သတင်းနှင့် လှုပ်ရှားမှုများ

       ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ သာယာဝတီခရိုင်၊ ကြို့ပင်ကောက်မြို့နယ် ဉက္ကံကျေးရွာတွင် ဖွင့်လှစ်ရောင်းချလျက်ရှိသော ကိုဇော်သက်ဆီဆိုင်နှင့်  KPO ဆီဆိုင် ၊ ဂုမ္မကွင်းကျေးရွာမှ ဓနသီဟဆီဆိုင်၊ လက်ပံပင်စုကျေးရွာမှ 2000  ဆီဆိုင်၊ Denko  ဆီဆိုင်များသို့ ၁၆.၆.၂၀၂၂ ရက်နေ့ နံနက်ပိုင်းတွင် သာယာဝတီခရိုင်ဦးစီးမှူး ဦးအောင်သိန်း၊ ကြို့ပင်ကောက်မြို့နယ်တာဝန်ခံ ဒေါ်ရီရီရှိန်နှင့် ဝန်ထမ်းများက ဈေးကွက်စောင့်ကြည့် စစ်ဆေးခဲ့ပါသည်။

          ၎င်းဆီဆိုင် ၅ ဆိုင်သည် ရန်ကုန်-ပြည်ကားလမ်းဘေးတွင် တည်ရှိပြီး  နေ့စဉ်ပုံမှန်ရောင်းချ လျှက်ရသော  စက်သုံးဆီများအား သတ်မှတ်သောနှုန်းထားတက်ပိုမို ရောင်းချမှု ရှိ/မရှိ ၊ ရောင်းချနေသော စက်သုံးဆီအမျိုးအစား (၄) မျိုး၏ ဈေးနှုန်းအခြေအနေများ ၊ ဆီကုမ္ပဏီများမှ ရောက်ရှိ လာသော ဆီဘောက်ဆာ ကားအဝင်စာရင်း၊ ကားနံပါတ်၊ ဆီဂါလံနှင့် ရောက်ရှိသောနေ့ အချိန်များအား စားသုံးသူရေးရာဦးစီးဌာန ၊ သာယာဝတီခရိုင်ဦးစီးမှူးရုံးနှင့် ချိတ်ဆက်ဆောင်ရွက်ပေးပါရန် ဆီအရောင်း တာဝန်ခံများနှင့် တွေ့ဆုံ၍ ဆွေးနွေးမေးမြန်းပြီး ဈေးနှုန်းဈေးကွက် အခြေအနေများအား စောင့်ကြည့်စစ်ဆေးခဲ့ပါသည်။

DOCA(ပဲခူး)

          စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဦးစီးအရာရှိ ဦးမျိုးဝင်းနိုင်နှင့် ဝန်ထမ်းများသည် ၂၂-၆-၂၀၂၂  ရက် (ဗုဒ္ဓဟူးနေ့) ၊ နံနက် (၁၀:၀၀) နာရီအချိန်တွင် ကရင်ပြည်နယ်၊ ဘားအံမြို့ ရှိ အ.မ.က (၃)မူလွန်ကျောင်းတွင် မြို့နယ်ကျောင်းကျန်းမာရေးကော်မတီအဖွဲ့ဝင်များနှင့် ပူးပေါင်း၍ အသိပညာပေး ဟောပြောပွဲ ကျင်းပခဲ့ကြောင်း သိရှိရပါသည်။

          အဆိုပါဟောပြောပွဲတွင် သက်ဆိုင်ရာမိတ်ဖက်ဌာနများမှ မိမိတို့သက်ဆိုင်သည့်ဌာနအလိုက် အကြောင်းအရာများကို ဆွေးနွေးခဲ့ပြီး စားသုံးသူရေးရာဦးစီးဌာနမှ ဦးစီးအရာရှိ ဦးမျိုးဝင်းနိုင်က စားသုံးသူကာကွယ်ရေးဆိုင်ရာ သိကောင်းစရာများကိုလည်းကောင်း၊ အကြီးတန်းစာရေး ဒေါ်စုနွေး သီရိမောင်က ထုတ်ကုန်လုံခြုံစိတ်ချရမှုရှိသော အစားအသောက်နှင့် ကုန်စည်များကို စနစ်တကျ ရွေးချယ်ဝယ်ယူ စားသောက်သုံးစွဲတတ်စေရန် ကုန်အညွှန်းအမှတ်အသားအကြောင်းကိုလည်းကောင်း အသီးသီးရှင်းလင်းပြောကြားခဲ့၍ ကျောင်းအုပ်ဆရာမကြီး (၁)ဦး၊ ဆရာ/ဆရာမ (၁၂)ဦးနှင့် ကျောင်းသား၊ကျောင်းသူ စုစုပေါင်းဦးရေ (၁၆၇)ဦး တက်ရောက်ပြီး  ဥပဒေစာအုပ်နှင့် လက်ကမ်းစာစောင်များလည်း ဖြန့်ဝေခဲ့ကြသည်။ ထို့နောက် စားသုံးသူရေးရာဦးစီးဌာန၊ မြို့နယ်ကျောင်းကျန်းမာရေးကော်မတီအဖွဲ့ဝင်များနှင့် ပူးပေါင်း၍ ကျောင်းဝန်းအတွင်းရှိ ကျောင်းမုန့်ဈေးတန်းတွင် အစားအသောက်များ ဘေးအန္တရာယ်ကင်းရှင်းရေးနှင့် ထုတ်ကုန်များလုံခြုံစိတ်ချမူရှိစေရေးတို့ကို စစ်ဆေးခဲ့ကြသည်။

          စားသုံးသူရေးရာဦးစီးဌာနသည် စားသုံးသူကာကွယ်ရေးဆိုင်ရာအကြောင်းအရာများကို ဦးတည်နေရာ (၁၂) နေရာတွင် အသိပညာပေးဟောပြောခြင်းများဆောင်ရွက်နေသကဲ့သို့ စားသုံးသူကာကွယ်ရေးဥပဒေ ၂၀၁၉ ပါ ကုန်အညွှန်းအမှတ်အသားကို ဖော်ပြနိုင်ရန်နှင့် စနစ်တကျ ရွေးချယ်စားသောက်တတ်စေရန် အသိပညာပေး၊ စစ်ဆေးခြင်းများ ဆောင်ရွက်လျက်ရှိကြောင်း သိရသည်။

DOCA(ကရင်)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊  ဟင်္သာတခရိုင်၊ ဟင်္သာတမြို့နယ်တာဝန်ခံ ဦးကျော်သည် ၂၀၂၂ ခုနှစ်၊ ဇွန်လ ၂၀ ရက်နေ့ နံနက်(၁၀:၀၀) အချိန်တွင် သုံးပင်ကွင်းရပ်ကွက်၊ တက္ကသိုလ်လမ်း၊ အ-ထ-က(၄)ကျောင်းတွင် ကျောင်းသား၊ ကျောင်းသူများနှင့် ဆရာ၊ ဆရာမ (၃၀၀)ဦးအား စားသုံးသူကာကွယ်ရေးအသိပညာပေး ဟောပြောဆောင်ရွက်ခဲ့ပါသည်။

          ဟောပြောပွဲတွင် မြို့နယ်တာဝန်ခံ ဦးမိုးကျော်မှ စားသုံးသူကာကွယ်ရေးဥပဒေကို ၂၀၁၉ခုနှစ် မတ်လ (၁၅) ရက်နေ့တွင် အခန်း း(၂၅)ခန်း၊ ပုဒ် မ(၈၄)ခုဖြင့် ပြဌာန်းခဲ့ကြောင်း၊ စားသုံးသူကာကွယ်ရေးနည်းဥပဒေများကို စီးပွားရေးနှင့ ကူးသန်းရောင်းဝယ်ရေးဝန်ကြီးဌာနမှ အမိန့်ကြော်ငြာစာအမှတ် (၉/၂၀၂၂)ဖြင့် ပြဌာန်းပြီးဖြစ်ကြောင်းတို့ကို ဟောပြောခဲ့ပြီး၊ ဥပဒေတွင် အခန်း း(၉)ပါ စားသုံးသူအခွင့်အရေးနှင့်တာဝန်များနှင့် ပုဒ်မ (၁၉)တွင်ပါရှိသော အချက် (၈)ချက်များအကြောင်း၊ အခန်း (၁၃)ပါ ဝန်ဆောင်မှုနှင့်စပ်လျဉ်း၍ အာမခံချက်ပေးခြင်းများအကြောင်းတို့ကို ရှင်းလင်းဟောပြောခဲ့ပြီး စားသုံးသူကာကွယ်ရေးဥပဒေစာအုပ်နှင့် စားသုံးသူအသိအညာပေး လက်ကမ်းစာစောင်များ ပေးဝေခဲ့ကြကြောင်း သိရှိရပါသည်။

DOCA(ဧရာဝတီ)

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီ တင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေး‌ကော်မတီကို ဖွဲ့စည်းပြီး ပြည်ပမှတင်သွင်းလာသည့် စားသုံးဆီများ သတ်မှတ်အရည်အသွေး၊ စံချိန်စံညွှန်းများနှင့် ပြည့်မီစေရေး စားသုံးသူပြည်သူများ ကျန်းမာရေးနှင့် ညီညွှတ်သော စားသုံးဆီများကို သုံးစွဲနိုင်ရေး၊ စျေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး၊ စားအုန်းဆီကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေး ထိန်းကျောင်းဆောင်ရွက်လျက်ရှိရာ (၁၉.၆.၂၀၂၂)ရက်နေ့ နံနက် (၉:၃၀)အချိန်တွင် တိုင်းဒေသကြီးဦးစီးမှူး၊ မကွေးခရိုင်ဦးစီးမှူးတို့၏ လမ်းညွှန်မှုဖြင့် စားသုံးသူရေးရာဦးစီးဌာန၊ မကွေးခရိုင်၊ ချောက်မြို့နယ်တာဝန်ခံ၊ ဒေါ်မြတ်မြတ်မိုး(ဌာနခွဲစာရေး)သည် ချောက်မြို့မှ လက္ကားရည်ညွှန်းစျေးနှုန်းဖြင့် စားအုန်းဆီဝယ်ယူခွင့်ရရှိခဲ့သည့် ဒေါ်စီစီလွင်နှင့် ဒေါ်ထွေးမြတ်နွယ်တို့၏ စားသုံးသူပြည်သူများသို့ သယ်ယူစရိတ်လုပ်သားခနှင့် အရင်းအပေါ် (၂)ရာခိုင်နှုန်းအမြတ်ဖြင့် စားအုန်းဆီရောင်းချပေးနေမှုအား ကွင်းဆင်းကြီးကြပ်ပူးပေါင်း ဆောင်ရွက်ခဲ့ပါသည်။

          ထိုသို့ကွင်းဆင်းကြီးကြပ်ရာ၌ စားသုံးသူပြည်သူများ၊ အဆင်ပြေချောမွေ့စွာ ဝယ်ယူနိုင်ရေး စားအုန်းဆီစျေးနှုန်းများ မှန်ကန်စေရေး၊ အ‌လေးချိန်ပြည့်ဝမှန်ကန်မှုရှိစေရေး၊ စားအုန်းဆီရောင်းချသည့် လုပ်ငန်းရှင်များအနေဖြင့် မိမိတို့ခွဲဝေရရှိသည့် ခွဲတမ်းများအတိုင်း ပြည့်မှီမှန်ကန်စွာရောင်းချရေး၊ ဈေးနှုန်း အဆမတန်မြှင့်တင်ရောင်းချမှုမရှိစေရေးတို့ကို ကြပ်မတ်ဆောင်ရွက်ခဲ့ပြီး နေ့စဉ်ရောင်းချမှုမှတ်တမ်းနှင့် ဓါတ်ပုံမှတ်တမ်းများအား အချိန်နှင့်တပြေးညီ နေ့စဉ်တင်ပြပေးရန် ဌာနမှသတ်မှတ်ထားသည့် စားအုန်းဆီ တင်သွင်း၊ ဖြန့်ဖြူး၊ ရောင်းချရာတွင် စားသုံးသူ ပြည်သူများ ဘေးအန္တရာယ်ကင်းရှင်းစေရေးအတွက် Food Gradeအဆင့်ရှိ  Yellow Colour Drum ၊ Clean Drumများ ပြောင်းလဲအသုံးပြုခြင်းနှင့် လုပ်ငန်းရှင်များအနေဖြင့် စားသုံးသူပြည်သူများ သက်သာချောင်ချိရေးအတွင်း နိုင်ငံတော်အစိုးရနှင့်အတူ တစ်ဘက်တစ်လမ်းမှ ပူးပေါင်းဆောင်ရွက်မှုအတွက် ဌာနမှအသိအမှတ်ပြုပါကြောင်း မှန်မှန်ကန်ကန်ရောင်းချပေးခြင်းဖြင့် အတ္တပရမျှပါကြောင်း အသိပေးရှင်းလင်း ဆွေးနွေးခဲ့ပါသည်။

DOCA(မကွေး)

           ကယားပြည်နယ်၊ စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၂ ခုနှစ်၊ ဇွန်လ (၂၀)ရက်နေ့၊ နေ့လယ်(၁၄း၀၀)နာရီအချိန်တွင်  ပြည်နယ်ဦးစီးမှူးရုံး အစည်းအဝေးခန်းမ၌ ကယားပြည်နယ် ပြောင်းအသင်းအဖွဲ့ ဖွဲ့စည်းနိုင်ရေးအတွက် ပြောင်းကုန်သည်များ၊ ပြောင်းစိုက်ပျိုးတောင်သူများနှင့် တွေ့ဆုံဆွေးနွေးပွဲပြုလုပ်ဆောင်ရွက်ခဲ့ရာ ဆွေးနွေးပွဲတွင်  ပြည်နယ်ဦးစီးမှူးနှင့်ဝန်ထမ်းများ၊ ပြောင်းကုန်သည်များ ၊ပြောင်းစိုက်ပျိုးတောင်သူများ စုစုပေါင်း (၈)ဦး တက်ရောက်ခဲ့ပါသည်။

         အဆိုပါ ဆွေးနွေးပွဲတွင် ပြည်နယ်ဦးစီးမှူး ဦးမြင့်အောင်က ပြောင်းလုပ်ငန်းရှင်များ၊ပြောင်းစိုက်တောင်သူများအနေဖြင့် ကယားပြည်နယ် ပြောင်းအသင်းဖြစ်မြောက်ရေးအတွက် စိတ်ပါဝင်စားစွာ လာရောက်ဆွေးနွေးသည့်အတွက် ကြိုဆိုလျက်ရှိပါကြောင်း၊ မိမိတို့ဌာနအနေဖြင့် လုပ်ငန်းရှင်တို့၏ အခက်အခဲများရှိပါက တတ်နိုင်သမျှကူညီချိတ်ဆက်ဆောင်ရွက်ပေးသွားမည်ဖြစ်ပါကြောင်း ပြောကြားခဲ့ပြီး တက်ရောက်လာသောလုပ်ငန်းရှင်တစ်ဦးက မြန်မာနိုင်ငံပြောင်းလုပ်ငန်းရှင်အသင်းနှင့် ကယားပြည်နယ် ပြောင်းလုပ်ငန်းရှင်များ Zoom Meeting ဖြင့် အကြိုတွေ့ဆုံရန် လိုအပ်ပါကြောင်း၊ ယခုလို တွေ့ဆုံဆွေးနွေးမှသာ ကယားပြည်နယ်ပြောင်းလုပ်ငန်းဖြစ်မြောက်ရေးအတွက် လိုအပ်သည်များကို သိရှိနိုင်မည်ဖြစ်ပါကြောင်း၊ တက်ရောက်လာသောလုပ်ငန်းရှင်များမှ သိရှိလိုသည့်အချက်များကို မေးမြန်း၍ အသီးသီးဆွေးနွေးခဲ့ပါကြောင်း သိရှိရပါသည်။

DOCA(ကယား)