“ကွမ်းခြံကုန်းမြို့နယ်အတွင်းရောင်းချသောဆေးဆိုင်များအားကွင်းဆင်းစစ်ဆေးခြင်း”
ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် တောင်ပိုင်းခရိုင်ဦးစီးမှူးရုံး၏ညွှန်ကြားချက်နှင့်အညီ ကွမ်းခြံကုန်းမြို့နယ်၊ရပ်ကွက်များတွင်ရောင်းချနေသောဆေးဆိုင်များသို့ ဒီဇင်ဘာလ(၁၁) ရက် နေ့၊ နံနက်(၁၀:၃၀)နာရီအချိန်တွင် ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရ သည်။
ထိုသို့ ကွင်းဆင်းစိစစ်ခြင်းများ ဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာ ရေးအဖွဲ့ စာရင်းကိုင်-၃အဆင့် ဒေါ်ခိုင်သဇင်၊ မြို့နယ်ပြည်သူ့ကျန်းရေးဦးစီးဌာန အမျိုးသမီးကျန်း မာရေးဆရာ ဒေါ်သန်းသန်းစိုး၊ မြို့နယ်စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ် အေးနှင့် ဌာနခွဲစာရေး ဦးတင်ထွန်းဦးတို့ပူးပေါင်း၍ ကွမ်းခြံကုန်းမြို့နယ် ဈေးပိုင်းရပ်ကွက်တွင် ရောင်းချသော ထွန်းဝေဆေးဆိုင်၊ အောင်ချမ်းသာ ဆေးဆိုင်တို့တွင် လူသုံးများပြီး ရောင်းအား ကောင်းသောဆေးများဖြစ်သည့် ဖျားနာအကိုက်အခဲပျောက်ဆေး၊ နှာစေးပျောက်ဆေး၊ ချောင်းဆိုး ပျောက်ဆေး၊ အစာအိမ်ဆေး၊ လေဆေး၊ ဆီးချိုကျဆေး၊ သွေးတိုးကျဆေး၊ အာရုံ ကြောဆေး၊ ယားနာလိမ်းဆေး၊ ဆီးဆေး၊ အရောင်ကျဆေး၊ သွေးကျဲဆေး၊ ပိုးသတ်ဆေး၊ ဝမ်းပိတ် ဆေး တို့ကို ဆေးအမျိုးအမည် (အင်္ဂလိပ်လို)(မြန်မာလို)ရေတွက်ပုံ ဗူး၊ ကဒ်၊ လုံး ပစ္စည်းပြတ် လပ်မှုရှိ/ မရှိ၊ ဝယ်ယူသည့်နေရာ၊ ကုမ္ပဏီ၊ ဝယ်ဈေး၊ ရောင်းဈေးနှင့် အမြတ်ရာခိုင်နှုန်းတို့အား ကွင်းဆင်း စိစစ်ခဲ့ကြသည်။
ထို့နောက် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးက ယခုအချိန် ကာလသည် မိုးအကုန် ဆောင်းအကူးကာလဖြစ်သည့်အတွက် ရာသီအကူးအပြောင်းကာလတွင် ဖျားနာ၊ ချောင်းဆိုး၊ ဗိုက်အောင့်ရောဂါစသည့် ဖြစ်ပွားတတ်သောကြောင့် ဆေးဝါးများအား ဈေးနှုန်းမြှင့်တင်ရောင်းချခြင်းမပြုလုပ်ကြရန်၊ ဆေးဝါးများပြတ်လပ်မှုမရှိစေရေး အထူးဂရုပြုကြရန် ရောင်းချသူလုပ်ငန်းရှင်များနှင့် တွေ့ဆုံဆွေးနွေး ကွင်းဆင်းစိစစ်ခဲ့ကြောင်း သိရှိရပါသည်။
DOCA(ရန်ကုန်)
