသားဖော်ပြရမည့် အသေးစိတ်စိစစ်ချက်များအတိုင်း ပြည့်စုံစွာထည့်သွင် ဖော်ပြထားခြင်းရှိ/မရှိနှင့် သက်တမ်းလွန်ကုန်စည်များ ရောင်းချနေခြင်း ရှိ/မရှိ တို့အား ကျွန်းလှမြို့နယ် တာဝန်ခံရုံးမှ လစဉ်လျာထားချက်များ သတ်မှတ်ပြီး လျာထားချက်ပြည့်မီအောင် ဈေးကွက်စောင့်ကြည့် စစ်ဆေးခြင်းများကို စဉ်ဆက်မပြတ် ဆောင်ရွက်လျက်ရှိကြောင်း၊ “သာထက်စံ ဆေးနှင့်ဆေးပစ္စည်း အရောင်းဆိုင်”မှ  ဆိုင်ပိုင်ရှင်အား စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ လိုက်နာဆောင်ရွက်ရမည့်တာဝန်များကို သိရှိနားလည်ထားရန်လိုကြောင်း ၊ ထုန်ကုန်လုံခြုံစိတ်ချရမှုရှိပြီး ညွှန်ကြားချက်မှတ်(၂/၂၀၁၉)နှင့်အညီ ကုန်အညွှန်းအမှတ်အသား ပြည့်စုံစွာ ဖော်ပြထားသော ကုန်ပစ္စည်းများနှင့် သက်ဆိုင်ရာဌာန၏ ထောက်ခံချက်ပါရှိသော ကုန်စည်များကိုသာ ရောင်းချရန် အသိပညာပေးခဲ့ပြီး ဌာနဥပဒေနှင့် ညွန်ကြားချက်များ ပါရှိသော လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

               စားသုံးသူရေးရာဦးစီးဌာနသည် တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော် ဦးဆောင်သောအဖွဲ့သည် နိုဝင်ဘာလ ၂၇ ရက်နေ့ နံနက်ပိုင်းတွင် တောင်ငူမြို့  အမှတ်(၁)အခြေခံပညာအထက်တန်းကျောင်းတွင်လည်းကောင်း၊ မွန်းလွဲပိုင်းတွင် အမှတ်(၅)အခြေခံပညာ အထက်တန်းကျောင်းတွင်လည်းကောင်း၊ ကျောင်းသားကျောင်းသူများအား စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ပါသည်။

             ဟောပြောပွဲတွင် တောင်ငူမြို့နယ်တာဝန်ခံ ဦးမြင့်သူက စားသုံးသူအခွင့်အရေးနှင့်တာဝန်များ၊ ကုန်စည်များတွင် ကုန်အညွှန်းအမှတ်အသားဖော်ပြခြင်းများကိုလည်းကောင်း၊ ခရိုင်ဦးစီးမှူးရုံးမှ ဌာနခွဲတာဝန်ခံ ဦးစောသန်းထိုက်ကျော်က အွန်လိုင်းတွင်ဝယ်ယူခြင်းနှင့်ပတ်သက်၍ သိကောင်းစရာများကိုလည်းကောင်း ဟောပြောခဲ့ပါသည်။‌

              ဟောပြောပွဲများအပြီးတွင်  ကျောင်းမုန့်ဈေးတန်းများတွင် ရောင်းချလျှက်ရှိသော အသင့်စားမုန့်များနှင့် အသင့်သောက်အချိုရည်များတွင် စားသုံးသူကာကွယ်ရေးဥပဒေပြဌာန်းချက်များနှင့် အညီ ကုန်အညွှန်းအမှတ်အသားများ ဖော်ပြထားခြင်းရှိ/ မရှိကို စစ်ဆေးခဲ့ကြောင်း၊ အထက(၁) ဟောပြောပွဲတွင် ကျောင်းသား/ကျောင်းသူ ၁၂၀ ဦး၊ အထက(၅) ဟောပြောပွဲတွင် ကျောင်းသား/ ကျောင်းသူ ၁၈၀ ဦး တက်ရောက်ကြောင်း သိရှိရပါသည်။

DOCD(ပဲခူး)

              စားသုံးသူရေးရာဦးစီးဌာနသည် တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော် ဦးဆောင်သောအဖွဲ့သည် နိုဝင်ဘာလ ၂၇ ရက်နေ့ နံနက်ပိုင်းတွင် တောင်ငူမြို့  အမှတ်(၁)အခြေခံပညာအထက်တန်းကျောင်းတွင်လည်းကောင်း၊ မွန်းလွဲပိုင်းတွင် အမှတ်(၅)အခြေခံပညာ အထက်တန်းကျောင်းတွင်လည်းကောင်း၊ ကျောင်းသားကျောင်းသူများအား စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ကြောင်းသိရသည်။

            ဟောပြောပွဲတွင် တောင်ငူမြို့နယ်တာဝန်ခံ ဦးမြင့်သူက စားသုံးသူအခွင့်အရေးနှင့်တာဝန်များ၊ ကုန်စည်များတွင် ကုန်အညွှန်းအမှတ်အသားဖော်ပြခြင်းများကိုလည်းကောင်း၊ ခရိုင်ဦးစီးမှူးရုံးမှ ဌာနခွဲတာဝန်ခံ ဦးစောသန်းထိုက်ကျော်မှ အွန်လိုင်းတွင်ဝယ်ယူခြင်းနှင့်ပတ်သက်၍ သိကောင်းစရာများကိုလည်းကောင်း ဟောပြောခဲ့ကြောင်းသိရသည်။‌

              ဟောပြောပွဲများအပြီးတွင်  ကျောင်းမုန့်ဈေးတန်းများတွင် ရောင်းချလျှက်ရှိသော အသင့်စားမုန့်များနှင့် အသင့်သောက်အချိုရည်များတွင် စားသုံးသူကာကွယ်ရေးဥပဒေပြဌာန်းချက်များနှင့် အညီ ကုန်အညွှန်းအမှတ်အသားများ ဖော်ပြထားခြင်းရှိ/ မရှိကို စစ်ဆေးခဲ့ကြောင်း၊ အထက(၁) ဟောပြောပွဲတွင် ကျောင်းသားကျောင်းသူ ၁၂၀ ဦး၊ အထက(၅) ဟောပြောပွဲတွင် ကျောင်းသား/ ကျောင်းသူ ၁၈၀ ဦး တက်ရောက်ကြောင်း သိရှိရပါသည်။

DOCD(ပဲခူး)

      စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးအနေဖြင့် ဌာန၏ မျှော်မှန်းချက်ဖြစ်သော ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးဆိုင်ရာလုပ်ငန်းများဖြင့် နိုင်ငံ့စီးပွားရေးဖွံ့ ဖြိုးတိုးတက်စေရန် မျှော်မှန်းဆောင်ရွက်လျက်ရှိရာ ၂၀၂၄ ခုနှစ်၊ နိုဝင်ဘာလအတွင်း ကရင်ပြည်နယ် ဦးစီးမှူးရုံးအနေဖြင့် သူနာပြုသင်တန်းကျောင်း ဘားအံမြို့ သို့ သွားရောက်၍ ဆရာ၊ ဆရာမ၊ သင်တန်းသား၊ သင်တန်းသူများကို အသိပညာပေးဟောပြောပွဲများကျင်းပခဲ့ပြီး စားသုံးသူရေးရာဦးစီး ဌာန၏ မျှော်မှန်းချက်၊ ရည်မှန်းချက်၊ စားသုံးသူအခွင့်အရေးနှင့်တာဝန်များ၊ ထုတ်ကုန်လုံခြုံစိတ်ချရမှုရှိသည့် အစားအသောက်နှင့် ကုန်စည်များကို စနစ်တကျရွေးချယ်ဝယ်ယူ စားသောက်သုံးစွဲတတ်စေရန်အတွက် ကုန်အညွှန်း အမှတ်အသားအကြောင်း၊ online ရောင်းဝယ်မှုဆိုင်ရာ စားသုံးသူအသိပညာဆိုင်ရာအကြောင်း ရှင်းလင်းဆွေးနွေးဟောပြောခဲ့ပြီး စားသုံးသူအခွင့်အရေး အပြည့်အဝရရှိနိုင်ရန်အတွက် ဌာနမှဆောင်ရွက်လျက်ရှိသည့် စားသုံးသူ၏ နစ်နာဆုံးရှုံးမှုများကို တိုင်ကြားနိုင်ရန် အတွက် စားသုံးသူပြန်ကြား ရေးနှင့် တိုင်ကြားမှုလက်ခံဆောင်ရွက်ရေးစင်တာ(CICC) ဖွင့်လှစ်ထားရှိ ဆောင်ရွက်မှုအခြေအနေများနှင့် ဌာနသို့ ဆက်သွယ်တိုင်ကြားနိုင်သည့်နည်းလမ်းများအကြောင်းနှင့် Consumer Call Center 1535 Hotline အကြောင်းကို အသိပညာပေးဟော ပြောခဲ့ပြီး လက်ကမ်းစာ စောင်များ ဖြန့်ဝေပေးခဲ့ပါသည်။ ထို့အပြင် စီးပွားရေး လုပ်ငန်းရှင်များနှင့်တွေ့ဆုံ၍ စီးပွားရေးလုပ်ငန်း ရှင်များ လိုက်နာရမည့် တာဝန်များအကြောင်း၊ ကုန်စည်ထုတ်လုပ် ဖြန့်ဖြူးရောင်းချရာတွင် ကုန်အညွှန်း အမှတ်အသားနှင့်စပ်လျဉ်း၍ မြန်မာနိုင်ငံ စားသုံးသူကာကွယ် ရေးကော်မရှင် ညွှန်ကြားချက်အမှတ် ၂/ ၂၀၁၉ နှင့်အညီ လိုက်နာဆောင်ရွက် သွားရန် ဆွေးနွေးပြော ကြားခဲ့ကာ လက်ကမ်းစာစောင်များ ဖြန့်‌ဝေခဲ့ပါသည်။

     ဆက်လက်၍ သီရိကွင်း ဘားအံမြို့၌ ကျင်းပပြုလုပ်ခဲ့သော (၆၉)နှစ်မြောက် ကရင်ပြည်နယ်နေ့ အထိမ်းအမှတ် အခမ်းအနားတွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး အနေဖြင့် စားသုံးသူကာကွယ်ရေးဆိုင်ရာ လုပ်ငန်းများနှင့် စပ်လျဉ်း၍  ပြခန်းများခင်းကျင်းပြသခဲ့ပြီး ပြခန်း လာရောက်ကြည့်ရှု့သူ စားသုံးသူပြည်သူများကို စားသုံးသူကာကွယ်ရေးဆိုင်ရာ သိကောင်စရာများ အကြောင်း  အသိပညာပေး ဟောပြောခဲ့ပြီး လက်ကမ်းစာစောင်များလည်း ဖြန့်ဝေခဲ့ကြောင်း သိရှိရသည်။

DOCA(ကရင်)