သတင်းနှင့် လှုပ်ရှားမှုများ

      ၈.၁၁.၂၀၂၅ ရက်နေ့တွင် ကျိုက်ထိုမြို့နယ်အတွင်းရှိ ဆန်စပါးသိုလှောင်ရုံများ မှတ်ပုံတင်သက်တမ်းကျော်လွန်မှု မရှိစေရေး၊ သက်တမ်းတိုးနိုင်ရေး၊ ကုန်ရကုန်ထုတ်၊ လက်ကျန်စာရင်းများ၊ လစဥ်စာရင်းသွင်းနိုင်ရေးအတွက် စားသုံးသူရေးရာဦးစီးဌာန၊ ကျိုက်ထို ခရိုင်ဦးစီးမှူးနှင့် မြို့နယ်တာဝန်ခံတို့မှ ကွင်းဆင်းဆောင်ရွက်ခဲ့ကြပါသည်။

     ထိုသို့ ကွင်းဆင်းဆောင်ရွက်ရာတွင် ကျိုက်ထိုမြို့နယ်အတွင်းရှိ ဆန်စပါးလုပ်ငန်း ရှင်များနှင့် တွေ့ဆုံ၍ ဆန်စပါးသိုလှောင်ရုံများ တစ်နှစ်တစ်ကြိမ် သက်တမ်းပုံမှန်တိုးရန်၊ အွန်လိုင်းမှတစ်ဆင့် ကုန်ရ/ကုန်ထုတ်၊ လက်ကျန်စာရင်းများ၊ ပုံမှန်ရေးသွင်းနိုင်ရေး၊ ဈေးကစားရန် ရည်ရွယ်၍ ဆန်စပါးများသိုလှောင်ထားရှိမှုမရှိစေရေး၊ ဆန်စပါးစျေးနှုန်း တည်ငြိမ်ရေး၊ ဆန်ဈေးနှုန်းများ မြှင့်တင်ရောင်းချမှုမရှိစေရေး ကွင်းဆင်းကြပ်မတ် ဆောင်ရွက်ခဲ့ကြောင်း သိရှိရပါသည်။

        DOCA (မွန်)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးချစ်ဆွေသည် ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့၊ မြို့တော်ခန်းမတွင် နိုဝင်ဘာလ (၇) ရက်နေ့၊ နံနက် (၀၉:၀၀) နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်၊ ဌာနဆိုင်ရာများ၊ စီးပွားရေးလုပ်ငန်းရှင်များ၊ မြို့မိမြို့ဖများနှင့် တွေ့ဆုံပွဲကျင်းပပြုလုပ်ခဲ့ကြောင်း သိရသည်။

          ပြည်ထောင်စုဝန်ကြီးဦးချစ်ဆွေသည် ဝန်ကြီးဌာနလက်အောက်ရှိ ဦးစီးဌာန (၄) ခု၏ လုပ်ငန်းတာဝန်များ၊ သီလဝါ၊ ကျောက်ဖြူ၊ ထားဝယ်အထူးစီးပွားရေးစက်မှုဇုန်များ သတ်မှတ်ဆောင်ရွက်လျက်ရှိပြီး  ပြည်တွင်းထုတ်ကုန်များ၊ ဒေသထွက်ကုန်များဈေးကွက်အတွင်း ကျယ်ကျယ်ပြန့်ပြန့်ဖြန့်ဖြူးနိုင်ရေး၊ နိုင်ငံအတွင်းထုတ်ကုန်များအား နယ်စပ်ကုန်သွယ်ရေးဂိတ် (၁၄) ခုမှ တစ်ဆင့် ပို့ကုန်/ သွင်းကုန် ဆောင်ရွက်ခြင်း၊ ပုံမှန်ကုန်သွယ်ရေးလမ်းကြောင်းမှ တစ်ဆင့် ဆန်၊ ဆန်ကွဲ၊ ပဲ၊ ပြောင်း၊ ရေထွက်ကုန်ပစ္စည်းများကို ပြည်ပတင်ပို့၍ ပို့ကုန်ဝင်ငွေ တိုးတက်ရေးအတွက် ဆောင်ရွက်လျက်ရှိကြောင်း၊ ထပ်မံလိုအပ်သည့်နိုင်ငံခြားငွေအား ကမ္ဘာ့ဘဏ်အသီးသီးမှ ထုတ်ချေး၍ ပြည်သူများလူမှုစီးပွားဖွံ့ဖြိုးစေရန် ဆောင်ရွက်ပေးလျက်ရှိကြောင်း၊ နိုင်ငံအသီးသီးမှ လိုအပ်နိုင်ငံခြားငွေကို ကြွေးမြီရယူ၍ ဆောင်ရွက်ကြကြောင်း၊ နိုင်ငံတော်အနေဖြင့် ပြည်တွင်း စားသုံးဆီ၊ စက်သုံးဆီလိုအပ်ချက်ကို နိုင်ငံခြားငွေဖြင့် ဝယ်ယူပေးနေရကြောင်း၊ အထူးအားဖြင့် သွင်းအားစု (၃) မျိုး ဖြစ်သည့် ဓာတ်မြေဩဇာ၊ ပိုးသတ်ဆေး၊ မျိုးစေ့ ၊ ဆန်စက်အပိုပစ္စည်းနှင့် ဘွိုင်လာတင်သွင်းမှုများအား ဆန်စပါးအသင်းချုပ်မှတစ်ဆင့် ခွင့်ပြုဆောင်ရွက်သွားရန်ဖြစ်ကြောင်း၊ ယခုအချိန်အထိ ဆန်/ဆန်ကွဲတန်ချိန် (၁.၅၃၈) သန်း တင်ပို့ထားရှိပြီး ယခုနှစ်အတွင်း (၃) သန်း တင်ပို့ရန် လျာထားသတ်မှတ်ထားပါကြောင်း၊ ဝန်ကြီးဌာနအနေဖြင့် ပို့ကုန်ဝင်ငွေသတ်မှတ် လျာထားပေးသည့်အတိုင်း ဆောင်ရွက်သွားမည်ဖြစ်ပါကြောင်း ပြောကြားခဲ့သည်ဟု သိရှိရပါသည်။

          ဆက်လက်၍ ဧရာဝတီတိုင်းဒေသကြီးဝန်ကြီးချုပ်မှ မိမိတိုင်းသည် စပါး/ဆန် အများဆုံး စိုက်ပျိုးထုတ်လုပ်သည့် စပါးကျီဖြစ်သည့်နှင့်အညီ မိုး/နွေ စပါးစိုက်ဧက (၅၂) သိန်း၊ ပဲစိုက်ဧက (၁၇) သိန်း၊ ဆီထွက်သီးနှံ နေကြာ စိုက်ဧက (၁.၃) သိန်းစိုက်ပျိုးပြီး ယခုနှစ်ကုန်ထိ နေကြာစိုက်ဧက (၂.၂) သိန်းလျာထားဆောင်ရွက်လျက်ရှိကြောင်း ပဲပုတ်ကိုလည်း စိုက်ဧက (၁) သိန်း လျာထားဆောင်ရွက်လျက်ရှိကြောင်း ၊ ပေါ်ဆန်းနှင့်ပတ်သက်၍ Brand ထုတ်ကုန်ဖြစ်အောင် အထူးကြိုးစား ဆောင်ရွက်နေကြောင်း ၊ Export Zone ထူထောင်ခြင်း ၊ Contract Farming ဆောင်ရွက်ခြင်းများ အကောင်အထည်ဖော် ဆောင်ရွက်လျက်ရှိကြောင်း၊ ၂၀၂၅ ခုနှစ်၊ မတ်လ (၂) ရက်နေ့၊ တောင်သူလယ်သမားနေ့တွင် စိုက်ပျိုးရေးဆိုင်ရာ မျိုး၊ မြေ၊ ရေ နည်းအသုံးချ၍ ဧရာဝတီ ပေါ်ဆန်းဖိုရမ်တစ်ရပ်ကို ကျင်းပခဲ့ပြီး ဆွေးနွေးပွဲဖော်ထုတ်ချက်ရလာဒ်များကို အကောင်အထည် ဖော်ဆောင်ရွက်လျက်ရှိကြောင်း၊ ကျဲခင်းစနစ်လျော့နည်းပပျောက်ရေး တစ်နှစ်ထက်တစ်နှစ် လျော့နည်းစေရန် Drum Seeder များ အသုံးပြု၍  ဆောင်ရွက်နေကြောင်း  ၊ နှစ်စဉ်ပြည်ပဆန် တင်ပို့တန်ချိန် ထက်ဝက်ကို ဧရာဝတီတိုင်းဒေသကြီးမှ တင်ပို့ပေးလျက်ရှိကြောင်း ၊ တိုင်းပြင်ပ ဆန်စီးထွက်မှုကိုလည်း တိုးလ်ဂိတ်များမှတစ်ဆင့် စိစစ်ဆောင်ရွက်ပေးနေပါကြောင်း၊ ပီလောပီနံ သီးနှံကိုလည်း တန်ဖိုးမြင့်ထုတ်ကုန်အဖြစ် ယခင်နှစ်ထက်ပိုမို ချိတ်ဆက်တင်ပို့လျက်ရှိကြောင်း ထုတ်ကုန်ပစ္စည်းများကို တန်ဖိုးမြင့်၍ ပီလောပီနံကွင်းခြောက်၊ ဆန်၊ ကြာဇံ၊ ဆန်မှုန့်၊ ဆန်ခေါက်ဆွဲ၊ MSME လုပ်ငန်းငယ်များဖြင့် ကြိုးစားဆောင်ရွက်နေပါကြောင်း၊ စိုက်ပျိုးပြီး ပဲပုတ်၊ နေကြာများကို အစားထိုးဆီထွက်သီးနှံအဖြစ် ဆောင်ရွက်နေပြီး ပဲပုတ်ဆီကြိတ်စက်ရုံ ထူထောင်မည့် လုပ်ငန်းရှင်များကို တွန်းအားပေးဆောင်ရွက်လျက်ရှိပါကြောင်း ပြောကြားသွားကြောင်း သိရသည်။

          ဧရာဝတီတိုင်းဒေသကြီး စက်မှုလက်မှုလုပ်ငန်းရှင်များအသင်း (ARCCI) ဥက္ကဋ္ဌမှ လျာထား သတ်မှတ်ထားသည့် မြေပေါ်တွင် အသင်းရုံးအမြန်ဆုံးတည်ဆောက်ရေးကို ကြိုးပမ်းဆောင်ရွက်လျက်ရှိပါကြောင်း၊ တိုင်းဆန်စက်လုပ်ငန်းရှင်များအသင်းဥက္ကဋ္ဌမှလည်း ကောက်ညှင်းအပြင် ပေါ်ဆန်းနွေစပါးကိုလည်း စိုက်ပျိုးထုတ်လုပ်ရန် လိုအပ်ပါကြောင်း၊ ဆန်စက်အပိုပစ္စည်းများကိုလည်း ဆက်လက်တင်သွင်းခွင့်ပြုစေလိုပါကြောင်း၊ ဆန်ထွက်ပစ္စည်း ပြည်ပသို့တိုက်ရိုက် တင်ပို့သည့် Wilmar Co., Ltd မှ တာဝန်ရှိသူမှ ဆန်ကို E.U နိုင်ငံများ၊ ဆန်ကွဲကို အင်ဒိုနီးရှား၊ ဖိလစ်ပိုင်၊ တရုတ်များသို့ တိုင်းအတွင်းမှ တင်ပို့နိုင်ခဲ့မှု အခြေအနေများကို ရှင်းလင်းတင်ပြခဲ့ကြောင်း သိရသည်။

          နိဂုံးချုပ်အနေဖြင့် ပြည်ထောင်စုဝန်ကြီးမှ မြန်မာပေါ်ဆန်းမွှေးဆန်များအား ရှရှား၊ တရုတ်၊ ဘီလာရုနိုင်ငံများနှင့် ဆက်သွယ်ချိတ်ထားရှိမှုနှင့် ရောင်းချရန်အတွက် စာချုပ်ချုပ်ဆိုထားကြောင်း စီးပွားရေးကောင်းမွန်ရန် လုပ်ငန်းရှင်၊ အစိုးရအဖွဲ့၊ အသင်းအဖွဲ့၊ ဌာနဆိုင်ရာများ အားလုံးဝိုင်းဝန်းပူးပေါင်းဆောင်ရွက်ရမှာဖြစ်ကြောင်း ဆွေးနွေးပြောကြားခဲ့ပါသည်။ ဆက်လက်၍ ပြည်ထောင်စုဝန်ကြီးသည် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးရှိလာရောက်၍ ဝန်ထမ်းများနှင့်တွေ့ဆုံ၍ လမ်းညွှန်အမှာစကားပြောကြားခဲ့ကြောင်း သိရှိရပါသည်။

DOCA(ဧရာဝတီ)

            ပဲခူးတိုင်းဒေသကြီး၊ ပြည်ခရိုင်တွင် အရည်အသွေးပြည့်မီသော အင်တာနက် ဝန်ဆောင်မှုများ ရရှိစေရန် စားသုံးသူများ၏ လူနေမှုဘဝများ အဆင်ပြေချောမွေ့စေရန် ရည်ရွယ်၍ ပြည်ခရိုင်အတွင်းရှိ မြို့နယ်တာဝန်ခံများမှ ပြည်မြို့နယ်တွင် “MPT, MYTEL” လုပ်ငန်းများ သို့လည်းကောင်း၊ ရွှေတောင်မြို့တွင် “မိုဘိုင်းကင်း” ဖုန်းဆိုင်သို့လည်းကောင်း ဆက်သွယ်ရေး အင်တာနက် ဝန်ဆောင်မှုများ ဆောင်ရွက်နေသည့် ကွင်းဆင်းစစ်ဆေး၍ ဆက်သွယ်ရေး (ဝန်ဆောင်မှု)(Package/Plan)များနှင့် ဝန်ဆောင်ခနှုန်းထားများအားအများပြည်သူများလွယ်ကူစွာ သိရှိနိုင်စေရေး ဖော်ပြထားမှုရှိ/မရှိ စစ်ဆေးခဲ့ပြီး ဝန်ဆောင်ခနှုန်းထားများ ပြောင်းလဲမှုရှိပါက ကြိုတင်အသိပေးရန်နှင့်ဝန်ဆောင်ခနှုန်းထားများ မှားယွင်းစွာ ငွေကြေးဖြတ်တောက်မှုများ ဖြစ်ပေါ်ခဲ့ပါက သုံးစွဲသူများအား သက်ဆိုင်ရာအော်ပရေတာများမှ ငွေပြန်အမ်းသည့် Refound Policy များထားရှိဆောင်ရွက်နိုင်ရေး အင်တာနက်လိုင်းများ ပြတ်တောက်ပါက သက်ဆိုင်ရာ ကုမ္ပဏီများအနေဖြင့် ပြည်သူများ စိတ်ကျေနပ်မှုရရှိအောင်ဆောင်ရွက်ပေးနိုင်ရေးဆွေးနွေးပြောကြားခဲ့ကြောင်း သတင်းရရှိပါသည်။

DOCA(ပဲခူး)

       ဘိုကလေးမြို့နယ် တာဝန်ခံ နှင့်ဝန်ထမ်းတို့သည် (၅.၁၁.၂၀၂၅)ရက်နေ့ နံနက် (၁၀း၀၀)ခွဲအချိန်တွင်ဘိုကလေးမြို့ ကန္နားလမ်းရှိ စားအုန်းဆီအရောင်းဆိုင်များတွင် သတ်မှတ်ရည်ညွှန်းဈေးဖြင့်ရောင်းချခြင်းရှိ/ မရှိ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

        ထိုကွင်းဆင်းစစ်ဆေးရာတွင် ဘိုကလေးမြို့နယ် (၅)ရပ်ကွက်ရှိ စားအုန်းဆီအရောင်းဆိုင်မှ ညွှန်ကြားချက်ပါအတိုင်း စားသုံးသူပြည်သူများအားသက်သာသောဈေးနှုန်းဖြင့် ဝယ်ယူနိုင်ရေးအတွက် နေ့စွဲများပါသော ရည်ညွှန်းဈေးနှုန်းဖြင့် ဗွီနှိုင်းချိတ်ဆွဲ၍ ရောင်းချပေးနေကြောင်း ဈေးကွက်စောင့်ကြည့်စစ်ဆေးမှု့အပေါ် သတင်းရရှိပါသည်။

DOCA(ဧရာဝတီ)

  စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှ စစ်ဆေးရေးအရာရှိ ဒေါ်မိုးမိုးကြည် နှင့်ဝန်ထမ်းများသည် (၇.၁၁.၂၀၂၅) ရက်နေ့တွင် တောင်ဥက္ကလာပမြို့နယ်အတွင်းရှိ “လင်းလက်ရိုးရာချည်ထည်အမျိုးမျိုးရောင်းဝယ်ရေး” ၊ “လွင်လွင်အထည်ဆိုင်လုံချည်ပါတိတ်ပိုး ထည်ရောင်းဝယ်ရေး” နှင့် “နန်းထိုက်အောင် ပိုးထည်ဆိုင်” တို့အား Online Sale မှတ်ပုံတင်မြေပြင်စစ်ဆေးခြင်းဆိုင်ရာ အချက်အလက်များကိုက်ညီမှုရှိ/မရှိ စစ်ဆေးခဲ့ကြောင်း သိရှိရပါသည်။

          ထိုသို့ ကွင်းဆင်းစစ်ဆေးရာတွင် စစ်ဆေးရေးအရာရှိက အွန်လိုင်းစနစ်ဖြင့် ရောင်းချခြင်း လုပ်ငန်းနှင့်ပတ်သက်၍ မြေပြင်စစ်ဆေးရမည့် အချက်(၁၈) ချက်နှင့် ကိုက်ညီမှုရှိ/မရှိ စစ်ဆေး ခဲ့ပြီး စီးပွားရေးလုပ်ငန်းရှင်များလိုက်နာရမည့် တာဝန်ဝတ္တရားများ၊  စားသုံးသူကာကွယ်ရေး ဥပဒေပါ အခန်း(၁၇)ရှိ  ကုန်စည်(သို့မဟုတ်)ဝန်ဆောင်မှုအပေါ်တာဝန်ရှိမှုအကြောင်းကိုလည်းကောင်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေနဲ့ စားသုံးသူများကို အကာအကွယ်ပေးရန် နှင့် e-Commerce လုပ်ငန်းများ ဖွံ့ဖြိုးတိုးတက်စေရန် အွန်လိုင်းစနစ်နဲ့ ရောင်းချခြင်း လုပ်ငန်းများကို အရေးကြီးကုန်စည်ဝန်ဆောင်မှုအဖြစ်သတ်မှတ်ပြီး လုပ်ငန်းမှတ်ပုံတင်လက်မှတ်များကိုခွင့်ပြုထုတ်ပေးလျက်ရှိကြောင်း၊ e-Commerce Registration စနစ်မှတစ်ဆင့် လျှောက်ထားလာသော အွန်လိုင်းစနစ်နဲ့ရောင်းချခြင်းလုပ်ငန်းများရဲ့ လျှောက်လွှာများနှင့်သက်တမ်းတိုးသော လျှောက်လွှာများကို သက်ဆိုင်ရာတာဝန်ရှိသူများက အချက်အလက်များမှန်ကန်မှု ရှိ၊ မရှိ မြေပြင်ကွင်းဆင်းစစ်ဆေးပြီးမှသာ Online Sales လုပ်ငန်းမှတ်ပုံတင်လက်မှတ်များ ထုတ်ပေးသွားမှာဖြစ်ကြောင်း  အသိပေးပြောကြားခဲ့ကြောင်း သိရှိရပါသည်။

ဆက်လက်၍ အထည်အလိပ်၊ အဝတ်အထည် နှင့်ဆက်စပ်ပစ္စည်းများ ရောင်းချလျက်ရှိသည့်“A S W Fashion Koera Japan Europe Vietnam Made Second Clothes”၊ “ရွှေနန်းမဒီ အထည်မျိုးစုံ လက်လီလက်ကားဖြန့်ချီရေး” နှင့် “Kumudra Chels Clothing Room” ဆိုင်များသို့ သွားရောက်စစ်ဆေးခဲ့ကြောင်းသိရှိရပါသည်။

DOCA(ရန်ကုန်)