သတင်းနှင့် လှုပ်ရှားမှုများ

    မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် ဝန်ထမ်းများသည် စားသုံးသူပြည်သူများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိသော ‌ကုန်စည်များကိုသာ ဝယ်ယူသုံးစွဲနိုင်ရန်အတွက် ရည်ရွယ်၍ (၁၁.၁၁.၂၀၂၄) ရက်နေ့၊ နံနက် (၀၉:၃၀) အချိန်တွင် သက်ဆိုင်ရာဌာနများနှင့် ပူးပေါင်း၍ ပခုက္ကူမြို့အတွင်းရှိ စတိုးဆိုင်များသို့ ဈေးကွက်စောင့်ကြည့် စစ်ဆေးခဲ့ကြောင်း သိရသည်။

    အသင့်သောက်အချိုရည်များတွင်  မြန်မာနိုင်ငံစားသုံး သူကာကွယ်ရေးကော်မရှင်၏ ညွှန်ကြား ချက်အမှတ် (၂/၂၀၁၉)တွင် ဖော်ပြထားသော ကုန်စည်အလိုက် ဖော်ပြရမည့် ကုန်အညွှန်းအမှတ်အသား ဖော်ပြချက်များ ကိုက်ညီမှုရှိ/မရှိနှင့် စားသုံးသူပြည်သူများ အန္တရာယ်ကင်းရှင်းစေရန်အတွက် အစားအသောက်နှင့်ဆေးဝါးကွပ်ကဲရေးဦးစီးဌာနမှ စားသုံးရန်မသင့် ထုတ်ပြန်ထားသော အချိုရည်၊ ပုန်းရည်ကြီးနှင့်ယိုစုံများ ဈေးကွက်အတွင်း ရောင်းချခြင်းရှိ/မရှိ ဈေးကွက်စောင့်ကြည့်စစ်ဆေးခြင်းများ ပြုလုပ်ခဲ့ရာ ရောင်းချခြင်းမရှိကြောင်း တွေ့ရှိခဲ့ရပြီး လက်ကမ်းစာဆောင်များ ဖြန့်ဝေပေးခဲ့ကြောင်း သိရှိရပါသည်။  

DOCA(မကွေး)

        မအူပင်ခရိုင်၊ စိုက်ပျိုးရေးဦးစီးဌာန၊ စားသုံးသူရေးရာဦးစီးဌာန၊ ပြန်ကြားရေးနှင့် ပြည်သူဆက်ဆံရေးဦးစီးဌာနတို့ပူးပေါင်း၍ (၁၁-၁၁-၂၀၂၄)ရက်နေ့၊ နေ့လယ်  (၁၃:၀၀) နာရီအချိန်တွင်စိုက်ပျိုးရေးတောင်သူ ( ၃၀ ) ဦးအား စားသုံးသူကာကွယ်ရေးအသိပညာပေးဟောပြောဆွေးနွေးခဲ့ကြသည်။

     အဆိုပါအသိပညာပေးဆွေးနွေးပွဲတွင် ညောင်တုန်းမြို့နယ်ဦးစီးမှူး ဦးအောင်လွင်က စိုက်ပျိုးတောင်သူများအား စားသုံးသူကာကွယ်ရေးဥပဒေပါ အခန်း(၁၈) တွင်ပါဝင်သော ကုန်အညွှန်း အမှတ်အသားအကြောင်းကို စိုက်ပျိုးရေးတောင်သူများအနေဖြင့် သိရှိနားလည်ထားရန်လိုအပ်ကြောင်း၊ သို့မှသာ လယ်ယာမြေစိုက်ပျိုးရေးသုံးပစ္စည်များဝယ်ယူသည့်အခါ ကုန်အညွှန်းအမှတ်အသားပြည့်စုံစွာဖော်ပြပါဝင်သောကုန်စည်ကို မှန်ကန်စွာရွေးချယ်သုံးစွဲတက်လာပြီး မိမိစိုက်ပျိုးသောသီးနှံများ အထွက်နှုန်းကောင်းမွန်မည်ဖြစ်ကြောင်း၊  ကုန်အညွှန်းအမှတ်အသားကိုကြည့်၍ သုံးစွဲပုံနည်းလမ်းအတိုင်း အသုံးပြုပါက အထွက်ကောင်း၍ စားသုံးသူပြည်သူများ ဘေးအန္တရာယ်ကင်းရှင်းစွာအသုံးပြုနိုင်ကြောင်း၊ စားသုံးသူကာကွယ်ရေးဥပဒေသည် စားသုံးသူကို အပြည့်အဝကာကွယ်ထားပြီး စီးပွားရေးလုပ်ငန်းရှင်များကိုလည်း ဥပဒေနှင့်အညီ လုပ်ကိုင်ဆောင်ရွက်နိုင်ရန် စီးပွားရေးလုပ်ငန်းရှင်ကျင့်ဝတ်အတိုင်း လုပ်ကိုင်ဆောင်ရွက်ပါကလည်း အပြည့်အဝကာကွယ်ပေးထားသော ဥပဒေတစ်ခုဖြစ်ကြောင်း၊ စားသုံးသူအခွင့်အရေးဆုံးရှုံးမှု တစ်စုံတစ်ရာထိခိုက်နစ်နာမှုရှိလာပါက စားသုံးသူရေးရာဦးစီးဌာနသို့ တိုင်ကြားနိုင်သည့်အတွက် တိုင်ကြားနိုင်သည့်နည်းလမ်းများအကြောင်းကို အကျယ်တဝင့်ရှင်းလင်းဆွေးနွေးခဲ့ကြောင်းသိရသည်။ မိတ်ဖက်ဌာနများကလည်း ၎င်းတို့ဌာနနှင့်သက်ဆိုင်သော ဌာန၏လုပ်ငန်းများအကြောင်းကို အသိပညာပေးဆွေးနွေးခဲ့ကြောင်းသိရပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ဦးစီးမှူးရုံးမှ ဒေါ်ချိုမီဇင်(ဒုဦးစီးမှူး) သည် ၁၂-၁၁-၂၀၂၃ ရက်နေ့၊ နံနက်(၁၀:၃၀)နာရီမှ နံနက်(၁၁:၃၀)နာရီအချိန်ထိ ညောင်တုန်းမြို့၊ ရေလယ်ကျွန်း အခြေခံပညာမူလတန်းစာသင်ကျောင်းတွင် ဆရာ၊ ဆရာမများနှင့် ကျောင်းသား၊ ကျောင်းသူ (၁၂၀)ဦးအား စားသုံးသူကာကွယ်ရေးဆိုင်ရာအသိပညာများ ဟောပြောဆွေးနွေးခဲ့ပါသည်။
         အဆိုပါဟောပြောပွဲတွင် ဒေါ်ချိုမီဇင်(ဒုဦးစီးမှူး)က စားသုံးသူကာကွယ်ရေးပေါ်ပေါက်လာပုံသမိုင်းကြောင်းနှင့် စားသုံးသူ၏အဓိပ္ပါယ်ဖွင့်ဆိုချက်၊ စားသုံးသူအခွင့်အရေး(၈)ချက်ဖြစ်သည့် စိတ်ကြိက်ရွေးချယ်ခွင့်၊ ဘေးအန္တရာယ်ကင်းရှင်းစွာသုံးစွဲခွင့်၊ မှန်ကန်သောသတင်းအချက်အလက်များရရှိခွင့်၊ အခြေခံလိုအပ်ချက်များကို စိတ်ကျေနပ်မှုရရှိခွင့်၊ နစ်နာဆုံးရှုံးမှုများကို တိုင်ကြားခွင့်၊ နစ်နာဆုံးရှုံးမှုများနှင့်စပ်လျဉ်း၍ ပါဝင်ကြားနာခွင့်၊ အသိပညာဗဟုသုတများ၊ အခွင့်အရေးများနှင့် လိုအပ်သောအချက်အလက်များကိုသိရှိလေ့လာနိုင်ခွင့်၊ ကျန်းမာဝပြောသည့် ပတ်ဝန်းကျင်ကောင်းတွင် ရှင်သန်နိုင်ခွင့်တို့ကို ရှင်းလင်းဟောပြောခြင်း၊ ကျောင်းသား၊ ကျောင်းသူများအနေဖြင့် အသင့်စားအစားအစာများကို ဝယ်ယူအသုံးပြုရာတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားသည့် အစားအစာများကိုရွေးချယ်ဝယ်ယူအသုံးပြုရန် နမူနာပစ္စည်းများဖြင့်ရှင်းလင်းခြင်း၊ သက်တမ်းကုန်ဆုံးရက်စွဲများကို သေချာသိရှိနားလည်စေရန် ပုံစံနမူနာပြသ၍ အပြန်အလှန်မေးမြန်းခဲ့ပြီးနောက် အသိပညာ‌ပေးဟောပြောခဲ့ကာ စားသုံးရန်မသင့်သော အသင့်စားမုန့်ထုပ်များကို ဖြန့်ဝေခဲ့ကြောင်းသိရပါသည်။

DOCA(ဧရာဝတီ)

                 စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ ရန်ကုန်တိုင်းဒေကြီးအတွင်း ဈေးကွက်စောင့်ကြည့်စစ်ဆေးမည့် နိုဝင်ဘာလအတွင်းဦးစားပေးကုန်စည်ဖြစ်သော အလှကုန်ပစ္စည်းအမျိုးမျိုး(၁၀)ဂရမ်နှင့်အထက်ပစ္စည်းများတွင် ကုန်အညွှန်းအမှတ်အသားဖော်ပြထားခြင်းရှိ/ မရှိ နိုဝင်ဘာလ (၁၁)ရက်နေ့၊ နံနက် (၁၀း၃၀)အချိန်တွင် ကော့မှူးမြို့နယ်ရပ်ကွက် များရှိအလှကုန်ပစ္စည်းနှင့် လူသုံးကုန်ပစ္စည်းအမျိုးမျိုးတို့ဖြန့်ဖြူးရောင်းချပေးလျက်ရှိသော စတိုးဆိုင်များသို့ ပူးပေါင်းအဖွဲ့ဖြင့် ဈေးကွက်စောင့်ကြည့် စစ်ဆေးခဲ့ကြောင်းသိရသည်။

                 ထိုသို့ ဈေးကွက်စောင့်ကြည့်ကွင်းဆင်းစစ်ဆေးခဲ့ရာတွင် မြို့နယ်ကျန်းမာရေးဦးစီးဌာမှတာ ဝန်ရှိသူများ၊မြို့နယ်စည်ပင်သာယာရေးအဖွဲ့မှတာဝန်ရှိသူများ၊ စားသုံးသူရေးရာဦးစီးဌာနတို့ပူးပေါင်း၍ အမှတ်(၁၁၂)ဗိုလ်ချုပ်လမ်း၊ မကျီးတန်းရပ်ကွက်ရှိ တော်ဝင်စတိုးနှင့်အမှတ်(၁၁၆) ဗိုလ်ချုပ်လမ်း၊ မကျီးတန်းရပ်ကွက်ရှိ ဇာနည်စတိုးဆိုင်တို့တွင်ဖြန့်ဖြူးရောင်းချပေးလျှက်ရှိသော အလှကုန်ပစ္စည်းအမျိုးမျိုး(၁၀)ဂရမ်နှင့်အထက်စပ်လျဉ်း၍ စားသုံးသူပြည်သူများ ဘေးဥပါဒ်အန္တရာယ်ကင်းရှင်း စေရေးနှင့် ထုတ်ကုန်လုံခြုံစိတ်ချရမှုရှိစေရေးအတွက် ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့မဟုတ်)တစ်ခုထက်ပို၍တွဲ လျက်ဖြစ်စေရေးသားဖော်ပြထားခြင်းမရှိသော၊ သက်တမ်းလွန်နေသော၊ စံချိန်စံညွှန်းများနှင့်မကိုက်ညီသော၊ FDA ထောက်ခံချက်မပါရှိသော အလှကုန်ပစ္စည်းများအား ဖြန့်ဖြူးရောင်းချခြင်းများမပြုလုပ်ကြရန် စားသုံးသူကာကွယ်ရေးအသိပညာပေးဆွေးနွေးပြောကြားခဲ့ပြီး ဈေးကွက်စောင့်ကြည့်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

              ၂၀၂၄ ခုနှစ်၊ နိုဝင်ဘာလ ၁၂ ရက်နေ့၊ ၁၃း၀၀ နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံး၊ အစည်းအဝေးခန်းမတွင် ကျင်းပပြုလုပ်သည့် ထားဝယ်ခရိုင် သီဟိုဠ်စိုက်ပျိုးထုတ်လုပ်တင်ပို့ရောင်းချသူများအသင်းပြန်လည်ဖွဲ့စည်းခြင်းအခမ်းအနားသို့ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၊ ရင်းနှီးမြှပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ လက်ထောက်ညွှန်ကြားရေးမှူး၊ TRCCI အသင်းဥက္ကဋ္ဌနှင့် သီဟိုဠ်လုပ်ငန်းရှင်များ တက်ရောက်ခဲ့ပါသည်။

              အဆိုပါ အခမ်းအနားတွင် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ အဖွင့်အမှာစကားပြောကြားခြင်းနှင့် အသင်းအဖွဲ့စည်းမျဥ်း၊ စည်းကမ်းများနှင့်ပတ်သက်၍ ရှင်းလင်းပြောကြားခြင်း၊ ရင်းနှီးမြှပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ လက်ထောက်ညွှန်ကြားရေးမှူးမှ ကုမ္ပဏီမှတ်ပုံတင်ခြင်းဆိုင်ရာများအကြောင်းရှင်းလင်းဆွေးနွေးခြင်းနှင့် TRCCI အသင်းဥက္ကဋ္ဌမှ မိမိတို့အသင်းအနေဖြင့်လည်း တက်နိုင်သည့်ဘက်မှ ကူညီဆောင်ရွက်ပေးသွားမည်ဖြစ်ပါကြောင်းပြောကြားခဲ့ပြီး သီဟိုဠ်လုပ်ငန်းရှင်များမှ အသင်းဝင်များပြန်လည်ရွေးချယ်တင်မြှောက်ခြင်းအား ပြုလုပ်ခဲ့ကြောင်း သိရှိရပါသည်။

DOCA(ဧရာဝတီ)