သတင်းနှင့် လှုပ်ရှားမှုများ

         ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ ဖျာပုံခရိုင်၊ ဒေးဒရဲမြို့နယ်တာဝန်ခံနှင့် ဝန်ထမ်းတို့သည် (၁၉.၆.၂၀၂၂)ရက်နေ့ (၀၉:၀၀)နာရီအတွင်း လေးကျေးရွာသို့ ကွင်းဆင်း၍ စားသုံးသူကာကွယ်ရေး ဟောပြောပွဲဆွေးနွေးခြင်းနှင့် ထုတ်ကုန်များ လုံခြုံစိတ်ချရမှုရှိစေရေးအတွက် ကျေးရွာ အတွင်းရှိ ကုန်စုံဆိုင်များအား ကွင်းဆင်းစစ်ဆေးခဲ့ပါသည်။

          အဆိုပါ ဟောပြောဆွေးနွေးပွဲတွင်  စားသုံးသူကာကွယ်ရေးဥပဒေနှင့်ပတ်သက်၍  စားသုံးသူကာကွယ်ရေးဆိုင်ရာ  အကြောင်းအရာများ၊ စားသုံးသူများ လုံခြုံစိတ်ချရမှုရှိစေရေးအတွက် စားသုံးသူအခွင့်အရေးနှင့် စားသုံးသူများအကျိုးစီးပွား  ကာကွယ်ရေးဆောင်ရွက်ချက်များ၊ စားသုံးသူများအနေဖြင့် ကုန်ပစ္စည်းနှင့် ဝန်ဆောင်မှုများ  ဝယ်ယူခြင်းမပြုမီ  သတိပြုဆောင်ရွက်ရမည်အချက်များ၊  ကုန်စည်နှင့်  စပ်လျဉ်း၍ အာမခံပေးထားမှုအပေါ် စာသုံးသူက  တောင်းဆိုနိုင်သည့်အခွင့်အရေးများ၊ မည်သည့်စီးပွားရေး လုပ်ငန်းရှင်မဆို   ကုန်အညွှန်းအမှတ်အသား  ဖော်ပြခြင်းနှင့်  စပ်လျဉ်း၍  ကုန်စည်အမျိုးအစားအလိုက် သတ်မှတ်ချက်များနှင့် အညီသိသာထင်ရှားစွာဖော်ပြရမည်အချက်များ၊ ဥပဒေပုဒ်မ (၄၁) ၊ပုဒ်မခွဲ (ခ) နှင့် (ဆ) တို့ပါ ကုန်အညွှန်းအမှတ်အသား‌ဖော်ပြရာတွင် မြန်မာဘာသာဖြင့်ဖြစ်စေ၊  မြန်မာဘာသာနှင့် အခြားဘာသာတစ်ခု သို့မဟုတ်  တစ်ခုထက်ပို၍  တွဲလျက်ဖြစ်စေဖော်ပြထားသည့်  ကုန်ပစ္စည်းများ၊ သတိထား ရွေးချယ်ချယ်ရမည့်အချက်များ၊ ဓာတုဆိုးဆေး၊ တာရှည်ခံဆေး၊ ပိုးသတ်ဆေးများ အသုံးပြုခြင်းကြောင့် ဖြစ်ပေါ်တက်သည့် ဘေးအန္တရာယ်များအကြောင်း အသိပေးဟောပြောဆွေးနွေးပြီး မိမိတို့စားသုံးသူရေးရာဦးစီးဌာန အနေဖြင့်လည်း  ကုန်စည်နှင့်ဝန်ဆောင်မှုများ လုံခြုံစိတ်ချရမှုရှိစေရေး အသိပညာပေးခြင်း ဘေးအန္တရာယ်ရှိသော  ကုန်စည်နှင့်ဝန်ဆောင်မှုများ ဈေးကွက်အတွင်းမှ  ပြန်လည်သိမ်းဆည်းစေရေး၊ တားမြစ်ရေးများကို အခါမလပ်ကြိုးစားအားထုတ် ဈေးကွက်စောင့်ကြည့်စစ်‌ဆေးခြင်းများ ပြုလုပ်လျက်ရှိကြောင်း အသိပေးဟောပြော ဆွေးနွေးခြင်းများဆောင်ရွက်လျက်ရှိနေကြောင်းဟောပြော ဆွေးနွေးခဲ့ပါသည်။

DOCA(ဧရာဝတီ)

       ရခိုင်ပြည်နယ် စားသုံးသူရေးရာဦးစီးဌာန၊ သတွဲခရိုင်ဦးစီးမှူးရုံးမှ ခရိုင်ဦးစီးမှူး ဦးဝင်းနိုင်သည် သံတွဲခရိုင် FDA၊ အသေးစားစက်မှုလုပ်ငန်းဦးစီးဌာန၊ မြို့နယ်ကျန်းမာရေး၊ မြို့နယ် ရဲတပ်ဖွဲ့တို့နှင့်ပူးပေါင်းကာ (၂၀-၆-၂၀၂၂)နေ့ နံနက် (၁၀:၀၀)အချိန်တွင် သံတွဲမြို့ ဦးဥတ္တမလမ်းရှိ ကိတ်မုန့်၊ ပေါင်မုန့်များထုတ်လုပ်ဖြန့်ဖြူး ရောင်းချနေသော ဇေယျာမုန့်တိုက်သို့ သွား‌ရောက်၍ ထုတ်ကုန်လုံခြုံစိတ်ချရမှုရှိစေရေး  လုပ်ငန်းရှင်နှင့်တွေ့ဆုံဆွေးနွေးအသိပညာပေးခြင်း ဆောင်ရွက်ခဲ့ပါသည်။

          အဆိုပါ အသိပညာပေး‌ဟောပြောရာတွင် သံတွဲခရိုင်ဦးစီးမှူး ဦးဝင်းနိုင်၊ ဦးစီးအရာရှိက စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် ထုတ်လုပ်သည့်ကုန်စည်ပေါ်တွင် ကုန်အညွှန်းမှတ်အသား ဖော်ပြခြင်းဆိုင်ရာအချက်အလက်များအား ရှင်းလင်းပြောကြားခြင်း၊ လုပ်ငန်းရှင်များအနေဖြင့် သတ်မှတ်ကုန် အညွှန်းအမှတ်အသားဖော်ပြခြင်းမရှိပါက ၂၀၁၉ စားသုံးသူကာကွယ်ရေးဥပဒေအရ အရေးယူ ဆောင်ရွက်နိုင်ကြောင်း အကျယ်တဝင့် ရှင်းလင်းပြောကြားခြင်း၊ ကုန်စည်၏ တံဆိပ်အမှတ်အသား မူပိုင်ခွင့်လျှောက်ထားနိုင်ရေးဆွေးနွေးခြင်း၊ သံတွဲခရိုင်  FDA မှ ဒေါက်တာရဲမင်းသိန်းက လုပ်ငန်းခွင် သန့်ရှင်းသပ်ရပ်ရေး၊ ကုန်ကြမ်းပစ္စည်းများ၏ စံချိန်စံညွှန်း၊ ကုန်ချောပစ္စည်းများ လုံခြုံစိတ်ချနိုင်ရေး အတွက် FDAမှ ဓါတ်ခွဲစမ်းသပ်ဆောင်ရွက်နေမှု အခြေအနေ၊ FDA၏ ခွင့်ပြုလိုင်စင်လျှောက်ထားနိုင် ရေးတို့အား လည်းကောင်း၊ မြို့နယ်ကျန်းမာရေးဦးစီးဌာနမှ ဒေါ်စုလေးနိုင်က မုန့်ဖုတ်လုပ်သားများ ၏ တစ်ကိုယ်ရေသန့်ရှင်းရေး၊ သုံးစွဲပြီးရေဆိုးရေညစ်များ စနစ်တကျ စွန့်ထုတ်ရေး၊ လုပ်ငန်းခွင် ဘေးအန္တရာယ်ကင်းဝေးစေရေးတို့အားလည်းကောင်း၊ သံတွဲခရိုင်အသေးစားစက်မှုလုပ်ငန်းဦးစီး ဌာနမှူး ‌‌ဒေါ်စုမြတ်မွန်က အသေးစားစက်မှုလုပ်ငန်းလိုင်စင်လျှောက်ထားရေးနှင့် နည်းပညာဖြန့်ဝေ ပေးမှုအခြေအနေတို့အား ရှင်းလင်းပြောကြားခဲ့ပါကြောင်း သတင်းရရှိပါသည်။

DOCA(ရခိုင်)

          စားသုံးသူရေးရာဦးစီးဌာန၊ ညောင်တုန်းမြို့နယ်၊ မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် (၂၁.၆.၂၀၂၂) ရက်နေ့တွင် ကျန်းမာရေးဦးစီးဌာနနှင့် ပူးပေါင်း၍ ညောင်တုန်း အ.ထ.က(၁) စာသင်ကျောင်း၌ စားသုံးသူကာကွယ်ရေး အသိပညာပေး ဟောပြောပွဲ ပြုလုပ်ခဲ့ကြပါသည်။ 

             အဆိုပါ အသိပညာပေးဟောပြောပွဲတွင် မိတ်ဖက်ဌာနဖြစ်သော ကျန်းမာရေးဦးစီးဌာနက ကျန်းမာရေးနှင့် သိကောင်းစရာများအကြောင်း အသိပညာပေးဟောပြောမှုများ ပြုလုပ်ခဲ့ကြပါသည်။

            ဆက်လက်၍ စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်လွင် က စားသုံးသူရေးရာဦးစီးဌာန၏ သမိုင်းကြောင်း၊ ဌာန၏ မျှော်မှန်းချက် ရည်မှန်းချက်နှင့်  စားသုံးသူအခွင့်အရေးနှင့် စားသုံးသူများလိုက်နာရမည့် တာဝန်များအကြောင်း၊ လုပ်ငန်းရှင်တို့၏ တာဝန်များ လိုက်နာရမည့် အချက်များနှင့် စားသုံးသူများ ကုန်စည်ကို ရွေးချယ်ဝယ်ယူ အသုံးပြုရာတွင် ကုန်အညွှန်းအမှတ်အသားပါဝင်သော ကုန်စည်များကိုသာ ရွေးချယ်ဝယ်ယူကြရန်နှင့်  ကုန်စည်ဝယ်ယူအသုံးပြုရာတွင် နစ်နာဆုံးရှုံးမှု ရှိလာပါက နစ်နာဆုံးရှုံးမှုအတွက် စားသုံးသူရေးရာ ဦးစီးဌာနသို့ တိုင်ကြားနိုင်ကြောင်း၊ စားသုံးသူကာကွယ်ပေးရေး လုပ်ငန်းများအကြောင်းသိရှိလိုပါက www. doca. gov. mm Website တွင် ဝင်ရောက်လေ့လာနိုင်ကြောင်း အသိပညာပေးဆွေးနွေးခဲ့ပါသည်။ ထို့နောက် တက်ရောက်လာသော ကျောင်းသား/သူများက သိရှိလိုသည်များကို မေးမြန်းခဲ့ရာ မြို့နယ်ဦးစီးမှူးမှ အပြန်အလှန့််ရှင်းလင်း ဖြေကြားခဲ့ပြီး စားသုံးသူအသိပညာပေး လက်ကမ်းစာစောင်များ ဖြန့်ဝေခဲ့ပါသည်။

ဟောပြောပွဲသို့ ကျောင်းသား/ ကျောင်းသူများ၊ ဆရာ/ ဆရာမများ စုစုပေါင်း(၂၄၀) ဦး တက်ရောက်ခဲ့ပြီး နေ့လယ် ၁:၀၀ နာရီအချိန်တွင် ပြီးဆုံးခဲ့ကြောင်း သတင်းရရှိပါသည်။

DOCA(ဧရာဝတီ)

           စားသုံးသူရေးရာဦးစီးဌာန၊ ကချင်ပြည်နယ်၊ ဗန်းမော်ခရိုင်ဦးစီးမှူးရုံးမှ ဦးအောင်မြင့်မြတ် (အကြီးတန်းစာရေး)သည် ၂၂.၆.၂၀၂၂ ရက်နေ့တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ဗန်းမော်မြို့၊ အမှတ်(၁)အခြေခံပညာအထက်တန်းကျောင်း၊ အောင်တံခွန်ခန်းမ၌ စားသုံးသူ ကာကွယ်ရေးဆိုင်ရာ အသိပညာပေးဟောပြောပွဲ ဆောင်ရွက်ခဲ့ပါသည်။

          စားသုံးသူကာကွယ်ရေးအသိပညာပေးဟောပြောရာတွင် ဦးအောင်မြင့်မြတ် က ၂၀၁၉ စားသုံးသူကာကွယ်ရေးဥပဒေပါ စားသုံးသူ၏အခွင့်အရေးနှင့်တာဝန်များ၊ ကုန်စည်နှင့် စပ်လျဉ်း၍ အာမခံထားမှုအပေါ် စားသုံးသူကတောင်းဆိုနိုင်သည့်အခွင့်အရေးများ၊ ကုန်စည်များကို ဝယ်ယူအသုံးပြုရာတွင် သတင်းအချက်အလက်ပြည့်စုံစွာရရှိနိုင်စေရန် ကုန်အညွှန်းအမှတ်အသားတွင် ပါဝင်သည့် သတင်းအချက်အလက်များအားသေချာစွာဖတ်ရှု့ရန်နှင့် စားသုံးသူနစ်နာဆုံးရှုံးမှုများ အတွက်တိုင်ကြားနိုင်ရန် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) ရုံးခန်းကို စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးတွင် ဖွင့်လှစ်ထားကြောင်း အသိပညာပေးဟောပြောခဲ့ပါသည်။ ဟောပြောပွဲသို့ ဆရာ၊ ဆရာမများနှင့် အထက်တန်းအဆင့် ကျောင်းသား၊ကျောင်းသူ(၁၅၀)ဦးတို့ တက်ရောက်ခဲ့ကြောင်းသတင်းရရှိပါသည်။

စားသုံးသူရေးရာဦးစီးဌာန

ကချင်ပြည်နယ်

            ဧရာဝတီတိုင်းဒေသကြီး ၊ စားသုံးသူရေးရာဦးစီးဌာန လပွတ္တာခရိုင် ၊လပွတ္တာမြို့နယ်တာဝန်ခံ    ဦးမြင့်ဌေးသည်  (၂၁.၆.၂၀၂၂) ရက်နေ့ နံနက်(၁၁:၀၀) နာရီတွင် အမှတ်(၆) ရပ်ကွက် ဘုရားလမ်း ရှိ ကုန်မျိုးစုံဆိုင်များသို့ သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ဈေးကွက်စောင့်ကြည့်စစ်ဆေးရာတွင် အမှတ်(၆)ရပ်ကွက်၊ ဘုရားလမ်းရှိကုန်မျိုးစုံ   ဆိုင်ရှင်များအား စားသုံးသူကာကွယ်ရေး ဥပဒေ ၂၀၁၉  ပါပြဌာန်းချက်များအရ စားသုံးသူ၏ အခွင့်    အရေးနှင့်တာဝန်များ ၊စီးပွားရေးလုပ်ငန်းရှင်၏တာဝန်များ ၊ တားမြစ်ချက်များ၊   ပြစ်မှုပြစ်ဒဏ်များ    စားသုံးသူကာကွယ်ရေးအခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍မည်သည့်   စီးပွားရေးလုပ်ငန်းရှင်မဆို (ပုဒ်မ ၄၁) ပုဒ်မ ခွဲ(ခ) နှင့်(ဆ)တို့ပါ ကုန်အညွှန်းအမှတ်အသားဖော်ပြ    ရာတွင်မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့) တစ်ခုထက်ပို၍     တွဲလျှက်ဖြစ်စေရေးသားဖော်ပြရမည်ဖြစ်ပြီး ၊ ကုန်စည်အမျိုးအစားအလိုက် သတ်မှတ်ချက်များနှင့်    အညီလိုက်နာဆောင်ရွက်ကြရန် စီးပွားရေးလုပ်ငန်းရှင် ဆိုင်ရှင်များအားရှင်းလင်းမှာကြားခဲ့ကြောင်း    သိရှိရပါသည်။      

DOCA(ဧရာဝတီ)