သတင်းနှင့် လှုပ်ရှားမှုများ

          မန္တလေးတိုင်းဒေသကြီး၊ စားသုံးသူရေးရာဦးစီးဌာနမှ ဒုတိယတိုင်းဒေသကြီးဦးဆောင်သော အဖွဲ့သည် (၂၂.၆.၂၀၂၂)ရက်နေ့တွင်  စားအုန်းဆီလက်လီဈေးကွက်အတွင်း ဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းချစေရေး၊ ဈေးနှုန်းအဆမတန် မြှင့်တင်ရောင်းချခြင်းများ မပြုလုပ်စေရေး တို့အတွက်  ပြည်ပမှ စားအုန်းဆီတင်သွင်းသည့် ကုမ္ပဏီများမှ  ဝယ်ယူ၍ မန္တလေးခရိုင်အတွင်း စားအုန်းဆီ လက်လီ၊လက်ကားဖြန့်ဖြူးရောင်းချလျက်ရှိသည့် အောင်မြင်သူလက်ကားအရောင်း ဆိုင်၊ ရွှေခြင်္သေ့ကုန်မျိုးစုံဆိုင်နှင့် သီရိပစ္စယာဆီအရောင်းဆိုင်များသို့  ကွင်းဆင်း ကြပ်မတ် ဆောင်ရွက်ခဲ့ကြောင်း သိရှိရသည်။

          ပြည်ပမှ စားအုန်းဆီတင်သွင်းသည့် ကုမ္ပဏီများဖြစ်သော IBS ၊ Grand Unity ၊ Pyei Phyo Aung နှင့်  First Top ကုမ္ပဏီတို့မှ မန္တလေးတိုင်းဒေသကြီးအတွင်း မန္တလေး၊ ကျောက်ဆည်၊ မိတ္ထီလာနှင့် မြင်းခြံခရိုင်များရှိ စားအုန်းဆီလက်လီ၊ လက်ကားဖြန့်ဖြူးရောင်းချသည့် ဆီ အရောင်းဆိုင်များသို့(၁၃.၆.၂၀၂၂)နေ့တွင် စားအုန်းဆီ (၁၂၉၆)ပေပါ၊ (၁၄.၆.၂၀၂၂)နေ့တွင် စားအုန်းဆီ(၄၀၅)ပေပါ၊ စုစုပေါင်းစားအုန်းဆီ ၁၇၀၁ ပေပါ (၁၈၇၁၁၀)ပိဿာအား ဖြန့်ဖြူး ရောင်းချပေးခဲ့ရာ အဆိုပါဆီအရောင်းဆိုင်များမှ ရန်ကုန်အထိုင်ဈေး ရည်ညွှန်းလက်ကားဈေးနှုန်း အပေါ် သယ်ယူပို့ဆောင်ခကုန်ကျစရိတ်များထပ်ပေါင်း၍ ၂ ရာခိုင်နှုန်းအမြတ်ထက် မပိုသော ဈေးနှုန်းဖြင့် ဈေးကွက်အတွင်း ပြန်လည်ဖြန့်ဖြူးရောင်းချပေးရမည်ဖြစ်ပြီး ကွင်းဆင်းကြပ်မတ် ဆောင်ရွက်ရာတွင် မန္တလေးတိုင်းဒေသကြီးအတွင်း ဆီအရောင်းဆိုင်များမှ (၁၄.၆.၂၀၂၂)နေ့မှ (၂၂.၆.၂၀၂၂) နေ့ထိ စားအုန်းဆီ ၁၃၃၀ ပေပါ(၁၄၆၃၀၀)ပိဿာအား တစ်ပိဿာလျှင် (၆၀၀၀) ကျပ်ဖြင့် ပြန်လည်ရောင်းချပေးလျက်ရှိပြီး လူတစ်ဦးလျှင် တစ်ပိဿာ ရောင်းချပေးခဲ့ကြောင်း သိရှိရသည်။ မန္တလေးဈေးကွက်အတွင်း စားအုန်းဆီလက်ရှိဈေးနှုန်းအနေဖြင့် တစ်ပိဿာလျှင် (၇၃၀၀-၇၄၀၀)ကျပ်ဈေးဖြစ်ပေါ်လျက်ရှိသဖြင့် စားသုံးသူပြည်သူများအနေဖြင့် ပြင်ပပေါက်ဈေး ထက် လျော့နည်းသက်သာစွာ ဝယ်ယူရရှိနိုင်ခဲ့ကြောင်း သိရှိရသည်။

DOCA(မန္တလေး)

          စားသုံးသူရေးရာဦးစီးဌာန၊ ကျိုက်လတ်မြို့နယ်၊ မြို့နယ်တာဝန်ခံနှင့်ဝန်ထမ်းသည် ကျိုက်လတ် မြို့နယ် သမက်ပြေကျေးရွာရှိ ပြည်သူများအား  (၁၉.၆.၂၀၂၂)ရက်‌နေ့ (၀၉:၀၀) နာရီမှ  (၁၀:၀၀) နာရီထိ  ကျိုက်လတ်မြို့နယ်  သမတ်ပြေကျေးရွာရှိ သူရိန်လင်းဆန်စက်၌  စာသုံးသူအသိပညာပေး  ဟောပြောပွဲ ကို ပြုလုပ်ဆွေးနွေးဆောင်ရွက်ခဲ့ပါသည်။

          အဆိုပါဟောပြောပွဲတွင် ကျိုက်လတ်မြို့နယ်တာဝန်ခံမှစားသုံးသူကာကွယ်ရေးဥပဒေအကြောင်း များထဲမှ  စားသုံးသူအခွင့်အရေးများအကြောင်း၊  ကုန်အညွှန်းအမှတ်အသားနှင့်  စပ်လျဉ်းသည့်ကိစ္စများ အကြောင်း စားသုံးသူများအနေဖြင့်ပါဝင်ပစ္စည်း၊  အလေးချိန်နှင့်ထုတ်လုပ်သည့်ရက်စွဲ  ပြည့်စုံစွာဖော်ပြ ထားသောကုန်အညွှန်းအမှတ်အသားများပါဝင်သောပစ္စည်းများကို ဝယ်ယူကြရန်နှင့် ကုန်အညွှန်းအမှတ် အသားမပြည့်စုံသော ပစ္စည်းများကို  ဝယ်ယူခြင်းမပြုရန် စားသုံးသူပြည်သူများ နစ်နာဆုံးရုံးမှုမရှိအောင် ဆောင်ရွက်ကြရန်လိုအပ်ကြောင်း၊ စားသုံးသူအခွင့်အရေးနှင့်  တာဝန်များကိုချပြရှင်းလင်းခြင်း၊  စားသုံး သူနစ်နာဆုံးရုံးမှု  တစ်ရပ်ရပ်ကိုတိုင်ကြားလိုပါက  လူကိုတိုင်လည်းကောင်း၊  လူထုဆက်သွယ်ရေးနည်း လမ်းတစ်ခုခုဖြစ်သောလည်းကောင်း  သက်ဆိုင်ရာဦးစီးမှူးရုံးသို့ သက်သေခံအထောက်အထားနှင့်အတူ တိုင်ကြားနိုင်ကြောင်းနှင့်     စားသုံးသူများနစ်နာမှုများရှိလာပါက    အရေးဆိုတိုင်ကြားနိုင်သည့်   Call Center  1535 သို့ ဆက်သွယ်တိုင်ကြားနိုင်ကြောင်း ရှင်းလင်းပြောကြားခဲ့ပါသည်။

DOCA(ဧရာဝတီ)

         စစ်ကိုင်းတိုင်းဒေသကြီး၊ ရွှေဘိုခရိုင်၊ စားသုံးသူရေးရာဦးစီးဌာနမှ ဦးဆောင်၍ ၂၀၂၂ခုနှစ်၊ ဇွန်လ ၂၃ရက်နေ့ နံနက် (၁၀:၀၀)အချိန်တွင် ရွှေဘိုတက္ကသိုလ် ရတနာသိင်္ဃခန်းမတွင် စားသုံးသူ ကာကွယ်ရေး အသိပညာပေးဟောပြောပွဲကျင်းပခဲ့ပါသည်။

      အခမ်းအနားတွင် ရွှေဘိုတက္ကသိုလ်ပါမောက္ခ ဒေါက်တာသီတာအောင်(ဥပဒေဌာန)က စားသုံးသူများအတွက် စားသုံးသူကာကွယ်ရေးဥပဒေရှိပြီး စားသုံးသူအခွင့်အရေးများကို  သိရှိရန် လိုအပ်ကြောင်း၊ စားသုံးသူကာကွယ်ရေးဥပဒေကို လိုက်နာရမည်ဖြစ်ကြောင်း၊ ယခုကဲ့သို့ လာရောက် ဆွေးနွေးဟောပြောပေးသည်အတွက် ကျေးဇူးအထူးတင်ရှိကြောင်း အဖွင့်အမှာစကား ပြောကြားခဲ့ပါသည်။ စားသုံးသူရေးရာဦးစီးဌာနမှ ခရိုင်ဦးစီးမှူးဦးဇော်မင်းသိန်းမှ စားသုံးသူရေးရာဦးစီးဌာန ပေါ်ပေါက်လာပုံ၊ ဌာနမှဆောင်ရွက်လျက်ရှိသော လုပ်ငန်းများအကြောင်း၊ စားသုံးသူရေးရာဦးစီးဌာန၏ Vision၊ Missionများ၊ ဥပဒေအခန်း(၁၈)ပါ ကုန်အညွှန်းအမှတ်အသားအကြောင်းများ၊  ဝက်လက်မြို့နယ် တာဝန်ခံ ဦးမျိုးအောင်မှ စားသုံးသူကာကွယ်ရေးဉပဒေပါ စားသုံးသူအခွင့်အရေးနှင့် တာဝန်များ၊  စီးပွားရေးလုပ်ငန်းရှင်၏ တာဝန်များအကြောင်းနှင့် ဒု-ခရိုင်ဦးစီးမှူး ဒေါ်နှင်းနှင်းခိုင်မှ ဌာနသို့ဆက်သွယ်တိုင်ကြားနိုင်သည့် နည်းလမ်းများအကြောင်း၊ တိုင်ကြားရာတွင် လူကိုယ်တိုင်သော်လည်းကောင်း၊ ဖုန်းဖြင့်သော်လည်းကောင်း၊ Onlineဖြင့်သော်လည်းကောင်း တိုင်ကြားနိုင်ကြောင်း၊ စားသုံးသူရေးရာဌာနခွဲနှင့် ထုတ်ကုန်လုံခြုံစိတ်ချရမှုဌာနခွဲ၏ လုပ်ဆောင်ချက်များ အကြောင်းဆွေးနွေးခဲ့ပြီး  စားသုံးသူရေးရာဦးစီးဌာနနှင့်ပတ်သက်သော သတင်းအချက်အလက်များအား သိရှိစုံစမ်းလိုလျှင် www.doca.gov.mm Website နှင့် DOCA Myanmar Moblie Application တွင်ဝင်ရောက်လေ့လာနိုင်ကြောင်း၊ စားသုံးသူရေးရာဦးစီးဌာန၏ Facebook Page တွင်လည်း ကြည့်ရှုနိုင်ကြောင်း၊ Consumer Call Centerများသို့ ဆက်သွယ်စုံစမ်းနိုင်ကြောင်းနှင့် ကုန်စည်နှင့် ဝန်ဆောင်မှုများကြောင့် စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများ ဖြစ်ပေါ်ခဲ့ပါက တိုင်ကြားနိုင်ကြောင်း အကျယ်တဝင့် ရှင်းလင်းဆွေးနွေးခဲ့ပါသည်။

           အဆိုပါဆွေးနွေးပွဲသို့ ကျောင်းသား/ကျောင်းသူ(၁၅၀)ဦး၊ ဆရာ/ဆရာမ(၂၅)ဦးနှင့် လေ့လာသူ(၁၀)ဦးတက်ရောက်ခဲ့ပြီး စားသုံးသူ အသိပညာပေးလက်ကမ်းစာစောင် (၁၈၅)  စောင်ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဝန်ထမ်းများသည် ၂၃-၆-၂၀၂၂ရက် (ကြာသပတေးနေ့)၊ နံနက် ၁၀နာရီအချိန်တွင် ဘားအံမြို့ အမှတ်(၄)ရပ်ကွက်ရှိ အခြေခံပညာ မူလတန်းကျောင်းတွင် ကျောင်းကျန်းမာရေးကော်မတီအဖွဲ့ဝင်များနှင့် ပူးပေါင်း၍ အသိပညာပေး ဟောပြောပွဲ ကျင်းပခဲ့ကြောင်း သိရှိရပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာနမှ ဦးစီးအရာရှိ ဦးမျိုးဝင်းနိုင်က အဖွင့်အမှာ စကားပြောကြားပြီး အကြီးတန်းစာရေး ဒေါ်စုနွေးသီရိမောင်က စားသုံးသူအခွင့်အရေးများနှင့် တာဝန်များအကြောင်းကို ရှင်းလင်းပြောကြားခဲ့ပါသည်။ ထို့နောက် အငယ်တန်းစာရေး ဒေါ်မိခင် သူဇာက ကုန်အညွှန်းအမှတ်အသား၏ အဓိပ္ပါယ် ဖွင့်ဆိုချက်ကို ရှင်းလင်းပြောကြားခဲ့ပြီး စားသုံးသူ များလုံခြုံစိတ်ချရမှုရှိစေရန်အတွက် ကုန်စည်များဝယ်ယူရာတွင် ကုန်အညွှန်းအမှတ်အသားကို သေချာစွာဖတ်ရှုပြီးမှ ဝယ်ယူတတ်စေရန် လက်တွေ့သရုပ်ပြမှုများနှင့် ရှင်းလင်းပြော ကြားခဲ့ပြီး ဟောပြောပွဲတွင် ဆရာ/ဆရာမ နှင့် ကျောင်းသား/ကျောင်းသူ   ( ၁၆၁ ) ဦး တက်ရောက်ခဲ့ပြီး စားသုံးသူအသိပညာပေးလက်ကမ်းစာစောင်များလည်း ဖြန့်ဝေခဲ့ကြောင်း သတင်းရရှိပါသည်။

DOCA(ကရင်)

          ပဲခူးတိုင်းဒေသကြီး၊သာယာဝတီခရိုင် ၊ ဇီးကုန်းမြို့နယ်တွင် သားငါးကဏ္ဍ ဖွံ့ဖြိုးတိုးတက်စေရေး အထောက်အကူ ပြုနိုင်သည့် တိရိစ္ဆာန်အစာပင် အာဟာရပြည့်ဝ နေဗီယာ မြက်အခမဲ့မျိုး ဖြန့်ဝေပေးမှု စိုက်ပျိုးခြင်းလုပ်ငန်းကို (၂၁.၆.၂၀၂၂)ရက်နေ့ ၊ နံနက် ၉ :၀၀ နာရီအချိန်တွင် မြို့နယ်စီမံ အုပ်ချုပ်ရေးအဖွဲ့ ၊ တိ/မွေးကု ဌာန၊ ကျေးလက်ဦးစီးဌာန၊ စီမံကိန်းဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန ၊ စိုက်ပျိုးရေး ဦးစီးဌာန ၊ မြေစာရင်းဦးစီးဌာန ၊ မြို့နယ်ရဲတပ်ဖွဲ့ ၊ စားသုံးသူရေးရာဦးစီးဌာနမှ မြို့နယ် တာဝန်ခံ ပါဝင်သော ပူးပေါင်းအဖွဲ့သည် ဒေသခံဖြစ်သော ဆန်စပါး အသင်းဝင် ဦးကျော်ဦး၏ လယ်မြေ ၂ ဧက၌ အခမဲ့စိုက်ပျိုးပေးနေမှုအား တွေ့ရှိရပါသည်။

          ဒေသခံပြည်သူများအနေဖြင့် အစာစရိတ်သက်သာပြီး အာဟာရပြည့်ဝသည့် နေဗီယာ မြက် စိုက်ပျိုးမှုအပေါ် စိတ်ဝင်စားစေရန် ရည်ရွယ်၍ မွေးမြူရေးနှင့် ကုသရေးဦးစီးဌာနမှ မိုးရာသီ တိရိစာ္ဆန် အစာပင် စိုက်ပျိုးခြင်း လုပ်ငန်းများဆောင်ရွက်ပေးလျက်ရှိပါသည်။

         နေဗီယာမြက် စိုက်ပျိုးမှုပြုလုပ်နေသော ဦးကျော်ဦးမှ မွေးမြူထားသော နို့စားနွားမ ၃ကောင် ၊ အညာနွား ၁၂ကောင်၊ စုစုပေါင်း ၁၅ကောင် မွေးမြူထားရှိရာ အစာဖူလုံမှု ရှိစေရန်အတွက် စိုက်ပျိုးခြင်း ဖြစ်ကြောင်း၊ ယခုနှစ် (၂၁၂၁-၂၀၂၂)တွင် နေဗီယာမြက်စိုက်ပျိုးပြီးစီးမှု ၈ ဧကရှိပြီး မွေးမြူရေး သမားများကို စိုက်ပျိုးရေးဦးစီးဌာနမှ  အခမဲ့ မျိုးယူစိုက်ပျိုးခဲ့မှုမှာ ယခုအချိန်တွင် ၁၂ဧက မျိုးဖြန့်ဝေ ပေးခဲ့ပြီးဖြစ်ကြောင်း စိုက်ပျိုး‌ရေးဦးစီးဌာနမှ ဒေါက်တာ ဦးဇော်မင်းဦး လက်ထောက်ညွှန်ကြားရေးမှူး ထံမှ သိရှိရပါသည်။

စားသုံးသူရေးရာဦးစီးဌာန(ပဲခူးတိုင်းဒေသကြီး)