သတင်းနှင့် လှုပ်ရှားမှုများ

   ဒေးဒရဲမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် စည်ပင်သာယာရေး အဖွဲ့နှင့် ပူးပေါင်း၍ (၂၂.၄.၂၀၂၅) နေ့၊ နံနက် (၁၀:၀၀) နာရီအချိန်တွင် မြို့ပေါ်ရှိ ကုန်မျိုးစုံဆိုင်များသို့ သောက်ရေသန့်ဘူးများတွင် မြန်မာဘာသာ ကုန်အညွှန်းအမှတ် အသားပြည့်စုံမှုရှိ/မရှိ ကွင်းဆင်းစစ်ဆေးခဲ့ကြပါသည်။

     ထိုသို့စစ်ဆေးရာတွင် မြို့မဈေးအတွင်းရောင်းချနေသော သောက်ရေသန့်ဘူးများတွင်  ကုန်အညွှန်းအမှတ်အသား ပြည့်စုံစွာပါဝင်ပြီး FDA ထောက်ခံချက်များပါရှိကြောင်းနှင့် ကုန် အညွှန်းအမှတ်အသားများ ပြည့်စုံစွာ ဖော်ပြထားခြင်းမရှိသော ရေသန့်ဘူးများ ရောင်းချခြင်း မပြုကြရန် ရေသန့်ဘူးများကို အမိုးအကာအောက် နေရောင်ခြည်နှင့် တိုက်ရိုက်မထိတွေ့နိုင် သော နေရာများတွင်ထားရှိရန် အလေးထားမှာကြားခဲ့ကြောင်း ကွင်းဆင်းစစ်ဆေးမှုအရ သတင်းရရှိပါသည်။

DOCA(ဧရာဝတီ)

   ဖျာပုံခရိုင် စားသုံးသူရေးရာဦးစီးဌာနမှ သတင်း/နည်း ဌာနခွဲ တာဝန်ခံ အကြီးတန်းစာရေး ဦးဇင်ဘိုရှိုင်းနှင့် ဝန်ထမ်းတို့သည်၂၀၂၅ ခုနှစ်၊ဧပြီလ (၂၂) ရက် နံနက် (၁၀:၀၀) နာရီအချိန်တွင် ပြန်/ဆက်ဦးစီးဌာနနှင့် ပူးပေါင်း၍  သတင်းလုပ်ငန်းတာဝန်များ အသိပညာပေး Talk Show ကျင်းပ ပြုလုပ်ခဲ့ပါသည်။

  စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲ‌ ရေးဌာနခွဲအနေဖြင့် ဆန်စပါးသိုလှောင်ရုံများ MYRO တွင် မှတ်ပုံတင်ထားရှိနိုင်ရေး သက်တမ်းကုန်ဆုံး သွားသည့် သိုလှောင်ရုံများ သက်တမ်းတိုးစနစ် ပြန်လည်လျှောက်ထားသည့် ဆန်စက် နှင့်သိုလှောင်ရုံ များအား စာရင်းပြုစုထားပြီး အသစ်ထပ်လျှောက်ထားလိုသည့် သိုလှောင်ရုံများကိုလည်း ဆက်လက် စာရင်းထားရှိခြင်း၊ (၁၅)ရက် တစ်ကြိမ် ပေါင်းဆန်ကြိတ်ခွဲ ထုတ်လုပ်မှု စာရင်း လစဉ်  ပြုစုပေးပို့ခြင်း ၊ အသေးစားလုပ်ငန်းများ ပိုမိုကျယ်ပြန့်လုပ်ကိုင် နိုင်အောင် သတင်းအချက်အလက်များ မျှဝေပေးခြင်း၊ ဒေသထွက်ကုန်များအကြောင်း ကွင်းဆင်း လေ့လာ ၍ သတင်းအချက်အလက်များ မျှဝေပေးခြင်း တို့ကို လုပ်ဆောင်လျှက်ရှိပါသည်။ သတင်းပါဝင် ရေးသားမှုအနေဖြင့် လစဉ်ထုတ်ကောမက်ဂျာနယ်တွင် သတင်းပါဝင်နိုင်ရေး အတွက် ဆောင်းပါးများရေးသား ပြုစုပေးပို့ခြင်း၊ စားသုံးသူရေးရာဦးစီးဌာန အနေ ဖြင့် လုပ်ဆောင် လျှက်ရှိသော အသိပညာပေး ဟောပြောပွဲများ၊ အခြေခံစားကုန်များ၊ ဆေးဝါးများ ကွင်းဆင်းစစ်ဆေးမှု သတင်းများ၊ ‌ကုန်ဈေးနှုန်း တည်ငြိမ်ရေး အတွက် ပူးပေါင်းအဖွဲ့ဖြင့် ကွင်းဆင်း စစ်ဆေးသည့် သတင်းများ၊ ဆန်လိုတိုင်းများသို့ ဆန်တင်ပို့မှု အခြေအနေ သတင်းများကို ရေးသား ပေးပို့လျက်ရှိပြီး စားသုံးရေးရာဦးစီးဌာန၏ website များအကြောင်း အသိပညာပေး Talk Show ကျင်းပပြုလုပ်ခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မော်ကျွန်းမြိုနယ် တာဝန်ခံ ဦးမင်းဇော်လတ်နှင့်ဝန်ထမ်းများသည် (၁၀.၄.၂၀၂၅) ရက်နေ့ နံနက်(၁၀:၃၀) အချိန်တွင် မော်ကျွန်းမြို့နယ် စားသုံးသူရေးရာဦးစီးဌာနရုံးတွင် ကုန်မျိုးစုံလုပ်ငန်းရှင်များအား စားသုံးသူကာကွယ်ရေး အသိပညာပေး ဟောပြော ဆောင်ရွက်ခဲ့ပါသည်။

   ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မော်ကျွန်းမြို့နယ်တာဝန်ခံမှ မိတ်ဆက် စကားပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာန မှလက်ရှိ ဆောင်ရွက်နေသောလုပ်ငန်းတာဝန်များအားဦးစွာရှင်းလင်းပြောကြားခဲ့ပါသည်။ စီးပွားရေး နှင့်ကူးသန်းရောင်းဝယ်ရေး ဝန်ကြီးဌာနမှ ထုတ်ပြန်ထားသောစားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များမှ စားသုံးသူများ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စာသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ပုဒ်မခွဲ (ခ)နှင့်(ဆ) တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များနှင့်အညီ လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်ညွှန်းအမှတ်အသားပြည့်စုံစွာ ဖော်ပြထားမှု ရှိ/မရှိ၊ ဌာနမှဈေးကွက်စောင့်ကြည့်စစ်ဆေးမှုအား စဉ်ဆက်မပြတ်ဆောင်ရွက်သွားမည်ဖြစ်ကြောင်း အသိပေးပြောကြားခဲ့ပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင်အိမ်မဲမြို့နယ်တာဝန်ခံ ဒေါ်ဇင်မာသန်းနှင့်ဝန်ထမ်းများသည် (၁၀.၄.၂၀၂၅)ရက်နေ့၊ နံနက်(၁၀;၀၀)နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်တိုင်းရင်းဆေးဦးစီးဌာနတို့နှင့် ပူးပေါင်း၍ အိမ်မဲမြို့နယ် ပါရမီဒေါင့်ကျေးရွာ၊ ကျေးရွာအုပ်ချုပ်ရေးမှုးရုံး၌ ပြည်သူများအား စားသုံးသူကာကွယ်ရေး အသိပညာပေးဟောပြောပွဲ ကျင်းပ ပြုလုပ်ခဲ့ပါသည်။

  အဆိုပါအသိပညာပေးဟောပြောပွဲတွင် မြို့နယ်တာဝန်ခံက စားသုံးသူကာကွယ်ရေးဥပဒေ ပြဌာန်းချက်ပါ စားသုံးသူများအခွင့်အရေးနှင့်တာဝန်များ၊ စားသုံးသူများဘေးအန္တာရယ်ကင်းရှင်းရေးအတွက် စားသုံးရန်မသင့်သော အစားအစာများ၊ ကုန်ညွှန်းအမှတ်အသားဖော်ပြခြင်းနှင့် စပ်လျဉ်း၍ပြည့်စုံစွာ ထည့်သွင်းဖော်ပြ၍ ထုတ်လုပ်ဖြန့်ဖြူး ရောင်းချသည့်ကုန်ပစ္စည်းများကိုသာ ဝယ်ယူစားသောက်အသုံးပြုတတ်ရန်၊ အသင့်စားမုန့်ထုတ်များ ဝယ်ယူစားသုံး လျှင်  မြန်မာစာ ဖြင့်ရေးသားထားသော မုန့်ထုတ်များ ရွေးချယ်ဝယ်ယူတတ် စေရန်နှင့် စားသုံးသူ နစ်နာဆုံးရုံးမှုများ ရှိလျှင် တိုင်ကြား နိုင်သည့်နည်းလမ်းများအား အသေးစိတ်ဟောပြောဆွေးနွေးခဲ့ပါသည်။ဟောပြောပွဲသို့ ကျေးရွာပြည်သူ(၄၀)ဦးတက်ရောက်ခဲ့ကြောင်းသိရှိရပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ် တာဝန်ခံ ဦးအောင်မိုးနှင့်ဝန်ထမ်းများသည် (၁၀.၄.၂၀၂၅) ရက်နေ့ နံနက်(၉:၀၀) အချိန်တွင် ဝါးခယ်မမြို့နယ် ရွှေခယ်သီရီအားကစားခန်းမတွင် နွေရာသီအခြေခံအားကစားသင်တန်း(ဆင်းပွဲ)တွင် သင်တန်းသူ/ သား များအား  စားသုံးသူ ကာကွယ်ရေးအသိပညာပေးဟောပြောဆောင်ရွက်ခဲ့ပါသည်။

  ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ ဝါးခယ်မမြို့နယ်တာဝန်ခံမှ မိတ်ဆက်စကားပြောကြားပြီး စားသုံးသူရေးရာဦးစီးဌာန၏မျှော်မှန်းချက်၊ ရည်မှန်းချက်များ၊ ဌာန မှလက်ရှိ ဆောင်ရွက်နေသောလုပ်ငန်းတာဝန်များအား ဦးစွာရှင်းလင်းပြောကြားခဲ့ပါသည်။ စီးပွားရေး နှင့်ကူးသန်း ရောင်းဝယ်ရေးဝန်ကြီးဌာနမှထုတ်ပြန်ထားသော စားသုံးသူကာကွယ်ရေးဥပဒေ၂၀၁၉ပါ ပြဌာန်း ချက်များမှ စားသုံးသူများ၏အခွင့်အရေးနှင့်တာဝန်များ၊စီးပွားရေးလုပ်ငန်းရှင်များ၏တာဝန်များ၊ တားမြစ် ချက်များ ၊ ပြစ်မှုပြစ်ဒဏ်များ၊ စာသုံးသူကာကွယ်ရေးဥပဒေအခန်း(၁၈)ပါ ပုဒ်မ၄၂ပုဒ်မခွဲ(ခ)နှင့်(ဂ) တို့ပါ ကုန်စည် ၏ အမျိုးအမည်၊အရွယ်အစား၊ အရေအတွက်နှင့်အသားတင်အလေးချိန်၊ သုံးစွဲပုံနည်းလမ်း နှင့်ထုတ်လုပ်သည့် ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှု အမှတ်စဉ်တို့အား အသေးစိတ်ရှင်းလင်းဟောပြောခဲ့ပြီး၊ မိမိတို့စားသောက်နေသော အစားအသောက်များတွင်ဓါတုဆိုးဆေးများ အလွန်အကျူးပါဝင်နေခြင်း၊ သက်တမ်း လွန်အစားအသောက်မျာအားမိမိ၏အသိဖြင့် ဆင်ခြင်ဝယ်ယူစားသောက်ကြရန်၊ဟောပြောပွဲသို့ နွေရာသီ အခြေခံ အားကစားသင်တန်းသူ/သား (၅၇)ဦး  အားဟောပြောဆွေးနွေးခဲ့ပါသည်။

DOCA(ဧရာဝတီ)