သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ပန်းတနော် မြို့နယ်တာဝန်ခံရုံးမှ တာဝန်ရျိသူများသည် ဦးစီးဌာန၏ သတ်မှတ်ထုတ် ပြန်ထားသော ၂၀၂၄-၂၀၂၅ ဦးစားပေးကုန်စည် ၁၀မျိုးထဲမှ ပါဝင်သောဟင်းချက်ရာတွင် အမွေးအကြိုင် အဖြစ်သုံးသော ဟင်းခတ်မှုအမျိုးမျိးတွင် ကုန်အညွှန်းအမှတ်အသား ပါဝင်မှုရှိမရှိနှင့် ပြည်သူများ ဘေးအန္တရာယ်ကင်းစွာ သုံးစွဲနိုင်ရန်အတွက် ကွင်းဆင်းစစ်ဆေးဆောင်ရွက်ခဲ့ကြောင်းသိရသည်။

         ကွင်းဆင်းစစ်ဆေးရာတွင် ပန်းတနော်မြို့နယ်တာဝန်ခံရုံးမှ ဦးအောင်ကျော်သက်က ပန်းတနော် မြို့မဈေးအတွင်း ကုန်မျိုးစုံရောင်းချနေသော ဆိုင်(၈)ဆိုင်မှ ရောင်းချနေသည့် ဟင်းခတ်အမွေးအကြိုင် အမျိုးမျိုးတွင် ကုန်အညွှန်အမှတ်အသား ပါဝင်မှု ရှိ/မရှိ၊ သက်တမ်းလွန်ကုန်စည်များ ဈေးကွက်အတွင်း ရောင်းချခြင်း ရှိ/မရှိ၊ ဆိုးဆေးနှင့် သဘာဝအရောင်အနံ့ မရှိသော ကုန်စည်များ ကိုစစ်ဆေးခြင်း၊ တားမြစ်ဆိုးဆေးများ၊ ကြာရှည်ခံဆေးများပါဝင်သည့် စားသောက်ကုန်များသည် စားသုံးသူစားသုံးမိပါက ထိခိုက်နိုင်မည်ဖြစ်သဖြင့် ဈေးကွက်အတွင်း ရောင်းချမှု မရှိစေရန် အသိပေးပြောကြားခဲ့ပြီး ပန်းတနော်မြို့နယ်အတွင်ရောင်းချနေသော ဟင်းခတ်မှုန့်များသည် ကုန်အညွှန်းအမှတ်အသားဖော်ပြပါဝင်ပြီး ထောက်ခံခွင့်ပြု ချက်များ ပါဝင်သော ကုန်စည်များကို ရောင်းချနေကြောင်း စစ်ဆေးတွေ့ရှိခဲ့ကြောင်း သိရသည်။

DOCA(ဧရာဝတီ)

    စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းဦးဆောင်၍ ခရိုင်ရုံးဝန်ထမ်းများ ၂၀၂၅ခုနှစ် ၁၂ ရက်နေ့ နေ့လည် ၁၃၀၀နာရီအချိန်က ငလျင်ဘေးဆိုင်ရာအသိပညာပေးခြင်း လုပ်ငန်းကို ရှင်းလင်းဟော ပြောဆွေး နွေးခဲ့ကြောင်း သိရသည်။

   ဟောပြောဆွေးနွေးရာတွင် ခရိုင်ဦးစီးမှူးမှ အဖွင့်အမှာစကားပြောကြားခဲ့ပြီး ငလျင်ဘေးဆိုင်ရာအသိပညာပေးခြင်း ကို ဒေါ်သင်းသင်းထွေး ဒု-လက်ထောက်ကြီးကြပ်ရေးမှုးမှ မြန်မာနိုင်ငံတွင်ဖြစ်ပွားနေသော ငလျင်အခြေအနေအကြောင်း ၊ ငလျင်ဘေးအတွက်ကြိုတင်ပြင်ဆင်ရန်အခြေအနေများ ကိုလည်းကောင်း၊ ဒေါ်အေးမြနန္ဒာ အငယ်တန်းစာရေးမှ ငလျင်လှုပ်နေစဉ်တွင် လိုက်နာရမည့်အချက်များ၊ ငလျင်လှုပ်နေစဉ်ရှောင်ရှားရမည့်အချက်များ၊ ဒေါ်အိအောင်ဟိန်း အငယ်တန်းစာရေးမှ ငလျင်လှုပ်ပြီးနောက်ပြုလုပ်ရန်အချက်များအကြောင်း၊ ဒေါ်ခိုင်ခိုင်လင်း ဒု-ဦးစီးမှူးက ငလျင်လှုပ်ပြီးနောက် ရှောင်ရှားသင့်သောအချက်အျားအကြောင်း၊ ဒေါ်သဇင်ဦး ဒု-ဦးစီးမှူးက မြန်မာနိုင်ငံ ငလျင်ဇုန်ပြမြေပုံအကြောင်း၊ ဝန်ထမ်းများအားထောက်ပံ့ပေးမှု အစီအစဉ်များအကြောင်းကို တစ်ဦးခြင်း သိရှိနားလည်စေရန် ရှင်းလင်း အသိပညာပေးခဲ့ကြသည်။

    ထိုနောက် ခရိုင်ဦးစီးမှူး ဦးဇော်မင်းမှ နိဂုံးချုပ်အနေဖြင့် ဝန်ထမ်းများသည် အထက်ဌာန၏ လမ်းညွှန်ချက်၊ မှာကြားချက်များကို လေးစားလိုက်နာစွာမှတ်သားပြီး ကျရောက်နေသော ငလျင်ဘေးသင့် ပြည်သူမျာအတွက် ကိုယ်ချင်းစာနာစိတ်ဖြင့် တက်နိုင်သလောက် ဖေးမကူညီဆောင်ရွက်နိုင်ရန်ကိုလည်းကောင်း၊ ငလျင်ဘေးဆိုင်ရာအသိပညာ များကိုလည်း မိမိကိုယ်တိုင်အတွက်သော်လည်းကောင်း ၊ပတ်ဝန်ကျင်မိသားစု များအတွက်ပါ အသိ၊ သတိရှိစွာ လုပ်ဆောင်တက်ရန်ကို မှာကြားခဲ့ပြီး နမူပင်ခရိုင်ဦးစီးမှူးရုံးမှ ဝန်ထမ်း ၁၀ဦးတက်ရောက်ခဲ့ကြောင်း သိရသည်။

DOCA(ဧရာဝတီ)

     မအူပင်ခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူးရုံးအနေဖြင့် ကုန်ဈေးနှုန်းတည်ငြိမ်ရေးအတွက် မြို့နယ်ကုန် ဈေးနှုန်းထိန်းချုပ်ရေးကော်မတီ အဖွဲ့ဝင်များနှင့်အတူ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာ ယာရေးဌာန၊ ဈေးကော်မတီတို့နှင့်ပူးပေါင်း၍ ၂၀၂၅ခုနှစ် မေလ ၁၂ ရက်နေ့ နံနက်(၁၀:၀၀)နာရီအချိန်တွင် အခွန်လွတ်ဈေး၊ မြို့မ ဈေးအတွင်း အခြေခံစားကုန်များဖြစ်သည့် ဆန်၊ ဆီ၊ ဆား၊ ငရုတ်၊ ကြက်သွန်၊ အာလူးနှင့် အသား/ငါး အစရှိသည်တို့၏ ဈေးနှုန်းအတက်/အကျ ပြောင်းလဲမှုအခြေအနေများ ရှိ/မရှိနှင့် ပြောင်းလဲပါက ဈေးနှုန်းကြီးမြှင့်ရသည့် အခြေခံ အကြောင်း အရင်းများကို သိရှိနိုင်ရန်အတွက် လစဉ် ဈေးကွက်ကွင်းဆင်း ဆောင်ရွက်ခဲ့ကြောင်း သိရှိရပါသည်။

     စားသုံးသူပြည်သူများ၏ စားဝတ်နေရေးပြေလည်မှုကို ရှေးရှုလျက် အခြေခံစားသောက်ကုန် ဈေးနှုန်း များအပါ အဝင် ကုန်ဈေးနှုန်းတည်ငြိမ်ရေးကို ထိန်းသိမ်းဆောင်ရွက်နိုင်ရန်နှင့် ကုန်စည်စီးဆင်းမှု မှန်ကန်စေရေး တို့အတွက် ကုန်ဈေး နှုန်းထိန်းချုပ်နိုင်ရေးအဖွဲ့များဖွဲစည်းဆောင်ရွက်လျှက်ရှိပြီး မအူပင်မြို့ အခြေခံစားသောက် ကုန်ဈေးနှုန်းများသည် မတ်လနှင့် ဧပြီလပထမပါတ်နှိုင်းယှဉ်ပါက ခရမ်းချဉ်းသီးဈေးနှုန်း၊ မှာ အနည်းငယ်မြင့် တက်လာပြီး ကျန်အခြေခံစား သောက်ကုန် ဈေးနှုန်းများမှာ တည်ငြိမ်လျက်ရှိကြောင်း သိရပါသည်။

DOCA(ဧရာဝတီ)

     (၁၃-၅-၂၀၂၅) ရက်နေ့ နံနက် (၀၉:၃၀) နာရီအချိန်တွင် မြို့နယ်စည်ပင်သာယာရေး အဖွဲ့မှဦးဆောင်၍ စားသုံးသူရေးရာဦးစီးဌာန၊  ဒေါ်ခိုင်ခိုင်လင်းဒု-ဦးစီးမှူးနှင့် ဝန်ထမ်း(၂)ဦး၊ မြို့နယ်ကျန်းမာရေးဦးစီးဌာန၊ ရပ်ကွက်အုပ်ချုပ် ရေးမှူးစသည့် တာဝန်ရှိသူများနှင့်ပူးပေါင်း၍ ကမ်းနားလမ်းရှိ စားသောက်ကုန်ပစ္စည်း အမျိုးမျိုးအရောင်းဆိုင်အား ကွင်းဆင်းစစ်ဆေးခဲ့ကြောင်း သိရသည်။

     စားသုံးသူပြည်သူများအတွက် ကုန်စည်နှင့်ဝန်ဆောင်မှုများအသုံးပြုရာတွင် ဘေးအန္တရာယ် ကင်းရှင်းစေရေးအတွက် ဆောင်ရွက်လျက်ရှိရာ မအူပင်မြို့ ကမ်းနားလမ်းတလျောက်ရှိ စားသောက်ကုန်ပစ္စည်း အရောင်းဆိုင်များရှိ ဟင်းလျာများ တွင်အရောင်၊ အနံ့၊ အရသာအတွက် အသုံးပြုသောပစ္စည်းအမျိုးမျိုးအား ကွင်းဆင်းစစ်ဆေးခြင်း ဆောင်ရွက်ခဲ့ရာ ကုန်အညွှန်းအမှတ်အသားနှင့်ပြည့်စုံမှုမရှိသော စားသောက်ကုန်ပစ္စည်းများ ရောင်းချခြင်းရှိ/မရှိစစ်ဆေးခဲ့ကြောင်း၊ လုပ်ငန်းရှင် များအနေဖြင့် ကုန်အညွှန်းအမှတ်အသားဖော်ပြရာတွင် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)နှင့် ကိုက်ညီမှုမရှိသော စားသောက်ကုန်ပစ္စည်းမျိုးမျိုးအား ရောင်းချခြင်းမပြု ရန်အသိပညာ ပေးပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်ရှိ ကုန်ဈေးနှုန်းကြီးမြင့်မှုမရှိစေရေး၊ ကုန်ဈေးနှုန်း တည်ငြိမ်စေရေးတို့အတွက် အခြေခံစားသောက်ကုန်ပစ္စည်းများနှင့်  အိမ်သုံးကုန်ပစ္စည်းအမျိုးမျိုး ဖြန့်ဖြူးရောင်းချ လျက်ရှိသော ဓနုဖြူမြို့နယ် မြို့မဈေး၊ စည်ပင်သာယာဈေးအတွင်း/ အပြင်နှင့် ရပ်ကွက်အတွင်း ရောင်းချနေသော လက်လီ/ လက်ကားအရောင်းဆိုင်များအား  ၇-၅-၂၀၂၅ ရက်နေ့၊ နံနက်(၁၀း၀၀)အချိန်တွင် ပူးပေါင်းအဖွဲ့ဖြင့် ကွင်းဆင်းစစ် ဆေးခဲ့ကြောင်း သိရသည်။

    ထိုသို့ကွင်းဆင်းစစ်ဆေးခဲ့ရာတွင် ဓနုဖြူမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာနတို့ ပူးပေါင်းအဖွဲ့သည် မြို့နယ်အတွင်းရှိ ဈေးများနှင့် နေ့စဉ် ရောင်းချနေမှုဈေးနှုန်းများ  ဈေးတင်ရောင်းချခြင်း ရှိ/မရှိကို စစ်ဆေးခြင်း၊   စည်ပင်သာယာမြို့မဈေးအတွင်း/ အပြင်ရှိ အခြေခံစာသောက်ကုန်များ ဈေးနှုန်းများ ဈေးမြှင့်တင်ဖြန့်ဖြူးရောင်းချမှု မရှိစေရေးအတွက် ကွင်းဆင်းစစ်ဆေး ကြပ်မတ်ဆောင် ရွက်လျက်ရှိသည်။  ဈေးနှုန်းများကို လိုအပ်သည်ထက် ဈေးနှုန်ုးပိုမိုမြှင့်တင်ရောင်းချခြင်း များမပြုလုပ်ကြ ရန်နှင့် မြေပြင်ကွင်းဆင်းစစ်ဆေးတွေ့ရှိပါက တိုင်းဒေသကြီးအစိုးရအဖွဲ့သို့တင်ပြ၍ လမ်းညွှန်မှုခံယူရမည်ဖြစ်သောကြောင်း မြို့နယ်အတွင်း လုပ်ငန်းရှင်များအနေဖြင့် ကုန်ဈေးနှုန်းကြီးမြင့်မှုမရှိစေရေး ကုန်ဈေးနှုန်းတည်ငြိမ်စေရေးတို့အတွက် မှန်ကန်စွာဝယ်ယူပြန်လည်ဖြန့်ဖြူးရောင်းချပေးကြရန် အသိပညာပေးဆွေးနွေးပြောကြားခဲ့ပြီး ဈေးကွက်စောင့်ကြည့်ကွင်း ဆင်းစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)