သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးအနေဖြင့် ရပ်ကွက်/ ကျေးရွာနေ စားသုံးသူပြည်သူများနှင့် တိုင်းပြည်၏ အနာဂတ် မျိုးဆက်သစ်များဖြစ်သော ကျောင်းသား/ကျောင်းသူများအား စားသုံးသူကာကွယ်ရေးဆိုင်ရာ အသိပညာများ ကျယ်ကျယ် ပြန့်ပြန့်သိရှိနိုင်စေရေး ရည်ရွယ်၍ ခရိုင်အတွင်း မြို့နယ်များရှိ ရပ်ကွက်/ ကျေးရွာများနှင့် အခြေခံ ပညာကျောင်းများတွင် အသိပညာပေးဟောပြောဆွေးနွေးခြင်းများကို အင်တိုက်အားတိုက် လုပ်ဆောင်လျက်ရှိရာ ပြည်ခရိုင်အတွင်း ၂၀၂၅ ခုနှစ်၊ အောက်တိုဘာလအတွင်း ပြည်ခရိုင်၊ ပြည်မြို့တွင် မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနတို့ ပူးပေါင်း၍ စားသုံးသူ အသိပညာပေး (Talk Show) ပွဲပြုလုပ်ဆောင်ရွက်ခြင်း၊ မိကျောင်းရဲရပ်ကွက်ရှိ ပြည်သူများနှင့်  မူလွန်(ကိုးသောင်း)ကျောင်း သို့လည်းကောင်း၊ ရွှေတောင်မြို့နယ်တွင် အ.မ.က(လှိုင်မြရှင်)ကျောင်း၊ အ.မ.က(လက်ခုပ်တန်း)ကျောင်း၊ အ.လ.က(အမြောက်တပ်)ကျောင်းသို့ လည်းကောင်း၊ ပန်းတောင်း မြို့နယ်တွင် တောင်ဘို့ကြီးအုပ်စု၊ မြေဝါကုန်းကျေးရွာနှင့် အ.လ.က(ဘူးဘက်) ကျောင်းသို့ လည်းကောင်း၊ ပေါက်ခေါင်းမြို့နယ်တွင် အ.လ.က(ခွဲ)အလယ်ရွာကျောင်း သို့လည်းကောင်း၊ သက်ဆိုင်ရာမြို့နယ်တာဝန်ခံများနှင့် ဝန်ထမ်းများသည်စားသုံးသူ ကာကွယ်ရေးဆိုင်ရာ အသိပညာပေး ဟောပြောခြင်းများ ဆောင်ရွက်ခဲ့ပါသည်။

         အဆိုပါ အသိပညာပေး ဟောပြောခြင်းများ ဆောင်ရွက်ရာတွင် သက်ဆိုင်ရာ မြို့နယ် တာဝန်ခံများမှ စားသုံးသူ အခွင့်အရေးများနေ့ဖြစ်ပေါ်လာပုံ၊ စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားဖေါ်ပြခြင်းဆိုင်ရာအချက်များ၊ နစ်နာဆုံးရှုံးမှုရှိပါက တိုင်ကြားနိုင်သည့် ပုဂ္ဂိုလ်များနှင့် နည်းလမ်းများ တိုင်ကြားနိုင်မည့် ဖုန်းနံပါတ်နှင့်လိပ်စာ၊ စားသုံးသူကာကွယ်ရေး ဥပဒေပါ ပြစ်မှုပြစ်ဒဏ်များအကြောင်း၊ သက်ဆိုင်ရာဌာနများက စားသုံးရန်မသင့်ဟု တားမြစ် ထုတ်ပြန်ထားသော ကုန်စည်များအား ရွေးချယ်ဝယ်ယူခြင်းမပြုရန် ကုန်အညွှန်းအမှတ်အသား ပြည့်စုံစွာ ပါဝင်သော ကုန်စည်များကိုသာ ရွေးချယ်ဝယ်ယူကြရန် အသိပညာပေးဟောပြောခြင်းများဆောင်ရွက်ခဲ့ကြောင်းသိရပါသည်။

DOCA(ပဲခူး)

       စားသုံးသူရေးရာဦးစီးဌာန သာယာဝတီခရိုင်အတွင်းရှိ ဆန်သိုလှောင်ရုံများအား မှတ်ပုံ တင်ခြင်းလုပ်ငန်းကို ဆောင်ရွက်လျှက်ရှိရာ စပါးတင်း(၂၅၀၀)နှင့်အထက်၊ ဆန်(၂၅) တန်နှင့် အထက်  သိုလှောင်ထားသည့်  ဆန်စပါး  သိုလှောင်ရုံများကို My RO တွင်မှတ်ပုံတင်နိုင်ရေး  ဆောင်ရွက် ပေးလျှက်ရှိရာ သာယာဝတီခရိုင်အနေဖြင့် ဆန်စပါးလုပ်ငန်းလုပ်ကိုင်သောဆန်ဆိုင်များ၊  ဆန်/စပါး သိုလှောင်ရုံ စုစုပေါင်း(၂၁၈) လုံးမှတ်ပုံတင်ထားရှိပြီးဖြစ်ပါသည်။

          သာယာဝတီခရိုင်အနေဖြင့် သိုလှောင်ရုံမှတ်ပုံတင်သက်တမ်း တစ်နှစ်ပြည့် မြောက်ပြီး ဖြစ်သည့် သိုလှောင်ရုံများကို သက်တမ်းတိုးခြင်းကို လုပ်ငန်းရှင်ကိုယ်တိုင်သက်တမ်းတိုးခြင်း၊သက်တမ်းတိုးရန်အခက်အခဲရှိသောဆန်/စပါးလုပ်ငန်းရှင်များကိုသာယာဝတီခရိုင်ဦးစီးမှူးရုံးနှင့်လက်ပံတန်းမြို့နယ်ရုံးတို့တွင်သက်တမ်းတိုးလုပ်ငန်းဆောင်ရွက်ပါသည်။လုပ်ငန်းရှင်များအနေဖြင့်  My RO Website ဖြစ်သာ www.myro.com.mm တွင်သက်တမ်းတိုးနိုင်ကြောင်း၊သက်တမ်းတိုးရန်ကျန်ရှိနေသောသိုလှောင်ရုံများကို ဩဂုတ်လ(၁၂) ရက်နေ့ တွင်ဆန်စက်လုပ်ငန်းရှင်များအသင်းသို့  ထပ်မံပေးပို့ အကြောင်းကြားထားပြီးဖြစ်ပါကြောင်းနှင့်သိုလှောင်ရုံများသက်တမ်းတိုးခြင်းနှင့် မှတ်ပုံတင် ပေးခြင်းလုပ်ငန်းများလုပ်ဆောင်ပေးလျက်ရှိကြောင်းသိရှိရပါသည်။

DOCA(ပဲခူး)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူခရိုင်ဦးစီးမှူးရုံး လက်အောက်ရှိ ကျွန်းလှမြို့နယ် တာဝန်ခံရုံးအနေဖြင့် စားသုံးသူအခွင့်အရေးနှင့် အကျိူးစီးပွားကာကွယ်ရန်အတွက် စားသုံးသူကာကွယ်ရေးလုပ်ငန်းများကို ဆောင်ရွက်လျက်ရှိရာ ၂၀၂၅ ခုနှစ်၊ နိုဝင်ဘာလ(၈)ရက်နေ့၊ နံနက်(၀၈း၀၀) နာရီအချိန်တွင် ကျွန်းလှမြို့နယ်တာဝန်ခံသည် ကျွန်လှမြို့၊ သစ်ရာမြိုင်ရပ်ကွက်ရှိ “လင်းရောင်ဝင်း” စက်သုံးဆီ အရောင်းဆိုင် လုပ်ငန်းရှင်နှင့် သွားရောက်တွေ့ဆုံ ကွင်းဆင်းစစ်ဆေးခဲ့ကြောင်း သိရသည်။

              ထိုသို့ကွင်းဆင်းစစ်ဆေးရာတွင် မြို့နယ်အတွက် စက်သုံးဆီ ပြတ်လတ်မှုမရှိစေရေး စက်သုံးဆီဈေးနှုန်းများ မြှင့်တင်ရောင်းချခြင်းမပြုရန် စက်သုံးဆီ တင်သွင်းဖြန့်ဖြူး ရောင်းချနေမှုအခြေအနေ၊ စက်သုံးဆီ ပြတ်လတ်မှုရှိ/ မရှိ၊ (PPRD) စက်သုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ  နေ့စဉ် သတ်မှတ်ထုတ်ပြန်ထားသော စက်သုံးဆီ ရည်ညွှန်းဈေးနှုန်းအတိုင်း ရောင်းချမှုရှိ/ မရှိ၊ အချိန်အတွယ်နှင့် အလေးချိန်မှန်ကန်မှုရှိ/ မရှိ  စစ်ဆေးရာ သတ်မှတ်ရည်ညွှန်းဈေးနှုန်းအတိုင်း ရောင်းချလျက်ရှိပြီး၊ အချိန်အတွယ်မှန်ကန်ကြောင်း စစ်ဆေးတွေ့ရှိရပါသည်။  စက်သုံးဆီ လုပ်ငန်းရှင်အနေဖြင့် တရားမဝင် စက်သုံးဆီ၊ ချောဆီများ တင်သွင်း ဖြန့်ဖြုးရောင်းချနေခြင်း စိစစ်တွေ့ရှိရပါက အရေးယူဆောင်ရွက်ခြင်း ခံရမည်ဖြစ်ကြောင်းနှင့် ပြည်သူများ အဆင်ပြေချောမွေ့စွာ ဝယ်ယူနိုင်ရေးအတွက် စက်သုံးဆီအရောင်း ဆိုင်များအား စက်သုံးဆီ ပြတ်လတ်မှု မရှိစေရေးအတွက် ပုံမှန် ဖွင့်လှစ် ရောင်းချနိုင်ရေး သတ်မှတ်ဈေးနှုန်းထက် ပိုမိုရောင်းချခြင်းမပြုဘဲ  ဌာနမှ ထုတ်ပြန်ထားသော စီးပွားရေးလုပ်ငန်းရှင်များ လိုက်နာရမည့် ညွှန်ကြားချက်များအတိုင်း လိုက်နာဆောင်ရွက်ကြရန်နှင့် စီးပွားရေးလုပ်ငန်းရှင်များ လိုက်နာဆောင်ရွက်ရမည့် တာဝန်များအား ဆွေးနွေးပြောကြားခဲ့ကြောင်း သိရှိရပါသည်။

DOCA(စစ်ကိုင်း)

      စားသုံးသူရေးရာဦးစီးဌာနသည် စားသုံးသူများဘေးအန္တရာယ်ကင်းရှင်းစေရေးအတွက် စျေးကွက် အတွင်းရှိ ကုန်ပစ္စည်းများနှင့် စျေးကွက်မရောက်မီကုန်ပစ္စည်းများအား စျေးကွက်စောင့်ကြည့်စစ်ဆေး ခြင်းကို စဉ်ဆက်မပြတ် ဆောင်ရွက်လျက်ရှိရာ မကွေးခရိုင်တာဝန်ခံသည် (၇.၁၁.၂၀၂၅)ရက်နေ့ နံနက် (၀၈:၀၀)အချိန်တွင် မကွေးမြို့၊ ရန်ကင်းစျေးတွင် ရောင်းချလျက်ရှိသော ကုန်ပစ္စည်း (၁၀) မျိုးအား နမူနာဝယ်ယူ၍ Mobile Lab Van ဖြင့် ရှောင်တခင်စစ်ဆေးခြင်းကို အစားအသောက်နှင့်ဆေးဝါး ကွပ်ကဲရေးဦးစီးဌာန၊ ကျန်းမာရေးဦးစီးဌာနနှင့် စည်ပင်သာယာရေးအဖွဲ့တို့ဖြင့် ပူးပေါင်းဆောင်ရွက်ခဲ့ကြောင်း သိရသည်။

          ထိုသို့ နမူနာဝယ်ယူခဲ့သော ကုန်ပစ္စည်း (၁၀)မျိုးတွင် ပဲပြား(S)၊ ချင်းပေါက်၊ အမဲသွေးခဲ၊ ဆိတ်သွေးခဲ၊ မုန့်ဟင်းခါးဖက်တို့၌ အစားအစာများတွင် သုံးစွဲရန်မသင့်သော ချွတ်ဆေးများနှင့်တာရှည်ခံ ဆေးများ သုံးစွဲထားခြင်းရှိ/မရှိ Mobile Lab Van ဖြင့် အဆိုပါစျေးအတွင်း ချက်ချင်းစစ်ဆေးခဲ့ရာ သုံးစွဲရန်မသင့်‌သော ချွတ်ဆေးများနှင့်တာရှည်ခံဆေးများ သုံးစွဲထားခြင်းမရှိကြောင်းနှင့် အရောင်တင် မှုန့်၊ နနွင်းမှုန့်၊ ငရုပ်သီး မှုန့်၊ မျှစ်(အနီ)နှင့် လက်ဖက်တို့အား အစားအသောက်နှင့် ဆေးဝါး ကွပ်ကဲရေးဦးစီးဌာနသို့ ယူဆောင်စစ်ဆေးပြီး စားသုံးရန်မသင့်ကြောင်း စစ်ဆေးတွေ့ရှိပါက ထုတ်လုပ် သူလုပ်ငန်းရှင်များအား ဥပဒေအရ အရေးယူဆောင်ရွက်သွားမည်ဖြစ်ကြောင်း သိရှိရပါသည်။

DOCA(မကွေး)

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦ (ရုံးအုပ်)သည်(၇.၁၁.၂၀၂၅) ရက်နေ့ (၁၁:၀၀) နာရီအချိန်တွင် နန်းမားမြို့၊  ညောင်ပင်သာရပ်ကွက်၊အခြေခံပညာမူလတန်းကျောင်းရှိ ကျောင်းသား/သူများအား အသိပညာပေး  ဟောပြောပွဲပြုလုပ် ဆောင်ရွက်ခဲ့ပါသည်။

    စားသုံးသူကာကွယ်ရေး အသိပညာပေးဟောပြောရာတွင် စားသုံးသူကာကွယ်ရေးနှင့် စားသုံးသူ ၏ အဓိပ္ပါယ်ဖွင့်ဆိုချက်၊ စားသုံးသူ၏ အခွင့်အရေးများဖြစ်သော စားသုံးသူများအတွက် ကုန်စည် သို့မဟုတ် ဝန်ဆောင်မှုနှင့် စပ်လျဥ်း၍ အခြေခံလိုအပ်ချက်များပေါ်တွင် စိတ်ကျေနပ်မှုရရှိစေခြင်း၊ ကုန်စည် သို့မဟုတ် ဝန်ဆောင်မှုကို ဘေးအန္တရာယ်ကင်းရှင်းစွာ အသုံးပြုခွင့်ရှိခြင်း၊ ဈေးကွက်အတွင်းရှိ ကုန်စည် သို့မဟုတ် ဝန်ဆောင်မှုနှင့် စပ်လျဥ်း၍ စားသုံးသူစိတ်ကြိုက် ရွေးချယ်ဝယ်ယူနိုင်ခွင့်ရှိခြင်း၊ စားသုံးသူနစ်နာဆုံးရှုံးမှုနှင့် စပ်လျဥ်းသည့် ကိစ္စရပ်များတွင် ရှင်းလင်းတင်ပြခွင့်နှင့် တိုင်ကြားခွင့် ရရှိနိုင်စေခြင်း စသည့် အချက်များ စားသုံးသူ၏ တာဝန်များ၊ ကုန်စည်/ ဝန်ဆောင်မှုနှင့် စပ်လျဉ်း၍ အာမခံ ပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေး၊ အချိုရည်အမျိုးမျိုးတို့တွင် တားမြစ်ထားသောအန္တရာယ်ရှိသည့် ဓာတုဆိုးဆေးများအကြောင်း၊ အသင့်စားခေါက်ဆွဲခြောက်များ၏ အန္တရာယ်များအကြောင်းနှင့် တက်ရောက်လာသော ကျောင်းသား/သူများအား   1535 Consumer Call Center လိုင်းခွဲ(1)သို့ လက်တွေ့ခေါ်ဆို၍ တိုင်ကြားရမည့် နည်းလမ်းအား အသိပညာပေးဟောပြောခဲ့ ပါသည်။

DOCA(ကချင်)