သတင်းနှင့် လှုပ်ရှားမှုများ

      ရန်ကုန်တိုင်း ၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဒေါ်လဲ့လဲ့ဌေး(ဒု-ဦးစီးမှူး)နှင့် ဝန်ထမ်းများသည် (၁၇-၇-၂၀၂၅) ရက်နေ့၊ နံနက်(၁၀:၀၀)နာရီအချိန်တွင် သင်္ဃန်း ကျွန်းမြို့နယ်အတွင်းရှိ ဆေးဆိုင်များတွင် တိုင်းရင်းဆေးအမျိုးမျိုးအား ကွင်းဆင်းစစ်ဆေးမှုများ ဆောင်ရွက်ခဲ့ကြောင်း သိရှိရပါသည်။

        ထိုသို့ဆောင်ရွက်ရာတွင် သင်္ဃန်းကျွန်းမြို့နယ်၊ လေးထောင့်ကန်လမ်းမပေါ်ရှိ ဆေးဆိုင် (၅)ဆိုင်ရှိ အင်္ဂလိပ်ဆေးအပါအဝင် တိုင်းရင်းဆေးအမျိုးမျိုးဖြစ်သော ဝါယောအဓိက၊ မှန်ချို၊ ဧကမ္ဘာ၊ ဉီးအံ့၊ ရှမ်းပျိုမယ် သွေးဆေး၊ ဂြိုလ်ထု ဝမ်းနှုတ်ဆေး၊ ရွှေ(ခရမ်းဦးချစ်)နှလုံးအားဆေး၊ မဟာဖြေဆေး၊ ဆန္ဒမွန်၊ (ထက်လင်း)ရင်လူးဆေး၊ မိဂသီ / ထွန်းရွှေဝါဒါဏ်ကြေလိမ်းဆေး အစ ရှိသော ဆေးများတွင် ကုန်အညွှန်းအမှတ်အသားပြဌာန်းခြင်းဆိုင်ရာ ဖော်ပြရမည့်အချက်များ ပြည့်စုံ စွာပါရှိသည်ကို တွေ့ရှိရပြီး၊ ကုန်အညွှန်းအမှတ်အသားပြည့်စုံသော တိုင်းရင်းဆေးဝါးများ ကိုသာ ရောင်းချပေးရန်နှင့် စပ်ဆေးများရောင်းချခြင်းမပြုရန် အသိပညာပေးပြောကြားခဲ့ကြောင်း သတင်း ရရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန ၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်ယုယုလွင် (အကြီး တန်းစာရေး)နှင့် ဝန်ထမ်းများသည် (၁၆.၇.၂၀၂၅) ရက်နေ့၊ နံနက်(၁၁:၀၀) နာရီအချိန် တွင်    ပုဇွန်တောင်မြို့နယ် ၊ ပုဇွန်တောင်ဈေးအတွင်းရှိ ဆန်လက်လီရောင်းချနေသော အင်ကြင်းခိုင် (ဆန်ရောင်းဝယ်ရေးအရောင်းဆိုင်) သို့ သွားရောက်၍ ဆန်ရောင်းချမှု ကွင်းဆင်းစစ်ဆေး မှုများဆောင်ရွက်ခဲ့ကြကြောင်း သိရှိရပါသည်။

      ထိုသို့ ကွင်းဆင်းအသိပညာပေးရာတွင် ဆန်ဆိုင်ရှိ ရောင်းချနေသော ဆန်များသည် ရွှေဘိုပေါ်ဆန်း(အသစ်/အဟောင်း)၊ ရွှေဘို(လတ်)  ၊ ကျားပျံ(ရှယ်) ၊ ကျားပျံ(လတ်) ၊ ဧရာပေါ် ဆန်း ၊ ပေါ်ဆန်း(ရိုးရိုး) ၊ ပေါ်ဆန်း(လတ်) ၊ ဇီယာ(နိမ့်) ၊ ဇီယာ (လတ်) ၊ (ရက် ၉၀) ၊ ဧရာပဒေသာ ၊ ဧရာပဒေသာ (ထိပ်စ) ပေါ်ကျွဲ စသည့် ဆန်များ၏(၁ပြည်) ဈေးနှုန်းများကို စစ်ဆေးခြင်း သတ်မှတ်ရည်ညွှန်းဈေးအတိုင်း ရောင်းချခြင်းရှိ/မရှိ စစ်ဆေးခြင်းနှင့် ဆန်ဈေးနှုန်းကြီးမြှင့်မှု မဖြစ် ပေါ်စေရေးအတွက် ဈေးကစားရန်အလို့ငှာ ဆန်များ သိုလှောင်ထားခြင်းမပြုရန် သတ်မှတ်ထားသော ဈေးနှုန်းများအတိုင်း ရောင်းချသွားရန် အသိပညာပေးပြောကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

     (၁၅-၇-၂၀၂၅) ရက်နေ့၊ နေ့လယ်(၁၃:၃၀)နာရီအချိန်တွင် စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ စစ်ဆေးရေးအရာရှိ ဒေါ်အေးအေးမော်(ရုံးအုပ်)နှင့် ဝန်ထမ်းများသည် မြို့နယ်ပြည်သူ့ကျန်းမာရေးဦးစီးဌာနမှ ဒေါ်သင်းနုနုလှိုင် (အထက်တန်းသူနာပြု)နှင့် ဝန်ထမ်းများ၊မြို့နယ်စည်ပင်သာယာရေးကော်မတီမှ ဦးကျော်စိုးလင်းအောင်(လ/ထ အုပ်ချုပ်ရေးမှူး)နှင့်ဝန်ထမ်းများနှင့်ပူးပေါင်းပြီး ဗိုလ်တထောင်မြို့နယ်ရှိ 99 FOOD Center    အရောင်းဆိုင်အား ကွင်းဆင်းစစ်ဆေးခဲ့ကြောင်း သိရှိရပါသည်။

   ထိုသို့စစ်ဆေးရာတွင်  ဆိုင်အတွင်း အစားအသောက်ကိုင်တွယ်သည့် ဝန်ထမ်းများ သတ်မှတ်ထားသည့် စည်းကမ်းချက်များအတိုင်းလိုက်နာမှု ရှိ/မရှိစစ်ဆေးခြင်း၊ အခွန်ပေးဆောင် ခြင်းရှိ/မရှိ၊သက်ဆိုင်ရာဌာနများ၏ ရောင်းချခွင့်လိုင်စင်ဆောင်ရွက်ထားခြင်း ရှိ/မရှိ တို့ကို စစ်ဆေးခဲ့ပြီး စားသုံးသူကာကွယ်ရေးဥပဒေပါ အခန်း(၁၁)ရှိ ကုန်စည်နှင့်စပ်လျဉ်း၍ အာမခံချက် ပေးခြင်းကို အသိပညာပေးပြောကြားခဲ့ကြောင်း  သိရှိရပါသည်။

DOCA(ရန်ကုန်)

    စားသုံးသူရေးရာဦးစီးဌာန ၊ အရှေ့ပိုင်းခရိုင်ဦးစီးမှူးရုံးမှ ဒေါ်လဲ့လဲ့ဌေး (ဒု-ဦးစီးမှူး) နှင့် ဝန်ထမ်းများသည် ဈေးစည်ပင်သာယာနှင့် ပူးပေါင်း၍ ၁၆.၇.၂၀၂၅ ရက်နေ့ ၊ နံနက် (၁၀:၀၀) နာရီအချိန်တွင် သာကေတမြို့နယ်၊ အမှတ်(၂) ဈေးအတွင်းရှိ ကုန်စုံဆိုင်များတွင် ရောင်းချနေသော စားသုံးဆီများအား ကုန်အညွှန်းအမှတ်အသားနှင့်ပတ်သက်၍ ဈေးကွက် စောင့်ကြည့် စစ်ဆေးခြင်း လုပ်ငန်းများ ဆောင်ရွက်ခဲ့ပါသည်။

    ထိုသို့ ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ရာတွင် ကုန်စုံဆိုင်များအနေဖြင့် စားသုံးသူပြည်သူများအတွက် ဘေးအန္တာရာယ်ကင်းရှင်းသော စားသောက်ကုန်များကိုသာ ဖြန့်ဖြူးရောင်းချရန် စားသုံးသူကာကွယ်ရေးဥပဒေအခန်း(၁၈)ပါ “ကုန်အညွှန်း အမှတ်အသားဖော်ပြခြင်း” နှင့် ပတ်သက်၍ ပုဒ်မ (၄၃)အရ စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြား ဘာသာတစ်ခု (သို့မဟုတ်) တစ်ခုထက်ပို၍တွဲလျက်ဖြစ်စေ ရေးသားဖော်ပြထားသော ကုန်စည်များကိုသာ ရွေးချယ်ဝယ်ယူ ရောင်းချရန်နှင့် စီးပွားရေးလုပ်ငန်းရှင်၏တာဝန်များကို သိရှိလိုက်နာ ဆောင်ရွက်စေရန် အသိပညာပေးဆွေးနွေးခြင်းများ ဆောင်ရွက်ခဲ့ပါသည်။

DOCA(ရန်ကုန်)

  ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ကျောက်တံခါးမြို့နယ်တာဝန်ခံရုံးအနေဖြင့်၊  ကုန်ဈေးနှုန်းတည်ငြိမ်ရေးလုပ်ငန်းများ၊ စားသုံးသူကာကွယ်ရေးလုပ်ငန်းများကို ကြိုးစားပမ်းစား ဆောင်ရွက်လျက်ရှိရာ ၂၂.၇.၂၀၂၅ ရက်နေ့တွင် ကျောက်တံခါးမြို့နယ်တာဝန်ခံ ဒေါ်တင်တင်စန်း နှင့် ဒုဦးစီးမှူး ဒေါ်ဇင်မာထွေးတို့သည် ကျောက်တံခါးမြို့၊ စည်ပင်သာယာဈေးအတွင်းတန်း၊ အပြင် တန်းများတွင် ရောင်းချနေသော စားအုန်းဆီအရောင်းဆိုင်များအား ဌာနဆိုင်ရာများနှင့်အတူ ပူးပေါင်းစစ်ဆေးခဲ့ကြောင်း သတင်းရရှိပါသည်။
  မြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူး ဒေါ်ဇင်မာထွေးတို့သည် မိတ်ဖက်ဌာနများ ဖြစ်သော ကျောက်တံခါးမြို့နယ် အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့များနှင့် အတူ ကွင်းဆင်းစစ်ဆေးရာ မြို့နယ်တာဝန်ခံက စားအုန်းဆီအရောင်းဆိုင်များအား ဈေးနှုန်းမြှင့်တင် ရောင်းချခြင်းမပြုရန်၊ ဈေးကွက်အတွင်း သတ်မှတ်ရည်ညွှန်းဈေးအတိုင်းသာ ရောင်းချရန်၊  ဗီနိုင်း ချိတ်ဆွဲရောင်းချရန်၊ အလေးချိန်မှန်ကန်စွာ ချင်တွယ်ရောင်းချရန် အသိပညာပေး စစ်ဆေးခဲ့သည်ဟု သတင်းရရှိပါသည်။

DOCA(ပဲခူး)