သတင်းနှင့် လှုပ်ရှားမှုများ

   ၈-၄-၂၀၂၅ ရက်နေ့ နံနက် ၀၉း၃၀ နာရီအချိန်တွင် ဓနုဖြူးမြို့နယ် အထွေထွေ အူပ်ချုပ်ရေးဦးစီးဌာန၊ အစည်းအဝေးခန်းမတွင် မြို့နယ်စားသုံးသူရေးရာဦးစီးဌာနမှ တာဝန်ရှိသူများက online shop မှတ်ပုံတင်ခြင်းနှင့် myro မှတ်ပုံတင်ရန် လုပ်ငန်းကိစ္စနှင့်စပ်လျဉ်း၍ ရပ်ကွက် ကျေးရွာအုပ်ချုပ်ရေးမှူးနှင့် စာရေးဝန်ထမ်း (၁၂၀)ဦးအား  အသိပညာပေး ဟောပြော ဆွေးနွေးခြင်း လုပ်ငန်းကိုဆောင်ရွက်ခဲ့သည်။

    ဟောပြောဆွေးနွေးရာတွင် မြို့နယ်စားသုံးသူရေးရာဦးစီးဌာန မြို့နယ်ဦးစီးမှူး ဦးဝင်းမင်းစိုးက စားသုံးသူရေးရာဦးစီးဌာန၏ လုပ်ငန်းစဉ်များအကြောင်းကို ရှင်းလင်းဆွေးနွေးခြင်း စားသုံးသူပြည်သူ များက အွန်လိုင်းမှတဆင့် ကုန်စည်နှင့် ဝန်ဆောင်မှုများကို ဝယ်ယူအသုံးပြုရာတွင် စားသုံးသူ ထိခိုက်နစ်နာမှုမရှိစေရေး အွန်လိုင်းလုပ်ငန်းများကို ထိန်ကြောင်းသည့်အနေဖြင့် အွန်လိုင်းအသုံးပြု၍ ကုန်စည်များကို ရောင်းချသည့် မည်သည့်လုပ်ငန်းရှင်မဆို မှတ်ပုံတင်ဆောင် ရွက်ပြီးမှ ရောင်းချနိုင်ရန်အတွက် အရေးကြီးဝန်ဆောင်မှု လုပ်ငန်းအဖြစ်သတ်မှတ်မိန့် (၅၀/၂၀၂၃) အကြောင်းကို ရှင်းလင်းခြင်း၊ အွန်လိုင်းစနစ်ဖြင့် ရောင်းချခြင်းလုပ်ငန်း မှတ်ပုံတင်ခြင်းဆိုင်ရာအမိန် (၅၁/၂၀၂၃) ကိုရှင်းလင်းခြင်း၊ မှတ်ပုံတင်ပြီးလုပ်ငန်းများမှ ကုန်စည်များကို ဝယ်ယူခြင်းဖြင့် စားသုံးသူနစ်နာမှု ထိခိုက်မှုလျော့နည်းမည့်အကြောင်းများကို ရှင်းလင်းဆွေးနွေးခြင်း၊ ဆက်လက်၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသည် ဆန်စပါးသိုလှောင်ခြင်းလုပ်ငန်း အပေါ်ကြီးကြပ်နိုင်ရန် ဆန်စပါးသိုလှောင်ရုံးမှတ်ပုံတင်ခြင်းဆိုင်ရာအမိန့် ၈၂/၂၀၂၄  ဆန်တန်ချိန် (၂၅) (၅၀၀ အိတ်) နှင့်စပါးတင်း (၂၅၀၀) အထက်သိုလှောင်မှုပမာဏကို မှတ်ပုံတင်မည့်အစီအစဉ်လုပ်ငန်း ပိုင်ဆိုင်သူများ မှတ်ပုံတင်ရမည့် အကြောင်းကို ရှင်းလင်းခြင်း၊ မှတ်ပုံတင်ရန်ကျန်ရှိသော သိုလှောင်ရုံများ မှတ်ပုံတင်ခြင်းလုပ်ငန်းအဆင့် ဆင့်ကိုရှင်းလင်းခြင်း၊ မှတ်ပုံတင်ပြီး သိုလှောင်ရုံများ ရထုတ်ကျန်စာရင်းများ ဖြည့်သွင်းနိုင်ရန်အကြောင်းများကို ရပ်ကွက်ကျေးရွာ အုပ်ချုပ်ရေးမှူးများအား ဟောပြောခဲ့ပြီး တက်ရောက်လာသူများ နှင့် အပြန်အလှန် ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တွင် အထွေထွေအုပ်ချုပ်ရေးဦးစီးဌာန၏ ဦးဆောင်ကြီးကြပ်မှုဖြင့် မြို့နယ်တွင်း ပြည်သူများသက်သာသောဈေးနှုန်းဖြင့် ဝယ်ယူအသုံးပြုနိုင်ရန် အတွက်ရည်ရွယ်၍ ကြက်ဥ များကိုနေ့စဉ်ရောင်းချပေးလျက်ရှိကြောင်းသိရသည်။

  ၂၀၂၅ ခုနှစ်၊ ဧပြီ လ ၁ ရက်နေ့ မှ ၉ ရက်နေ့ထိ ၊ နံနက် ၀၈:၃၀ နာရီအချိန်တွင် ဧရာဝတီတိုင်းဒေသကြီး၊ မအူပင်မြို့တွင် စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြို့နယ် စည်ပင်သာယာရေးအဖွဲ့၊ အခြားသော ဌာနဆိုင်ရာများ နှင့်အတူ  မြို့နယ်အရံ မီးသပ်တက်ဖွဲ့ရုံး ရှေ့တွင် ကြက်ဥ အလုံး(၁၄၀၀၀) ကို ရောင်းချပေးနေကြောင်းနှင့် ကုန်ဈေးနှုန်းတည်ငြိမ်ကျဆင်းရေးအတွက် ဌာနဆိုင်ရာများမှ ပြည်သူများ သက်သာစွာ ဝယ်ယူရရှိနိုင်ရန် ဆက်လက်၍‌ နေ့စဉ်ရောင်းချပေးလျှက်ရှိကြောင်း သတင်းရရှိပါသည်။ 

DOCA(ဧရာဝတီ)

     စားသုံးသူရေးရာဦးစီးဌာန ၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး ဦးစီးမှူး၏လမ်းညွှန်မှုဖြင့်  မိတ္ထီလာခရိုင်ဦးစီးမှူးရုံးမှ ထုတ်ကုန်လုံခြုံစိတ်ချရမှုဌာနခွဲတာဝန်ခံသည်  “သိန်းမင်း” စားသောက်ကုန်လုပ်ငန်းလုပ်ကိုင်နေသော စားသောက်ကုန်လုပ်ငန်းရှင်နှင့်   ၂၀၂၅ ခုနှစ်၊ မေလ ၁၆ ရက်နေ့တွင် ကုန်အညွှန်းအမှတ်အသားဆိုင်ရာများနှင့်ပတ်သက်၍  ဆွေးနွေးခဲ့ပါသည်။

          အဆိုပါတွေ့ဆုံမှုအရ “သိန်းမင်း” စားသောက်ကုန်လုပ်ငန်းတွင် ငရုတ်ပွအရောင်တင်မှုန့်၊ ငရုတ်ကြော်မှုန့်၊ နနွင်းမှုန့်ထုတ်လုပ်ကြောင်း၊ မိတ္ထီလာမြို့အတွင်းနှင့်အခြားမြို့များသို့  ဖြန့်ဖြူး ရောင်းချလျက်ရှိ ကြောင်းသိရှိရပါသည်။ကုန်အညွှန်းအမှတ်အသားပြုလုပ်ရာတွင် လိုအပ်သည်များကို ထုတ်ကုန်လုံခြုံ စိတ်ချရမှုဌာနခွဲတာဝန်ခံမှ ကုန်စည်နှင့်ဝန်ဆောင်မှုများကို စားသုံးသူပြည်သူများ ဘေးအန္တရာယ်ကင်းရှင်းစွာ အသုံးပြုနိုင်စေရေးအတွက် စီးပွားရေးကျင့်ဝတ်များ ၊ လုပ်ငန်းရှင်များ လိုက်နာရမည့် တာဝန်များအကြောင်းနှင့်  ၎င်းတို့၏ ထုတ်ကုန်ပစ္စည်းများပေါ်တွင် စားသုံးသူ ကာကွယ်ရေးဥပဒေ ၂၀၁၉ အခန်း (၁၈) တွင် ဖော်ပြထားသောပြဌာန်းချက်များအတိုင်း ကုန်အညွှန်း အမှတ်အသားကို ပြည့်စုံစွာဖော်ပြရန်၊ ကုန်စည် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓါတ်မတည့်ကြောင်း ဖော်ပြချက်တို့ကို မြန်မာ ဘာသာဖြင့်ဖြစ်စေ၊ မြန်မာ ဘာသာ (သို့) အခြားဘာသာ တစ်ခုဖြင့်ဖြစ်စေဖော်ပြရန်နှင့် တိကျမှန်ကန် စွာ ဖော်ပြခြင်းမရှိပါက စားသုံးသူကာကွယ်ရေးဥပဒေမှ ချမှတ်ထားသော ပြစ်မှုပြစ်ဒဏ်များ အကြောင်းကို  အသိပညာပေးဆွေးနွေးခဲ့ပြီး၊ ကုန်အညွှန်းအမှတ် အသားဖော်ပြချက်လျှောက်ထားခြင်း နှင့်ပတ်သက်၍ ဌာနသို့စိစစ် ဆောင်ရွက်ပေးပါရန်တင်ပြလာမှုအပေါ် ကူညီဆောင်ရွက်ပေးမှုများ ပြုလုပ်ခဲ့ပါသည်။

DOCA(မန္တလေး)

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ညောင်တုန်းမြို့နယ်၊ ဆားမလောက်လမ်းမပေါ်ရှိ ဖြူစင်သန့်ဆန်စက်သို့ ညောင်တုန်းမြို့နယ်ဦးစီးမှုး ဦးအောင်လွင်နှင့် ဝန်ထမ်းများသည် (၇.၄.၂၀၂၅) ရက်နေ့၊နံနက် (၁၀:၀၀) နာရီအချိန်တွင် ဆန်စက်သို့ ကွင်းဆင်း၍ gasifirer သုံးစနစ်ကို စစ်ဆေးခြင်း မီးဘေးအန္တရာယ်ကြိုတင်ကာကွယ်နိုင်ရေး ကွင်းဆင်းစစ်ဆေးခဲ့ကြပါသည်။

      ညောင်တုန်းမြို့နယ်ဦးစီးမှူး ဦးအောင်လွင်က ဖြူစင်သန့်ဆန်စက်သို့  သွားရောက်၍ ဆန်စက်ပိုင်ရှင်နှင့် တွေ့ဆုံကာ ဆန်စက်လည်ပတ်နေမှုအခြေအနေများ၊ ဆန်စပါးကြိတ်ခွဲမှုအခြေအနေ၊ Gasifier သုံးလုပ်ငန်းဆောင်ရွက်ပြီးစီးမှု အခြေအနေများစသည်ဖြင့် လုပ်ငန်းဆောင်ရွက်မှုအဆင့်ဆင့်ကို စစ်ဆေးကြည့်ရှုခဲ့ပြီးနောက် ဆန်စက်မှ ကြိတ်ခွဲ ထွက်ရှိလာသော ဆန်များကို ထုပ်ပိုးရာတွင် ကုန်အညွှန်းအမှတ်အသား ပြည့်စုံစွာပါဝင်စေရေး၊  ပို့ကုန်ကဏ္ဍတွင် ဆန်စပါးသည် အရေးပါသည့်အတွက် ပြည်ပနိုင်ငံများသို့ ဆန်/ဆန်ကွဲတင်ပို့ရာတွင် လိုက်နာရမည့်  လုပ်ငန်းစဉ်များကို ရှင်းလင်းဆွေးနွေးခြင်း၊ အရည်အသွေးမီသော ဆန်များရရှိစေဖို့အတွက် စက်ရုံ၊ အလုပ်ရုံ၊ သိုလှောင်ရုံများကို စနစ်တကျ သိုလှောင်ထားရှိရန်နှင့် ထုတ်ကုန်လုံခြုံစိတ်ချရမှုရှိစေရန် အသိပညာပေးဆွေးနွေးခဲ့ခြင်းတို့ ဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)

   (၈-၄-၂၀၂၅ ) ရက်နေ့ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာန၊ ပန်းတနော်မြို့နယ်ဦးစီးမှူးရုံးမှ ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့ တို့ ဖြင့်ပူးပေါင်း၍ ပြည်တွင်းစားဆန်စျေးနှုန်းများ သင့်တင့်မျှတစွာဖြင့် တည်ငြိမ်မှန်ကန်စေ ရေးအတွက် ပန်းတနော်မြို့ပေါ်ရှိ ဆန်အရောင်းဆိုင်ကြီး (၅)ဆိုင်အား  စစ်ဆေးဆောင်ရွက်ခဲ့‌ကြောင်းသိရသည်။

     ထိုသို့ ပူးပေါင်းအဖွဲ့ဖြင့်စစ်ဆေးရာတွင် ပြည်တွင်းစားဆန်စျေးနှုန်းများ သင့်တင့်မျှတစွာဖြင့် တည်ငြိမ်မှန်ကန်စေရေးအတွက် ဆန်စျေးနှုန်းများ စျေးနှုန်းမြှင့်တင်ရောင်းချမှုများ ရှိ/မရှိ၊ အလေးချိန်မှန်ကန်စွာဖြင့် ချိန်တွယ်ရောင်းချမှုများရှိ/ မရှိနှင့် ဆန် သိုလှောင်မှုအခြေအနေ လက်ကျန်ဆန်အိတ် များရှိ/ မရှိ  စစ်ဆေးခြင်း၊ ဆန်သိုလှောင်ရုံ မှတ်ပုံတင်ထားရှိမှု အခြေအနေနှင့် သတ်တမ်းတိုးထားရှိမှု အခြေအနေများ၊  လိုအပ်သည်များအား ရှင်းလင်းပြောကြားခဲ့ကြောင်း သိရှိရပါသည်။

DOCA(ဧရာဝတီ)