သတင်းနှင့် လှုပ်ရှားမှုများ

     ၁၄-၅-၂၀၂၅နေ့ နံနက် (၀၈၃၀) နာရီအချိန်က မအူပင်ခရိုင် ညောင်တုန်းမြို့နယ်ရှိ ဝန်ထမ်းများသည် မြို့နယ်တွင်း ကြက်ဥ၊ဘဲဥရောင်းချနေသည့် အရောင်းဆိုင်များအား လက်လီ၊လက်ကား ဈေးနှုန်း ဈေးကွက်အခြေအနေများကို‌မြို့နယ် အထွေထွေအုပ်ချုပ်ရေးဦးစီးဌာန၊ နြို့နယ်စည်ပင်သာယာအဖွဲ့ တိုနှင့် ပူးပေါင်း၍ ကွင်းဆင်းစစ်ဆေးခဲ့ကြသည်။

      စစ်ဆေးဆောင်ရွက်ရာတွင် မြို့နယ်ဦးစီးမှူးရုံးမှ ဒေါ်ချီမီဇင် ဒု-ဦးစီးမှူးက ဈေးကွက်အတွင် ကြက်ဥ၊ ဘဲဥ လက်ကားအရောင်းဆိုင်(၇)ဆိုင်မှ လုပ်ငန်းရှင်တို့၏ ရောင်းချနေမှူကို မေးမြန်းဆောင်ရွက်ခဲ့ရာ မြို့နယ်အတွင် ကြက်ခြံများမှ မှာယူရောင်းချကြပြီး ဈေးနှုန်း ကြီးမြင့်စွာရောင်းချခြင်းမပြုရန်၊ လက်ရှိ ရောင်းဝယ်နေသည့် ဈေးနှုန်းတို့ကို စာရင်းကောက်ယူခဲ့ပြီး စားသုံးသူပြည်သူများကို သင့်တင်မျှတသော ဈေးဖြင့် ရောင်းချရန်နှင့် ဈေးနှုန်း နှိုင်းယှဉ်ချက် အခြေအနေများကို စိစစ်ဆောင်ရွက်လျှက်ရှိသောကြောင့် စီးပွားရေးလုပ်ငန်းရှင်များမှ ဝိသမ လောဘဖြင့် ရောင်းချမှု မပြုရန် သတ်မှတ်ချက်များအတိုင်း အများပြည်သူများကို ရောင်းချရန်တို့ကို ပြောကြား ခဲ့ကြောင်း သိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ မအူပင်ခရိုင် ညောင်တုန်းမြို့နယ် ဦးစီးမှူးရုံးမှ တာဝန်ရှိသူများသည် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့ ၊ မြို့နယ်ကျန်းမာရေးဦးစီးဌာန၊ တို့ပါဝင်သော အဖွဲ့သည် မြို့နယ်တွင် စားသုံးသူပြည်သးများ ကျန်းမာစေရန် သန့်ရှင်သော စားသောက်ကုန်များကို စားသုံးနိုင်ရန် ဝန်ဆောင်မှုနှင့် စပ်လျဉ်းသည့် စားသောက်ကုန်လုပ်ငန်း အေးမြတ် လက်ဖက်ရည်နှင့် အအေးဆိုင်၊ ရွှေဧည့်သည် စားသောက်ဆိုင်လုပ်ငန်း၊ My Day လက်ဖက်ရည်နှင့် စားသောက်ဆိုင် (၃)ဆိုင်ကို ၁၄-၅-၂၀၂၅ နံနက် (၁၁၀၀) နာရီက ကွင်းဆင်း စစ်ဆေးခဲ့ကြသည်။

     ကွင်းဆင်းစစ်ဆေးရာတွင် မြို့နယ်ဦးစီးမှူးရုံးမှ ဒေါ်ချိုမီဇင် (ဒု-ဦးစီးမှူး)က ဝန်ဆောင်မှုနှင့် စပ်လျဉ်းသော စားသောက်ကုန်လုပ်ငန်း ပိုင်ရှင်များ ရောင်းချနေမှုကို ကြည်ရှုစစ်ဆေးခဲ့ပြီး လုပ်ငန်းရှင်တို့အား စားသုံးသူအပေါ် ဝန်ဆောင်မှု ပေးခြင်းနှင့် စပ်လျဉ်း၍ စားသုံးသူ သိရှိနားလည်းစေရန် ကြိုတင် အသိပေးခြင်း၊ ဝန်ဆောင်မှု အဆင့်အတန်းအညီ ပြည်ဝစွာရောင်းချရန်၊ စားသုံးသူလိုအ်ပချက်နှင့်ကိုက်ညီမှု ရှိစေရန်၊ အာမခံထားသော အချိန်ကာလအတွင်း ဆောင်ရွက်ပေးခြင်း၊ သဘောတူညီသော ဝန်ဆောင်မှု တန်ဖိုးအတိုင်းပေးအပ်စေရန် စားသုံးသူကာကွယ်ရေးဥပဒေ အခန်း(၁၃) အချက်အလက်များကို ရှင်းလင်းခဲ့ပြီး စားသုံးသူတောင်းဆိုနိင် သည့်အခွင့်အရေးအကြောင်း တို့ကိုလည်းကောင်း အသိပေးပြောကြားခဲ့ပြီး သတ်မှတ်ချက်ကိုလိုက်နာ ဆောင်ရွက်ခြင်း မရှိပါက တည်ဆဲဥပဒေများအရ အရေးယူဆောင်ရွက်သွား မည်ဖြစ်ပြီး လုပ်ငန်းရှင်တို့အား ပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)

  မအူပင်မြို့နယ်သည် လယ်ယာစိုက်ပျိုးရေးကို အဓိကထားလုပ်ကိုင်သူ တောင်သူများရှိပြီး ဒေသဖွံ့ဖြိုး တိုးတက်ရန်အတွက် မွေးမြူရေးလုပ်ငန်းလုပ်ကိုင်လာသူ စီးပွားရေး လုပ်ငန်းရှင်မျာလည်းရှိသည်။ မွေးမြူရေးလုပ်ငန်းတွင် ငါးမွေးမြူရေးလုပ်ငန်းကို လုပ်ကိုင်ပြီး တစ်ဖက်တစ်လမ်း ဝင်ငွေပိုမိုရရှိနိုင်ရန်နှင့် ငါးမွေးမြူရာတွင် အထောက် အကူပြုစေရန်အတွက် ကြက်နှင့် ဘဲများကို ငါးကန်းများတွင် တွဲဖက်၍ မွေးမြူလာကြသည်။  စီးပွားရေး လုပ်ငန်းတစ်ခုအဖြစ် မိသားစုဘဝစာဝတ်နေရေး အဆင် ပြေစေရန်အတွက်တစ်ပိုင်တစ်နိုင်အသားတိုး ကြက်မွေးမြူရေး လုပ်ငန်းလုပ်ကိုင်ရာ အဆင်ပြေ၍ အပိုဝင်ရရှိနေကြောင်း မအူပင်ခရိုင်အတွင်း ကြက်ခြံပိုင်ရှင်တစ်ဦးထံမှ သိရသည်။

  မည်သည့် မွေးမြူရေးလုပ်ငန်းတွင်မဆို မွေးမြူသည့် တိရစ္ဆာန်အတွက် သင့်လျော်ကောင်းမွန်သည့် မွေးမြူရေးခြံကို တည်ဆောက်ပေးရန် လိုအပ်ပြီး စနစ်တကျမွေးမြူနိုင်မှသာ ဥ အထွက်ကောင်းမွန်မည်ဖြစ်သည်။ မွေးမြူသော ကြက်များကို ရာသီဥတုဒဏ်ကို ခံနိုင်ရန်အတွက် ကာကွယ်ပေးနိုင်သည့် ကြက်ခြံတည်ဆောက်ထား ရန်လိုအပ်သည်။ ပြင်းထန်သော ရာသီဥတုဒဏ်ကိုခံရသော မွေးမြူရေးကြက်များ အထွက်နှုန်းကျဆင်းနိုင်သည်။ နေ၊ မိုး၊လေ ဒဏ်များကို ခံနိုင်သည့် အဆောက်အဦးတစ်ခုမဖြစ်မနေလိုအပ်သည်။ အသားတိုးကြက်မွေးမြူပါက ပြင်ပလူနှင့် အခြားသော သတ္တဝါများ ဝင်ရောက်မှု မရှိစေရန် ကြက်ခြံကိုတည်ဆောင်ရမည်ဖြစ်သည်။ ကြက်များအား လွှတ်ထားခြင်းထက် ခြံလှောင်မွေးမြူခြင်းဖြင့် စီမံခန့်ခွဲရ ပိုမိုလွယ်ကူစေပါသည်။ ကြက်များအား အစာကျွေးခြင်း၊ ရေတိုက်ခြင်း၊ ဖမ်းယူခြင်း၊ ချိန်တွယ်ခြင်း၊ ရောင်းချခြင်း အစရှိသဖြင့် ကြက်ခြံစီမံခန့်ခွဲမှုများကို ဆောင်ရွက်ရာတွင် ခြံလှောင်ထားသည့် ကြက်များကို စီမံခန့်ခွဲမှုက ပို၍ လွယ်ကူစေမည် ဖြစ်ပါသည်။  တစ်ပိုင်တစ်နိုင် ကြက်မွေးမြူရေးလုပ်ငန်းတွေမှ ကြက်ဥနှင့် ဘဲဥများ ထွက်ရှိမှုနှင့် ရောင်းအား ကောင်းမွန် လာမှုကြောင့် တိုးချဲ့မွေးမြူလုပ်ကိုင်လာပြီး အခြားဒေသများသို့လည်း တင်ပို့ရောင်းချလာနိုင်ခဲ့သည်။ ကြက်မွေးမြူရေး လုပ်ငန်းလုပ်ကိုင်ရာတွင် သွင်းအားစုတွေဖြစ်တဲ့ အစာနဲ့ ဆေးဈေးများ အနည်းငယ်မြင့်တက်လာပြီး ကြက်ခြံဆောက် လုပ်ရေးစရိတ်လည်း အနည်းငယ်မြင့်တက်လာသည်၊ အထွေထွေ ကုန်ကျစရိတ်နဲ့ လုပ်အားခတွေပါ မြင်တက်လာ သောကြောင့် ယနေ့ ကြက်ဥ ဈေးနှုန်း ဈေးကွက်မြှင့် တက်လာ ခြင်းဖြစ်ကြောင်း သိရသည်။ ဥစားကြက်များကို အကောင် ၁၀၀လျှင် ငွေကျပ် ၃၀၀၀၀၀ နှုန်းဖြင့် ဝယ်ယူမွေးမြူရကြောင်း သိရသည်။ ယခင်ကဆိုလျှင် ငွေကျပ် ၂၅၀၀၀၀ကျပ်ဖြင့် ဝယ်ယူမွေးမြူရသည်။ ဥစားကြက်များ ၁၆ပတ်သား ၁ကောင်လျှင် ယနေ့ဈေးနှုန်း ငွေကျပ် ၂၀၀၀၀ နှုန်းဖြင့် ဝယ်ယူမွေးမြူရသည်။ ကြက်ခြံတွင် ကြက်အကောင်ရေတိုးပွားရန် ကြက်သားဖောက်ခြင်း၍ မွေးမြူကြောင်း အခြားသော တစ်ပိုင်တနိုင် ကြက်မေးမြူရေးလုပ်ငန်းအသေးများကလည်း ကြက်အကောင်ပေါက် ဝယ်ယူလိုပါက အနည်းငယ်ရောင်းချပေးကြောင်း ကြက်ခြံလုပ်ငန်းရှင်ထံမှ သိရသည်။

DOCA(ဧရာဝတီ)

    မအူပင်ခရိုင်အနေဖြင့် ၂၀၂၄-၂၀၂၅ခုနှစ် အစေ့ထုတ်ပြောင်း (ဆောင်း)သီးနှံ (၂၀၂၁၁)ဧကရှိပြီး ပန်းတနော် အနေဖြင့် (၉၉၇၀)ဧက စိုက်ပျိုးပြီး တစ်ဧက လျှင် (၄၀)တင်းနှုန်း ထွက်ရှိကြောင်း လယ်ယာမြေစီမံခန့်ခွဲရေးနှင့် စာရင်းအင်း ဦးစီးဌာနမှ သိရှိရသည်။

         အစေ့ထုတ်ပြောင်း(ဆောင်း)သည် မျိုး ၈၀၈ ငွေကျပ် ၈၅၀၀၀နှုန်း၊ ၂၇၂ မျိုး ငွေကျပ် ၁၂၀၀၀၀နှုန်းဖြင့် ဝယ်ယူရပြီး တစ်ထုတ်လျှင် နို့ဆီဗူး ၂၀ ပါရှိသည်။  ၁ဧကလျှင် ၆ထုတ်နှုန်း အသုံးပြုရပြီး ၁ကျင်းလျှင် ၂ဆစ့နှုန်းစိုက်ပျိုးသည်။ ၁ဧကတွင် လုပ်သား ၁၀ဦး လုပ်ကိုင်စိုက်ပျိုးကြောင်းသိရသည်။  တန်ဆောင်မုန်းလတွင် စတင်စိုက်ပျိုးပြီး တန်ခူးလတွင် စတင်ရိတ်သိမ်းနေပြီးဖြစ်သည်။ ၁ဧက ကုန်ကျစရိတ်အနေဖြင့် ၂၀သိန်း ဝန်းကျင့်ခန့်ကုန်ကျကြောင်း အထွက်နှုန်းအနေဖြင့် ၁ဧကလျှင် တင်း ၁၄၀-၁၅၀ နှုန်းခန့် ထွက်ရှိသဖြင့် အကျိုးအမြတ် ၂ ၆၅၀ ၀၀၀ကျပ် ရရှိကြောင်း တောင်သူထံမှသိရသည်။

        စတင်ပေါ်ထွက် ချိန်ရောင်းဈေးမှာ တစ်တင်းလျင် (၃၀၀၀၀)ကျပ်ဖြစ်ပြီး၊ ယခုလက်ရှိ‌ပေါက်ဈေး အစေ့ထုတ်ပြောင်း တစ်တင်းလျှင် (၃၁၀၀၀)ကျပ်ဖြင့် ဒေသတွင်းသိုလှောင်သော ကုန်သည်များမှ လာရောက်ဝယ်ယူကြပြီး  ရန်ကုန်ဈေးကွက်သို့ တင်ပို့ရောင်းချလျက်ရှိကြောင်း သိရသည်။

DOCA(ဧရာဝတီ)

    ကုန်ဈေးနှုန်းကောက်ယူမှုလုပ်ငန်းဆောင်ရွက်နိုင်ရေး လုပ်ငန်းညှိနှိုင်းအစည်းအဝေး လမ်းညွှန်ချက်များကို အကောင်အထည်ဖော်ဆောင်ရွက်နိုင်ရေးအတွက် စားသုံသူရေးရာဦးစီးဌာန၊   ရန်ကုန် တိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး ဒေါ်ထူးမြတ်အိ၊   ဦးစီးအရာရှိ ဒေါ်ခင်သီ၊  ရန်ကုန်တိုင်းဒေသကြီး၊  အရှေ့ပိုင်းခရိုင်ဦးစီးမှူးရုံးမှဦးလှစိုး(ခရိုင်ဦးစီးမှူး)၊ ဒေါ်လဲ့လဲ့ဌေး(ဒု-ဦးစီးမှူး)၊ဒေါ်ယုယုလွင်(ငယ်/ရေး)၊ ဗဟိုစာရင်းအင်းအဖွဲ့ ရန်ကုန်တိုင်းဒေသကြီး ဦးစီးမှူး ‌ဒေါ်ချိုချိုလွင် နှင့် ဝန်ထမ်း(၃)ဦး တို့သည် ပုဇွန်တောင်မြို့နယ်၊ပုဇွန်တောင်ဈေးတာဝန်ခံ ဦးစိုးနိုင်နှင့် တာဝန်ရှိသူများ ပူးပေါင်းပြီး ၁၅.၅.၂၀၂၅ ရက်နေ့၊   နံနက် (၁၀:၃၀) အချိန်တွင် ရန် ကုန်မြို့တော်စည်ပင်သာယာရေး ကော်မတီလက်အောက်ရှိ အထက်ဌာနများသို့တင်ပြ လျက်ရှိသည့် ပုဇွန်တောင်ဈေးအတွင်းရှိ အသား၊ ငါးများ၏ ဈေးနှုန်းများဈေးကွက်အတွင်း ဝင်ရောက်မှုအခြေအနေတို့ကို  ကွင်းဆင်းစိစစ် ဆောင်ရွက်ခဲ့ ကြောင်း သိရှိရပါသည်။

   ထိုသို့ ကွင်းဆင်းစစ်ဆေးခဲ့သည့် အသား၊ငါးများမှာ မွေးမြူရေးကြက်၊ မြန်မာကြက် ၊ ဝက်သား ၊ ဘဲသား၊ ဆိတ်သား၊ အမဲသား၊ ငါးကြင်း၊ ငါးမြစ်ချင်း ၊ ‌ရေချို၊ မွေးမြူရေးငါးခူ ၊ ပုဇွန်ထုပ်(ကြီး)၊ ပုဇွန်ထုပ်(လတ်)၊ ငါးရံ့  ၊ ငါးကျည်း ၊  ပုဇွန်ခြောက် (ကြီး)၊ ပုဇွန်ခြောက်(လတ်) ၊ ပုဇွန်ခြောက် (သေး) ၊ ငါးရံ့ခြောက်  ၊ ငါးကျည်းခြောက် ၊ အာဗြဲခြောက် တို့ဖြစ်ကြောင်း  သိရှိရပါ သည်။

DOCA (ရန်ကုန်)