သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံရုံးအနေဖြင့် ၂၀၂၅ ခုနှစ်၊ အောက်တိုဘာလ ၂၈ ရက် နံနက်(၀၉:၀၀)နာရီအချိန်တွင် ကန့်ဘလူမြို့နယ်တာဝန်ခံဦးမျိုးဝင်းသန်းသည် ကန့်ဘလူမြို့ပေါ်ရှိ ဘိလပ်မြေနှင့်အိမ်ဆောက်ပစ္စည်း ရောင်းချသည့်ဆိုင်များသို့ အပတ်စဉ် ကွင်းဆင်းစစ်ဆေးခြင်း ဆောင်ရွက်လျက်ရှိကြောင်း သိရသည်။

   ထိုသို့ကွင်းဆင်းစစ်ဆေးရာတွင် ကန့်ဘလူမြို့ပေါ်ရှိ ဘိလပ်မြေရောင်းချသည့်ဆိုင်များ၏ ဘိလပ်မြေ ဝယ်ယူရရှိမှုအခြေအနေ၊ လက်ကျန်အခြေအနေနှင့် ဈေးနှုန်းအခြေအနေအားလည်း ကောင်း၊ အိမ်ဆောက်ပစ္စည်းများ၏လက်ကျန် အခြေအနေများအားလည်းကောင်း၊ ကွင်းဆင်း စိစစ်ခဲ့ရာ ဘိလပ်မြေနှင့်ဆောက်လုပ်ရေး လုပ်ငန်းသုံးပစ္စည်းများကို မန္တလေးမြို့မှဝယ်ယူရကြောင်း၊ ယခုပတ်အတွင်း ဘိလပ်မြေများ ပစ္စည်းပြတ်လပ်မှုမရှိကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

     တနင်္သာရီတိုင်း၊ မြိတ်မြို့သို့ ဧရာဝတီတိုင်းမှ ဆန်များဝယ်ယူလျက်ရှိရာ (၂၅.၁၀.၂၀၂၅) ရက်နေ့တွင် ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်မှ MV စန္ဒီ(၁)ရေယာဉ်ဖြင့် ဆန်တန် (၃၆၀)၊ အိတ်ရေ (၇၂၀၀)တို့ဝယ်ယူ၍ သယ်ဆောင်လာခဲ့ရာ ၂၀၂၅ခုနှစ်၊ အောက်တိုဘာလ(၃၁) ရက်နေ့တွင် မြိတ်မြို့ရောက်ရှိလာသဖြင့် မြိတ်ခရိုင်ရှိ စစ်ဆေးရေးအဖွဲ့များမှ ကွင်းဆင်းစစ်ဆေးခဲ့ကြောင်း သိရှိရပါသည်။

     ကွင်းဆင်းစစ်ဆေးရာတွင်မြိတ်ခရိုင်စားသုံးသူရေးရာဦးစီးဌာနအပါအဝင်မြိတ်ခရိုင်အကောက် ခွန်ဦးစီးဌာန၊ မြိတ်ခရိုင်လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန၊ မြိတ်ကုန်သွယ်ရေးဦးစီးဌာန၊ မြိတ်ခရိုင်ရဲတပ်ဖွဲ့တို့ပါဝင်သောအဖွဲ့များဖြင့်  စစ်ဆေးခဲ့ကြကြောင်း သိရှိရပါသည်။

DOCA(တနင်္သာရီ)

    စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့ပေါ်တွင် ဦးစာပေး ဈေးကွက် စောင့်ကြည့် စစ်ဆေးရမည့် ဝန်ဆောင်မှုကဏ္ဍ (၃) ရပ်အတွင်းမှ ဆက်သွယ်ရေးဝန်ဆောင်မှု ( အင်တာနက်ဝန်ဆောင်မှု ) ပေးသည့် ကုမ္ပဏီများအား ( ၂၃.၁၀.၂၀၂၅ ) ရက်နေ့တွင် စောင့်ကြည့်စစ် ဆေးခြင်းများ ဆောင်ရွက်ခဲ့ကြောင်း သိရှိရပါသည်။

              ကလေးမြို့၊ အောင်မင်္ဂလာရပ်ကွက်အတွင်းရှိ AD Net အင်တာနက် ဝန်ဆောင်မှုပေးသည့် လုပ်ငန်းသို့ သွားရောက်စောင့်ကြည့်စစ်ဆေးရာတွင် Wifi အမှန်တကယ်အသုံးပြုသည့် စားသုံးသူ များအား စာချုပ်ပုံစံများသတ်မှတ်ပေးထားခြင်း၊ ဝန်ဆောင်ခနှုန်းထားများနှင့် ဝန်ဆောင်မှု အရည်အသွေးများအား ယင်းစာချုပ်ပေါ်တွင် မိမိတို့စိတ်ကြိုက် ရွေးချယ်ခွင့် ဝန်ဆောင်မှု ပေးထားသည်ကို တွေ့ရှိရပြီး၊ အသေးစိတ်ငွေတောင်းခံလွှာများ စနစ်တကျထားရှိခြင်း၊ စားသုံးသူများအား Refund Policy များ စနစ်တကျချမှတ်၍ Wifi ပြတ်တောက်မှုများ ရှိပါက ဝန်ဆောင်မှုရယူသည့် စားသုံးသူများအား ငွေများ ပြန်လည်အမ်းပေးခြင်း၊ မိမိတို့ ကုမ္ပဏီအနေဖြင့် Call Center များ ရှိပါသော်လည်း မိမိတို့၏ Local Phone Number များအား စားသုံးသူများ သိစေရန် အတွက် မိမိတို့၏ Page တွင် ဖော်ပြထားခြင်းများ၊ ဝန်ထမ်းများမှလည်း စားသုံးသူများအား ရှင်းလင်း ပြောကြားခြင်းများ ဆောင်ရွက်လျက်ရှိကြောင်း တာဝန်ခံ မန်နေဂျာမှ ပြောကြားခဲ့ပြီး စားသုံးသူရေးရာဦးစီးဌာန၊ ခရိုင်ဦးစီးမှူး ဒေါ်သန်းသန်းဝင်းက စားသုံးသူကာကွယ်ရေးဥပဒေများအား ရှင်းလင်းပြောကြားခဲ့ကြောင်း သိရှိရပါသည်။

DOCA(စစ်ကိုင်း)

      စားသုံးသူရေးရာဦးစီးဌာန၊ စစ်ကိုင်းခရိုင်၊ ခရိုင်ဦးစီးမှူးနှင့် ဝန်ထမ်း(၂)ဦးတို့သည် အထူးစုံစမ်းစမ်းစစ်ဆေးရေးဦးစီးဌာန၊ သတင်းရဲတပ်ဖွဲ့၊ စစ်ဘက်ရေးရာလုံခြုံရေးတပ်ဖွဲ့တို့နှင့် ပူးပေါင်း၍ ၂၀၂၅ခုနှစ်၊ အောက်တိုဘာလ ၂၇ ရက်နေ့ နံနက်(၁၀း၃၀)အချိန်တွင် စစ်ကိုင်းမြို့၊မိုးဇာရပ်ရှိ ဒေါ်ခင်မျိုးဝင်းဆန်ရောင်းဝယ်ရေးလုပ်ငန်းနှင့်နေ့လည်(၁၂း၀၀)အချိန်တွင် စစ်ကိုင်းမြို့၊ပတ္တမြားစက်မှုဇုန်ရှိ ဦးသက်အောင် ဆန်စက်ပိုင်ရှင်တို့ဖြင့် တွေ့ဆုံမေးမြန်းရာ My Ro မှတ်ပုံတင်ထားသော ဆန်သိုလှောင်ရုံများအား ဆန်အမျိုးအစားများနှင့် ဆန်အိတ်အရေအတွက် များအား စစ်ဆေးမေးမြန်းခဲ့ကြောင်း သတင်းရရှိပါသည်။

DOCA (စစ်ကိုင်း)      

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့ နယ်တာဝန်ခံရုံးအနေဖြင့် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် ဒေသတွင်းရှိ MSMEလုပ်ငန်းများ၏ လိုအပ်ချက်တို့ကိုပေါင်းစပ်ညှိနှိုင်းဆောင်ရွက်ပေးနိုင်ရန်လစဉ်စီးပွားရေးလုပ်ငန်းရှင်များနှင့်ကွင်းဆင်းတွေ့ဆုံဆွေးနွေးခြင်းများ ဆောင်ရွက်လျက်ရှိကြောင်း သိရ သည်။

          ၂၀၂၅ ခုနှစ်၊ အောက်တိုဘာလ ၂၇ ရက်၊ မွန်းလွဲပိုင်းအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဒေါ်အိမွန်ကျော် အကြီးတန်စားရေးတို့သည် ကန့်ဘလူမြို့၊ အမှတ်(၃)ရပ်ကွက်ရှိ “သိန်းသန်းဖြိုး”ဆန်စက်လုပ်ငန်းရှင်နှင့် ကွင်းဆင်းတွေ့ဆုံခဲ့ကြောင်း၊ ထိုသို့တွေ့ဆုံဆွေးနွေးရာတွင် ဆန်စက်လုပ်ငန်းရှင်မှ မိမိတို့အနေဖြင့် နဝလီကြိတ်ခွဲခြင်းဖြစ်ကြောင်း၊  နွေစပါးပေါ်ချိန်နှင့် မိုးစပါး ပေါ်ချိန်၌သာ အများဆုံးလည်ပတ်ကြိတ်ခွဲရကြောင်း၊ တာဝန်ခံက စီးပွားရေးလုပ်ငန်းရှင်များအနေ ဖြင့်ဆန်တန်ချိန် ၅၀ သို့မဟုတ် စပါးတင်း ၅၀၀၀နှင့်အထက် သိုလှောင်သည့် ဆန်စပါးသိုလှောင်ရုံ များရှိပါက မိမိတို့၏သိုလှောင်ရုံများကို Myanmar Rice Online (My Ro)တွင်မဖြစ်မနေ မှတ်ပုံတင် ဆောင်ရွက်ရမည်ဖြစ်ကြောင်းနှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန် များကိုသိရှိထားရန်လိုအပ်ကြောင်း အသိပညာပေးဆွေးနွေးခဲ့ကြပြီး လက်ကမ်းစာစောင်များ ဖြန့်ဝေ ပေးခဲ့ကြောင်း သိရသည်။

DOCA (စစ်ကိုင်း)