သတင်းနှင့် လှုပ်ရှားမှုများ

     မအူပင်ခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူးနှင့်အဖွဲ့သည် ၂၄-၁၀-၂၀၂၅ ရက်နေ့ နံနက် ၉နာရီအချိန်က ပန်းတနော်မြို့နယ်ရှိ မြို့မဈေးကြီးအတွင်းရောင်းချနေသော ကုန်မျိုးစုံအရောင်းဆိုင်များမှ ကနု်စည်အမျိုးမျိုးနှင့် စပ်လျဉ်း၍ ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ကြောင်း သိရသည်။

     ကွင်းဆင်းစစ်ဆေးရာတွင် မအူပင်ခရိုင်ဦးစီးမှူးက ကုန်မျိုးစုံရောင်းချသော မြို့မဈေးအတွင်း ကုန်စုံဆိုင်ရှင်များအား ၎င်းတို့ရောင်းချသော ကုန်မျိုးစုံအပေါ်မူတည်၍ ဈေးကွက်စောင့်ကြည့်စစ်ဆေးရာ ဗူးသွပ်ဆီများနှင့် စပ်လျဉ်း၍ ညွှန်ကြားချက်အမှတ် (၁/၂၀၂၁) ထုတ်ပြန်ချက်နှင့် ကိုက်ညီမှု ရှိမရှိစစ်ဆေးခြင်း၊  ပင်ရင်းပါဝင်ပစ္စည်းကိုအခြေခံ၍ အမျိုးအမည်တိကျစွာဖော်ပြရန်၊ မြန်မာဘာသာဖြင့်ဖော်ပြရန်၊ အသားတင်ပမာဏနှင့် အရွယ်အစားတို့အား မြန်မာ့အလေးချိန်ယူနစ်ဖြစ်သော ပိဿာကျပ်သားတို့ဖြင့် ဖော်ပြရန်ကိုလည်းကောင်း၊ အခြားသော ကုန်စည်များဖြစ်သည့် ကုန်စဉ်အုပ်စု ၈မျိုးနှင့် စပ်လျဉ်း၍ ညွှန်ကြားချက်အမှတ် (၂/၂၀၁၉)နှင့် ကိုက်ညီမှု ရှိစေရန်စစ်ဆေးဆောင်ရွက်ရာ ရောင်းချသော ကုန်စည်များတွင် မြန်မာလို ကုန်အညွှန်းအမှတ်အသားဖော်ပြရာတွင် လွယ်ယူစေရန်၊ စားသုံးသူဝယ်ယူအသုံးပြု သည့်အခြ အဆင်ပြေစွာဝယ်ယူနိုင်ရန် ထုတ်ပြန်ထားပြီး ဈေးကွက်အတွင်းကုန်စည်များ ကုန်စည်အမျိုးအစားအလိုက် ဖော်ပြရမည့် အသေးစိတ်အချက်အလက်များကိုက်ညီမှု ရှိမရှိကို လုပ်ငန်းရှင်များ သိရှိနိုင်ရန် ရှင်းလင်းပြသပြီး ကိုက်ညီမှုရှိသော ကုန်စည်ကိုသာတွေ့ရှိ၍ ကိုက်ညီချက်နှင့် ရောင်းချသောကုန်စည်များကို ဥပမာပေး ရှင်းလင်းအသိပေးခဲ့ပြီး တားမြစ်ချက်နှင့်မကိုက်ညီသော ကုန်စည်များ ဈေးကွက်အတွင်းရောင်းချကြောင်းစစ် ဆေးတွေ့ရှိပါက ဥပဒေများနှင့်အညီ အရေးယူဆောင်ရွက်သွားမည်ဖြစ်ကြောင်း လိုအပ်သည်များ မှာကြားခဲ့ပြီး ဈေးကွက်စောင့်ကြည်စစ်ဆေးရာတွင် မြို့နယ်စည်ပင်သာယာ‌ရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာနဆိုပါဝင်ခဲ့ကြပြီး မြို့မဈေးအတွင်း ကုန်မျိုးစုံအရောင်းဆိုင် ၁၂ဆိုင်ကို စစ်ဆေးခဲ့ကြောင်း သိရသည်။

DOCA(ဧရာဝတီ)

      မအူပင်ခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးနှင့်အဖွဲ့သည် ဆန်စပါး မြို့နယ်တွင်း ကြိတ်ခွဲထုတ်လုပ်နေသည့် ဆန်စက်များ၏ ဘေးထွက်ပစ္စည်း၊ စွန့်ပစ်ပစ္စည်းများဖြစ်သော စပါးခွံ(Rice Husk)နှင့် ဖွဲနု (Rice Bran) တို့မှတိုးဖိုးမြှင့်ထွက်ကုန်များ ထုတ်လုပ်နိုင်ရေး နှင့် ဆန်စက်လုပ်ငန်း ဖွံ့ဖြိုးတိုးတက် စေရေးအတွက် ကွင်းဆင်း၍ ပန်းတနော် ဆန်စက်လုပ်ငန်းရှင်များနှင့် ပန်းတနော် မြို့နယ် တာဝန်ခံရုံးတွင် ၂၄-၁၀-၂၀၂၅ နံနက် ၁၀နာရီအချိန်က တွေ့ဆုံ‌ဆွေးနွေးခဲ့ကြသည်။

        ဆွေးနွေးရာတွင် မအူပင်ခရိုင်ဦးစီးမှူး ဦးဇော်မင်းက လက်ရှိ စပါးထွက်ရှိမှုအပေါ် ဝယ်ယူနေမှုဈေးနှုန်း အခြေအနေများ၊ လက်ရှိ စပါးဈေးနှုန်းအခြေအနေများ၊ ဆန်စက်မှု အသုံးပြုသော စပါးအခြောက်ခံ စက်အခြေအနေ များကိုမေးမြန်းဆွေးနွေးခြင်း၊မြို့နယ် ဆန်စပါး ဈေးနှုန်းတည်ငြိမ်ရေးအတွက် ဆန်စပါး လုပ်ငန်းကြီးကြပ်ရေးအဖွဲ့ ဖွဲ့စည်း‌ဆောင်ရွက်နိုင်ရေးနှင့် အသင်းအဖွဲ့များ ရှင်သန်နိုင်ရေး စုပေါင်းဆောင်ရွက် ရန်လိုအပ်ကြောင်း၊ ဒေသတွင် ဈေးနှုန်းဈေးကွက်အခြေအနေများကို အသင်းအဖွဲ့မှ ကြပ်မတ်ဆေညင်ရွက်ပြီး မြေပြင်အခြေအနေမှန်များကို သုံးသပ်၍ စိစစ်ဆောင်ရွက်နိုင်ရန် လိုအပ်ကြောင်းကိုလည်းကောင်း၊  Gasifier လည်ပတ်မှု နည်းစနစ်မှန်ကန်စေရေး၊  ဆန်စက်မှ ရထုတ်ကျန် စပါး/ဆန်စာရင်းများကိုလည်း စာရင်းပြုစုထားရှိရန် ၊ ကွင်းဆင်းစစ်ဆေးရေးအဖွဲ့မှ ကွင်းဆင်း စစ်ဆေး ဆောင်ရွက် သည့်အခါ အဆင်ပြေလွယ်ကူစွာ တင်ပြဆွေးနွေးနိုင်ကြောင်းကို အသေးစိတ်ရှင်းလင်း ဆွေးနွေးခဲ့ကြကြောင်း ပန်းတနော်မြို့နယ်မှ ဆန်စက်လုပ်ငန်းရှင် ၅ဦးတက်ရောက်ခဲ့ကြောင်း သိရသည်။

DOCA(ဧရာဝတီ)

          (၂၈.၁၀.၂၀၂၅)ရက်နေ့၊ နေ့လယ်(၁၃:၀၀) နာရီအချိန်တွင် စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှ စစ်ဆေးရေးအရာရှိ ဦးသိန်းထွန်းနှင့်ဝန်ထမ်းများသည် Tun’s Store Official မှ “လျှပ်စစ်ပစ္စည်းများ”အား အင်းဝ (၁)လမ်း၊ (၆)ရပ်ကွက်၊ အရှေ့ဒဂုံမြို့နယ်သို့ သွားရောက်၍ အွန်လိုင်းစနစ်ဖြင့် ရောင်းချခြင်းလုပ်ငန်းများ မှတ်ပုံတင်လက်မှတ်စိစစ်ထုတ်ပေးခြင်း၊ မြေပြင်လုပ်ငန်းနှင့် မှတ်ပုံတင်ထားရှိမှုကိုက်ညီမှုရှိ/ မရှိ၊ လုပ်ငန်းလိပ်စာမှန်ကန်မှုရှိ/ မရှိ၊ Online Sale မှတ်ပုံတင်မြေပြင်စစ်ဆေးခြင်းဆိုင်ရာ အချက်အလက် များကိုက်ညီမှုရှိ/ မရှိကို စစ်ဆေးခဲ့ပြီး အွန်လိုင်းစနစ်နဲ့ရောင်းချခြင်းလုပ်ငန်းများကို အရေးကြီးကုန်စည်နှင့်ဝန်ဆောင်မှုအဖြစ်သတ်မှတ် ပြီးလုပ်ငန်းမှတ်ပုံတင်လက်မှတ်များကို ခွင့်ပြုထုတ်ပေးလျက်ရှိကြောင်း အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန ပုသိမ်ခရိုင် ငပုတောမြို့နယ် မြို့နယ်တာဝန်ခံနှင့် ဝန်ထမ်းများသည် (၂၅.၁၀.၂၀၂၅) ရက်နေ့ နံနက်(၉:၃၀) အချိန်တွင် ငပုတောမြို့ မြောက်ပိုင်း ယင်းမာလမ်းတွင်  ရောင်းချနေသော ဒေါ်အုန်းမြင့်မုန့်ဟင်းခါးဖိုအား သန့်ရှင်းခြင်း၊ တာရှည်ခံဆေးများသုံးစွဲခြင်း  ရှိ/မရှိ ကွင်းဆင်းစစ်ဆေးခဲ့ပါသည်။

     ထို့သို့ကွင်းဆင်းစစ်ဆေးရာတွင် ငပုတောမြို့မြောက်ပိုင်း ယင်းမာလမ်းတွင် ရောင်းချနေ သောမုန့်ဟင်းခါးဖိုအား တာရှည်ခံဆေးများသုံးစွဲခြင်း၊ သန့်ရှင်းခြင်း ရှိ/မရှိ စားသုံးသူဘေးအန္တရာယ် ဖြစ်စေနိုင်သော အစားအသောက်များ ရောင်းချခြင်း ရှိ/မရှိ ကွင်းဆင်းစစ်ဆေးခဲ့ပြီး သတ်မှတ်စံချိန်စံညွှန်းနှင့်အညီ ရောင်းချလျက်ရှိကြောင်းတွေ့ရှိရပါသည်။ ထို့နောက် သက်ဆိုင်ရာ ဌာနမှခွင့်ပြုထားသော ဥပဒေညွှန်ကြားချက်များအား လိုက်နာဆောင်ရွက်ကြရန်နှင့် သန့်ရှင်းသပ်ရပ်သော စားသောက်ကုန်များ ကိုသာဈေးကွက်အတွင်း တင်သွင်းရောင်းချရန် မုန့်ဟင်းခါးဖိုပိုင်ရှင် ဒေါ်အုန်းမြင့်အား အသိပညာပေးဆွေးနွေးခဲ့ပါသည်။

(DOCA) ဧရာဝတီ

      ဧရာဝတီတိုင်းဒေသကြီး၊ ပုသိမ်ခရိုင် ငပုတောမြို့နယ် စားသုံးသူရေးရာဦးစီးဌာန မြို့နယ်ရုံးတွင် စားအုန်းဆီကိုယ်စားလှယ်များအား (၂၅.၁၀.၂၀၂၅)ရက်နေ့ နံနက်(၁၀:၀၀)နာရီ အချိန်တွင် မြို့နယ်တာဝန်ခံမှ ခေါ်ယူတွေ့ဆုံ၍ စားအုန်းဆီထုတ်ယူမှုကိစ္စနှင့်ပတ်သက်၍လည်းကောင်း၊ ဗွီနိုင်းချိတ်ဆွဲ ထားရှိနိုင်ရန်လည်းကောင်း၊ ခွဲတမ်းရရှိသောစားအုန်းဆီများအား သတ်မှတ်ရည်ညွှန်းဈေးဖြင့် ရောင်းချပေးနေခြင်း ရှိ/မရှိ တွေ့ဆုံဆွေးနွေးခဲ့ပါသည်။

        ထိုသို့တွေ့ဆုံဆွေးနွေးရာတွင် စားအုန်းဆီသယ်ယူမှုနှင့်ပတ်သက်၍ သိသင့်သိထိုက်သော အချက်အလက်များကို ဆီကိုယ်စားလှယ်များအား ဆွေးနွေးပြောကြားခဲ့ပြီး လက်လီ/လက္ကားရောင်းချ နေသောဆိုင်များတွင် ခွဲတမ်းရရှိသောစားအုန်းဆီများအား သတ်မှတ်ရည်ညွှန်းဈေးဖြင့်သာရောင်းချ ကြရန်၊ ဗွီနိုင်းချိတ်ဆွဲထားရှိကြရန်၊ ဈေးနှုန်းမြှင့်တင်ရောင်းချခြင်းမရှိစေရန်၊ အလေးချိန်ပြည့်ဝမှန်ကန်စွာရောင်းချ ကြရန်၊ ထုတ်ပြန်ထားသည့်စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချကြရန် ရှင်းလင်း ပြောကြားပြီးစားအုန်းဆီ လက်လီ/လက္ကားရောင်းချနေမှုအခြေအနေနှင့် လက်ရှိဖြစ်ပေါ်နေသော စားအုန်းဆီ ဈေးနှုန်းကြီးမြင့်နေမှုကို မိမိတို့အနေဖြင့် စားသုံးသူပြည်သူများအား သက်သာသောဈေးနှုန်းဖြင့်ရောင်းချ ပေးရန်၊ ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရအရေးယူ ဆောင်ရွက်သွားမည်ဖြစ်ကြောင်း စားအုန်းဆီဆိုင် ပိုင်ရှင်များအား ရှင်းလင်းဆွေးနွေးပြောကြားခဲ့ပါသည်။

(DOCA) ဧရာဝတီ