သတင်းနှင့် လှုပ်ရှားမှုများ

        ၂၀၂၅ ခုနှစ်၊ မေလ ၁၅ ရက်နေ့၊ နေ့လည် (၁၃း၀၀) နာရီအချိန်တွင် တနင်္သာရီတိုင်းဒေသကြီး အစိုးရအဖွဲ့၊ စီးပွားရေးရာဝန်ကြီးဦးဆောင်မှုဖြင့် ထားဝယ်ခရိုင်ဆောက်လုပ်ရေးလုပ်ငန်းသုံးပစ္စည်း ရောင်းဝယ်ရေးအသင်းဖွဲ့စည်းခြင်းအခမ်းအနားအား စားသုံးသူရေးရာဦးစီးဌာန၊ တနင်္သာရီတိုင်းဒေသ ကြီးဦးစီးမှူးရုံး အစည်းအဝေးခန်းမတွင် ကျင်းပပြုလုပ်ခဲ့ပါသည်။

          အစည်းအဝေးတွင် တိုင်းဒေသကြီးအစိုးရအဖွဲ့၊ စီးပွားရေးရာဝန်ကြီးမှ အဖွင့်အမှာစကားပြောကြားခြင်း၊ စားသုံးသူရေးရာဦးစီးဌာနမှ  တိုင်းဒေသကြီးဦးစီးမှူး၊ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး၊ လမ်းဦးစီးဌာန(မြို့ပြ)မှ လက်ထောက်ညွှန်ကြားရေးမှူး၊ ထားဝယ်ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ တို့မှ အသီးသီးရှင်းလင်းဆွေးနွေးခဲ့ကြပြီး တက်ရောက်လာသောဆောက်လုပ်ရေးလုပ်ငန်းရှင်များမှ မိမိတို့ဆန္ဒအလျောက် EC/CEC များရွေးချယ်တင်မြှောက်ခြင်းများပြုလုပ်ခဲ့ကြပြီး အစည်းအဝေးအား (၁၄း၄၅) အချိန်တွင် ‌အောင်မြင်စွာပြီးမြောက်ခဲ့ကြောင်း သိရှိရပါသည်။

DOCA(တနင်္သာရီ)

    တနင်္သာရီတိုင်းဒေသကြီး၊ မြိတ်ခရိုင်သည် ဆန်စပါးစိုက်ပျိုးသော်လည်း ဆန်စပါးထွက်ရှိမှု မလုံလောက်ခြင်းတို့ကြောင့် မြိတ်ခရိုင်ဆန်ကုန်သည်များအသင်းမှ မြိတ်ခရိုင်အတွက်လိုအပ် သောဆန်များကို အခြားတိုင်းနှင့်ပြည်နယ်များမှ သယ်ယူလျက်ရှိပြီး ၂၀၂၅ခုနှစ်၊ မေလ(၁၅)ရက် နေ့တွင် ကျိုက်လတ်မြို့နယ်မှ အမ်ဗွီ‌‌အောင်တက်တိုးရေယာဉ်ဖြင့် သယ်ယူလာသော ဆန်အိတ် ၉၀၀၀ (၄၅၀တန်)သည် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။

     ထိုသို့ရောက်ရှိလာသောဆန်အိတ်များကို စားသုံးသူရေးရာဦးစီးဌာနအပါအဝင် မြိတ်ခရိုင် ကုန်သွယ်ရေးဦးစီးဌာန၊ အကောက်ခွန်ဦးစီးဌာန၊ မြို့နယ်ရဲတပ်ဖွဲ့ စသော ဌာနဆိုင်ရာပူးပေါင်း အဖွဲ့များဖြင့် ကွင်းဆင်းစစ်ဆေးခဲ့ကြောင်းသတင်းရရှိပါသည်။

DOCA ( မြိတ် )

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်မြို့၊ မြို့နယ်တာဝန်ခံနှင့် ဝန်ထမ်း သည် အမှတ်(၄) ရပ်ကွက်၊ ဥမ္မာဒန္တီလမ်းရှိ ခြူးလုံဆေးဆိုင်နှင့် အလှကုန်ပစ္စည်းအရောင်းဆိုင်သို့  သွားရောက်၍ အွန်လိုင်းစနစ်ဖြင့် ရောင်းဝယ်ခြင်းလုပ်ငန်းအတွက် လိုအပ်သော အချက်အလက်များကို မြေပြင်ကွင်းဆင်းစစ်ဆေး မှုများ ဆောင်ရွက်ခဲ့ပြီး စစ်ဆေးတွေ့ရှိချက်များကို Online Sales Application တွင် ဖြည့်သွင်းပေးပို့ခဲ့ကြောင်း၊ အဆိုပါစစ်ဆေးချက်များကို ကုန်သွယ်ရေး ဦးစီး ဌာနမှ ဆက်လက်စိစစ်ပေးပြီး ပါက Online Sales လုပ်ငန်းမှတ်ပုံတင်လက်မှတ်ထုတ်ပေးခြင်း (သို့) ပယ်ဖျက်ခြင်းတို့ကို ဆက်လက်ဆောင်ရွက်သွားမည်ဖြစ်ကြောင်း သိရှိရပါသည်။

DOCA (ဧရာဝတီ)

     ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်ရှိ အောင်ဧရာဈေးအတွင်း (၁၂.၅.၂၀၂၅) ရက်နေ့၊ နံနက် (၀၈:၀၀)နာရီအချိန်တွင် တိုင်းဒေသကြီးအစားအသောက်နှင့် ဆေးဝါးကွပ်ကဲရေး ဦးစီးဌာနမှ ဦးဆောင်၍ ပုသိမ်မြို့နယ် အစားအသောက်နှင့်ဆေးဝါးကြီးကြပ်ကွပ်ကဲရေးကော်မတီ နှင့်အတူ ပူးပေါင်းအဖွဲ့ဖြင့် ကြက်သွေးနှင့် ပဲပြားများတွင် ဓာတုဆေးဝါးများ ပါဝင်မှုရှိ/မရှိ ရှောင်တခင်ဝင်ရောက်စစ်ဆေးပြီး ဈေးကွက်နမူနာကောက်ယူစစ်ဆေး၍ ဈေးကွက် စောင့်ကြည့် စစ်ဆေးခဲ့ကြောင်း သိရှိရသည်။

DOCA (ဧရာဝတီ)

     စားသုံးသူ‌ရေးရာဦးစီးဌာန၊ ကော့သောင်းခရိုင်ဦးစီးမှူးရုံးအနေဖြင့် မြို့နယ်ကုန်စျေးနှုန်း တည်ငြိမ်ရေးလုပ်ငန်းအဖွဲ့မှ အဖွဲ့ဝင်များဖြစ်သော ခရိုင်စားသုံးသူရေးရာဦးစီးဌာန၊ မြို့နယ်အ ထွေထွေအုပ်ချူပ်ရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်စည်ပင်သာယာရေးအဖွဲ့၊ မြို့နယ်သ မဝါယမဦးစီးဌာနတို့နှင့်ပူးပေါင်း၍ ၂၀၂၅ ခုနှစ် မေလ  ရက်နေ့ နံနက်(၈:၀၀) အချိန်တွင်ကော့ သောင်းမြို့ပေါ်ရှိ  မြို့မစျေးအတွင်း အခြေခံစားကုန်များဖြစ်သည့် ဆန်၊ဆီ၊ ဆား၊ ငရုတ်၊ ကြက် သွန်၊ အာလူးနှင့် အသား/ငါး စသည်တို့၏ စျေးနှုန်းအတက်/အကျ ပြောင်းလဲမှု အခြေအနေများ အား သိရှိနိုင်ရန်အတွက် အပတ်စဉ် စျေးကွက်ကွင်းဆင်းဆောင်ရွက်ခဲ့ကြောင်းသိရှိရပါသည်။

      စားသုံးသူပြည်သူများ၏ စားဝတ်နေရေး ပြေလည်မှုကို ရှေးရှုလျက် အခြေခံစားသောက် ကုန် စျေးနှုန်းများအပါအဝင် ကုန်စျေးနှုန်းတည်ငြိမ်ရေးကို ထိန်းသိမ်းဆောင်ရွက်နိုင်ရန်နှင့် ကုန် စည်စီးဆင်းမှု မှန်ကန်စေရေး တို့အတွက် ကုန်စျေးနှုန်းတည်ငြိမ်ရေးလုပ်ငန်းအဖွဲ့များ ဖွဲ့စည်း ဆောင်ရွက်လျက်ရှိပြီး ကော့သောင်းမြို့ အခြေခံစားသောက် ကုန်စျေးနှုန်းများသည် ဧပြီလနှင့် မေလ ပထမအပတ် နှိုင်းယှဉ်ပါက ကြက်သွန်နီစျေးနှုန်းမှာ အနည်းငယ်ကျဆင်းလျက်ရှိပြီး ကျန် အခြေခံစားသောက်ကုန်စျေးနှုန်းများနှာ တည်ငြိမ်လျက်ရှိကြောင်း သိရှိရပါသည်။

DOCA(ကော့သောင်း)